翡翠拉麵小籠包

营业中

休息中

酸辣湯麫$40-----平時食親通常都唔辣,但哩間就食到有d辣味 鯊骨湯珍菌拉麵$40------清清地但個湯唔會好淡镇江排骨$48-------哩個骨做得幾好,但可惜真係太甜脆鱔$45-----貪佢有創意所以叫咗試下,其實似炸鱔皮多d,外皮脆脆地甜甜地 翡翠三宝蔬$48------清淡之選,個賣相都幾好,但我食咗兩片旺菜都有少少生味 高力豆沙$32-------皮太薄而餡唔好,所以食唔到彈牙的感覺,而由於紅豆沙餡所以食落口,好唔豐富

排骨湯麵 係我咁大個人第一口吃0既上海食品 每次我都要食佢個麵還好, 頗滑, 不過個豬扒被鬆肉粉醃到太過火....外行人吃就可能覺得好好味我自己就不欣賞....因有一點失真雪菜咸肉炒年糕.....一上枱...細碟到呀........都算了 吃一口, 咸肉乾而無味, 年糕只有淡淡的咸味, 還有"刀功精細的雪菜"實在 有點失望....小籠包 算是合格 其實也不算得上十分好因為吃得出, 小籠包中的肉汁 是"外加"的 即以肉湯打上魚膠粉放入小籠包中非小籠包的肉自己所出來的肉汁 所以咬下去肉汁是有的可是包中的肉卻沒有肉味 不過這個做法 很多地方都是這樣子的了 見怪不怪.....原本無意吃這一個 看到間離枱個女人吃了一口後大叫好吃好奇下都叫了一客....發覺再度失望.....皮 的確煎得脆口, 但這是應該的...煎的食物會不脆的嗎??我反而覺得皮厚了一點......肉汁很多, 也是"外加"方法 都說過了 是見怪不怪早知道這樣 我就不會再叫一客了......不過 話要說真話, 這一間店子 已經比上海婆婆好上了一倍整體來說 OK 吧~~

與友人逛到有點餓, 而我又想食小籠包就來這間一試~因為之前在九龍灣吃過, 超劣的!!!下午茶嘛~ 只點了三樣~豆沙鍋餅 - 正!香脆春卷 - 真的非常香脆!小籠包 - 皮厚得恐怖! 頂端的不用說, 但連底的也厚的挾不破~(因本人用筷子的技術什差, 所以每次吃小籠包也必破) 咬下去... 滿口粉皮, 是太厚所有蒸得不夠「透」吧!?有待下次到另一分店再試~

呢度d食物樣樣都有水準, 又坐得舒服, 為一缼點係要花時間等位, 一係就早d去(6:00前), 去到就有位!!四川口水雞 ~ 雞好嫩入晒味, 少少辣, 最好係雞一d 都唔肥!!花雕醉豬手 ~ 凍食, 豬手爽口, 食到好香酒味, 無肥膩既感覺!! 上海小籠包 ~ 皮很薄餡又靚, 肉汁多,有水準之作, 不愧為鎮店之寶!!鮮肉鍋貼 ~ 鍋貼底很脆, 皮唔會太厚, 餡料好juicy, 上咗枱熱到要等一陣先食到!! 椒鹽小黃魚 ~ 呢個係超正, 毎次都要order, 炸得香口之如, 一d都唔覺得油, 魚亦好滑!! 四川酸辣湯 ~ 非常足料, 酸辣味啱啱好, 味道亦相當不俗!! 四川擔擔麵 ~ 麻醬味香濃湯底好惹味, 叫咗加辣, 好正!!水煮牛肉拉麵 ~ 想要幾辣可以自己選擇, 食得"水煮"一定要夠辣先好食,牛肉幾嫩滑, 味道唔錯!!

