翠華餐廳 (已結業)

是日一個人的晚餐：翠華xo海蝦球撈麵﹣粗麵和蝦球都彈牙好吃，煮的時間控制剛好。湯ok，而xo醬用料普通，但公平點說句，這個麵才$4x，這個用料和味道已交足功課有餘。飲品點了熱檸檬薏米水（$2x），喝得很舒服。快靚正，難怪這裡永遠咁多人。

琴晚做完gym, 即刻去左翠華食飯補充體力呢! 初初只係叫左一個豬軟骨米線 + 奶油豬既, 之後朋友介紹話有一款飲品叫「清翠利落」好好飲, 就一於試一試啦!杯飲品一黎到, 我就"嘩"左一聲呢, 係因為好大杯同埋好有summer 既感覺啊!!!!! 其實佢係一杯青檸薄荷冰, 入口好fresh 好冰涼, 仲有少少酸好開胃不過就真係超大杯, 好在兩個人飲呢至於個豬軟骨米線就一如以往的好, 湯底好入味, 豬軟骨又多肉奶油豬亦好脆好大個, 不過如果可以多d 煉奶就好啦~~~

七月尾(大雨)早上工作後肚子有點餓，眼前突然晃過一個豬仔脆脆飽，心想也就不如去吃個才回家．本來想去最愛的勝香園，但眼見天色有點曖昧，還是不要冒險的好，要是吃到半路下大雨怎麼辦？想了想，不如去翠華算數．沿著路走下山還未到一半，突然嘩啦嘩啦下起大雨來，幸好沒有堅持要去大牌檔．去到威靈頓街的翠華餐廳，門口站著一大班避雨的客人，十有七八是內地人．雖然已經是兩點過外，但店內還是坐得很滿，要一直到二樓才有空位．勿論究竟翠華的食物是否樣樣都好吃，但它的確將茶餐廳文化優化，有時還不得不佩服它的管理智慧．這次為甚麼會想去翠華，也是因為那裡比較好坐.要的熱奶茶和奶醬豬仔飽，等了一會就有得食．奶茶醇香，有分明又複雜的茶香味，這是和別處有些微分別的，我比較喜歡這種有層次的奶茶；質感不失香滑，不削，也充滿奶甜，絲毫不澀，果然是一杯高質素的好奶茶．至於豬仔飽雖然沒有脆脆那麼又乾又脆，裡頭的麵包芯還是軟軟的，但它的外皮起碼是真的烘得香脆，帶少許麵粉的表皮充滿麥香，質素高；加上比較少地方用的粗粒花生醬和煉奶，口感和香味濃郁，每一口都滋味非常，真不錯！慢慢嘆完這頓不知算是午餐，下午茶或是晚餐的一杯一件，緩緩走到地下付錢

今日朝早去咗中環 見到翠華就入咗去食啲嘢 見到有個早晨優惠 就係我最愛嘅超脆豬仔包只係$9 非常抵食 只要等幾分鐘就有得食啦佢啲豬仔包真係好脆好味呀! 不愧為「鎮店之寶」呀! 呢間餐廳喺好多地方都有 佢啲粉麵都ok 仲有海南雞飯呀!

7 月 3 日 (晴)近一陣子在中區掃了多間茶餐廳，從勝香園、港土茶記、華豐、以至來佬都試了，今天忽然想起很久沒到的翠華，立即動身沿擺花街拾步而行，再訪久別的翠華。對翠華，自己有至愛六寶 -- 魚旦片頭河、咖哩牛腩、鮑汁鷄粒飯、奶油脆朱、朱扒包、咸牛肉潛艇 快、靚、正、抵食是我一向對翠華的感覺，難怪店子在中環這租貴競爭劇的戰場都能屹立不倒 ，記得這店的位置多間食肆包括馬來亞餐廳、太湖、魚翅撈飯都做不長，隔鄰的黃枝記最近都搬了，生意難做喔！反觀翠華，日夜都咁旺場，越做越旺，除吸引大批中環白領、金融才俊、蘭桂芳酒客外，更有不少內地、韓、日遊客拿著地圖來朝聖呢，而其外賣/送遞亦其門如市，点到你唔服！講遠了，這天是下午茶，套餐有三款選擇好像比上次來時又加了价，可能是材料、最低工資、舖租水漲船高吧！通脹猛於虎啊又講遠了，說回食物吧！早前到勝香園，試了其馳名的檸蜜脆脆，總覺得還是翠華的奶油脆朱正 D，一坐下，二話不說，先叫個久違的奶油脆朱，hmmmm .... 奶油抹得汁水淋漓，軟朱夠厚身，烘得外脆內軟，果然是極品魚旦片頭河配凍檸茶 ($36 + 3)，好像細碗咗，亦貴了不少！！沙爹肥牛撈麵&

