翠華餐廳 (已結業)

等女友冇所事事，走入翠華飲一杯奶茶，茶味一般但勝在沒有gip味,奶亦嫌過了點，有少少奶水feel，但總入得口，算是一般茶記水準了。其他的便沒有多大好提了，衛生都不算得ok，見到sofa後竟然藏了很多食物碎亦！職員算係ok有禮貌

正宗潮州魚蛋片頭米粉翠華最出名的就係奶油豬仔包同自家製魚蛋, 呢日試左後者。 味道果真唔錯, 最特別係用上翅骨魚湯, 不過其實魚味唔係話太濃, 至於魚蛋, 白魚蛋爽口彈牙, 片頭香口味濃, 最欣賞係米線, 軟硬度煮得岩岩好!!總括而言, 呢碗粉絕對講得想好味, 不過同大埔蔡潤記的自家製魚蛋比仲係略遜一籌, 大家有機會真係要試下, 不過佢通常下午3點就賣晒準備關門, 想試就要早D去啦!

　　今天約了姑姐在中環吃飯。她說想去翠華，我就奉陪。　　其實這家翠華已經有幾層，但或許是正值週末，又適逢是下班時間，人多得不得了。十分擁擠與嘈吵。而且餐牌壓在桌上方向不一，我們要歪著身子才能好好地看到餐牌上的文字。選好了餐，招手招了很久都沒有人來招呼我們，他們是見到我們在招手，答應著要我們等一會，可等了一會，便被其他人招去了。　　我們要了豬軟骨米線套餐以及燒牛柳飯餐。兩杯熱奶茶。　　餐湯是白菌忌廉湯，料足美味。　　而燒牛柳飯的牛柳，十分煙靭，醬汁也很惹味，還有開胃沙律。至於豬軟骨，醃得很入味，而且豬軟骨真的很軟很容易入口。　　至於奶茶，更是甘香味濃，是鎮店之寶。　　唯一美中不足的是環境太擠逼太嘈吵，而或許要服務的人太多，侍應也有點煩躁吧。

「翠華餐廳」可算是近年來最成功的港式連鎖茶餐廳，食物既多元化，分店又開得多。這天路經此地，發覺原來這裡的麵包西餅在假日是有優惠的，可以便宜一塊錢，好像「拿破崙」餅咁，就由原價$7減至$6。既有優惠，那就買一件做宵夜吧！這裡的「拿破崙」餅雖然比較細件，不過吃來還算不錯，口感豐富。雖然這餅的外層有些部分顯得較硬，不過大部分餅身都頗為鬆化，合桃不少，甜味也見適中，都算是一件吃得過的西餅。

翠華是常去的茶餐廳之一，價錢的確較貴，但質素普遍有保証。其中一款最愛的食品是川椒蝦球兩面黃，醬汁酸中帶點辣，挺醒胃。兩面黃炸得脆已不膩，配上彈牙蝦球，很美味呢！

很奇怪，幫襯過呢間翠華無數次，但從未諗過為佢寫食評，可能已成為習慣。多數都係食早餐，今次都唔例外。早餐A - 煎雙蛋、牛油方包、鮑魚絲火腿通粉加飲品。鮑魚絲當然係素的，但都幾好味，通粉要睇彩數，時軟時硬。以前係有蒜蓉多士的，現在改了方包。翠華的熱奶茶都幾好飲。早餐B - 招牌牛油豬仔包加炒蛋，豬仔包同炒蛋都好好味; 沙爹牛肉麵，牛肉麵軟硬適中，合我意。以港式茶餐廳早餐來說，翠華的算是很有水準。

你唔好理翠華是否搞串個Party,將茶餐廳高檔化,搞到去茶餐廳都要六,七十落樓.比錢果陣肉痛到極點.從來也說對號入座,你付得起便來.在另一個角度睇,連外國遊客都識得翠華,已經是成功,特意在中環鏞記對面開店,將翠華名字介紹比外國人,是最大轉戾點.結果到了今天,越做越大.除早年的沙爹肥牛河,我挺喜歡其肉絲炒麵,如今,又再來吃宵夜,又是吃肉絲炒麵.麵底依然香脆酥化,肉絲汁不杰亦不稀,恰到好處,連同余均益辣醬加芥辣醬,絕對是最佳拍檔,沒有此雙色醬,失色可不少.$46一碟肉絲炒麵,貴嗎?你去老蘭喝一杯啤酒也不止這個價,當然不是一回事.有時候一個人晚飯,冷眼旁觀四圍的食客,看四周人面變化,也幾有趣.有些是盛裝到會男女,一身戰鬥格準備去老蘭尋開心,亦有些西裝客,看似剛剛OT下班,更有一班肌肉型的男生,大約在隔離的加記做完GYM,大隻雷雷但基味甚濃,對面的ABC女子,一口美式口音,向其老外男友介紹咖喱牛腩的底細.坐在二人檯的是西裝中坑,與一身名牌,但外表似足大陸自由行的女子,正在吃著魚蛋粉談心,夠High -End.將不同背景的食客串流起來,剪貼成為一輯人海寫真,這就是翠華每日不停上演的節目.

