翠華餐廳 (已結業)

尋晚落中環insomnia飲野聽liveband,勁多人..蒲到兩點有點累,又肚餓,於是走去翠華醫肚!叫左魚旦米,凍檸茶,簡單既一餐,魚旦粉標榜鯊魚骨湯底,我試了後都感覺唔錯,但我又覺得最重味係淡奶同胡椒粉!不過點都好,最緊要好食!魚旦值得一讚,爽口,又有魚味,辣椒油夠辣!米粉略硬身了少少,但係以茶餐廳計已經好好質素!抵讚!凍檸茶都好飲!跟住落喜喜..

一直以來, 我都將翠華當作一家"茶"餐廳看待, 到今時今日我才知道, 翠華非"茶"餐廳。所以一直都perceive翠華只是一家收費奇貴的茶餐廳。可是入到去, 又有cesar salad, 又有牛尾湯, 實在與普通茶記有分別喎。家裡一行三人在中環, 媽媽強推翠華, 認為佢快靚正。做小的只有吃的一份罷。甫入內已有侍應帶位, 坐下後奉上茶記熱茶, 也沒有打搞及迫我落單的情況。落好單後, 食物嘭嘭聲又到齊, 樓下所指的service差, 我丁點也感受不到。海南雞飯是去骨雞肉, 吃得是雞胸位。雞肉都算不鞋, 雞又不過肥, 不錯。我本來只expect白飯, 想不到都有碗雞汁飯, 以及薑蓉and泰式雞醬, 唯獨無我最喜歡的黑醬油。跟飯的例湯都叫足料, 對我而言, 算不過不失啦。蝦球撈豆腐麵有一客魚湯送。魚湯都真係喝到魚味, 未算最好的, 不過都過得去。豆腐麵面頭灑滿蝦籽, 為在觀加分。可惜豆腐麵的質感好豆乾, 不是我杯茶。幾隻大蝦好爽, 爽得有d化學, 雖不過分, 但都係果句: 不是我杯茶也。冬陰功魚蛋豬軟骨湯米線整體而言都過得去。魚蛋味道唔錯, 湯底都不過不失, 豬軟骨我冇食, 不評論。總括而言,

(27/4/07)同老友速聚飯,原來呢度樓上有兩層。佢食豬軟骨撈丁,「豬軟骨」啡忟忟的很濃味,我想話勁牛腩o羅。蝦籽鮮蝦豆腐撈麵$38,很淡味,豆腐麵很鞋口,唯一讚是蝦真係幾大隻,爽口。p.s.兩個都有碗胡椒湯,都幾好味

今晚和兩個中同去中環翠華食飯嘩，d 野得個貴字你話好食就話姐個海南雞飯咁細份賣五十大元？坐樓上，d 服務仲要不知所謂坐咁耐飲完杯茶咁耐都唔加茶今時今日今既服務態度點得架？我以後唔再會去翠華茶餐廳，呢間所謂香港人既茶餐廳！

以前均幫趁過位屯門、新蒲光及荃灣嘅翠華，老實講價錢雖貴，但因為食物質素算ok，所以今晚就提議幾位朋友到中環這分店試試，結果是非常失望重食到一肚火。一去到，樓下嘅伙記就點我哋上二樓，但二樓嘅伙記又唔理我哋，淨係話:"埋邊揾個位啦！"。終於我哋自己揾張枱坐低然後order食物，D伙記個個急急腳行開，好不容易才找到個伙記落order。Order 咗:1) 無骨海南雞飯($50)2) 晚餐兩個($60x2)個海南雞飯set包括湯、一碟雞、附送薑蔥、辣醬、酸菜和油飯一碗。碗湯好重味精，個friend飲完話勁口乾。碟雞望落都ok，但係好肥，d雞皮下脂肪肪有0.5cm厚，好恐怖。碗油飯都ok，唔算肥。兩個晚餐包括牛油多士兩塊、羅宋湯、海陸雜扒(一個要意粉、一個要薯菜)、西瓜兩片和兩杯凍檸茶。聽落就ok但上枱嘅次序就唔掂。朋友個海南雞飯都食咗一半，我哋要左催又催才上咗兩杯凍檸茶。我問個見習嘅伙記邊杯少甜，佢就好rude咁答:"冇喎"，我再問時他十分大聲答:"咪lee杯囉"。再過咗十多分鐘兩個海陸雜扒才上枱。個海陸雜扒包括:一隻蟹鉗、一塊炸魚柳、一塊牛扒和一隻雞槌。蟹鉗、雞槌和牛扒都好難食，好重粉又亁。

4 April 2007 (Wed) - 晚飯試完裝好夜，好似成十點幾，勁肚餓，不顧一切地衝去翠華（其實諗唔到喺中環可以食乜），坐低叫咗佢嗰個好似幾招牌擺晒相出黎既鮮蝦豆腐xo醬麵，黎到，正呀，啲蝦勁大隻，賣相好得，豆腐麵亦好趣緻，食落真係有啲豆腐味，淡淡地啱晒我口味，不過真係勁細碗囉！如果搵到好及平既代替品，我真係唔想再黎呢度食啲咁貴既麵～～

