翠華餐廳 (已結業)

成日見到翠華有遊客排長龍，心想有咩好食呢，咁多人，一定唔會平啦。為咗解開我既疑問，我決定早餐搵次去食下(因為早餐應該平d)。油麻地依間唔似旺角尖沙咀o個d咁多人，早餐時段好多位，不過都因為依間嘢好大，有兩層，所以可以搵到舒服位坐。早餐有幾款。我要咗沙嗲牛肉即食麵配嫩滑炒無公害雞蛋、牛油豬仔。沙嗲牛肉即食麵有沙嗲味，麵彈牙。唔會好咸。隻蛋真係滑嫩，好好味。當初無睇清楚，食時一直以為係脆豬，所以覺得唔夠脆。不過睇清楚餐牌，係牛油豬仔呀！當然無話脆啦。但我覺得脆會仲好味d, 而架有d難咬開。不過好香好有牛油味。依個早餐$35，當然係貴咗d但又無想像中咁貴。而且又的確好食。所以間唔中富貴下都可以來。

刚办理好酒店check in肚子好饿。幸好早早就有做好行程的安排📝知道酒店附近有间不错的翠华茶餐厅。肥肥叫了盘瑶柱蛋白炒饭，而我叫了套餐。他们的炒饭很香很好吃连我们家的肥肥都说好吃。下次会再来。

曾經有段時間經常往旺角朗豪坊附近既翠華餐廳食晚飯(因屋企人唔煮飯), 當時覺得嗰間翠華餐廳食物質素都ok, 尤其它的魚湯底既粉麵及豉油芥蘭苗, 幾好味, 不過那裡既員工態度麻麻, 冇乜禮貌, 再加上嗰度地方細又多大陸人好嘈, 因為這些原因就冇再去。今日工作特別多, 推遲咗午飯時間, 成下午3點幾先食, 唯有食下午茶啦。去咗油蔴地翠華會下午茶, 這裡地方大, 有兩層, 上層仲有窗口卡位㖭, 這裡員工有禮貌好多, 當然最重要係食物質素, 我叫咗個沙嗲肥牛撈麵配珍珠雲吞(轉咗米粉)及凍朱古力, 沙嗲汁好香好野味, 多肥牛, 雖然叫珍珠雲吞但都有四粒再配魚湯, 好味道, 凍朱古力好濃郁, 餐廳落足朱古力粉無吝嗇, 值得ㄧ讚。這間油蔴地翠華是仲多翠華餐廳中做得幾好既ㄧ間, 我會再來捧場的。翠華係ㄧ間上市公司, 食物味道保持ㄧ定既水準係應該既, 但員工既質素都要注重。

今晚我們叫咗油麻地碧街「翠華餐廳」嘅「快翠送」外賣速遞！我們叫咗個滋味四人餐：瑞士汁鷄全翼嘅醬汁好香濃稠身，色澤賣相好吸引，味道好香甜，肉質相當嫩滑，而且唔會有好油膩嘅感覺！灼芥蘭苗同菜芯好青嫩無根！翠華沙嗲牛肉炒河炒得都幾夠鑊氣，牛肉嘅肉質好軟滑，用沙嗲汁嚟炒感覺都幾特別，味道好惹味！鮮甜紅茄焗豬扒飯嘅飯炒得好香，豬扒好大塊同好厚身，肉質相當鬆化，唔會有好實嘅感覺！皇牌馬來咖哩牛腩飯嘅咖哩汁非常惹味濃郁，同埋又夠香辣，牛腩嘅肉質好鬆軟，而且份量十足！

翠華魚湯米線，都係我幾鐘意既選擇，不過次次食完之後都要飲好多水，好頸渴以前就會覺得好貴，始終都算係較有要求的茶餐廳嘛，而家一碗米線都係$30幾蚊，在旺角來講，相比起其他，實在也不錯今日下午茶再到翠華食，望望餐牌，選擇唔多，興趣不大。最後都係揀左菠菜餃米線，$33，不過不失以呢個地點，價錢，有4粒大大粒既水餃，咬到原隻彈牙蝦在內，都可以接受魚湯湯底有有一陣暗暗的胡椒味道，天氣凍食更加適合，令到更加香濃臨近聖誕，抬頭一望，有點裝飾，可讚