下午茶時間一個人坐二樓仲有大卡位求其叫了件火腿旦冶同凍奶茶雞旦炒得好滑火腿不過不失配合軟軟的丐包十分鬆軟.奶茶濃度適宜呢個時間一個人坐大大的卡位優閒坐了大半小時都係二十二、扺吖

I had garoupa coury and a hot milk tea. One of the best meals I've ever had. I wish I could get something like the garoupa curry in NYC, but only in HK.

喜歡到翠華, 價錢貴, 但食物水準有誠意, 還不時創新, 無論菜式或餐牌, 一向都喜歡翠華既魚片頭米線, 夠清淡健康, 如果你有食過鄰近既翠河茶餐廳既魚片頭米線, 你就會明白翠華既魚片頭米線好食好多, 最近再食翠華既魚片頭米線, 發現了新包裝, 價錢一樣, 但用上新的碗, 係好得意, 但個人認為係細碗左. 為食博客: http://toastiesmonster.wordpress.com

這天相約朋友到這附近拍照 朋友們提議到翠華吃午餐第一次吃 , 看過所有餐單後 總結---貴大多數是只有吃食 不包括飲品 除了是五十多元的午餐推介星洲炒米粉 $48(選這個是體驗師傅的功架 而是「超值」,還有一個是$38的豬軟骨撈麵,大光麵已經常常吃 還見朋友那份量少得可憐 倒不如加10元點這個.)份量十分足夠 , 味道不俗 假如星洲風味濃一點更好米粉炒得乾身的 沒有黏作一團 不錯材料下得足 有蛋絲,火腿絲,叉燒絲,蝦仁 放進肚子後十分飽肚跟隔附上辣醬和棕色的醬 但我只吃辣醬 另一個沒試.總結: 對我來說 確實好貴.50元一個午餐 消費不起 凍檸茶也需$16 不知內裡有什麼乾坤??

我見好多人去翠華食完, 食評通常會寫魚旦粉, 奶油豬, 海南雞飯等, 不過今次想介紹吓佢個松板牛柳餐, which is, 我兩日前食的午餐一份餐要七十四元, 包括了炒飯底, 六件幾大件的牛柳粒, 餐湯羅宋湯, 豬仔包一個, 一杯餐飲同一份千島醬沙律個餐雖然貴, 但每樣食物的質素都有番咁上下牛柳粒勁淋, 而且仲好香蒜味, 好好食羅宋湯的味道處理得很好, 如果茄味多得滯就會過甜同過杰, 少得滯就會覺得淡, 翠華的羅宋湯, 一直都保持一定的水準豬仔包鬆化, 勁好味沙律有生菜, 蕃茄, 青瓜, 好新鮮的蔬菜, 特別係青瓜, 好爽口食完個餐, 有滿足感, 唔錯

每當唔知食乜嘢好時,最好就是到翠華餐廳了這裡的豬軟骨肉質鬆軟,味道濃沃,好食過好多曰本餐廳!豬軟骨配米線係我至愛的美食,無論是冬蔭公湯底或豬骨湯底都一樣咁好味瑞士雞翼撈公仔麵亦是唔錯的選擇!雞翼肥大肉嫩,配上甜甜的瑞士汁,絕對是GOOD啦好老實講,這間位於中環威靈頓街的翠華餐廳,時常都保持食物水準,就算是生菜一碟,也特別新鮮最後當然是要再提一提吓翠華嘅奶油豬仔包啦!外脆內軟,食到唔停得口呀每次來到翠華餐廳都必定Order一個

差唔多1點去到老蘭, 唔知係咪平日關係, 兩點就開燈趕我地走, 時候尚早, 仲有d 肚餓, 得翠華有開, 我叫左個炸醬麵同凍奶茶個味道都ok, 但d肉c好 “un”, 可能佢唔係麵檔關係, 凍奶茶就比太興差好多,始終係四大茶餐廳之一, 我想應該可以做得更好

Friday nite 9點鍾左右, 唔想食得太heavy, 就選擇去翠華唸住多choices, 有粉面, 有碟頭飯....我地一入去見地鋪坐滿, 店員叫我地上樓上. 行上一層, 都坐滿, 再上多一層,都一樣, 唔想等, 唯有走人, 點知, 行番落地下時, 見有個吉卡位, 就坐落去. 其實點解無攞冧把嘅服務呢, 咁我地咪唔駛又上又落. 我都知翠華係茶記, 但要提供mark number攞位, 唔係好難姐! 不過, 呢個係小問題. 呢度真係有好多選擇, 我呢晚患左選擇障礙, 唸左一輪, 而店員都無理過我地, 最终我叫左個四寶米線. 跟住, 店員為我們提供筷子, 匙.我一把筷子, 匙拿上手, 好恐怖, 點解成隻匙同筷子都係"立"嘅?! 又無茶俾我地洗洗佢. 茶記嚟噃, 點解無茶嘅? 翠華係貴價茶記, 佢想扮高擋唔俾客洗筷子,就好心俾的清潔筷子人.坦白講, 就算係cheap cheap茶記, 都無理由的筷子係"立". 哈哈, 我朋友叫我用碗面去洗洗佢...好唔明, 點解仲要推介呢間茶記俾遊客. 好老實, 食物係屬於一般, 我碗四寶嘅質素好普通. 只係真係有好多選擇, 但都唔明點解咁多人??