翡翠拉麵小籠包

营业中

休息中

自從約1年幾前幫襯過九龍灣翡翠,被他們的差勁服務嚇怕後,已經有好一段時間無去任何一間翡翠,老實講,上海菜,坊間有太多選擇,今次係因為小女子傷風,想食完早點回家,唯有選一間地點方便的中菜,6點半到,門口的小姐俾我未人齊都可以入:2位小姐叫:-小籠包,湯汁算多,但味道一般-雪菜肉絲拉麵$35-湯底都有味,麵條唔會太淋-白灼芥蘭$34-份量算多,芥蘭亦鮮甜,好!-八仙腐皮卷$45,炸過的腐皮卷住素菜,我鐘意點醋食,好味!-另外叫了2個外賣孝敬,好姊妹的媽媽,-豆沙鍋餅和無錫蟹殼燒餅,圖片好似幾得,下次問下佢好唔好食!結賬$230!服務比九龍灣好得多,起碼,唔會一放低筷子,便衝來收晒你檯面的東西!可能係CWB區,遊客多啩!侍應經常主動添茶,食物水準都唔錯!

同bf尼呢度dinner星期日真係好多人不過我地等左10mins倒就有位叫左小籠包上海粗炒菜肉雲吞肉絲上海麵甜品係高力豆沙小籠包幾好味不過個皮我又唔覺得好薄湯真係幾夠,唔錯雲吞唔錯,一定一定要熱食先最好味上海麵不過不失我地2個覺得最唔好既地方就係好多餸都落太多麻油可能廚師想d餸香d...但略微落得太重手了高力豆沙幾好味,唔會太甜暖食一流^^整體都唔錯嫁!只係麻油太多,同埋坐位太迫有待改善!

都有一段時間無到這店了. 剛巧哥哥0係英國回來, 他總喜歡到這店. 等了幾分鐘就有位, 真好呢. 我們叫了酸辣湯, 涼拌海折, 鎮江肴肉, 賽旁蟹, 清炒豆苗, 炸醬拉面, 招牌小籠包. 最好的依然係小籠包, 真的在香港其他店食不到比這好味的. 皮夠簿, 裡面的湯又好味. 其他的都不錯, 只是肴肉的肉質太"林".

見天氣冇咁熱﹐所以就放棄係隔離食生野而來呢度食d暖野。叫左排骨拉麵﹐煎鍋貼&湯年糕。鍋貼同年糕都過得去﹐鍋貼煎得剛剛好﹐個底唔會“火農”同黑底。排骨亦炸得剛好﹐內裡有汁﹐外面亦脆。但係d拉麵就硬左d﹐好似煮得未夠時間。麵本身亦唔係多﹐但係佢地用d超大碗來“載”令食客有個錯覺好似好大碗咁。環境比較嘈﹐座椅係硬木板凳﹐令客人座得唔舒服﹐再加埋佢地以九秒九幫你收佢地應為你好似食完既野﹐信息好明確, 就係唔該你地食完就快d埋單走人。

其實已經食過好多次嘞，俾我既感覺其實都唔錯，保持到一貫水準。今次點咗雞絲粉皮($42)、上海炒年糕($52)及蒸素菜包($22)，雞絲粉皮真係好一般，雞絲好少，麻醬亦無乜特別。上海炒年糕同蒸素菜包都OK，炒年糕醬汁甜甜哋，幾好味，素菜包剛剛蒸起，新鮮熱辣。而家翡翠少咗人排隊，唔使次次都要等半個鐘以上先有得食。

去左兩次,每次入去都覺得好香~不過係細左少少~不得不食ge招牌小食---小籠包~超級好食~唔太油~皮亦唔易穿~值得一食再食炒年糕~好好味唔太咸~配埋津白,天衣無縫炸醬麵,與別不同我唔食得辣,但係覺得d辣味係帶甜味,我都識得過正正正會再去~~

我100分同意老太太嘅意見. 間嘢地方唔算細, 但係D枱擺得密質質. 隔離食緊乜, 傾緊乜都聽到. 幾唔方便. D伙記又恃住間嘢有名氣, 唔憂做. 對客嘅態度好似對賊! 咁! 一D 尊重都無. D 嘢又唔係平, 總之一句--- 簡直不知所謂!!!!!!

2007年10月14日，翡翠拉麵。以前來過一次，印象中沒有太好也沒有太壞。今天趕時間，和另一半匆匆的叫了：擔擔麵：麵質可以，湯底味道一半，有點點酸味，有點奇怪。鮮肉鍋貼：鍋貼底很脆，皮做得較薄，餡料味道可以，但不夠熱。小籠包：小籠包本身沒有什麼問題，皮薄餡料新鮮，但這裏的醋不好吃，這就有問題了。。。我聽到侍應問其他人剪不剪麵，但沒有問我們卻替我們剪了，服務沒標準，扣分。

我和朋友到時代翡翠吃晚飯. 叫了食物和羊肉拉麵. 拉麵吃了一口, 發現是牛肉便和服務員說不是羊肉可否轉換. 他說再來的也是這樣是否換. 但說的時候像是我們無理和食不出是羊是我們的錯. 後來到收錢時他張單放在兩檯面上又不出聲. 服務真是太差!! 沒有禮貌!!1我一定不會再來!!!!!!