星期六雖然仲未病好, 但都照舊同朋友食飯飲野. 到點幾, 朋友仔又話肚餓要食野, 翠華當然係一個唔錯既選擇魚蛋河- 魚蛋同魚片都好爽口, 有魚味鹹鹹地幾好食. 湯標明係翅骨湯底, 個湯色水就好濃, 但喝一啖魚骨味唔重, 河粉唔碎同幾滑, 整體來講都可收貨紫菜魚蛋河- 朋友仔的, 見佢連湯都飲埋好似好欣賞

尋晚去食，點o左個燴石斑飯，估唔到......上o黎碟o野係一大塊(真係好大)炸魚排同少少茄汁，朋友忍唔住問侍應﹕「呢個就係燴石斑飯﹖」O.K，如果好味都無所謂，但一啖咬落去......好多油，仲難食過麥記魚柳包塊魚排。至於o的汁，個人認為=茄汁打獻囉﹗本來諗住食o左餐\咁o既o野，最多只係俾人呃四十幾蚊，點知我返到屋企即時肚瀉，到今朝都仲係......--->唔通塊魚排係油魚﹖﹖﹖不得而知......我淨係知自己唔會再幫襯佢\﹗

今日好想食海南雞飯($50),經過翠華就入去食番餐\,海南雞飯包括:1. 雞湯- 入面有一隻雞腳,有節瓜,好好味,有落味精, 但真係幾好飲2. 去骨文昌雞一碟- 去骨食得好方便,最緊要無血 (我好怕d雞血淋淋,好恐佈), 有些un ,有少少雞香味, 加附送薑蔥及辣醬, 3. 酸菜- 有青瓜及白蘿蔔,幾好味,但得五小條,太少4. 香茅油飯- 油飯唔夠香,但軟硬適中,成碗食晒味道整體唔錯,但環境好嘈好嘈,食完好想快d走!

原本要去吃鏞記中午沒檯要等位就隨便進了翠華要爬上3樓才有位叫了一桌的食物淨牛腩x2鐵板鮮蝦兩面黃魚湯魚春捲x2紫菜三寶x24碟油菜咖啡x2金佶檸檬以茶餐廳來說都算好味只是檯面太小擺不下那麼多食物...

D 侍應非常唔掂，服務不但唔專業，仲可以用個差字來形容，等我講吓我嘅遭遇啦。有日，大概下午6時，我order咗熱奶茶同件“番茄生菜三文治”，走沙律醬，已多番強調走沙律醬，到最後都要嚟件有醬嘅三文治，仲要係等咗大概10-15分鐘整件咁嘅嘢，(其實，當侍應落單時，我見到張單無寫“X醬”或“走醬”等字眼，已經好心問句係唔係知道我要走醬，個侍應好肯定咁話知架啦，有入電腦咪得囉，好似好醒咁)...... 之後，我要求換咗佢，個侍應就梗係無問題，話換件俾我啦。隔咗差不多又10-15分鐘，件三文治係無醬；不過，今次就變成有烘底嘅三文治，第一次無烘底，第二次就變成有烘底，到底佢地攪什麼呀，叫佢做個樣就唔做，唔叫佢做個樣就做俾你睇，真係人都癲。為咗件三文治，足足浪費我差不多有30分鐘，結果，我話唔要取消......

2-2-2007晚上十點多, 麥奀應該已關門, 蛇竇的茶走又不是我杯茶, 便到最近的翠華。瑤柱珍珠雲吞河: 瑤柱食唔出, 珍珠? 唔多覺, 雲吞一般貨仔, 不過都預左。茶走少甜: 雖然偷落左花奶, 算啦, 都OK。後記: 1) 味精超重, 重到去第二朝2) 因太晏飲茶, 所以好晏都訓唔著

本來,茶餐廳,是平民的,是僅為裹腹的.現在是花多眼亂的.不算庶民的價位但各項評分都好過大部份中價所謂西餐廳fusion菜.giordano以前都草根都轉形,華麗起來.

星期六晚由8點蒲到2點, 朋友仔話肚餓要食野, 見到翠華就那那臨走入去紫菜魚片河- 紫菜無沙, 魚片帶爽口魚餃河- 魚餃大大粒, 肉飽滿, OK

翠華唔係間間好食就好多人都知, 不過個人認為呢間係最好食!我始終最愛佢地的奶油脆包(唔記得exactly個名, $10), 其實係好簡單自己都可以做到, 不過佢地次次都maintain到咁好食, $10 就算啦!加杯紅豆冰就係個perfect tea! 呢到的紅豆冰做得好好, d紅豆係大大粒, 唔係煮到"林"哂爛哂果d, 係原粒~ 我就係最鍾意佢地呢點其他野如咸牛潛艇, 羊架等都好好食!不過講真, 佢地唔係樣樣野都好食, 都係要叫arm d 佢地拿手野先得~ 但我會經常掛住佢地的拿手野而來食呀!