翠華餐廳 (已結業)

其實我住嘅地方同油麻地都幾遠下，不過為左見個咁耐未見嘅朋友都可以兜下遠路嘅，畢竟佢都無咩空閒時間，哩一次無見都唔知幾時先可以再有機會喇。去到嘅時候已經系7點喇，大家都未食飯，所以就去左翠華，我都試過翠華，不過油麻地嘅就真系無咩機會試。咖喱牛腩飯，我都覺得好經典，一直我去翠華都會想食咖喱飯，咖喱汁好濃稠嘅，咖喱味比較濃啲，不過都好食，牛腩嘅話，就好霖，而且牛腩都同咖喱溝埋一齊，所以都系咖喱味重啲，牛騷味唔見。兩對烤雞翅，我覺得都幾正下，表面塗左蜜汁之後，味道甜甜啲，外表好蘇甜，裡面雞肉又好實淨，新鮮。