翡翠拉麵小籠包

营业中

休息中

休假的Monday, 跟老姊家人在屯門翡翠拉麵小籠包吃頓午餐, 翡翠一直都保持到水準食物我們叫了招牌小籠包 - 一客四個, 皮薄肉鮮多汁蘿蔔絲酥餅 - 幼幼蘿蔔絲, OK only雞絲煨麵 - 這個清清淡淡生煎包 -普普通通蔥油餅 -不太油膩，我喜歡的。乾隆粒粒炒年糕 - 豆瓣醬調味夠濃，辣辣地好好味不錯。砂碢津白 –味道都清甜的南瓜餅這個賣相幾好, 清甜有益健康的甜品豆沙鍋餅這個都幾清甜，不太油膩服務待應不停替我們加茶,服務都好好

成間鋪最好食係小籠包,但都唔係特別好食,叫ok....叫左幾樣野食都覺得上海婆婆好食好多,價錢又唔便小籠包:有汁,不過汁同味都唔夠,而且皮唔夠簿叫做好過d酒樓lor雞絲粉皮:唔夠汁紅油抄手:幾好食,不過唔夠辣味蘿蔔絲酥餅:幾好食

太太話想食鍋貼, 諗到去呢度叫左鍋貼, 擔擔麵, 糖醋魚柳, 湯圓擔擔麵退步得好緊要, 唔熱, d湯又唔夠濃, 又少湯圓d糖水, 薑味丸勁, 勁到苦下次我都唔會再去

由於已有人代等位, 因此到場已能即時入座今晚叫左0既菜色有小籠包, 醉雞, 口水雞,上海粗炒, 回鍋肉, 鱔糊炒拉麵, 鍋貼, 燻魚, 豆沙鍋餅, 高力豆沙今次晚飯主要推薦小籠包, 口水雞, 其他菜式質素一般, 係外面食0既味道唔差得遠由於我冇食過鼎泰豐, 所以冇得比較, 但小籠包至少做到皮薄, 熱湯, 鮮味, 已經係中上貨式而口水雞0既係俾個汁, 因為係冰鮮雞, 靠個汁做到起死回生都算係咁, 點都要試下總括黎講, 呢度係 (普通，一試無妨), that's it !感覺上比上海婆婆好~~

突然想起食上海菜，在屯門就一定會到這裡! 喜歡這裡什麼....? 食品夠穩定，次次食都是一樣味道 服務好 而且出餐超快( 我地叫一個鍋貼，由落單到起菜，不到4分鐘) 想讚佢快，但係又讚唔到，因為一看就是"叮"熱後上檯，雖然如此，但係...都算ok! 其實翡翠一向給我的感覺，都是大眾化餐廳，以這個價錢，服務以及食品質素，算係好了! 所以繼續勞力! 再讚服務好好，有禮貌，好過尖咀個間! p.s: 相片忘了影小籠包，因為一上檯就無晒啦!

我都好耐無做食評啦,過左星期一.要搵返個機會出一些我人生中好少踏足的地方做食評...咪當出去見識下....翡翠拉麵小籠包呢一間分店環境係令我有點驚訝.在沙田分店食.又迫又嘈,又很難先搵到店員落單加菜.屯門呢間.門口細,一入去..原來好大.人客仲自成一角咁坐,相當舒服.今次點的食物如下:醉豬手48元...製作過程.似難實易的,完成後將豬手放入雪櫃.食幾耐都得...只要做到皮爽而滑..酒味滲入豬手裏面.且酒香味要重,在我心中就成功.這裏做到了,令我很滿意.芝麻豆漿.比較遜色的.只是有很淡的芝麻味,豆味一點都飲唔出..可幸的..味道好滑.不會太淡沙魚骨海鮮麪[/b48元].值得讚落單時,待應一早就問我要唔要葱.好細心..份量比較少.不過個湯是用時間精心咁煲.好清甜...材料有蝦魚什至海參.真材實料鍋貼後來加單要的.店員話15分鍾先上菜,無呃人..15分鍾準時上菜....味道出面脆,裏面有鮮豬肉.肉汁鮮甜...雖然呢間都店都算貴價上海菜.但環境好,食物好...2個人埋單要181元...都是值得的...

