翠華餐廳 (已結業)

調查指出，早餐是每日最主要的能量來源。茶記的ABC餐伴隨多少香港人成長不用多説。是曰早起，突然心癮起想吃個字母餐，走進上市茶記，原來只有ABC三個選擇，並且不能按自己喜好配搭，餐訂的是公仔麵就是公仔麵，如果要吃米粉那就請改吃米粉那個餐。B餐應該是最多人點，因為有長青台柱沙嗲牛肉麵。麵底採用丁麵，難得煮得爽身，時間掌握不錯。要知道現在要在茶記吃個有水準的丁麵也真的是可遇不可求，唉。牛肉數量不多，吃不出有沒有用鬆肉粉處理過，味道只吃到沙嗲味，牛肉味則弱一點。脆豬是翠華名物，上檯時有烘過不過亦未至於好吃到要為脆豬而來。蛋本身是炒蛋，不過今日想吃煎雙蛋，侍者又說可以轉，正好。不過這個煎雙蛋真的很一般，油份過多，蛋味欠奉。物價飛漲，當一個早餐B要近40個大洋⋯⋯意味著什麼？

諗住食翠華茶餐廳冇得輸啦，有乜可能会吾好食架…誰不知…事原係叫左个麻婆豆腐食 點知完全冇味架，豆腐冇味好合理，點解連D肉同汁都冇味呢，係完全無味，吾係吾夠味lor......我要自己再加豉油街及辣椒油先有D味，先可以食埋D飯…其實翠華冇理由咁差，明明係走中高茶餐廳家嘛……会吾会係個廚師吾得，定係翠華已經變左質……仲會期待下一次！！

衣.食.住.行.樣樣都加價, 人工又唔加, 拖底了香港人的生活質數. 好似我們一日三餐, 計完條數, 煮飯燈油火辣, 其實同外食差不多. 有些茶餐廳有理冇理加埋一份, 品質冇保障, 出現了倒閉潮. 有些大集團就因為有大財主做後盾, 開到總有一間起左近. 其實我不特別抗拒大集團, 生意大首先事無大小都有機會上A1頭條, 反之對市民大眾確是有一定的保證.-早餐B沙嗲牛肉面之賣點是用正貨一丁面, 麻油味足夠, 面質好, 份量夠. (那好似係出前一丁的功勞多..)為了牛肉軟身, 一般加上大量鬆肉粉而導致纖維不再. 此店叫做剛剛好, 還有咬感.牛油豬是此店皇牌, 其外脆(最近已變成硬)內軟走了點樣. 下次可能要自備煉奶, 變成我的煉奶油豬.至於炒蛋香滑, 不知有否用上北海道牛奶呢?熱好立克大大杯, 飲完飽到午餐改為下午茶時段.

我的评价标准（5分最高）：模式 》 连锁茶餐厅环境/装修 》 3环境/感觉 》 -1（史上最挤的餐厅）味道 》 4对比同行特色 》 2服务 》 2性价比 》 3.5简评： 挤到死，东西竟然挺好吃翠华给我作为香港人第一印象是，连锁经营，挤兑小茶餐厅，搞贵铺租，食物行货。。。今天第一次吃，赶时间，没办法，坐下来，卡位，空间是3D的小，座位宽跟深度都比合理少了30%，要泡妞来是很好，奉旨亲密，不然就很压迫了。食物，尽然有惊喜，不是很行货，有点西餐厅的感觉，价格是茶餐厅的1.5倍吧，但很多类别的东西吃，而且味道也很像样。奶油猪，很多油，不省成本，猪仔包够脆，所以吃起来肯有吃头，赞一个。老婆叫了个什么黑松露海鲜饭的，来到虾大大只的，也脆口，那个饭的调味很西洋，一点不本地茶餐厅，西洋归西洋，味道是很好的哦，竟然，竟然。。。。哈哈。奶茶，是的，我来试菜的，茶餐厅不能没有奶茶，出来效果是，没什么味道，有点行货了，给予否定，哈哈。连锁经营是搞贵东西，但有他的好处吧，东西可以很多样化点，材料可以新鲜点，也可以搞点新意，茶餐厅已经存在很久了，可能也应该来点变革了。。。

以為下午茶餐就便宜D，今日原本想吃雲吞麵, 最後選左吃食個湯粉麵的餐, 但已經近$40元。 個餐有火腿煎蛋, 多士和叉燒米線 仲有ICE咖啡.火腿蛋看上沒特別，但蛋煎得香脆，有蛋香，很OK。 多士有厚牛油"正" 叉燒米線不差，叉燒有燒臘店水平，鬆化好吃。 ICE咖啡幾濃,幾滑 但不夠ICE，及格啦。 埋單近$40元，都幾貴呀!。

