翠林辣蟹舫

营业中

休息中

話說某一日老公問我想食乜？我都唔識答，事關食黎食去都係果幾間，都好悶，於是上openrice搵食，見到翠林個廣告，又望左下D食評，今日就過左黎食叫左5樣野：1.黑胡椒蟹，味道幾好，叫左微辣，小朋友都食到。叫左隻菲律賓大蟹，千幾蚊，都OK抵食，下次去試下其他食法。2.客家碌鵝，味道唔錯，不過有點肥，但係食開鵝應該都可以接受既。3.拍蝦香芋娃娃菜，上湯浸娃娃菜，上湯都幾好味，食完唔會口渴，即係無味精4.黃金豆腐，呢個真係堅抵食，68蚊仲有85折，味道堅好食，豆腐炸完都勁滑，有好多粒，性價比高。5.濃湯雞煲翅，呢個都抵飲，四百幾蚊，有6兩翅，半隻雞，5個人飲，每人一大碗，中意食翅既人一定要試下。成餐飯都幾滿意，坐得都幾舒服，環境算係企理，始終係老鋪頭，所以都偏懷舊。服務員好有禮貌，態度都好好，總括黎講屬於會再幫襯既餐廳。

公司收工，原本想食大閘蟹，諗諗下都怕肥，同事就建議唔怕太地嘅就去食大排檔野。上到去都好乾淨又好氣氛，當然會嘈少少不過都係香港老牌小炒店特別！一黎叫蟹先～有699 988 1288 1788比我們選！4個人就點左988都已經夠食🦀，黑白胡椒煮，老實好食過海鮮舫碼頭個d!飲左酒想食啲雞煲，呢個煲10級辣（偏辣），但辣得黎又好想繼續食，加個梅子檸檬前菜、加多個椒鹽豆腐！ 千七蚊落樓😉正！

🦀翠林辣蟹舫 (尖沙咀)🦀-夜麻麻唔知邊度有得食嘢🤧問朋友先知原來佢有間好推介🤫仲要咁啱起正尖沙咀！就即刻去試吓🤭同埋啱晒我呢個蟹迷🦀🦀-黑白胡椒炒蟹🦀(💰688):因為同行嘅朋友仔唔食得辣所以我哋叫咗少少辣🌶我好耐冇食過肉蟹😹我出奇到問朋友點解啲肉好似一吸就會岀左黎咁👾佢話我知原來隻蟹夠新鮮同埋夠大隻就會咁🤖漲知道了👻胡椒辣味唔算好重🤭但係就好夠香👍🏼-黃金流沙蝦球🦐💰38@1蝦球超級大隻！相比起呢個價格真係好抵🤣我估應該係即叫即整🤣因為佢真係超級勁爆熱😂放咗好耐佢都係好熱😂😂味道方面就正正常常🤤蝦肉夠晒彈牙🤤仲有一個沙律係隔離🤤正！-潮式酸菜龍躉球🐟💰188:雖然佢份量唔多但係我覺得呢個價錢都算係抵食🤣因為佢用嘅🐟係龍躉，龍躉嘅肉質偏彈牙少少魚皮係爽嘅😂感覺有好多骨膠原嗰種🤤酸菜好夠酸🥶我地呢兩個都好鍾意食🤫👍🏼—(非專業,完全跟據個人口味☺)食物:8/10環境:8/10服務:8/10人均消費:$100———————————————▪店舖名稱: 翠林辣蟹舫 (尖沙咀)▪店舖地址:🔸尖沙咀亞士厘道24-38號天星大廈1樓A號舖

又到左食蟹嘅季節啦前兩日食完大閘蟹覺得唔係好夠喉所以今日約咗家姐去左間食蟹嘅專門店食蟹因為之前嚟過一次係食佢嘅避風塘蟹真係令人非常回味。呢間餐廳有好多蟹嘅煮法包括有避風塘蟹，黃金蟹，醬油蟹同黑白胡椒蟹。我哋今次就選擇左黑白胡椒蟹。佢隻蟹非常之適合打卡因為一送到會有個紅色嘅木架裝住隻蟹顯得非常有氣派啊！表面已經睇到啲黑白胡椒嘅醬汁掛滿晒成隻蟹身淡淡食落去充滿胡椒味，但係又唔會冚過蟹肉嘅鮮甜味，即係非常之答你姐咬啦真係啖啖肉㗎！另外叫咗個水煮牛肉鍾意食辣嘅人士真係必點啊！牛肉食落好嫩滑一啲都唔覺得鞋口，加上份量都非常之多。仲叫咗個黃金豆腐食落外脆內軟，而且啲炸粉食落唔會好厚身啱啱好，加上熱辣辣配埋個泰式辣醬甜甜地非常之夾嫁。

