翡翠拉麵小籠包

营业中

休息中

昨晚和男友去o左<翡翠>，因為我o地都唔太餓，只叫了紅抽抄手同小籠包，真係好好味!!!紅抽抄手有6隻，皮薄入面D料又多又大隻，D汁好好味，小籠包4隻都係大大隻，最正係每個小籠包入面都包住成袋汁!!2樣加埋都只是$59蚊，勁抵!!

12月23日(六) lunch一向對中菜都冇咩興趣，但同屋企人就唔食中式唔得喇。唔駛講呢度一定多人，要人齊先入得，好在人齊後都好快俾到檯我地。叫左八樣野，sorted by 好味指數：1) 五香牛肉拉麵- 牛肉好香，令到ｄ麵同湯都有少少牛肉味，肉又唔韌，麵o既味道同口感都唔錯。2) 蟹粉小籠包- 一啖食真係好正, 因為ｄ湯即刻唧晒出黎，但就係因為咁我就入錯格'濁'親（所以尤其長者要小心）。3) 素菜蒸包- 想食ｄ唔煎o既包，清得黎又有雜菜o既味，唔錯。4) 炒年糕(雪菜火腿) - 咸咸地，咬感唔錯，唔會好乾。配佢ｄ新鮮雪菜都幾襯。5) 蝦仁蛋炒飯- 幾多蝦（唔會好細，仲ok爽），又多碎蛋。6,7) 北京餃子& 水餃麵- 豬肉o既餃我就一直唔係太好，但個皮好滑。8) 排骨拉麵- 個炸排骨好硬，而且有'豬味'，唔建議叫呢個…見到好多人都叫咕嚕肉，下次如果黎都想試！上菜都頗慢，可能係慢工出細貨啦，仲有係個waiter不停收menu，我地想陣間再叫過佢聲都唔聲就咁收左。service非常之麻麻。5個大人一個小朋友加茶錢合共$370，叫左咁多野，比想像中平。

星期日訓醒就同媽咪去了翡翠，要了我一向喜歡的清焞雞湯拉麵，其實我志在飲碗湯，認為焞湯有好多精華係裹面。啲湯好鮮甜，雞亦很嫩，攪到媽咪話明天煲比我飲。

今日去翡翠拉麵小籠包(Cauesway Bay個間), 服務態度很差，我唔會叫d人去呢間野食。今日兩個人去呢間野食tea, 手挽好多袋shopping 戰利品。明明有位, 出面又冇人等位, 都唔俾我坐卡位。食一陣啫, 唔係怕霸住佢個位霸到佢收工呀!!! 佢俾我既回答係"公司規定卡位只可以俾三至四人坐!" 但係當時我見到起碼人二至四張枱都係坐緊兩個人。我同佢理論，佢再回應我"呢d係較早之前入來食，所以可以咁坐!"...佢地d 侍應好無理，服務態度很差。我唔明咩叫早d入來有卡位坐，當時有卡位, 外面又冇人等，我又要拿著兩大袋野，都唔俾個客人坐。你叫我點食野呀....間野不知所謂.....

睇完戲都成十點, 好在呢處last order係十點四. 叫了盅雞湯...很補身. 當然唔少得小籠包. 是普通那一款, 都好好食. 另外試了個蟹粉拉麵. 好好食. 湯是分開一個碗仔的, 我倒晒d湯落去. 但好快吸乾了. 叫侍應再給一碗湯..他說不應倒湯落去吃的..是用來飲的..真的不知道..不過真係好好味.

不知何年何月,友人來一個翡翠局,十多人,包起一間房,其實只是在一塊屏風下,與其他食客劃清界線,自成一角.最低消費?當然有,年代久遠,已經忘記.雖然此店主打小籠包,總沒有理由十多人,只吃小籠包.頭盤三味,醉雞,糖醋骨,脆鱔.食味一般.醉雞不甚入味,脆鱔保持質感,看來非擱置很久的貨色.糖醋骨,只記得好"黐".一人前的清雞湯,油光滿面,如無用洗面的麻甩,味道無甚雞味,史雲生也比它更好.上海雲吞麵,兩者分開上,上海麵一向乏善足陳.點煮也很難煮出個味來.再來個紅油炒手,有人想吃點辣,所以才叫.主角小籠包,一貫水準,外皮厚度適中,不易穿底,餡料鮮,有湯汁,入口爆汁.小籠包,應該如此.坐在隔離的友人,吃罷突然低下頭,流起男兒淚.原因是好吃到感動.這夜之後,"哭泣的食神"綽號,不逕而走.來到翡翠,叫隻八寶鴨,十多人分,會幾開心,味道當然不及蓮香.但一大班人柴娃娃,一起去拆骨,感覺還不錯.翡翠另一到主力,蘿蔔絲酥餅,外層酥皮並不過厚,咬下酥脆,內裏的蘿蔔絲很鮮甜.都算沒有失望.雖然已包起間房,店方為做多輪生意,上菜如飛箭時速,務求大家吃完早點埋單離開.單在這一點,已經在服務方面,減些分數.門口人龍不絕,

想去這裏可能都超過20次以上了, 今次門口不見人龍, 終於有幸一試當然要點一個担担麵及小籠包, 担担麵的麵質不錯,十分彈牙又有咬口, 不過担担汁没有花生醬味, 而且辣味不足咸味過重, 肉碎太少, 如果以$30的價錢來說,真不太扯.....小籠包的皮做得不錯, 皮薄饀都算OK, 這才可作為招牌貨.....不過坐的環境真的迫得很, 而且又太嘈, 即使食物有多好吃, 都會因而有所影響.....SERVICE也是很差, 叫都無人理的, 很過份.....

