翠華餐廳 (已結業)

極後悔相約在這裏吃午餐，好不容易搵位，真的迫人得好緊要，一張四位枱，竟要坐到六人，好嘈雜、擠迫。不過當坐底後，我們點了兩個set lunch ($48 x 2)，來得好快，味道ok抵食，豬油飽($12)，這裏幾出名的特色小食，本人只覺一般，不夠奶油，脆就幾脆。叉燒雙蛋通粉($26)，幾大碗，雙蛋煎得好靚，賣相吸引，有四件頗大件的叉燒，雖然這是個普通通粉，但味道甚佳，值得一試。紅豆冰($20)--- 極甜，少豆多冰，不值二十元，鮮橙汁($18) --- 唔夠凍，不新鮮，總括來說，食物水準不錯，不過就不要在午膳時間去，搵位搵得好辛苦呀﹗

今日同小美同事一齊去翠華食lunch, 一路緊去間個肚已經打晒鼓心諗緊食乜好呢, 突然諗起佢脆脆豬你包好好味架喎, 落單時問埋小美會唔會同我share 半個飽好啦就叫碗魚肉春卷墨丸米線食住先, 碗米線比我想像中好味好夠熱完後碗米線我地先嗌飲同埋個豬仔包, 咁樣個包就唔會唔脆啦係咪好叻呢!! 果然個豬仔包無令我失望好脆好好味, 下次我諗我會直接叫兩個豬仔飽食囉

日前食晚飯叫左豬軟骨魚片頭河粉, 豬軟骨依舊好香口, 魚片亦爽, 配合埋河粉係有一個濃淡既對比, 唯$44一碗, 份量略嫌不足.

皆因晚餐唔夠飽，聽完piano concert就由大會堂行左上o黎呢度食野。我第一次食翠華。女朋友要魚腐河粉($25) ，我就要個四寶米線($29)。幾好食，但係我嫌個湯底濃左一d，但女朋友話唔濃wor...我最欣賞ge係墨魚丸，好爽口，好正！其他三寶都幾好食。女朋友個河粉真係好大碗，份量好夠。我個米線份量都唔少。滿足地笑著離開翠華……

天氣開始熱,食慾減了2個人食左沙o爹牛肉撈麵配珍珠雲吞+ 雪梨茶o加o厘牛筋腩飯+ 凍檸茶後加了奶醬豬沙o爹牛肉撈麵配珍珠雲吞...珍珠雲吞的蝦唔新鮮,好腥沙o爹牛肉撈麵的沙o爹太咸,牛肉太碎雪梨茶太甜o加o厘牛筋腩飯的辣ok,不過牛筋腩未免太少奶醬豬好味,因為我鍾意厚厚的溶溶地o既花生醬o係豬仔包上面如果唔係諗唔到食咩,一般我都唔會來,因為唔覺得特別好食

久聞其名, 都知佢係貴0野, 又知佢係遊客0野, 都想試下佢有幾把炮...坐低個伙計就0係我地檯騰0黎騰去...=.=好擾攘...............叫0左個海南文昌雞飯同鹿兒島豬軟骨撈公仔麵...個海南雞飯佢話係馬來西亞style的, 香就幾香0既, 食落油份都幾適中, 飯粒又唔會濕埋一pat pat咁, 個飯就唔錯呀~~個例湯都幾好, d雪耳煲到膠膠地咁, 都真係有擺時間落去煲0既...不過, 隻雞我覺得唔多掂...雞肉唔鮮嫩, 又易散...無雞味都係意料中事...個豬軟骨撈公仔麵就唔錯0勒!!! 豬軟骨好腍!!! 肥瘦相間!!! 唔錯!!! 公仔麵又有咬口!! 個汁少少甜, 配搭合宜呀~!!! 幾好食!!!不過...服務就差少少...又落錯單...=.=""

因工作環境及放工社交圈子多數都起中環, 黎呢度食野就最易搵到位, 效率又快女仔人家成碟飯/麵又食唔哂喎, 通常叫奶醬脆豬, 以為淨係佢隻豬扒飽出名o者, 點知佢d脆豬都好好味, 無論落牛油, 果占, 花生醬or鍊奶都係咁好味...價錢又唔貴, 十蚊大大隻....同埋個廚師一d都唔姑寒架, 落醬落得好多, 個飽夠脆先好味, 所以要新鮮食以我起翠華食過咁多野, 我覺得呢個真係值得推介, 其他粉麵飯都ok既!

去茶餐廳食野通常都唔會太大期望...同外國返嚟既朋友帶佢落蘭桂芳飲完野,有d肚餓,就入左呢度醫肚!我叫左碗魚旦米,朋友叫左個火腿通粉加凍奶茶,我碗魚旦粉幾好食架!d魚旦爽爽,湯有重胡椒味,有點喜出望外!朋友話佢個macaroni都幾好食,最緊要佢開心啦!