好耐都無食過焗豬扒飯，星期五晚一支弓開飯，突然好想食，咁啱係朗豪坊嗰頭，咪去咗附近既翠華試試。聽就聽得多啦，話佢地嗰位老闆試咗好多款焗爐，先至搵啱適合既嚟焗，又話佢地既焗豬扒飯有酒店水準，咪叫咗一個。見到餐牌推介夏日特飲，睇相個「黄金夢特飲」好似好得，咪叫嚟試下囉。飲品先嚟，一飲知中伏，原來只係芬達加嚿芒果雪糕，雪糕味道仲要偏淡，賣2X蚊唔值，下次都係飲翻凍奶茶算。之後等下等，等下又等，等等再等，唔知等咗大約15定係20分鐘後終於見到個焗豬扒飯。論賣相OK，試咗第一啖飯，發覺都焗得唔錯，唔會太乾，略嫌蕃茄少咗D，茄味唔及大快活。不過呢，D豬扒就真係好得，有幾嚿仲帶少少肥，最驚喜既係落在西梅，酸酸甜甜真係要like爆。最後一提，飯量就一般，唔夠大家樂同大快活多，我呢D死肥仔就唔多夠啦。

週日去佐敦一人去學嘢,之前去翠華食飽飽至去,依家翠華已經好貴同無咩套餐,我叫了個午市套餐$51(+$3凍飲),套餐內有雜菌忌廉湯,雜扒意粉/飯同飲品.雜菌忌廉湯:有好多菇,包括金菇,鮮冬菇,蘑菇,份量都好大杯下.雜扒意粉配白汁:可選配飯的,我選了意粉,意粉質地軟硬適中,意粉外表是乾的,其實已混合欖油及蒜味,正食已很夠味. 雜扒是炸魚柳同豬扒,豬扒煎得有D硬,但夠味,炸魚都好大塊,食完塊豬扒已經食吾落塊炸魚.配菜有西蘭花,粟米同蕃薯(連皮焗成)好甜,好好食.凍奶茶:正常水準.翠華係貴咗不少,但食物質素仍然不錯,食物配搭亦很夾.

見翠華咁出名,尋日特登拚埋朋友去試下加.叫左佢個魚片河+茶走.無論個盛皿定服務都好ok加.不過野食真係影真一般般咼!杯茶走好香好濃,唔知係咪落多左花奶呢.魚片頭個湯好似得味精咁,真係麻麻,河粉淋得制,魚蛋仲咸左少少.不過魚片頭算幾爽、彈牙下,都ok.不過$份量唔太多,同埋唔算優質之作.成餐入面,唯一可取係杯茶走,埋單42蚊,應該無下次lo.

在翠華享用了一頓超級豐富的早餐我要早餐B炒滑蛋加脆豬的確不錯沙爹牛麵麵質一點也不淋吱吱合我要求一人一個早餐不特止還多點了一個招牌奶油脆豬不愧為招牌真的很脆用豬仔代替方包口感更豐厚配以甜甜的煉奶不會過甜要多個奶油豬只需加$8奶油豬一上枱就唔食其他野喇放耐左好快"淋"食呢個要完全唔理卡路里、脂肪，新鮮食到個包出面脆卜卜奶油響包面熔化必食！響翠華食完早餐真係會活力充沛係一日既好開始！

*耶* 翠華既奶油豬真係百吃不厭 我好鐘意香脆既豬仔包, 抹上濃濃既奶油同煉奶雖然食得多會有少少熱氣, (+會變小肥妹),不過唔顧得咁多, 享受完美食至算

這夜才留意到在朗豪坊對面有間翠華分店，一於進去吃個豬軟骨和鮮蝦菠菜餃米線和奶茶做晚餐。店員服務效率雖然很高，但仍能保持有禮。豬軟骨很入味，鮮蝦菠菜餃的餡料蝦肉算爽甜、菠菜新鮮，好吃。可惜湯過份油膩了一點。熱奶茶喝起來很滑，但茶香淡了一點。簡簡單單的晚餐，不錯。

