翠華餐廳 (已結業)

又黎翠華食早餐。雖然話翠華專做大陸客生意，同埋出名貴，但其實啲食物質素都還可以，而且早餐都算係幾抵。依個早餐三十幾蚊，有一碗火腿鮑絲通粉，真係幾好味，鮑絲唔少，有啲鮮味，通粉煮得腍。仲有一個多士，雖然多士唔算太好食，得個脆字，入面唔鬆化，但飽肚。仲有炒蛋，炒蛋勝在大份，滑度只算中上。最後是一杯野飲，叫左啡走，即係咖啡加煉奶。依度既咖啡一直都幾好飲，香濃幼滑，啡走的話，就真係偏甜，以後會自己加番糖。