翡翠拉麵小籠包

营业中

休息中

今日下午3點幾去到,唔多客.一個人食唔到太多野,點了基本的小籠包,脆鱔,烤夫同豆漿.小籠包ok,唔係話好好食.肉鮮味不足.脆鱔炸得不錯,但係個鎖汁好咸,烤夫係冷盤,唔明點解要等咁耐,一咬落口,係熱既...搞錯??烤夫唔見有金針或木耳,只有一塊手指公咁大的筍片同一小塊冬菇,無誠意之作.一向對新派上海食店沒太大寄望.所以都係意料中事,但不會再幫襯,試過就是了.

雖然食品不錯,但服務真係好差,1月28日我於銅鑼灣間舖,就見到一個應該係經理之類寄女仔,對著自由行之旅客大大聲講這裡是我帶位,是由我安排,非常不禮貌,我見到自己都感到不舒服,請禮貌一點對客人,是應有之基本服務,必須改善

d 侍應個個都冇禮貌... 個個都好似食左炸藥咁... >.< 食左..上湯年糕... 好味呀~~ 因為清得黎d湯底又有味( haha~~ 都唔知點表達... =p )素菜飽... 飽皮唔掂wor~~ d 餡都ok 既....咁就$60~~~ 不過d waitress d 態度咁差.. 真係唔抵la~~~ >.<

要人齊才比位!! 最慘一食完便比張單你叫你走! 趕你走咁! 又唔加茶

平時行過見咁多咁多人排隊, 諗住實係好o野啦~ 見佢叫自己做拉麵小籠包, 點都要叫下拉麵同小籠包啦. 見佢話自己有六十幾蚊籠蟹粉小籠包咁巴閉, 就即管試下... 點知的確係第一個失望.叫了個炸醬(好似) 拉麵, 冇乜特別.最好食係個鍋貼同鎮江肴肉.但係服務就真係.....<回望隔離間M 記....... 早知...

台灣有鼎泰豐，香港有翡翠拉麵。由於經常要等位，所以一路以來都沒有去過。今天於得嘗所願，拿了號碼票，先去隔壁的麥當勞吃一點東西，等了一個小時，再去了翡翠拉麵吃飯。點了蟹粉小籠包，要$68，不是特別出色，至少跟台灣的鼎泰豐有一點距離，而普通的上海小籠包只是$20，看來下一次點後者就可以了；酸辣湯拉麵不錯，不會偏酸或者偏辣，拉麵很Ｑ；生煎包太小了；紅油抄手卻嫌不夠辣，但還可以。兩個人共吃了兩百塊，算是還好啦。

10:55am到已經排緊隊, 11:15am已經要等位! 勁!!鎮江肴肉($38) - 唔係爽口o個種, 而係幾稔o既~ ok啦~花雕醉雞($40) - 自己就覺酒味夠, 但朋友話唔夠~ 肉質唔夠滑~ 唔通夠酒味就一定唔會滑??上海小籠包$20/4隻x 2 - 皮薄餡靚又多肉汁~ 咁抵食, encore!四川擔擔麵($30) - 麵質彈牙, 味道好, 湯幾辣, 不過幾"漏"~凍豆漿($8) x 2薑汁湯丸($18) - 一碗兩粒芝麻湯丸, 幾大粒~ ok啦~埋單o岩o岩好$200~ 好抵食~講真佢地忙到咁, 唔會預佢地有咩service o架啦~ 但佢地都會自動幫你換碟收碟斟茶都算係咁~ 另外因為咩時間都咁多人, 兩個人係無可能坐到卡位o架, 仲分分鐘要搭檯o添~ 大家諒解o下啦~

擔擔麵真係彈牙爽口，湯汁香濃，再辣少少就更加好、白灼芥蘭好，可借灼得過“淋”、糖醋魚塊唔係急凍魚，啖啖魚肉口感似新鮮魚柳、酒釀圓子略甜，食唔出有酒味。差不多每台都叫的小籠包，反宜就麻麻地，其實都係不外如是，唔值排咁耐隊去食個小籠包。