約左男性朋友，本身極飽，但朋友極餓，所以黎呢度！自己要杯凍ＯＴ，朋友要ＴＥＡ　ＳＥＴ，佢果份就樣樣都細細件，但聽講水準不錯；我既凍ＯＴ，冇咩可以要求，不過呢度既檸檬好似冇出面咁酸，果種味道係岩岩好，茶味亦唔太苦唔太淡，雖然１６蚊一杯，都值得！朋友埋單，謝過

平時吃早餐，不是去勝香園就是蓮香樓，間中也會去陸羽或蛇竇，很少來這裡。是日約了同事吃早餐，早來的選了這裡，就來了吧！本來想試A餐的鮑片，但通粉又不可以轉即食麵，唯有要了蕃茄炒蛋及牛油豬、牛柳公仔麵。牛油豬仔包烘得脆脆的，塗上的牛油溶了在豬仔包中，很美味。當然如果包的表面不是那麼明顯的幾個手指痕，就更好；炒蛋幾鬆軟，不過是凍了一點的，加入的蕃茄粒對味道沒有大幫助；牛柳是疏打牛，廿幾蚊的早餐也是如此。即食麵的湯底鹹鹹的，給我原裝的湯粉包不行嗎？埋單廿二蚊，食物不錯，又勝在光猛好坐，穩陣之選。

●海蝦撈豆腐麵：（40分）蝦爽得黎好假，豆腐麵口感不太喜歡又無味，最好味是上面的蝦子。●茄蛋牛湯飯：（70分）蛋很滑，湯底正。●奶油豬仔包：（80分）依然好味，但小妹覺得荃灣店做得更出色。

早幾日黎左呢度食晚飯, 最主要原因係貪呢度夠快, 同埋佢地食物幾好, 所以貴少少都黎啦!入到去唔係太多人, 好容易就有位, 坐底睇下有咩好食啦, 但由於唔係好肚餓關係, 師傅最後只係叫左碗魚蛋片頭米, 清清地咁啦!魚蛋片頭米好快就到, 先試下個湯底, 係魚湯不過好啖口, 其實師傅覺得佢冇咩味添, 不過就冇味精所以好清, 唔錯; 而魚蛋有三粒, 魚蛋係非常之爽口彈牙, 不過就好多碎骨, 呢度又真係要扣分; 片頭有兩片, 都係比常之爽口, 而且炸得好香仲冇咩碎骨, 幾好; 而米粉份量都好多, 軟硬適中, 好味呀!總括而言魚蛋質素係可以, 不過師傅會鍾意片頭多d, 所以下次黎呢間食店而又想食潮式粉麵話, 師傅一定會以片頭為首選, 廿八蚊一碗唔算平, 不過黎得呢度就冇得咁計架喇; 環境舒服, 服務都尚可, 所以下次都會再黎!

XMAS HOLIDAY已開始，但漏了東西在學校LOCKER，還是要回校一轉先安樂.拎完野, 都已經11點幾有多, 又未食早餐, 約左人又未夠鐘, 就自己一個黎翠華食個沙爹肥牛河頂下肚先啦!一坐低, 就自然叫沙爹肥牛河走青+凍奶茶, 因為呢個係我既至愛!!沙爹肥牛河同凍奶茶都KEEP到水準, 沙爹好香, 河粉幾滑, 杯奶茶既茶奶比例相當不錯, 至少飲到茶味亦有奶味, 唔太甜又唔太苦.講堅丫, 食慣呢度既肥牛河, 真係食唔到其他鋪頭既肥牛河, 呢度水準極高, 個湯底冇其他地方咁味精, 已經比高左分.

牛肉潛艇放在長形碟上, 賣相幾好. 裡面有咸牛肉, 洋蔥炒蛋. 炒蛋炒到有蛋汁, 好滑. 個包烘到鬆軟. 連啖啖咸牛肉, 好有口感.

港式茶餐廳出名快靚正, 翠華的食物水準多年來也保持得很好, 而且還不斷推出新款食物。最喜愛的包是奶油豬, 鬆化的豬仔包加奶油, 正啊! 近日試牛肉潛艇都好味, 新鮮的包加滑蛋、洋蔥和牛肉, 口感與味道一流!最喜愛的晚餐是咖哩羊架, 幾十蚊的價錢可食到羊架。他們供應的羊架不是將價就貨, 都有幾件細至中的羊架。咖哩汁的味道不錯, 用來點薄餅就very good!翠華的價錢較其他茶餐廳貴, 但勝在多選擇又好味。