翡翠拉麵小籠包

营业中

休息中

成日經過Times Square都見到好多人喺度等位。之後一直都好想試吓。足之有日等咗大半個鐘之後就有得食啦！一坐低就叫咗一籠小籠飽，真係好好味。小籠飽嘅皮好溥，但係又包到好多鮮甜嘅肉汁。之後重食咗雞絲粉皮，紅油抄手同埋湯麵。嗰個雞絲粉皮都幾油。紅油抄手就幾好味，嗰汁都唔係好辣。湯麵嘅ロ感好好，咬落好彈牙。但係佢吔Ｄwaiter收碗碟收得好快，冇時間同朋友傾吓計。總括嚟講，翡翠都幾抵食又真係好好味。雖然等咗好耐,又要人齊先可以入坐,都總萛值得。

上個月3-4點左緊經過, 見無人排隊, 所以蛇一蛇入去嘆下小籠包. 小籠包約莫有3分1係湯汁, 而且D皮都做得幾好, 肉料亦都唔係實的的, 似乎好過鼎泰豐.

等咗唔算耐(40 mins), 點了炒年糕, 小籠包, 銀絲卷, 排骨拉麵, 擔擔麵, 雞絲粉皮, 高力豆沙.雞絲粉皮好味, 加咗啲青瓜好爽, 不過好似少咗啲.小籠包保持水準, 排骨拉麵也不錯, 排骨大大舊好味.炒年糕啲年糕好軟, 但係都好油.銀絲卷好綿.最失望係食完冇耐就收曬啲嘢, 想趕人走.(成九點都仲有大把人等緊, 好犀利.

真係唔明，話曬晒都開o左咁耐喇，點解仲係咁多人o既？唔通香港人真係特別鍾意等位？！不過依家太古城店明顯少人o左，唔想o係銅鑼灣等咁耐o既可以考慮去果度。話晒都係呢度o既長期客仔，點都要post下D相同大家分享下。是日晚餐叫o左：(1) 上海小籠包4隻($20)：依然皮薄餡靚又多汁，好食過香港鼎泰豐。(2) 蔥爆牛肉($58)：京蔥好好味，D醬汁都好惹味。(3) 蒸銀絲卷($10)：冇叫叉子燒餅配蔥爆牛肉，改用銀絲卷，okay咁啦。(4) 涼拌日本青瓜($35)：青瓜爽口，唔錯，不過價錢略貴。(5) 紅油抄手6隻($26)：都幾辣，味道唔錯。(6) 竹蔗茅根水($10)：一般啦。相中就係小籠包，蔥爆牛肉，涼拌日本青瓜同紅油抄手。

聞名不如一見，真係0甘鬼死多人等位，只不過是星期日的六點(已預早0的去到)，已經有廿零個人係度等。不過可能已做了心理準備，所以都不太驚訝。等了大約三十分鐘便有位都算幾快，不過要人到晒先可以座低，奉勸各位要在差不多就call晒0的人來，否則要重頭等過。間食肆0的裝修都幾高級，但0的位都幾密，個侍應落漏晒我張單，最後等成半個鐘先有得食。價錢都幾平，每碟大約廿零蚊。擔擔麵個碗好大，味道小小辣都ok。小籠包同鍋貼好好味，肉汁鮮美。上海炒年糕足料，仲食到你好鬼飽，不過味道濃0左0的。因為太飽所以無叫甜品，有機會會到太古城再試過。

星期日七點鐘黎到times square,見未肚餓就去左翡翠攞籌然後响附近行街街,仲走左去買陶喆cd添.八點半左右有位啦,當其時出面真係好多人,場面墟'磡',益晒對面haagan-daz,因為我見好多人等到肚仔餓走左過去買雪糕食,哈~今次得兩個人黎,都唔可以叫太多野食,卒之叫左:1)擔擔麵:叫左唔夠五分鐘就上枱.上次响太古城翡翠食過令我非常回味既擔擔麵,值五粒星,點知呢度令我非常失望,完全同上次唔同,一粒星都唔值.首先麵身唔得,我覺得好似食緊响超市買到一包包嗰隻既味千拉麵,個擔擔肉醬都唔掂,一啲都唔香,最慘係碗麵唔熱,只係暖暖地,啲麵似乎係一早碌定,有客人叫就淋啲湯上去...唉,點解水準會相差咁遠?2)脆膳:唔得,炸到過晒火位,又硬又實,食落仲有少少燶味添,個汁都麻麻地,荃灣金滬庭整得好食好多3)小籠包:個餡仍然係好有水準,肉汁鮮美,個皮薄就薄啦,但總覺得好似薄得黎太'削',欠缺彈性.好似都係太古城分店整得好d4)雪菜毛豆百頁:保持水準,不過今次炒得油左少少5)高力豆沙:次次因為少人唔敢叫呢個(因為佢有四粒),今次唔理咁多叫左先. 意外地整得幾好,應該係即叫即整熱辣辣,外皮鬆化唔油膩,