曾幾何時成日都食翠華早餐，以前平靚正，不過近年加咗價，覺得好貴就冇再食。見咁耐冇去就食返次，原來佢個價錢都唔算貴喎，可能其他茶餐廳都加得好貴啦～ 早餐B唔該~ 沙爹牛面，滑蛋，奶油豬，熱飲成為33大元~滑蛋真係keep到個水準，好香好滑，唔同某啲餐廳，一啲蛋味都冇，奶油豬係我至愛，翠華奶油豬好好食，脆口，另外銀龍都唔差個公仔麵都煮得剛剛好~ 不枉我行咁遠過黎食返次~

每個星期日早上 我都會去一去油麻地嘅翠華 對於一向唔幫襯開大集團既我 當然係有我嘅理由。 每次坐低我都會叫B餐 沙嗲牛公仔麵 豬仔包 同埋太陽蛋 呢啲野其實好易整 但係好多茶餐廳 都整得有瑕疵 但係翠華嘅 就必屬佳品😎 完美嘅太陽蛋 唔會太油 配合有牛油香嘅豬仔包 真係令人愛不釋手 再配合一杯凍檸茶 人間哪得幾回嘗 而且環境都尚算舒服 唯一美中不足嘅係人手不足 個個員工都唔得閑理你 🙈 而且唔會特別貴 30幾蚊落到樓 不錯！

因為附近一間常去的，食物質素相當唔錯嘅餐廳，唔知點解執左，所以唯有返返去翠華食飯。成日食魚蛋米都食到有啲厭，今次就食飯，喊左個炒滑蛋脆蝦飯。五十幾蚊，比一般茶記真係貴出唔少。但質素都係唔錯。好大份，此其一，而且蝦方面，可能出面唔少餐廳都會用上雪凍蝦，但依度食得出啲蝦係新鮮嘅。正正常常滑蛋蝦仁飯都係冇死嘅，幾唔錯

好耐無食翠華！見到門口個LCD晚餐$75平咗嘅?唔知係我記錯定係本身都係哩個價，夜餐係日式照雞扒。飲西湯我一定係揀羅宋湯，而且要多菜，碗湯合格，不過嫌佢太杰同濃。牛油豬，無煉奶味道真係差好遠，唔係唔好食，只係有奶正好多。主菜燒雞扒配薯菜，哩度嘅薯菜唔係用薯條，而且用薯仔代替，食落健康啲無咁熱氣。帶子雖然得一粒，但好過無。雞扒同我想像嘅唔同，我以為係日式燒汁，即個汁甜甜哋果啲，但原來唔係，雞扒都算燒得外面香口，內裡雞肉嫩，但唔知點解食落味道有啲似燒味飯果啲薑蔥味！😂

無錯，嚟翠華食早餐，我一向都鍾情它嘅雲吞麵，無他，翠華講明，早餐內容不可改動，揀A餐、想面轉通粉係唔得嘅，令我好煩惱，唯獨呢個雲吞麵得我至愛：一嚟好少餐廳咁早會有雲吞麵食二嚟它嘅質素好高，雲吞有5粒夠哂多，粒粒都有蝦，搭少量豬肉，皮薄薄的，包得很好。三嚟面餅不會得大，份量剛好，面質爽口，無梘水味，正四嚟，配熱飲只收$35，去邊度搵過碗咁正嘅雲吞麵😝坐得舒服，食得美味可口食完先醒起未影相，碗都收埋，得番張單，睇下幾Q，9月9，09:09⋯⋯😜