今天晚上有舊同學生日約左出嚟食飯,因大家都唔太舒服,所以就話食上海嘢,諗住早d入嚟攞位,因記得好似冇得訂位,早上十一點幾十二點,抱住問下的心態打嚟問下有冇得訂位,點知簽案竟然係有,仲可以指定訂圓枱,起初話要齊人先入得,後尾又話其實過半數都可以入.放工同其中一個同學先到,諗住未夠過半數冇得入去坐,點知仕應又話可以入,我地就入去先,坐在最入位置,原來呢度都幾大,之前嚟過係坐近門口,所以都唔知原來有咁大,一行七人坐圓枱,原來還有一間大房既,我地坐坐下先發現原來有八個人先啱,好彩張圓枱都可以坐到八個人,仕應服務都幾好,馬上例茶給我們,坐左一陣差一個先齊人,仕應突然同我地講可以俾間房我地坐入去,跟住就遷移入去間房啦,間房都幾大,坐到十幾人.係未齊人既時候我地已叫左小籠包及生煎包諗住食住先,但原來都話要等15分鐘.之後我地就叫左都幾多嘢食.口水雞這個是特別推介,係本menu係冇既,係放係張枱個牌先有,叫左小辣,所以唔算好辣,雞肉都幾滑,有點麻麻地既感覺,份量好細小籠包一客四個,趁熱食,加些醋一齊食,好味,個皮都算薄身,入面好多湯,所以要好小心咁食糖醋骨這個好開胃,酸酸甜甜,但我覺得味道配得好好,唔

翡翠既小籠包一直都keep到水準皮薄肉鮮多汁次次都必叫既item!鱔糊炒拉麵雖然比較多油,但味道唔錯,同埋都有ok多鱔乾隆粒粒炒年糕有毛豆,菜圃,荀粒,冬菇,豆干...好多料仲用埋豆瓣醬炒,辣辣地幾好味!蘿蔔絲酥餅入面真係好幼既蘿蔔絲,食既時候要小心熱!仲有其他既美食都好正!不妨試下!

早前，慶祝爸爸生日！唔知係D食物細碟定係我家人大食，我們一家4口叫左10樣嘢( 9款菜式)！依次序 order 如下：第1轉) 小籠包 X 2 - 皮薄多汁、每人兩粒！雪菜蝦仁炒飯 - 炒得靚、夠乾身、咸味適中！第2轉) 蝦仁豆腐 - 比較清淡！宋嫂魚羹 - 味道過得去！鯊魚骨湯海鮮拉麵 - 拉麵同湯分開上，幾好味！第3轉) 三鮮煎鍋貼 - 惹味之選！韮菜水餃 - 普普通通！第4轉) 瑤柱賽螃蟹 (走蛋) - 夠味！鎮江排骨 - 外表吸引，但係好甜！埋單總數：$480

很久前，第一次接觸這店的感覺是店名實在是有夠奇怪，也許是因為當時有一齣正上畫不久的戲(《索女．喪屍．機關槍》)，翡翠．拉麵．小籠包的節奏不是跟那套戲一樣嗎？算吧，這是題外話，只是每次想到此店便聯想起那齣戲......喜歡到翡翠拉麵小籠包吃的原因除了味道好外，另一重要因素是覺得此店每次也能保持水準，沒有令我失望。今次點了雞絲粉皮、紅油抄手及鱔糊炒麵。雞絲粉皮：味道不錯，青瓜絲很爽脆，粉皮略為散了一點，可惜的是不夠凍！紅油抄手：這差不多是每次必點的菜，自從吃過這裡的紅油抄手後，在其他店子吃的都覺得不能滿足了。比起一般的紅油抄手，這裡的多了一點酸味、辣味及蒜香味。那些酸辣的味道令人一試難忘，還有那些蒜香味，是來自撒在面頭的乾蒜，吃下去真的很香，很合拍，還有抄手內的肉汁，混合在一起在口腔內歷久不散。平常在街我是不愛點餃子類吃的，因為很多都像不太新鮮，肉很霉，但這裡的餃子類食品沒有這個問題，不論是紅油抄手或是生煎包，也很新鮮很多肉汁。特別要注意，這裡的紅油抄手相當辣，在餐牌上是有兩隻辣椒的，不能吃辣的要有心理準備。鱔糊炒麵：平常很少會吃到鱔糊，所以如果到這裡用餐也時常會點鱔糊吃。這裡的拉麵是招牌

賽磅蟹: 究竟佢係咪用蟹肉做架? 其實我唔知, HAHA, 我以為好滑的, 但原來唔係架~ 味道清淡, ARM我食善糊 +麵: 甜甜地幾易入口,因為我最怕咸~醉雞: 我個FD話唔得,唔係用酒去醃佢, 而係煮好後最後先林D酒上去, 唔合格~牛肉麵, 紅油抄手: 無咩特別~不過可以坐好耐, ARM傾計~

終於自由了!!!!多月的非人會考生活,隨著會考的完結而結束!!!!再加上母親節,於是到翡翠拉麵小籠包與媽媽共進午餐.這次的選擇:小籠包,皮薄,湯汁豐富,滿口濃泛的肉味,肉已蒸到十分腍,根本一入口就融化了.唯一美中不足的是,一夾起來時,那小籠包會黏著下面那張紙,所以皮會穿了,肉汁也會流出.嫩雞煨麵,奶白色的湯很濃泛,有一點稠,麵也是腍的,一吃進口,湯與麵已經融為一體了.菜和雞肉也很細心地切成小顆,容易進食.可惜,雞還是不夠嫩,有一點鞋.即使很忙,但侍應都帶著笑容,盡量令客人得到最快的協助,值得一讚.

