翡翠拉麵小籠包

营业中

休息中

夜晚黑九點幾去唔駛等位，但就覺得地方幾迫，d檯編排得好密咁，兩個人叫左一個酸辣湯麵、小籠包、雞絲粉皮、銀絲卷，小籠包d皮真係好簿、一啖入口d湯汁唧晒出來，味道都唔錯。至於d湯麵，我覺得d碗好大，但係d麵又未至於好多咁lor…整體上都ok，不過d 位就真係超迫呀！

賽膀蟹: 不知怎的覺得好吃, 印象比較深刻, 可能我吃得比較用心...朋友說只屬一般. 其實都真是很普通....混蛋黃後蛋味很強, 亦有點稀...油燜筍: 是炒熱了的, 有點驚訝, 因我只試過冷吃. 味道很好, 沒太咸太濃, 有點似"糖醋排骨d汁" 咁既甜味, 筍沒有太腍. 話雖說是油, 個人不覺很油, 當然碟底都會有一點.蟹粉小籠包: 裡頭有大量上湯, 外皮的確很薄, 誇張得在夾起時可看見裡頭上湯在搖晃的影...不過我是不懂欣賞的, 因我本來就喜歡吃外皮, 恨不得它厚一點....而餡呢.... 很鬆散, 味道比較濃(味精味?), 可喜的是真的看見有橙紅色蟹膏混著! 這蟹粉小籠包跟普通小籠包無異, 是我吃不出罷?!菜肉雲吞拉麵:皮也是很薄的, 肉亦是很鬆...味道普通.

本來想去金滿庭但好多人等,於是去呢間.之前食過尖沙咀個間.呢次叫左蘿蔔絲酥餅,芝麻豆沙燒餅,冷麵,四季豆鍋貼,北京水餃同酸辣麵.蘿蔔絲酥餅覺得王家沙好食d.芝麻豆沙燒餅同北京水餃就幾好食.芝麻豆沙燒餅好鬆化,豆沙又唔太甜.而且唔油.北京水餃既皮薄得來又滑,餡既味道都好好.至於其他野就一般。

一個人去食午餐, 叫左炸醬拉麵, 小籠包, 荷香粉蒸肉.炸醬拉麵似乎麵質好淋無質感, 炸醬似小辣既痳婆豆腐咁上下. 唔多討好, 小籠包保持水準, 不過肉質好似實左dd, 荷香粉蒸肉, 外形同珍珠雞相似, 不過裡面有一大塊肥腩肉, 同少少糯米, 怕肥既真係唔好試.服務幾好, 只係上菜耐左dd。

其實我覺得上海食店都唔錯丫～ｄ麵又夠哂大碗～仲有ｄ鍋貼裡面有肉汁ｇａ～唔信你地食下～ｄ小籠包皮簿餡靚～你地有ｄ人話因為皮簿，所以個小籠包整穿左，你地試下用ｄ荼整濕隻筷子，咁夾ｏ個陣就冇咁易穿ｇａ　ｌａ～呢度ｄ甜品唔錯ｇａ～最後想講，出面等位ｏ個個ｗａｉｔｅｒ姐姐．．個樣好鬼串．．我會繼續幫襯～！

有一段時間沒有來過，裝修後座位多了，如果沒有記錯，好像加價了，而且加了兩蚊一位茶錢，幸好食物水準依舊，小籠包的皮可說是全港最薄，另外菜肉雲吞也很好吃，雲吞皮也是很薄的，菜肉餡很香。

尖沙咀同銅鑼灣果間都不太好味...服務都差d, 如要食去太古城果間啦...不過細間d...

