翠華餐廳 (已結業)

做完facial 成9點幾… 會合剛放工既babe.. 一起到荼餐廳食dinner… 最後叫左一個dinner set 一個撈麵… Dinner set 就係帶子雞排配薯菜個雞排就係雞肶肉… 個source 就係燒汁… 可能係冰鮮雞肶肉既關係...味道就好一般… 不過佢個薯菜就好好味… 個薯仔好甜… Actually 個dinner set都算幾抵．．．有湯，有牛油豬，主菜，飲品另外個撈麵我地就叫左牛筋腩撈粗．．．佢比左好多腩汁．．又唔會好鹹．．．不錯不錯

因工作關係, 叫了翠華的外賣, 要了淨菠菜餃+印度薄餅+凍檸茶. ok喎, 菠菜餃有6大粒, 內有好多菜及一隻大蝦, 薄餅都好好食, 如有咖哩汁點就仲好. 翠華整體是好的.

七月三日(星期四)同老公仔要OT又係時候tea一tea!我冇食到佢出名既奶油豬!又食左個奶醬厚多士!o!原來係有粒粒既花生醬,我就唔多buy喇!而我覺得canteen既比較好食!.....麵包唔夠鬆軟呀呢度!老公食左個白汁牛利意粉,佢話唔錯gei!!不過最敗筆既係凍奶茶!!!!一間普通既茶餐廳都好飲過佢去!咁樣唔多掂wor!唔夠奶!所以唔夠滑!

斑腩飯永遠刀甘好食不論配蕃茄炒蛋, 枝竹, XO+茄子 *v*就算餐牌冇列出黎刀一樣叫到*只要你諗到就叫到 XD又抵食又好味我諗而間茶餐廳外賣算係中上品質na

June 25, 2008 BRUNCH It's already very frustrated to know the Typhoon Signal 8 leaves so early and had to get back to work... I went to Tsui Wah for brunch and saw that 麻辣米线. I was looking for something to wake me up from dream and bring me back to reality to work... but it's like "hot water + chilly". It's so disappointing. Ton Yum Kung flavour is much much better than this.Don't ever try it!!

一個人的晚餐不一定係不開心的,最緊要好食點了一客黑椒牛柳餐,牛柳很嫩滑,呂質很好,肉汁豐富,七成熟都不會鞋,雖然沒有像和牛一樣的牛味,但絕對是可以一吃的,伴菜之中個焗薯不錯,很少茶餐廳會給你半個焗薯仔的,多數是一堆炸得很燶或淡而無味的薯條,這個環節翠華餐廳都照顧到,抵讚!牛油餐多士唔錯,牛油是美味的,餐湯要了紅湯,菜多,味道不俗!

五月廿七日(星期二)同老公同同事食呢度,都係好多人,不過唔洗等位!諗住叫常餐....因為有麵包!呢度好出名係豬仔包,但係冇常餐!不過有午餐同快餐!我叫左順德魚腐米線........菜都冇條,好唔健康!同埋d魚腐一般啦!因為魚米家好味好多!個湯老公話正!而老公食左個是日午餐:羅宋湯,好足料,好多菜!香檳火腿雞扒著菜,個雞扒幾好食呀!!.........著仔係焗gei!不過唔多菜wor都係!....餐飲凍奶茶....唔多好wor!!!因為唔夠香同滑,明顯地糖水落得唔夠啦!

幾次去翠華堂食：服務差， 但鮑魚jup炒飯 跟 蝦球xo醬豆腐面好吃 （但我不喜歡那附送的湯，像普通鹼水湯）。 衛生差（食堂勉強ok, 但根本別考慮用他們的廁所！！）幾次外賣： 可能是午飯時段吧？ 常弄錯order， 水準比堂食低。總括：我會（1）午飯時沒選擇 （2）晚上玩完沒其他地方去 的時候才去。我覺得明星光顧他們是因爲他們“夜蒲“之後沒選擇或者“就腳“才去吧？

星期日晚，到翠華食晚飯，叫咗兩個套餐，一個鐵版羊扒、另外一個就係松板牛，兩個餐都有湯送，不過個忌廉湯就真係麻麻...水汪汪咁...餐廳裡面待應何其多，不過大多好似發緊夢咁，一時先嚟鐵板就未有湯，叫咗一杯凍檸茶、一杯凍奶茶，最後就送嚟兩杯凍奶茶...叫咗松板牛，就送你一碟黑椒牛柳！不過呢個唔係重點，重點係食完呢餐之後勁口渴...攪到成晚眼光光各位對味精有敏感嘅人士，就要小心喇！

