翡翠拉麵小籠包

营业中

休息中

果日專誠去食元氣, 但可惜已經打緊蛇餅, 我就排住隊先, 然後叫男友去翡翠拎飛睇下邊度快食邊度. 點知佢返黎唔洗3分鐘已經到我地, 我地就滿心歡喜去食, 因為之前睇食評好好, 我地又鍾意食小籠包, 所以好鬼死開心唔洗等位!入到間野就係惡夢既開始, 間野細到人要打側先入到個位! 仲要幾個唔識幾人一張檯! 我地打對面坐係張6人檯中間, 兩邊分別俾4個吵死既女人夾住!請到野食, 我地睇完MENU後, 發覺冇咩選擇, 都係一D好普通既上海菜, 我地最後點左:1. 小籠包- 皮係好薄, 薄到一夾就穿晒! 4隻穿左3隻! 2. 炒四季豆- 簡直不知所謂! 一放低我已經黑晒面, 因為果D豆好明顯係炒到黑晒, 仲要好似炸到乾晒水咁! 試左一條之後, 我決定要退俾佢地, 換第2樣菜, 點知個經理仲要鬼咁多野講, 好唔願意換! 3. 清炒津白- 係換番黎既, 普通到冇野講, 得個咸字!4. 水餃拉麵- 落單時個WAITER 賴PROFESSIONAL咁問我要唔要剪D麵, 我答要, 最後上檯當然係冇啦! 由於碟菜已經令我黑面, 隔離條8婆又BEAR住晒, 決定發脾氣, 自己用筷子夾斷佢! 點

I will never ever go to this restaurant anymore. The food were cold, oily and strong taste. Don't go! i think eating instant noodle is better than them...Note: I gave them 2 chances... second time was much worser than the first time.

上年幫襯既時候都仲叫ok家陣再去真係好廢叫小籠包，可以隻隻都甩底漏水。清炒蝦仁又細隻又無味炒年糕就炒到得番豉油味。真係好搵笨間野又手肘撞手肘，根本唔值得幫襯

呢間餐廳的食物質素簡直差到不得了,都唔明點解仲有人會排隊等位, 我發誓以後都唔會再去,當日我們叫左以下4樣野,1. 担担麵-- 唔明點解d湯咁酸, 仲以為d湯變壞左2. 脆鱔-- 仲以為係一碌碌小鱔球, 點知完全無鱔肉, 只係用左鱔皮炸, 仲要係條條似手指尾咁細 無肉食, 不知所謂3. 炒年糕-- 雖然話用豉油炒, 但完全無味, 成碟年糕 只係合格4. 小籠包-- 總算合格, 但以這個價錢來說, 周圍都食 到啦!仲要叫$4茶錢, 真的不化算!!

尋日因為好夜既關係, 所以去到唔駛等位就有得入, 叫左幾樣野:酸辣湯: 好\"杰\", 無乜湯小籠包:皮夠簿,味道都幾好上海炒年糕:味道都唔錯, 但唔夠\"煙un\"鱔糊炒拉麵: 好多油, 有d咸生煎包: 個皮脆, 裡面軟, 都幾好~

前陣子幫襯過幾次．．．食物味道不是太突出罷了．．．所以不明白為什麼總有一堆人在門外輪候。難怪侍應常以「唔休做」的態度去待客．．．討厭！！！！！ｄａｒｍｄａｒｍ麵ｏｋａｙ，香＋惹味，不過略嫌細碗．．．朋友很欣賞那個什麼清湯雞麵（？），從賣相看來的確是不錯的．．．不過每次幫襯都有氣受，不去也罷．．．

whether it's dinner or supper or snack time in the afternoon, if i happen to pass by here i'll be certainly be allured to go in by its scrumptious xiao long bao's (xlb) i've had too many xlb's at other places with soup that is too salty to be edible or meat that is too fatty to be called meat instead of fat. jade's xlb has the soup done just right! jade is just about the only place in hk where i'd go for xlb's! to not break the xlb skin, my friend has taught me to pick it up with the chopsticks

呢度啲拉麵真係好正，可能係即整新鮮既關係，而且又唔係太貴，每人四五十蚊就可以，但係要等咁耐先有無位又真係唔係咁化算，而且佢地見你食完都拿拿淋收野趕你走，所以都係等平時無乜人既時間去好啲。

唔全唔掂~今日6點去到唔使等~但d位好迫~冇乜特別款式~叫o左2碗拉麵~朋友o個碗過一陣上o左~但我o個碗等到我朋友差唔多食完都未o黎~2 個人要分別望住對方食野~無奈~~d麵係ok~但超快就"lum"~唔太得...幸好個湯ok~最差o既係service~叫加茶冇人就好慢~但我一食完有人收晒d野~連檯面張紙都收埋~明顯係趕人走~跟住邊d待應係度問其他人我張檯d野上晒未...即係又係想趕人走啦~無啦啦拎張單埋o黎叫我埋單~我嬲到一杯水大力放落檯...之後我一蚊tips都冇俾~拎番晒d散紙走~我仲問佢~點解呢度自動埋單~我冇叫過埋單喎~個人o係度話咩可能攪錯...我都費事理佢走人...食完一肚氣~再好食都冇用~況且唔係真係咁好食~以後一定一定唔會再去~

