翡翠拉麵小籠包

营业中

休息中

尋日星期六都OT到7點先收工於是同阿媽講不如出來食諗住食好D慰勞下自己阿媽話不如來呢間試下於是就來了這裡我們點了 糟鴨舌 白切肉蔬菜卷 (我諗我無記錯個名掛) 雜菌海鮮炒拉麵 上海炒年糕 小籠包好快就來了2個前菜咬下鴨舌有淡淡的酒味好似食醉雞咁白切肉蔬菜卷內包住青瓜同紅蘿蔔感覺幾清新唔會好似傳統既啖啖肉口感其後拉麵同年糕也很快上桌小籠包雖然最遲來但都唔係等左好耐拉麵看得出有一點點粗幼不均所以很大可能是真的用人手拉咬下去也很有口感小籠包有湯汁只是略嫌肉有點散但並不嚴重所以還是值得一試招呼很好落單快上菜快有主動斟茶收碟值得一試

咁多間上海野, 呢間是最好的.食野要食基本功點了担担面, 煎煱貼, 用贈卷換了一粒小籠包,担担面超好味....D湯好濃好多芝麻同花生..但美中不足係鄰座的食客竟把用完的尿片放在地上後便走了, 大人黎架, 點教下一代呀.

等佢開等咗好耐, 唔知點解要裝修咁耐, 之前成日去CWB個間食, 真係覺得好好, 特別係小籠包, 今次同屋企人食生日飯就黎呢間食啦, 不過兩年無食, D野貴咗好多, 同埋D野細碟咗可以訂位, 俾咗張辟靜D既卡位俾我地, 無咁嘈, 不過衰在就無乜侍應會行過, 所以成日都無人收野上菜個pace比較差, 成日都係食完一個先上一個, 小籠包($26) - 湯汁好多好鮮, 皮薄, 但係又唔易爛鮮肉鍋貼 - 熱辣辣, 好多汁, 我平時麻麻地鍋貼都覺得呢度做得好好醉雞 - 一上枱就好大陣酒味, D雞幾滑, 不過少左D皮肉之間既啫喱酸辣湯($32) - 都唔差, D料好足, 不過好細碗糖醋魚 - 呢個好掂, 個汁酸甜適中, D魚塊唔似雪藏魚喎黄金蝦 - D旦黄唔夠多同香鱔糊 - 媽咪話D肉好霉担担面 - 好多花生, 個湯好濃, 不過好辣, 下次要叫佢少辣上海粗炒 - 應該係一早整定再暖住既, 無鑊氣高力豆沙 - 好快上枱, 以為佢係預先整好哂, 又唔係喎, d豆沙熱辣辣既拔絲蘋果 - 仲諗住叫俾媽咪, 因為佢未食過, 等佢有得玩下, 點知原來係浸好哂先上枱, 仲要係少少暖咋, d蘋果又唔爽, 好唔得

逛屯門市廣場，無意中發現屯門也有間翡翠拉麵小籠包，原來開張不久，興之所致，進入去試一試。裝修不錯，有個舒適環境進食，事半功倍，印象分加倍。既然名稱是拉麵和小籠包，就點了三個拉麵(擔擔麵、酸辣麵、牛肉拉麵) 和一個小籠包，加一碟賽螃蟹。突然發現，和我上次在霸王山莊點的菜非常類似，可能是口味問題，現正好比較一下誰的較好。擔擔麵：味道不錯酸辣麵：不夠酸，不夠辣，味道不好，吃完不想再吃牛肉拉麵：三碗拉麵，這碗味精比較重總結拉麵：不算太差，但既以拉麵為名，就有點失望(可能寄以厚望)小籠包：算稱得上皮薄餡靚賽螃蟹：似稀粥，份量相當少，但價錢並不能小看，不算好吃整體而言，菜色不算差，卻未有特別驚喜，勉強給個笑臉