又黎翠華食早餐。雖然話翠華專做大陸客生意，同埋出名貴，但其實啲食物質素都還可以，而且早餐都算係幾抵。依個早餐三十幾蚊，有一碗火腿鮑絲通粉，真係幾好味，鮑絲唔少，有啲鮮味，通粉煮得腍。仲有一個多士，雖然多士唔算太好食，得個脆字，入面唔鬆化，但飽肚。仲有炒蛋，炒蛋勝在大份，滑度只算中上。最後是一杯野飲，叫左啡走，即係咖啡加煉奶。依度既咖啡一直都幾好飲，香濃幼滑，啡走的話，就真係偏甜，以後會自己加番糖。

翠華餐廳，由茶記發展成大連鎖店，味道多了幾分標準化的意味，可幸不變。雖然食物的價格愈來愈貴，不過，其早餐的性價比，仍然可以說是甚高。佢早餐有三/四款啦，我自己十分鍾意食火腿鮑絲通粉，附多士，附炒蛋，附熱飲。首先，通粉湯底口感醇和，鮑絲幾多，正路野。多士同炒蛋都幾大份。雖然多士真心算不上外焦內軟，都差幾遠下，但份量很大。炒蛋也是，有中上水準，算不上頂尖，但份量大。最後，翠華的奶茶和咖啡都幾好飲，尤其咖啡，幾香濃，作為咖啡愛好者，一般茶記既咖啡水準很難滿足，沖這一杯咖啡，以這種可以當午餐來吃的價錢，我都覺得係抵既

其實我住嘅地方同油麻地都幾遠下，不過為左見個咁耐未見嘅朋友都可以兜下遠路嘅，畢竟佢都無咩空閒時間，哩一次無見都唔知幾時先可以再有機會喇。去到嘅時候已經系7點喇，大家都未食飯，所以就去左翠華，我都試過翠華，不過油麻地嘅就真系無咩機會試。咖喱牛腩飯，我都覺得好經典，一直我去翠華都會想食咖喱飯，咖喱汁好濃稠嘅，咖喱味比較濃啲，不過都好食，牛腩嘅話，就好霖，而且牛腩都同咖喱溝埋一齊，所以都系咖喱味重啲，牛騷味唔見。兩對烤雞翅，我覺得都幾正下，表面塗左蜜汁之後，味道甜甜啲，外表好蘇甜，裡面雞肉又好實淨，新鮮。

晨早起床天氣好，一於食個豐富早餐沙爹牛肉即食麵，配滑嫩炒蛋及牛油豬仔、熱奶茶炒蛋加左牛奶，炒得好滑溜，蛋黃味好濃豬仔加左牛油，囗感鬆軟，麥味重，再放炒蛋其中，一流沙爹味剛剛好，微辣，配合牛肉入左味，好味。牛肉滑溜冇根位，入口易咬奶茶茶味重，奶味剛剛好，質感一般幼滑，入口回甘，算不錯

話說那日跟男朋友在油麻地碧街附近找地方吃嗰快的晚餐，結果選擇了地鐵附近的翠華～ 因為時間到了晚上六時十分左右，一看menu， 以為可以order 常餐（因非常豐富～有牛油豬仔，炒蛋，螺絲粉及飲品，亦只需＄43），怎料剛剛過了六點無得點，好失望，只可以order 另外一些：淨菠菜餃 （＄37）－ 幾好味～ 淸湯都ok呀～ 若果可以有些菜會好些，始終只有菠菜餃太淸了～鹿兒島風豬軟骨鮮蝦菠菜餃米線加飲品（＄52）－ 根據男朋友所言，豬軟骨很香口，汁亦調較得好好，而菠菜餃亦很足料，米線不太林，挺好味的，真的不錯一般感覺是翠華這些茶餐廳裡的奶茶應該沖得好好的，怎料我跟男朋友都對呢杯熱奶茶非常失望，好苦，無咩奶味～ 不太掂～ 但翠華確實坐得好舒服～ 又或者因為我們很早到，無咩人的關係～～