這裡的小籠包真係超好味，吸肉汗一剎那個份滿足感可與台北鼎泰豐相比。但係樓面的吹命大法令人好大壓迫感。可能佢地做得愈多生意，年尾分紅愈多，每日心想著向十五個月糧邁進（亂估）。我第一次去時，女朋友個精靈仔妹已有一良方對付吹命樓面，就係分開幾次叫，每當佢地來清場時就點菜，就可以拖長品嘗時間及傾下計咁啦。

皮薄餡靚，我亞媽讚好，話好味過上海食個d。麵條都幾彈牙，唔會淋bei bei。

餃子類都好好, 不過麵類就不外如是, 好硬同意之前評語服務差, 如果要我等多過十五分鐘幫襯佢, 我情願食第d野.

佢地唔單止服務差，佢地仲諗埋D絕橋趕客走﹗話說上次同男友去食晚飯，等左好耐位先有得食，食完我地仲傾緊偈，個侍應無端端拎張單黎，我地話無叫埋單喎，佢話：『係咩？無叫埋單呀，咁唔緊要啦﹗』然後佢會扮走…咁我當時見橫豎都食完，就叫住佢，話橫豎拎左黎，埋埋佢啦﹗當我地埋完單0既同時…我地發現隔離有枱四位0既客人，遇到同一情況，佢地剛食完，個經理就拎張單埋去，0個四個客人好自然話無叫埋單，個經理又話唔緊要啦，一樣扮離開，0個時四位客人其中一個就叫住個經理，話算啦，埋埋佢啦…就係咁，佢地又成功迫多一枱客埋單喇﹗大家小心，如果去到有同樣情況，千祈唔到叫住佢地，唔好埋單住，真係坐夠先好走呀﹗費事佢地奸計得逞﹗

有天與朋友到此吃午飯，那時１２點左右，館子裹不是很多人，我其中一個朋友先到洗手間，著我們入內先坐，那知門前的侍應小姐說我們一定要齊人才可進去，我就說朋友只是到隔鄰的洗手間，很快回來了，仍不得要領，唯有呆等，心裹已經不是味兒。點了食物後，正與朋友閒聊，殊不知忽然有一名男子坐在我們當中（我與朋友共３人），我知道搭檯吃飯是無可避免的，尤其是香港寸金尺土，但侍應也應先知會我們一聲，無端端有一男子坐近，感覺真的有點怪！還不止這樣，那天我們點了一客蘆荀小籠包（名字可能有別），遲遲還不來，已經催促了多次，仍然不來，最後向一位類似經理的人投訴後，他真的拿來了，但朋友一吃之下，咦！很像普通的小籠包，沒有蘆荀做餡的？細問剛才的經理，他說原來該碟並非我們點的小籠包，我們要求換回一碟正確的，該經理卻辯稱我們已吃過了，沒得換，嘩！不吃怎知道是錯的呢！他還怪我們催促他而令他取錯給我們，而且他禮貌欠奉，也沒有道歉一聲，真的太過份了，最後他還說：「一定沒得換，一係取消它吧！」我們乾脆取消，連小費也沒給，我們還鐵定以後不會再到此消費。差差差！

海港城B zone三樓準備開新店

我男朋友聽人講話呢間既小籠包好食過鼎泰豐，於是拉左我去試，今日試左幾樣野：1)蟹粉小籠包：唔知係唔係之前睇過一個電視節目，見到人地既「涵」係黃色既，期望太高，所以今日見到冇咁黃既時候，覺得有o的失望，不過都幾有蟹味。食左呢個，冇試過小籠包，唔知係唔係真係好過鼎泰豐。2)紅油抄手：好正...個皮即使冇湯浸住都唔會乾，不過個汁略為唔夠濃，可能係我比較喜歡濃味吧。3)擔擔麵：正...同詠藜園有得比，呢度既有一點點酸味的，幾特別。4)鱔糊炒麵：呢個係咁多個菜入面最差既。首先，佢既拉麵係有粗有莠，拉得好差，普通拉麵店都比佢好。第二，味道真係......。佢唯一好係唔叫佢少油佢都少油。