今日放學一行4人去宵夜~ 翠華環境光明, 乾淨~ 唯人流多, 似乎人手覺得不太足夠, 服務有待改善~今次點了麻辣肥牛+順德魚腐 米線~ 結果上桌時卻來了沙嗲湯...本來想幫我換, 但我說我已經飲過一口湯, 著她拿一些麻辣醬給我加進去就好~沙嗲已經香, 微微有一點甜, 麻辣是香辣, 合起來味道不錯~肥牛質數一般, 茶餐廳質數尚算可以吧~ 沒有雪味, 輕有點牛味, 有點過熟, 但還未算"鞋"~魚腐是主角~ 有魚味, 口感軟得來帶有點彈性~ 不知是否錯覺, 咬開來中間還有少量的不知是肉汁還是湯~

同學來咗香港玩，咁喺要帶巨嘚去食港式茶餐廳咯，揀咗中環嘅翠華~~5個人每人一隻奶油豬仔包~煉奶加多少少，不過整體質素都ＯＫ啦～～我叫咗一份鮮蝦菠菜雲吞，用咗魚湯，非常鮮美，好中意啊~~同學叫咗最經典的潮州魚蛋粉啦，都喺用魚湯做嘅，也算貨真價實啦~~我仲叫埋一杯紅豆冰，哎，真喺覺得嚒嚒嘚，都喺奶茶好D……其實仲有蝦子雲吞面同埋一份嚒嚒炒粉，唔記得咗，又冇影像，不過我對呢D嘢向來唔中意，唔好多講影響大家了……

都系同女友慕名而來，食他地嘅“十大名菜”。點佐個馳名牛腩飯，一個魚蛋皮頭河粉。睇菜牌就知黎間店都系食住個名氣，都偏貴啦，牛腩飯好似四五十蚊，河粉二十好幾~但系牛腩粉吃起來幾爽口，量幾足，五十蚊如果無甘嘅量都說不過去la~不過勒，河粉就好清淡，冇嚒特別，買單成百蚊，覺得不抵，下次都系沒必要都唔好進去啦

是日來到了中環辦事, 辦好事, 必然要先吃東西, 再上路到深圳. 近日發現, 中環區, 抵食的茶餐廳已經日漸稀少. 中高檔的食肆就越開越多. 一個人想平平地係中環午餐, 選擇真係越來越少. 既然找不到心水餐廳. 就入來中環的名人茶餐廳....威靈頓街的翠華.翠華雖貴, 但一到中午時段, 依然的人山人海. 窄窄的卡位, 也要迫迫夾夾的搭檯. 我就要同兩位國內來香港打工的女人搭檯. 聽見他們說話豪豪爽爽的. 當員工要求她們兩位坐一邊, 讓我搭檯, 才帶著黑面的態度坐埋一邊. 讓我坐.先說翠華的價格, 正常來說, 不算是太貴, 令人覺得貴的是什麼, 是大部份的食品, 都沒有套餐跟, 全部要散點. 一要多杯野飲就多收了10多元. 貴就貴在這. 再說, 是食物同飲品. 一朝早, 已經兩杯奶茶, 一杯咖啡了, 再喝已經不健康, 於是點了一杯檸檬茶, 看似健康點但一樣的不好, 因為糖比較多, 係少了奶, 清新一點而已. 而且茶味濃. 好飲就好飲, 一日飲太多的茶, 都係唔係幾好既.食物方面, 我就來了一個雲吞撈麵. 濃濃的, 沙魚骨湯底的雲吞. 味道鮮上加鮮. 再者, 撈麵上滿佈了香口的蝦子, 加少

翠華絶對是中環的有名餐廳。慕名而來，當然要試下近來勁賣廣告的奶油豬仔包啦！失望的是包皮不夠脆。失色。另外叫了一個午餐。湯頗咸。豬扒就一般咁啦。總體來講都不是好的。