早兩日同老公食晏佢話呢間野d雞湯拉麵幾好食，咪去試吓囉，但係我隻右眼已經唔多妥。去到唔洗等位，係咪咁好彩呀，銅鑼灣一點食晏會唔洗等？！我地兩人叫左雞湯拉麵、小籠包、生煎包同津白。我自問都算係一個食家，出品無番咁上下我都唔會比個pass。以我個人意見，上海菜呢度嘅水準只係好普通。不過我反而想品評吓D服務。真係得3個字：差‧差‧差！差：入到去坐低左先知原來係自助餐，D伙係度傾計都無人落單，我都唔係要求你主動黎介紹吓添啦；我地隔離張講國話客就緊係更加無人serve 啦，慘，比人呃左入去差差：我杯茶已經飲到最後一滴，叫左人但係都無人理(重點係o個時成個場係唔滿嘅)差差差：我食緊拉麵時，有個女侍應(好似新丁)捧住5籠小籠包想行過我身邊條巷，但係就有個侍應係條巷度同另一個客o係落緊單。呢個新丁真係藝高人膽大，以佢碩大嘅身軀連同佢o個5籠小籠包強行要過，結果佢o個5籠小籠包同我塊面只有1 mm 距離，另一個講法可以話佢用5籠小籠包車過黎，身為當事人我覺得冇分別。其實佢大可以得多部路重有，一碟奶油津白收人成$50蚊敢膽比得個少少，唔係廚房打斧頭咁得人驚呀，好心啦！結果埋單成$160，但係就食到一肚氣，

恕我偏見，食勻全世界的小籠飽始終覺得呢度最好食，皮薄餡靚，個湯真係鮮甜到冇人有，每次想食小籠飽都一定o黎呢到已別無他選。其他食品都是中上水準，記得有次食他們的豬脷，好好味，切得好薄，但不知為甚麼只出過好短的時間好快便冇了。

兩個人食野，又想食小籠包，甘就等了幾個字我地叫左上海排骨拉麵、小籠包、菜肉雲吞拉麵、炸銀絲卷拉麵和小籠包都保持水準，Ｄ拉麵好爽、湯底好清，我鐘意而Ｄ小籠包汁多皮薄，不錯但炸銀絲卷真係好差，我想要念奶都話無而且環境好逼，坐得好不舒服。

同女朋友去食lunch．．．我地叫o左上海排骨拉麵、小籠包、窩貼同埋蔥油餅．．．先講講上海排骨拉麵，麵o既口感不錯，唔會好"林"，而排骨o既味道亦相當不錯，而且唔會太油膩．．．小籠包就係每次都會點o既菜，小籠包o既肉汁好好味，而窩貼都不錯，蔥油餅整得十分鬆脆．．．不過環境就比較迫，坐得唔係太舒服ba~今次食o左約$120，算係抵食的說~

去呢間野食,d 野食真係ok, 不過之前去沙田果間都有不愉快經歷,今次去銅鑼灣既,都係service有問題。我同朋友晚上10點20分到, 2人叫左小籠飽,酸辣湯拉面,蔥油餅,雷沙湯圓,雞絲粉x, 同埋飲品。但係d waiter + waitress 趕收工,見佢地個營業時間由唔知幾點至晚上11點。原來真係11點前d 職員已經等打卡同拎晒袋等放工。我地一坐低野都未-黎又要先找錢...你一食完一碟又即收。攪到成餐好冇癮, 又食得好急tim。tsim sha tsui果間都係咁架原來,如果唔係因為食物好味, 一定唔再-黎

we ordered the followingrunken pork knuckles - i didn't like itxiao long pao - the most delicious i've ever tastedi forgot the others, but overall, i had a nice experience with this restaurant. will definitely go back to this place on my next HK visit.

今日和朋友來食午飯..叫左個擔擔麵..小辣..幾好味啊..有d花生醬味道..仲有小籠包..也是不俗的....皮薄好味道..價錢唔算太貴..

之前都成日去, 因為食物來講都算ok, 不過服務就極有問題!!!! 地方已經淺窄, 人又多, d侍應拎住d不鎸鋼水壺車來車去完全唔會顧食客生死! 上個星期朋友日本返來去食, 我放左個手袋o係膝頭, 第一次斟茶佢冇拎起隻杯, 由我頭頂淩空倒水表現, 未倒完水已經倒左有半杯水落我度, 好彩倒中我個手袋, 唔係我大腿就會比佢d熱水錄傷。被倒水後個侍應仲要好似冇事發生咁走左去, 直至我叫停佢話有冇搞錯佢先斯斯然拎紙巾比我抹。然後仲過份, 第2次倒茶冇倒瀉, 但就成個不鎸鋼水壺車左落我左邊手臂5秒有多, 仲要又係我叫痛佢先知整親我! 整親之後就咁一句sorry走左去完全冇表示。當時我隻手臂紅哂, 於是搵經理來理論, 除左say sorry之外佢地完全當冇事發生, 我當時已經唔識反應, 我朋友見到我太痛叫佢地拎冰袋佢地先至又斯斯然拎比我。而最後埋單的二百幾蚊佢地仲照收。講真, o係market來講佢地唔算好平, 比錢去食野仲要比人用水壺錄到起水泡, 之後一句sorry就算, 我覺得極過份!!!!以後都唔會去食