超级好吃！店家服务超级好！来香港吃的最开心最满意的一顿饭！这个螃蟹超级美观好看，老板娘服务超级热情，给我们各自送了一瓶饮料！喝的开心吃的开心，一切都好开心，赞赞赞！

9 0 後 的 味 蕾 .同老人家食飯都係揀番中式比較穩陣，今次就揀左間專食炒蟹既餐廳，見呢間營業時間可以去到12點，慢慢坐慢慢食.🔸炸豆腐 $68以小食來講份量絕對唔少，豆腐炸得皮薄鬆脆，每一粒都係金黃色，重點係即使經過高溫油炸，豆腐仍然保持到新鮮嫩滑入口即溶的感覺，屋企煮唔到，值得一試。.🔸避風塘炒蟹 $ 688店入邊嘅炒蟹有好多種烹調方式比客人選擇。今次揀咗一款最受香港人歡迎嘅做法就係避風塘炒蟹。 蟹分量十足，蟹肉亦都非常新鮮，即使落左好惹味嘅炸蒜同椒絲去炒，都唔會蓋過蟹肉本身嘅鮮味。因為蟹肉夠新鮮所以好容易可以將成條蟹柳拆出嚟食，夠晒滋味！.🔸客家碌鵝店員同我地講呢一款菜式係客家人每逢有喜慶節日會食既菜式。鵝肉用上類似東坡肉嘅醬汁去烹調，炆到非常軟身之餘又夠入味，鵝件連皮去炆令到成道菜都充滿鵝味，有驚喜！.🔸蝦醬炒通菜炒出黎既通菜夠晒鑊氣，上枱時用左鐵鑊去裝住，每條通菜都仲係熱辣辣，蝦醬香得嚟又唔會太咸，師傅炒菜既火候亦控制得非常之好，令到通菜能夠保持翠綠爽口。

超鍾意食蟹，趁放假就拉埋朋友仔一齊去食好西。尖沙咀已經好少晚上10點後仲開緊既食店，有時真係想傾晏D同盡情D都唔得，但係呢間翠林辣蟹坊竟然開到12點，營業時間到11點半，只要打齊針，仲要可以最多12人一桌添。今次就同朋友仔傾多陣計唔洗急住鬆人，但下次一定call埋班friend過黎，諗起都開心。涼拌涼瓜（$68）- 酸酸甜甜好開胃，就連我唔太喜歡食涼瓜的人，食一啖發現無苦味後，都不斷夾黎食。山楂汁龍躉球（$188）- 一碟有7-8塊，仲要塊塊都超厚肉，，仲要食得出好新鮮，配上山楂汁，真係極美味，價錢仲要一d都唔貴。黃金流沙蟹（$688）- 有幾款口味嘅蟹可以選擇，心大心細，又想食想避風塘味，又想食黑白胡椒，又想食黃金流沙蟹，其他另外個兩款款蟹油醬香辣蟹同薑蔥乾煏蟹都好吸引。最後選擇咗黃金流沙口味，上枱個下好架勢，個紅色木架極度搶鏡，打咭極品。咸蛋黃脆脆包住隻蟹，香味撲鼻，未食已經流哂口水，極邪惡！隻蟹大大隻，仲要蟹肉勁厚，非常鮮甜，真係勁滿足。香芋拍蝦肉碎娃娃菜（$118）- 呢碟菜清清淡淡，味道不錯，菜底的湯很甜，食咗口味較濃的蟹後，再吃這個菜中和下，剛剛好。順帶一提，店內的廁所很整

之前已經好想來試吓，今次終於有機會。當晚我哋12人，叫咗勁多嘢食。叫咗碟炸豆腐，好食，外面夠脆。另外，避風塘魷魚味道都好得，除咗炸得夠脆外，魷魚都好好食。至於話梅涼瓜，簡直冇得頂。話梅同涼瓜嘅味道非常之夾，我哋之後再叫多碟。黃金流沙蝦個賣相超得，直頭可以用嚟打卡用。味道亦都非常好，啲蝦都好大隻，蝦肉夠厚肉，非常有口感。無論辣蟹定係唔辣蟹，都好得，超有水準。除咗夠大隻外，味道亦一流。真係食過返尋味。另外我哋叫咗乳鴿同埋蟶子，其實依兩碟都好食，但係已經比之前嘅食物蓋過晒，無形中已經比下去。