雖然小妹蠻喜歡吃cwb的翠華, 倒從未吃過旺角這家, 今夜又OT, 又餓又想快點吃完才回家, 乾脆1試。玻璃門打開, 雖然看來人頭湧湧, 但其實很多空位的, 可能畢竟都9時多了。阿P好快就決定要鮮茄焗豬扒飯, 然後小妹也先叫個魚湯浸娃娃菜。有個阿姐幫我們入單, 小妹就繼續翻menu。 近這2星期小妹心裡1直好想吃炒飯, 難得來到翠華, menu如此精美, 就趁今天了個心事。 有另1位阿哥幫我們入單的欖菜雞粒炒飯, 既然不消5分鐘就到!?這飯也未算炒得太快手吧。 賣相1般, 而且沒有熱度可言, 有趣的是局部地區受熱, 當小妹吃1口說飯已涼掉, 阿P又說還算熱, 原來碟子轉半圈, 溫度有偏差…多吃幾口, 才發現有些”熱”的欖菜1堆堆在中間。假設那是有個”炒飯底”, 像粥底般每次接到單就加配料… 小妹希望自己估錯。店裡的冷氣超勁.. 不知這有沒有開係啦... 反正個飯越吃越冷, 但娃娃菜又未到, 找個侍者來追單, 正是剛才1開始幫我們落單的阿姐, 我們說有個魚湯浸娃娃菜很久未有, 她還問是誰給我們落單, “正是你丫…” 她像是完全沒有這個記憶, 只回答你說要焗飯嘛。 小妹心情太糟, 就說不

話說同朋友C同朋友S唱完通宵K就黎食早餐食完就真係幾失望-_____-話說係兩,三年前, 翠華未開到成條街都係既時候, 都成日食翠華個時翠華未有依家咁連鎖式 (雖然個時都已經幾連鎖-___-)個時食, 無論係食物質素, 服務態度都仲係幾好今日唱完K黎食早餐, 一入到黎坐底, 睇個早餐餐牌, 嘩, 只有三樣野可以叫選擇咁少之下想叫個早餐, 問問可唔可以轉個通粉做公仔面結果個阿姐答我: 定好曬嫁, 唔可以轉-_____-咁好啦, 叫個A餐: 火腿通雙旦包加熱朱古力早餐可以有幾好食我唔知, 但我認為以翠華呢個價錢我可以食到更加好火腿通叫左十分鐘先黎, 通粉"林"曬-_____-雙旦(我叫太陽旦), 但個旦黃熟嫁喎-_____-所以呢, 如非必要, 都係去返舊式茶餐廳好希望中環翠華唔好跟住黎衰啦-________________________-

今晚經過翠華被它的晚餐吸引而走進去吃,因為都10點幾了,那位置沒什麼好選擇,雖然很滿座,但幸好還有位坐,我倆落單要2個晚餐,問到要紅湯定白湯,我反問:不是南瓜湯嗎?侍應答我:即是白湯啦,然後就走了,很快就先來2杯餐茶,感覺都滿多冰,過10min後,晚餐全上,先說個湯湯的味道就是忌廉粟米湯,真係飲唔出南瓜味,咁點解晚餐又要咁寫,答我的侍應又要講:即是白湯啦!,我入黎有一半係為咗南瓜湯的,結果比個普通忌廉粟米湯我,真係心有不甘豬仔包外層香脆內層鬆軟,加上牛油香氣,烤得剛剛好,十分美味,主菜是板燒牛肩扒伴些里雜菌汁,我要了欖油意粉,牛肩扒口感很嫩滑,雜菌汁也很濃味,意粉上有小小茄蓉,酸酸的撈意粉很不錯,份量也很夠,價錢又可接受,有湯有包有餐飲又夠飽,除了服務10問9唔識,同叫好次才有人認之外

經過翠華不同的分店無數次，但從未一試，因為我覺得午餐要找一間賣二、三十元一個飯的茶記一點也不難，而晚餐又太多比它更吸引的選擇。直至我看了明報的新聞內說它有機會上市，如集資兩億美元計算，會有最少五十億的市值，才有藉口在晚餐時段入內探究它的如何值這個價，我真的想快一點看到它的年報。是次到翠華的旺角分店，門口一如其他的店子，也是用上不停變色的幻彩燈光吸引途人，而入來的裝修看似不錯，整齊和順眼的。我們被安排到二人的卡位，坐下來時感覺店子用盡那少少的位置，也算聰明，但當我們的食物也到齊的時候，感覺是不夠位置擺放，對客人來說有點迫夾的感覺。另外，個人覺得它的 menu 很不錯，真的可以說是製作簡單精美，而且感覺十分耐用，看頭兩頁還以為是報告書來的。看著menu 突然想到 marketing 常用字 differentiation，與其他對手十分相近時找出相異之處，可以作為公司的賣點。先試的是奶油豬($15)，包身是看上去有點點香脆的感覺但吃下去包身還是太軟淋了，個人一試心即沉一沉，它好吃在那兒? 是奶和牛油夠平均? 對我來說是一個迷。個人覺得奶可以多一點，包身不要只輕烘外層而中間還是太軟身。還記得