可能聽得太多人讚，自己覺得好一般，絕對唔值得等1個半鐘頭（2人位，星期六下午）（仲要嘈過先有位）小籠包OK啦，拉麵唔覺特別好食喎，唯一係蘿蔔絲酥餅好熱好食！

我呢兩個星期食過呢間同金滿庭平心而論呢間既食物差d , 碟頭細d , 位比較密d , 仲有係d 職員有慣性唔望人anyway , 質素同價錢我都覺得ok小籠包皮薄湯熱, 係唔錯最好係佢地既麵質口感幾好, 一d 都唔"林" , 好過金滿座一個麵都係大概30-40蚊絕對唔算貴不過佢地又係有少少趕客既格收野收得超快(我去係閒日咋)如果有得簡我諗我會去只係貴幾蚊一個菜既金滿庭

我們一家人一進去點菜…店員說薑茶湯圓製作要大概十五分鐘，所以我們一開始便點了這道甜品…十五分鐘後…別的菜還未來到，薑茶湯圓便已經到了…優質的店員應該考慮到甜點是應該放到最後才上…其實平心而論，食物和佈置都很不錯，我們點了一客菜雲吞麵（那個碗未免大了一點點），好吃是好吃，可惜湯就比較少；還有酥炸排骨，如果鹽少一點會更好！上海炒年糕挺足料～不過薑茶湯圓＄18只有兩顆就真的貴了一點，而且辣味太重，不適合不吃辣的人～談到氣氛，就真的不太好…先是有一個小孩破喉大哭，接是店員把別檯的客人硬塞給我們（搭檯是也！），然後是隔壁的婦人投訴她的薑茶湯圓不夠熱，要退錢…不知道是否週日的關係，一家大小上街吃飯，實在令這?廳太「熱鬧」了吧！即使牆壁上的複製「清明上河圖」與二十三個陶瓷娃娃之高雅也彌補不了不配套的氣氛！這家店不算便宜，還要加一～我卻感覺不到有甚麼服務可言～我第一次到這家店，不過印象太差；以同樣的價錢我可以享受到更好的食物和服務…如果大家真的要嘗一嘗的話，起碼，千萬不要星期天去！

上星期知道佢開左業,今日去開中環都特登走落去食。因怕星期六多人,預早5:50pm就去到食晚飯。兩個人都食左好多野,我地係分左兩輪黎叫既,因為叫左第一輪先發玩下既野較細碟,最後要加碼。食左既野有以下:1.雞絲粉皮($40):味道本身唔差,落麻醬都好重手,但係就有一個好致命既缺點,就係唔凍!一d都唔凍!身為一個冷盤但係唔凍而係暖既,好唔得!而且好細碟,唔抵食。2.小籠包($20/4粒):正!真係好好味,皮好薄,裏面有好多湯汁,又夠熱,唯一美中不足就係d肉較散,感覺削了一點。但係都好好食!3.韭菜餃($18/3粒):唔夠小籠包咁好食,味道清淡左少少,肉較少,大大粒成鍋貼咁既形,皮同小籠包一樣咁薄。4.擔擔麵($38):呢個麵都無令我失望,雖然部長落漏左單,搞到我地等左40分鐘先有得食,但係佢都好有禮貌,算佢啦!湯夠濃夠辣,有濃郁花生香,唔會成碗水咁,麵質可以,去到一定要試。5.蘿蔔絲酥餅($20/3):夠熱,即叫即整,皮夠層次分明,裏面除左蘿蔔絲之外仲有d蔥係樹,夠香口,可惜味道唔夠濃,唔夠咸,可能佢唔想羅左蘿蔔既香味啦,調味落少左,淡左d。6.唔記得左個名的麵($38):類似炒什錦麵,裏面

太古城總店開業以來日日都爆埸,因為又便宜又好吃.終於在時代廣場開了分店,一定要前往試試與太古城比拼一下.新開張幾日後的星期六下午,已有人龍出現,等左大約1小時就有位.一路以來,本人認為他們最好吃的就是擔擔麵,小籠包,紅油抄手,蘿蔔絲酥餅,高力豆沙.反而小菜只是一般.新店仍保持水準(懷疑是因調了總店的師傅過來才可保持水準,唔知太古城那邊會不會從此不再好吃呢!?)