估唔到平日黎都幾多人，好彩訂咗位。我哋三個人叫咗細嘅蟹，因為有人唔食辣，所以揀咗薑蔥，雖然冇避風塘同黑胡椒咁惹味，但係味道都唔錯，好啱唔食辣嘅人，薑蔥味好重，炒得好香。而且蟹肉鮮甜，肉質肥美。整體來講嘢食質素幾好，種類略嫌少咗啲，同埋價錢都偏貴，員工服務態度好好，會主動過嚟收碟。

平時去開食避風塘炒蟹，第一時間諗起嘅一定係鵝頸橋底，自從疫情之後鵝頸橋底嘅辣蟹都執咗好多間。朋友介紹之下原來尖沙咀都有一間好出色，所以特登放工走咗去試吓🤪——————🐽 避風塘炒辣蟹一上枱比個份量出嚇親，肉蟹好大隻，炸蒜好多成碟都係，辣蟹亦炸得好出色，肉汁完全封晒喺蟹肉入邊。一啖蟹肉一啖避風塘炸蒜，好惹味🤩🐽 黃金流沙蝦球蝦球係蝦肉再加蝦膠，食落啖啖都係蝦肉，而黃金流沙炸到非常鬆化，同平時食到濕版本嘅黃金流沙好大分別🐽 客家碌鴨鴨肉炆煮到好林，醬料亦唔會太鹹，送飯一流🐽 福菜花炒湖南臘肉湖南臘肉食落非常甘香，有少少似煙肉嘅味道，同福菜花食出奇地夾🤤

尖沙咀食蟹好去處好朋友生日,但他建議由我挑選吃海鮮的好地方,適逢半年前在尖沙咀吃過一間不錯的辣蟹,又可以預訂座位,所以今晚就去慶祝。上次吃的是新加坡式的黑白胡椒蟹,當然要試其他口味!香片及前菜x11. 話梅涼瓜酸溜溜的話梅與做人沒有苦澀可以嗎的涼瓜,為之後的主菜做好胃部消化準備~香片是相對溫和一些的茶品,個人相當喜歡。主菜x31. 潮式酸菜魚 168元其實有沒有潮式我也不懂,但酸菜魚會用龍躉卻很新奇,每啖都是無骨魚肉,吃得很爽快!偏酸不辣的酸菜龍躉很有驚喜!2. 客家婆碌鵝 188元原來香港還有這道客家菜?!以前曾經在梅州吃過地道的客家菜,有幸見識這道佳品。好食的客家碌鵝最好用半肥半瘦的鵝肉做成,將醬汁融入到鵝肉之中,不咸不淡,剛柔並重地將帶出鵝肉的鮮味。這次吃到幾近正宗的碌鵝,實在難得~3. 黃金流沙蟹 688元等了將近40分鐘的黃金流沙蟹終於上店,拍完相片後,就先吃最多肉的蟹腳和超巨大蟹鉗,附上的工具就大派用場,最後細味脆卜卜的蟹膏,為今晚完美盛宴劃上句號!店家仍然提供8折優惠,座位又坐得舒服,冷氣又夠,人均約500元,可以接受!翠林辣蟹舫尖沙咀亞士厘道24-38號天星大廈1樓A號

今日黎到尖沙咀食呢間想試好耐嘅餐廳，之前就係見朋友食過，今次朋友帶我黎試下🤗蟹同小菜都做緊8折！避風塘炒辣蟹 $688一上枱已經氣勢十足，避風塘煮法好香，香速惹味呀，滿滿嘅炸蒜鋪晒喺蟹面，朋友忍唔住叫咗碗飯撈埋蒜一齊食😋蟹鉗好大隻同埋蟹肉超飽滿呀，咬落去肉質好紮實，好鮮味黃金豆腐 $68炸得外皮脆𥚃面嫩，不過要小心食嘅時候好容易熱親個嘴山楂汁龍躉球 $188魚炸得幾香，上面淋左啲山楂汁，甜甜酸酸好開胃椒絲腐乳炒通菜 $88上枱已經聞到好香嘅腐乳味，呢隻腐乳味道略甜，菜都幾新鮮我哋餐飯食咗好耐，但keep住見到有人入座，一問之下先知原來餐廳營業時間到11点半，而且打齊針既話可以最多12人一桌，一大班人gathering岩曬