沒有食評，倒有一點想要投訴！約朋友到中環食晏，先到翠華等位。一入門，侍應詢問人數，我示意兩位，然後給帶到某角落4人卡位。當時對面已有一小姐獨自用膳中。3-5分鐘後，看見後一張「3人卡位」的食客離開，便著侍應想掉到該卡位，侍應說：「你兩個人，呢張檯係坐3個，都係要搭檯架下！而家講明你知！」 （因為一邊凳給一柱躉佔了一半，好明顯，整個卡位就只能坐3人）甫坐下，就立刻致電朋友可多帶一個同事一起午飯。打後10分鐘，之前說要搭位的女侍應將人客加插加插又加插，我早已表明會有3人，卻仍然給人硬塞人坐下，我不停不停不停解釋有人有人有人。然後該女侍就走到我跟前，把人客給塞進卡位，我表示有3人，侍應立刻以超乎想像的大聲量說：「一早同你講左呢個係4人位(!?)黎架啦！你而家3個人，坐多個咪岩囉！」「一係你講夠4個人喇！」，相信當時整個室內都能夠聽到該侍應既說話，我無回答，只掏出電話叫朋友獨自到便算。只想說，如果我是遊客，受到如此禮待，一定會向其他人「強烈介紹」此餐廳。

奶油豬The savoriness of the butter and the sweetness of the condensed milk combined is sensational. The bun is toasted to a crispy texture as well, which makes it all the more enjoyable. The milk tea here is also good, though of course not as good as 冰鎮 ones, and at $17 for an iced one, it’s even more expensive than the bun… However, without it, I would have fainted from the heat and stuffiness of this place, during the crazily crowded lunch hour.

算起來除了上班的日子,都不知有多少年沒有玩通頂,就趁世界杯這個熱潮,跟教父及奶弟過了一個又一個晚上.就在兩場之間的空檔,在附近找點吃的,玉葉之類早已關門,幸好仲有不少通頂食肆在營業.雖是午夜時段,地下一層竟然都有七八成顧客,看來都是睇波一族.睇睇餐牌,價格略高,但以中環貴租地區,又不算過份.蝦球撈麵 : 有朋友曾經跟我說是店內名物,看來有水準是真的,但要上到名物,又似乎有點誇大,蝦球灼得剛剛好,爽口彈牙,不過蝦味又太輕,雖然已經灑上一層蝦籽,加重蝦味及令到賣相突出,總算是幫到少少手.麵底鹼水味不重,已經是收貨水準.附上的魚湯呷一口師傅不太重,但都是少飲為妙.三扒兩撥,提完神之後又要去睇下一埸再叫過.

中環翠華茶餐廳, 與鏞記一街之隔, 兩間都具有代表性, 鏞記鵝靚菜餚上乘, 翠華菜式包羅萬有, 兩間都能保持出品穩定. 質素普遍有保証.置身其中, 看著如車輪轉的食客, 高官名人, 中環OL, 地盤工人, 明星蒲友, 富豪政客, 都同一地呷著奶茶咖啡, 每日在這裡上演不同的故事. 為中環人提供落腳點.無論是去蘭桂方或蘇豪, 我喜歡在這裡待上一會兒, 先打底, 避免空肚喝酒. 或在這兒吃個早餐, 太陽蛋, 熟蛋, 奶茶少甜少奶, 奶油豬少油多奶, 沙爹牛通扣底, 都能順應要求, 但唯一不好是這裡人流太多, 侍應應接不下, 又像機械人般接待, 做到麻木!翠華是一間與時並進的茶餐廳, 將茶餐廳和冰室文化發揚光大, 中西薈萃, 泰式, 印度式, 馬來西亞式, 以連鎖式經營的港式茶餐廳，這裡是算不錯了!花多眼亂, 吾知食乜好? 請看以下十大推介魚蛋魚片頭米線以「魚蛋稱霸、咖喱稱王」做口號。話用魚翅骨做湯底, 魚味不太濃, 但吾腥, 至於魚蛋, 白魚蛋爽口彈牙, 片頭香口味濃, 湯底透入米線, 連湯也喝下!這個午市套餐就麻麻, 炸豬扒粉漿太厚!奶茶，甘香味濃，是鎮店之寶, 也是我必然之選。

香港的茶餐廳滿街都是，翠華勝在consistency (一致性), 相對來說，其他茶餐廳有時可以好好吃，師傅賭馬的那天就有點難說。但翠華的幾家分店差距不太遠，而且他們還致力提供新產品，價格雖然比較貴，但是午飯、晚飯套餐有地道鐵板扒餐簡直超值！難怪成為香港人最愛品牌，在機場離境大堂也開了一家，展示香港地道口味。