對上一次來翡翠應該是新年的時候吧，那時晚飯時間很多人，要排上半句鐘才有位。現在則是即到即坐，不需輪隊。一直對翡翠的拉麵情有所鍾，自己覺得此店的拉麵比樓上的上海婆婆佳。上海婆婆的拉麵水準不一致，很多時拉麵都是黏在一起的，而且煮不夠時間，硬硬的。相反翡翠的拉麵永遠條條分明，口感也比上海婆婆好。每次來翡翠都會點鯊魚骨海解拉麵。鯊魚骨湯很鮮味，用來附拉麵實在一流！不是誇大，一個人來一個海鮮拉麵已夠飽了（對於胃納小的人來說），事因裡面的材料很多，有魚柳、蝦仁、海參。感覺很健康，但價錢也是眾多拉麵中最貴的。另外要了一個鹽水鴨，鴨盛在碟上，一看就知道是從雪櫃拿出來，因為鴨件是一個用碗反出來的形狀。鴨件份量多，但肉不夠滑，味道不太鹹，剛剛好。雪菜毛豆百葉，份量足夠兩個人，沒有什麼特別。埋單每人八十元，坐得舒服，食物也不錯，水準保持，難得的食店！屯門需要你！

青瓜卷: 賣相同汁既味道都好好，白肉包住D脆青瓜和紅蘿蔔，加埋醬汁一齊食，又脆又辣辣地~小籠包: 味道好又多汁，但小籠包頂既皮厚左少少。水煮牛肉拉麵: 因為自己可以食得好辣，成碗紅卜卜，以為會超級辣，但辣味唔太重，對我嚟講小兒科，拉麵夠彈牙，牛肉唔係普通肥牛嚟架，係鮮牛肉片又夠大塊和夠淋，GOOD~~好似係雞絲燴米粉: 湯汁濃郁。

晚上九點去，無需排隊就可以入內，花雕醉雞…未吃已經聞到酒香，每一口雞肉都帶了酒味。脆膳…味道不突出，但夠脆，好似吃薯片咁。回鍋肉炒豬配薄皮…帶少辣，肉夠「林」，薄皮唔夠薄，我，反而似厚皮，小籠包…有四粒，湯汁滿瀉，但皮好易穿，小心吃。甜品連藕…原來係熱食，估唔到，有四塊，味道好。

AUG 13, 2009 (THUR) LUNCH 四川擔擔麵 $32、水煮牛肉麵 $38小籠包 (1籠4隻) $32高力豆沙 (1碟4個) $26茶介 (每位) $3 如果叫一杯飲品可免收一位茶錢另加一服務費 有日行吓行吓先發覺呢度原來開咗間分店，見弟弟未食過，就同佢嚟試吓啦！四川擔擔麵 ~ 完全唔覺得有咩材料，好似有唔夠十粒肉碎咁啦！湯底係好杰嘅麻醬且好香，連麵一起吃蠻不錯！水煮牛肉麵 ~ 真係香辣味非常噗鼻，D辣味好勁，仲好野味添，但比四川嗰D還差好遠，可能要迎合返我哋香港人啦！因為唔係人人食得咁辣架！好好笑弟弟食到成頭滴哂汗，唔係熱係好麻辣呀！仲話唔係唔係唔係好辣姐，笑死我！小籠包 ~ 皮薄通透，一啖整個放入口肉汁高湯由內裡流出來嘅感覺非常滿足！高力豆沙 ~ 本來已經飽到唔郁得，因為想叫俾弟弟試吓，同中和一吓佢嘅辣麵，於是決定要一客有4小個，顏色好靚，上面一層滿滿的沙糖，咬入去熱辣辣軟綿綿，帶有豆沙少少甜，好正！緊記食嗰時先ORDER，嚟到要即食，因為唔夠熱係無咁好食的！

因為媽媽熱愛上海野…所以就打算到這間一試…在市中心..上海婆婆永遠長龍…對於我呢d冇咩耐性ge人黎講真係唔需要啦…又唔等於呢間唔駛等wor……不過相對黎講等ge時間真係短好多ge~都係鐘意的卡位….環境也不錯…不過搞笑ge係…睇到隔離的雲吞店….!!!???是同一間嗎….應該是同一間公司掛….都係小插曲啦~Order少不免都係個d野….一定要來個小籠包….仲有叫左個紅油抄手….炒年糕…水煮牛肉麵…….賽磅蟹…..小籠包真係幾好食的….同人地講的一樣…..真的很好食….很多汁…個皮好薄…good ar至於那個抄手….一般啦…冇咩特別…炒年糕係高水準的~因為好入味…年糕最緊要入味….加上煙煙un un的就已經好好食…..牛肉麵只係order左小辣….因為有人唔食辣….好好食….麻都好夠….那隻透明的薯粉很好吃….不過那個賽磅蟹居然走左單…..等左勁耐都唔黎….仲要唔知冇左咩配料又要再問我地…其實都想唔要…不過佢d野有d細碟….唔要又好似唔夠食….等等等….終於黎左不過都係不過不失…完全唔recommend總括黎講ok gei….食物一d得一d唔得….服務一般…沒有太大驚喜….