尋晚同媽咪,婆婆及舅父共4個人嚟食晚飯, 見到人龍依舊,等咗差唔多一個鐘先有位, 坐定定後, 發現原來呢到都有魚翅食喎, 每位$100的鮮蟹肉燴魚翅,都幾貴, 但標明足一兩, 於是乎豪少少ORDER咗兩碗4個人SHARE, 嘩!果然真材實料, 明顯見到蟹肉同埋魚翅, 而且個湯仲鮮味十足, 我個退休前是中廚的舅父話呢到個魚翅湯底好足料同埋又夠火喉, 其實都唔係貴, 出面好多海鮮酒家都未肯用咁足料!另外, 我哋仲叫咗小籠包,素菜餃,紅油抄手,担担麵, 椒鹽小黃魚...等等, 小籠包及素菜餃食遍全港九, 我覺得呢度真係最好食, 紅油抄手有D辣辣哋,酸酸地,好開胃. 担担麵未食已聞到香味,麵質保持水準. 個小黃魚婆婆就最喜歡,很香口. 後來我哋又加咗個雞火炒飯同埋叫咗個高力豆沙, 我一向對飯都無咩興趣, 但係都試咗一碗仔, !!!!!!好味喎!!!!, 好香, 好爽, D飯一粒粒,唔油膩, 除咗好味,真係唔知講咩好. 總括來說, 呢一餐我哋都非常滿意. 另外埋單時D侍應同哋講話呢間店會由明天開始裝修, 要暫停營業, 下個月10號先開"番", 好似係時代廣場成個地庫全層都要裝修, 唔怪得週圍D鋪

我親眼見到d人冇攞no.就入去企係門口幅牆旁邊同一個著黑色套裝既人講幾句,然後行入d等一陣就入去仲坐低咗喎我睇住佢地冇攞no.我都明白,旺舖有熟客都好正常既......不過咁樣就唔係咁好law!! 不知所謂!!!!

我諗冇得打尖架,不過如果你係到齊人,雖然你no.後d,但你可以先入去食(同時係要前面no.細0既人未到齊)佢派飛架,都几難打尖

相信很多都去過此店,亦知道有很多人排隊,原來有好多人打尖入去食野ga.......唔怪得等位等咁耐啦

今日下午一點,同屋企人黎呢度食,由於全部到齊,唔洗等位就有得食.我地叫0左几個菜,因為有小朋友,所以冇一樣係辣的.豆板燒桂魚$68,菜肉雲吞拉麵,排骨拉麵,上海炒年糕,賽螃蟹.總共食0左$370.個豆板燒桂魚係個waiter推介的,都几特別,條魚唔係好大條,但d肉好滑,入面放0左蠶豆同大粒蒜去煮,個汁好濃,條魚又冇乜骨,唔錯~2碗菜肉雲吞麵係叫俾小朋友食,雲吞好大粒,湯好清,都几好食.但個排骨麵就唔得,d排骨極鹹,而且好大塊,好難咬...賽螃蟹好唔得,55蚊碟,入面有好少搖柱,有d魚肉碎,冇咩味,其他係蛋白,d蛋白係炒得几滑,但真係冇咩味...有被騙0既感覺.最後就係個上海炒年糕,呢個几好食,d年糕好軟,都几入味,個醬又好香~又唔會太油,我自己几鐘意食~總的來說,我覺得佢辣0既食物係好食d,唔辣的...好似爭咁d0野.今日我覺得呢餐只屬一般.

上個星期, 我係到食, 叫生煎包時, 個女服務員好有禮貌解釋生煎包係要先ZING (steam) 好再煎, 所以要好耐, 問我介唔介意等, 我覺得態度幾好AH!不過個包就一般啦, 我鐘意鴻星個生煎包多D, 次次去都食架!

同太古城店真係差得遠。有客生煎飽等了本個小時都不來﹐反而高力豆沙都到了﹐侍應唔會主動來看看你的野來齊未。問經理Stephen Cheung,他的態度很差﹐沒有到歉﹐還辯稱即叫直造。眼見附近還有客人漏單。唔知他們的管理點解差成噤。唔會再來呢間﹐要去都會去返太古城。

其實之前都食過兩三次,覺得佢個拉面幾好食,但唔係真係十分之正果種,可能我唔食得辣啦,所以覺得食完佢個酸辣湯拉面好辛苦要飲好多水..個人比較中意食佢個雞絲粉皮;另外試過佢個炒膳糊..覺得好油啊..中意清淡食物,講究健求既人就唔好叫啦,果次我夾左兩著都無食啦,都幾後悔呢...