今日夜工同老闆去食飯,老闆介紹左話想黎食海南雞飯,我第一次黎,都唔知呢間鋪原來都幾出名,有報紙果D介紹過咁入到去都幾多人, 估唔到會係有兩層@@之後都未睇得切食咩好~我老闆見到松板牛柳飯,之後就轉左"車太",唔食海南雞飯~HAHA咁我又未諗到,就跟左佢一樣~一開始黎果個牛油包,D牛油熔入個包,O岩O岩好!好味!之後就係紅湯.味精比較多,個飯黎左. 我先食D 菜,有少少沙律醬O既. 又好味喎,不過我想多D 醬好味D個飯OK, D 牛柳O既O既好! 咬落好軟唔痴牙~D汁都好好味!份量好夠,我食唔哂,好飽~~遲下都要介紹D人黎食下

兩個星期前我同媽咪去食完！我媽咪叫左個炒麵我就叫左一份蛋治！因為樓下無位Ｄ伙記叫左我地上到最高, 都無問題！點知坐底到叫埋野都無人擰Ｄ茶同餐具過黎,我媽咪問個男伙記。佢真係唔知係咪未訓醒,我媽咪叫佢可唔可以比Ｄ茶同餐具我地...佢問我媽食咩∼（態度唔好！）OK...都算...之後我媽咪碟炒麵黎左就食完...我份蛋治都未黎...已追了... 最後都黎左, 但... 入面有好多蛋殼！嬲到我都廢事叫佢換即走！所以我話過以後唔會再去！有明星去唔代表好野....因為佢地一定會對Ｄ明星好Ｄ的！

今晚跟男友及其父母一行四人到了翠華吃飯。是日晚餐為「海陸什扒皇」。問了女侍應有什麼扒皇，但她竟然不知道。最後她問了其他人後，答覆我們什扒為：魚柳、雞搥、牛扒、蟹拑。最後我點了鐵板黑椒牛柳餐；男友點了洋葱豬扒意粉；男友父母點了是日晚餐和咖哩牛腩飯。- 先來的羅宋湯，不錯，起碼沒有紅紅的一層油，合我胃口。- 豬仔包香脆好吃，仍然是令人期待的，但SIZE比以前細了起碼三分一，噢...- 我的牛柳不錯，汁料有很多洋葱，很香；我跟薯菜，即焗薯，幾好食。- 男友的洋葱豬扒意粉不錯，有兩大塊豬扒，豬扒入味，但意粉份量較少。- 幸好沒有叫海陸什扒皇，因為賣相不太好，食物也不合我胃口。- 咖啡牛腩是男友父親每次到翠華的必吃食物，百吃不厭，他讚到天上有地下無。由於我無食過，所以no comment。- 我叫的那杯熱奶茶，一般啦，唔特別好飲；男友母親那杯熱檸茶，落了很多糖仍是很酸很澀，太差了。翠華其實食過好多次，但我很少吃其推介或必吃食物。今晚看了鄰桌點的... 乜乜京川大蝦兩麵皇.... 好似好好食，下次要試下先。翠華的食物質素一向穩定，不算十分好，但偶有佳作，可是價錢卻不算平。略嫌枱太細，四人點的食物.

自從一年前迫食午, 四位枱竟然要坐七個人, 就冇再返去幫襯. 但係呢一年食過好多餐廳, d豬軟骨都真係冇翠華咁好食.星期六去開中環, 經過翠華見唔係好多人, 就入左去食我心思思好耐既冬陰功豬軟骨墨魚丸粉. 確實冇失望, 豬軟骨既水準keep到, 入晒味又鬆化, ichiban!! 墨魚丸亦夠彈牙, 唯一要彈既係個河粉, 腍左少少.唔知下次要幾時先再返黎啦 (事關我係好唔鐘意搭枱......)

30-4-08 上完堂, 吃宵夜, 不想吃太飽, 便叫了個 "奶油豬". 原本以後不是很大份, 但原來有成個大豬仔包咁大. 睇落都幾飽.它是立即焗給你的, 上面有牛油同煉奶, 香 & 甜, 啱晒我. 食完有唔夠喉之感.正!

在國金看完米高摩亞的紀錄片, 逕自來晚飯. 人不多, 馬上入座. 點了西冷扒飯($78+$3冷飲).羅宋湯足料, 但味道一般. 最精采是豬仔包. 極香極鮮, 外層佈滿粉末狀似muffin, 中間切開一道, 塗上薄薄一層牛油, 熱烘烘的把牛油熔化, 簡單的一個包殊不簡單, 令人垂涎三尺.牛扒夠軟是優點. 另外凍檸茶也值一讚. 不甜不淡, 檸檬不苦茶不澀, 又夠冰凍, 是消暑妙品!