因為住太古, 所以自第一間分店在太古城開jor以lei都一直有幫襯佢. 初初驚為天人, 未食過d咁好食的拉麵! >.<" 蘿蔔絲酥餅, 高力豆沙, 素菜餃同埋賽螃蟹都係必食推介!!但係等位要好耐, 唔齊人唔入得, 一個人拎兩個人位都唔得... 所以約人有d煩...兼且唔知點解而家d野食質素差jor... 仲幾明顯... 但係overall都叫做好食同埋未食過就絕對值得試, 係食上海菜的不二之選=)

我同朋友第一次黎依度食飯，一心諗住睇到Opening Rice食評唔錯既心態一試，都算無黎錯。我地住係對住個水吧既位置，見到個嬸嬸佢帶住個口罩，比我感覺佢地好乾淨，口水唔會亂咁飛。^^我地叫左以下食物：小籠包- 肉質唔錯，唔會太多肥肉。xx油爆蝦（唔係好記得咩名）- 好好味，感覺唔會好油，連蝦殼食都ok，岩我依D懶用手食野既人^^。火腿雙方（侍應小姐介紹）：幾特別，不妨一試。辣醬拉麵- 一心諗住會好辣，所以先試少少，但出奇地唔係咁辣，都算唔錯，裡面材料全都係內臟，如豬肚、腎…服務員好勤快，好似經過訓練咁，佢地一見我地無茶就馬上會幫我地加茶。亦十分禮貌。唯一美中不足既就係，成晚聽到個收銀小銀大大聲講野，中間仲夾雜埋D粗口，攪到有D似坐係大排檔感覺！>.< 希望下次黎果陣可以有所改善啦！

已經不是第一次幫襯了，它的小籠包至今仍然保持水準，皮薄多汁是它的特色，但今次要讚的不是小籠包，而是伙計們的服務態度！當我們一步進店內時，侍應原本示意我們坐上其中一張四人的卡位，但她很快就改變主意，帶我們到另外一張靠近右面牆的卡位，說因為那邊的冷氣溫度較為適中，令我感覺她真的很細心．此外，當我們share吃一碗中華冷麵時，因為麵條很長，我們需要用湯匙努力不懈地將麵條肢解(割斷)，一位熱心又聰明的侍應，未待我們開口要求，就己經機警地伸出一把鋒利的剪刀，將那糾纏不清的麵條肢解成碎段．伙計們又很主動地詢問我們的菜到齊沒有，還很殷勤地頻頻斟茶遞水，服務細心又周到，所以各位喜歡食滬菜的食友們，有機會一定要來試試，未敢說十全十美，但肯定不會令你失望！

首先嗌左個雞絲粉皮，我覺得好食既都係因為d花生醬啦。不過我覺得杰左d，所以有d漏。然後係小籠包，個皮真係好薄，要好小心先唔會穿。素菜包，個包做得好靚，好軟熟，爸要黎多round嗌多籠添菜肉雲吞拉麵，雲吞皮一樣係好薄又好滑，個餡幾好食，唔會好肥，不過菜唔多。拉麵就普通啦，唔夠淋。籮白絲蘇餅、芝麻紅豆餅，兩樣都係比較漏既野，但佢地做得好好呀，唔會好油，而且一ｄ漏既感覺都冇。最後一個甜品係芝麻軟餅，我唔係好鍾意佢個質感，麻麻地。佢地樣樣野既皮都做得好好，所以唔會食兩樣就飽左，好好。之前ｄ人話佢服務唔好，初初都驚驚地，佢地收碟真係收得好快，完全唔知佢地幾時收左囉。但服務都唔錯，最搞笑係差唔多走時因為媽杯茶太熱倒左一半去爸到，俾個侍應見到拿拿聲去拎茶，爸話唔駛喇，佢用教訓既態度講「出黎食野咁架咩，出黎享受架嘛」但我地相信佢係冇惡意既。

食左雞絲粉皮,上海炒年糕,擔擔麵,木須肉炒麵,蘿蔔絲酥餅,小籠包,雲吞,鎮江肉,糖醋魚,豆沙鍋餅.人人都話呢間野好好食,尤其係小籠包,又成日排晒長龍,overall都係好味,但係我就覺得好普通,同去開ge分別唔大.餐牌都係以麵為主,其他好少野揀,不過我唔多好小籠包,我淨係鍾意食塊皮,d肉好滯,所以扣左分.d人態度唔好,oh nonono...

尋日早左放工,6:45pm兩公婆到翡翠walk-in,竟然唔駛等位.係而家d人放工遲左定係競爭大左(隔籬又元氣又和民).叫左小籠包,紅油抄手,酸辣麵,油炆筍,清炒津白.小籠包味道依然好,只係四個之中有兩個一爽就穿左.紅油抄手味道更好,好過上次沙田店食.酸辣麵都好食,不過好似以前係辣D更正.油炆筍食到停唔到口,最正呢樣.清炒津白,呢個就普普通通.阿姐落order時問怕唔怕蔥呢樣果樣夠細心.加茶亦好主動.埋單$18X,價錢合理.