燻魚，魚質有些霉，不夠煙燻香味，香蔥爆蝦，香蔥味不夠，蝦略甜，酸辣湯，似漿糊豆粉多到不得了，干偏四季豆辣椒欠缺，只有淨菜肉雲吞還算可以！甜品，腐竹雞蛋糖水，意米略多，但不是正中，不是整雞蛋放於糖水，是生雞蛋放於飯碗內加入糖水，已經先前無野食，想食個雞蛋白頂肚都唔得！總括：食物水準比先前退步好遠......................服務還算可以！

今天午餐去到屯門市廣場,想食上海嘢入到這間餐廳環境不錯.入到去服務員還說可叫隔籬的粥麵. 小籠包:好味道,但皮很容易爛.鍋貼:非常好味,很多肉汁.我還叫服務員給我一碟豆板醬,我本人非常喜歡豆板醬但一般都大咸或無味,但這碟好好味.雞粥:一般但不太差.豆漿:好好飲滿分.總結好好一定再來.

晚市時段驚見人頭湧湧，但女仕們堅持要吃小籠包，十五分鐘過去，正想轉戰手打烏冬，卻又可以入座了先來兩客小籠包滿足眾女仕的肉望～再追加了上海粗炒，雞火炒飯，蘿蔔絲酥和香蕉高力豆沙小籠包果然不負眾望，皮很薄，稍一不慎就穿了，連包帶汁吃同樣滋味!蘿蔔絲酥香脆味美，還有一絲絲蘿蔔！用料足！而上海粗炒，女仕稍嫌過油，但卻惹味得停不了口～雞火炒飯正正常常～高力豆沙～４位女仕們讚不絕口，但一客只有４件，我豈能不成人之美雖然屬中高價，但食物質素良好，服務不錯添茶上菜亦勤快，可算是物有所值

早前我同朋友係果到食食GE包括係小籠包口水雞手抓餅酸辣拉麵蘿蔔絲酥餅小籠包雖然是此店之寶，但肉汁唔夠唔得！口水雞辣又唔夠，麻又唔夠，唔得！酸辣拉麵總算一碗過得去蘿蔔絲酥餅總算係我令我滿意的！

今天同朋友去完浮潛, 帶著疲累的身體回到屯門市中心開餐.剛去到門口時, 見到十幾人在門口等位, 心諗可能要等很久...因為太累了, 好在等了15分鍾左右便有位了.order了以下東西.水煮牛肉 - 因為太累所以找點刺激d野食, 最好食的東西, 辣度ok可入口, 入面還有一些透明的薯粉, 好好味. good good good.椒鹽九肚魚 - 個炸漿多粉左d, d魚ok小籠包 - 夠熱, 夾起不易穿, 記得要熱食才好味, good good上海掛骨麵 - 唔用清湯, 把水煮牛的辣湯汁加上拉麵來食都good, 適合少辣人士. 個炸肉排內仍有肉汁, 不老....good.鍋貼 - 夠脆夠熱, good

原本今天想去綠洲食下午茶,但男朋友牽我到翡翠拉麵門口,好像新開了一段時間每次經過晚市都很多人等位,難得下午時間入內,全場只有三四台客人,坐在卡位,可以看到旁邊的另一間店的內部,坐下後就打開餐牌看!點了:紅油牛肉拉麵(中辣)$36 : 其實對於不好辣的我來說,已經很極限的程度,點菜的時候想了很久,怕自己完全不能接受,幸好除了剛開始食的時候,之後都可以整碗完食!放了很多芝麻,芝麻的香味很濃烈,牛肉有五.六塊左右!擔擔麵(中辣)$3x : 看上去很傑身,同樣配上了芝麻,份量都不少,因為是男朋友點的,所以我食得不多! 他說十分飽肚!小籠包$2x : 店員上菜時才打開,內有四隻,兩個人剛剛好了,因為拉麵很大碗,份量都很多! 至於小籠包皮薄多汁,一口一個剛剛好,十分美味!原本還想一試甜品,例如:酒饟丸子,高力豆沙之類,唯有留待下次有機會再來一試吧!