翡翠拉麵小籠包已經試了兩次咯,兩次都係由老闆請食午飯的時候去.晚餐則是第一次.選今天的因為趁我胃口差 XD 如果以我平時的胃口來吃,實比今次叫多幾樣餸先夠飽架...XDXD吃過有經驗,知道這裡要收三元茶錢,所以叫埋老友點杯飲品可免茶錢,最經濟的飲品亦是我愛喝的圓肉杞子雪耳茶$12.要熱的.冷盤是雞絲粉皮,點心是每次來例牌吃的小籠包,澱粉質之友亦是我最愛的上海粗炒,小食有椒鹽小黃花,以熱薑汁燉蛋白結尾.份量剛好~雪耳茶有著圓肉和杞子的香甜,雪耳夠哂軟淋,簡單材料配搭出潤喉皆作.雞絲粉片有一堆雞絲,青瓜絲和花生醬在面,與軟軟滑滑的粉皮撈雲後,就是一味開胃小食.今次吃到的小籠包有別過往,皮厚得濟,我已經是極快速去吃的了.不過肉餡和肉汁依舊好鬆化又多汁.每次去餐廳,我見到有上海粗炒的話,實必叫.直到吃到翡翠出品,簡直被深深吸引,主因是用上的麵條!!好煙韌,好好咬口,每條麵都均勻地佔滿醬汁,材料有冬菇絲,椰菜絲,白菜仔,肉絲.合哂我鐘意吃炒麵要多菜的心意~醬汁味道不咸又不淡,剛剛好.小黃花魚,魚身細細,但實際好厚身,魚肉嫩滑,但魚煎得未夠香,而椒鹽粒粒亦未夠惹味.甜品不錯.薑汁味不重,甜味亦是少

呢個星期daddy 生日，同屋企人黎左翡翠拉麵小籠包食慶生飯。當日晏晝已經打去book左7點半，接線生講左7點半到左都要等一陣，我地o個晚準時7點半到，等左10分鐘左右就有位。是晚6人飯局, 點了以下幾道菜：回鍋肉炒豬片配薄皮：炒得好有鑊氣，夾埋塊薄皮黎食，另一番風味花雕醉雞：雞肉既酒味適中，份量少炒鱔糊：味道甜左d，但都幾好味小籠包(4隻)：冇食到雪菜蝦仁炒飯：個飯炒得好靚，米還米，配菜還配菜，但味道一般賽磅蟹：撈落d 炒飯道食，好好味仲有碟唔記得咩名，係西蘭花+椰菜花，面上加左榣柱茨汁，都係普普通通，份量少另加白飯一碗，連加一服務費，埋單$426雖然今餐5大1小order 左7樣野，自問我地咁多個都唔係食量勁人o個d，但因為每碟送的份量都係少，所以我地都係食唔飽

尤記得上年的聖誕節，女朋友說好了弄個聖誕大餐給我吃，結果因為貪睡的關係，睡過了頭，連材料也沒準備的情況下，聖誕大餐頓變海市蜃樓。女朋友對這個教訓記憶猶新，今年下定決心，製作一頓豐富聖誕餐云云。因此中午也不敢怠慢，沒睡午覺（上年就是睡午覺到日落黃昏，令聖誕餐流產的），就拉著我到屯門購買食材。和女朋友到了屯門，還沒買任何東西，女朋友就先嚷著說肚子餓了，女朋友打蛇隨棍上，說晚餐要很辛苦籌備，問我中午是否應該先慰勞一下云云？（聖誕晚餐有否得吃還是未知數就先要慰勞了？先後次序是否．．．．．．）正所謂三軍未動，糧草先行，看來中午不好好慰勞一下女朋友，晚上也不會有什麼好下場了，就讓女朋友決定想去吃什麼吧！對於在屯門找吃，我實在沒甚頭緒，只能和女朋友邊逛邊找。女朋友本想起到Spaghetti House，但怎料午市時只限Set Menu，而且價錢比平日亦忽然「升呢」；我和女朋友對這種行徑不以為然，當然沒有光顧。結果給女朋友看到「翡翠拉麵小籠包」，而且罕有的沒有等位的人潮，女朋友見機會難逢，因此就決定到「翡翠拉麵小籠包」用膳。侍應安排我們坐在一張二人枱，店內客人不多，可能是聖誕節的關係，大家都跑去吃西餐