翠華餐廳 (已結業)

今晚我們叫咗油麻地碧街「翠華餐廳」嘅「快翠送」外賣速遞！我們叫咗個滋味四人餐：瑞士汁鷄全翼嘅醬汁好香濃稠身，色澤賣相好吸引，味道好香甜，肉質相當嫩滑，而且唔會有好油膩嘅感覺！灼芥蘭苗同菜芯好青嫩無根！翠華沙嗲牛肉炒河炒得都幾夠鑊氣，牛肉嘅肉質好軟滑，用沙嗲汁嚟炒感覺都幾特別，味道好惹味！鮮甜紅茄焗豬扒飯嘅飯炒得好香，豬扒好大塊同好厚身，肉質相當鬆化，唔會有好實嘅感覺！皇牌馬來咖哩牛腩飯嘅咖哩汁非常惹味濃郁，同埋又夠香辣，牛腩嘅肉質好鬆軟，而且份量十足！