我們一行六人已經要人齊才可入座.坐下睇餐牌點食物,朋友見餐牌上有號碼在旁便抄錄下來用來點菜之用,怎知到我們點菜時,我問待應可否用號碼來點菜? 她當時的態度真係差,一句話唔得踻就將一雙拿筆及紙的手放低在腰部.而當時我們已把menu還回給她,待應根本沒有意思再拿menu給我們再睇已選好菜餚的名稱,我唯有用我的記憶來點菜.講了一味什麼鱔糊炒拉面,我只記得是鱔糊唔記得炒什麼??? 我便問是不是炒粗面?? 她竟然答:「我們沒有鱔糊炒粗面的.」跟住便不作聲了.哼!你在這裡打工的,我記錯了食物的名稱,你是否需要同我講應該是什麼呢?竟然要我再問她才答.點完了菜,菜亦分別上,又是她,好把雪菜炒年糕不作聲的放在一旁,仲要係上的邊位.就係咁我就覺得這位員工服務一流......差勁!!!!而食物方面我自己就認為一般.下次我一定不會再選這間餐廳的.

本人梁先生，於2007年10月06日晚上7時09分，在灣仔大有廣場三樓310店翡翠拉麵小籠包與三名朋友用晚膳，在用膳其間非常滿意，因為環境，清潔，美食，都能使本人非常滿意，但忽然有一件事情發生了，便是本人叫了一個小菜，(叉子燒餅)即想把另一小菜(宮保雞丁)放入(叉子燒餅)一同共用，但等了半小時，所有小菜也到齊，連小菜(宮保雞丁)也到了，但那小菜(叉子燒餅)遲遲未出，所以本人和朋友一邊食小菜一邊等那小菜(叉子燒餅)到，但由於那(叉子燒餅)遲遲未出，所以大家也連(宮保雞丁)也食光光，此時我和朋友追問貴公司的(主任Tommy先生，他講也很快會到，結果也是要等多15分鐘，本來也不是一個問題，因為貴公司的環境，清潔，美食，都能使本人非常滿意，所以我和朋友決定等那(叉子燒餅)出，還叫多一個小菜榨菜肉末來與叉子燒餅一同共用，好了這兩個小菜送到來，大家也說非常美味，很好食，忽然間，有一名貴公司的女員工很過來我們的16號上說，(點解我地叫叉子燒餅不與榨菜肉末一同叫，攪到現在比上司罵了一頓)此時本人和朋友已非常生氣了。第一，本人當初是想用(宮保雞丁)放入(叉子燒餅)一同共用的。第二，本人覺得用什麼方法食小

繼續下一個段落, 先寫個短的.文迪過了海, 就一齊吃個午餐. 當然有唔少人, 係坐得相當迫, 不太舒服.要了五樣, 但豆沙包賣清(未夠一點就賣清?), 只吃了四樣.雞絲粉皮$42: 8分, 相當開胃, 適量的花生醬撈上粉皮, 簡單但美味.菜肉雲吞湯拉麵$40: 8分, 拉麵係這裡的招牌, 也叫做相當不錯, 麵條幾彈牙, 菜肉雲吞也幾好, 係個湯底只係一般.上海小籠包$25: 7分, 墊了生菜也穿了, 不過總算係皮夠薄, 豬肉也幾靚.蒸銀絲卷$12: 5分, 不是銀絲卷, 只是饅頭, 包就幾鬆化的.進食途中係有人高聲吵架, 係兩個翡翠的員工, 聲浪令人側目. 食物味道就不俗, 不過相比下係喜歡樓下多一點.

一間食店點好食點低食到一肚氣出面門口的服務員點面神一個等位等45分..已到齊..只是剛叫時去了洗手間..立即飛不準入......回應態度非常差..今時今日的服務態度非常劣........影響公司聲譽要好好陪訓員工的服務態度.客人才會食得開心記住齊人才可以入座..如果有朋友要去洗手間或常遲到.就選其他地方..以免因入座破壞整個飯局

點好食點低都沒有用食到一肚氣

今日下午去銅鑼灣翡翠食,去到時已經三點幾, 所以唔駛點等位. 兩個人叫左個小籠包, 鱔糊炒麵, 蘿蔔絲酥餅, 齋卷. 小籠包: 保持一貫水準, 味道唔錯.鱔糊炒麵: 都幾好味, 但比較油.似乎依間分店d炒野比較油.蘿蔔絲酥餅: 新嘗試, 都幾好味, 唔會太油, 幾鬆脆.齋卷: 味道比較普通.服務就麻麻地啦, 唔知係咪銅鑼灣店既通病.想睇相可以去我個blog.http://klcchung.blogspot.com/2007/09/blog-post.html