又到左食蟹嘅季節！今次嚟到位於尖沙咀嘅翠林辣蟹坊，見到佢哋嘅鎮店招牌蟹就已經流晒口水！🍡黃金流沙蝦球 HK$76蝦球成隻蟹鉗咁好型，咬落勁爽脆，而且咸蛋味好香，但又唔會太過濃味掩蓋左本身蝦肉既鮮味！🍡蜂蜜燒汁鱔球 HK$138一見到有鱔球就即刻心心眼😍鱔球好脆，因為有蜂蜜嘅關係，食落都帶甜甜地，導致燒汁唔會話好鹹！🍡鎮店招牌蟹 HK$688呢度嘅招牌蟹有五種煮法俾我地揀，包括有避風塘炒蟹，黃金流沙蟹，蟹油醬香辣蟹，薑蔥乾福蟹，及黑白胡椒蟹！一開始都掙扎咗一陣，最後決定叫最惹味嘅避風塘炒蟹！辣蟹叫左小辣都已經好香好惹味！炒辣蟹比一大堆炸蒜包裹，而且蟹肉肉質相當結實，夾埋一齊食真係好滿足！🍡拍蝦香芋娃娃 HK$118娃娃菜湯好清甜，滲哂落娃娃菜好入味！芋頭都煮得好軟，但又唔會一夾即散！食完隻招牌蟹，作為最後嘅一道菜洗去招牌蟹嘅油膩真係好合適！

愛人喺尖沙咀工作，佢話平日都見到呢一間翠林 辣蟹㗎喇😏佢話都好想試😍咁就星期六嘅下晝嚟食個lunch😋睇下有啲乜嘢正嘢😋😋愛人第一個點就係避風塘炒蟹🤔唔通佢真係好鍾意食。。忍咗好耐所以決定同我嚟食避風塘炒蟹🤣😂🤣第一道菜嚟嘅係黃金流沙蝦球（每人一隻） 好靚呀😍😍 咬落去隻蝦到好鮮味又脆卜卜加埋啲沙律醬落去一齊食好清新，仲唔會有油膩嘅感覺添 😍估唔到呢個碗裏面嗰啲炒米粉碎都畀我食曬但🤣因為我鍾意食咋嘢😍愛人真係識得揀👍主角出場啦♥️避風塘炒蟹🦀你睇下幾大隻蟹😍好香呀，我哋叫咗個小辣嘅避風塘炒蟹🤭因為怕太辣食唔到就浪費曬😁小辣嘅避風塘炒蟹 woo特別之處係好多炸蒜和辣椒融和係一齊嘅的味道，仲好夠鑊氣真係非常惹味，香味浸透蟹肉， 而且仲啖啖肉香香辣辣，一隻蟹的份量好大份足夠兩三人食用呀，吃完蟹之後仲啜指回味添☺☺即食蟹已經嚟咗個 106蜂蜜燒汁鱔球， 上面有好多蜂蜜好甜喎😍呢嗰鱔球其實係鱔片嚟㗎😍好大塊啖啖肉無骨好好味呀👍又係香口嘢，外脆內裏啖啖肉啲肉係好滑添呀，同埋啲蜂蜜一齊食甜甜脆脆好正👍椒絲腐乳通菜好有鑊氣呀，嚟到嘅時候已經香氣撲鼻喇♥️好耐冇食過椒絲腐乳通菜😅因為屋企唔識炒囉🤭🤭同埋啲菜

今次係第二次食，上一次同朋友食，今次同老公食🤭因為老公鍾意食避風塘炒蟹，所以就同佢過嚟食。我哋好早食17:30到，所以我哋係包場🤣揀咗避風塘炒蟹中辣🌶️必點黃金豆腐，蜂蜜燒汁鱔球，拍蝦香芋娃娃菜同埋酥脆蠔仔餅😌先講招牌辣蟹，佢哋係用越南肉蟹，一隻🈶️成斤幾重，而且肉質結實咬落口啖啖肉，配上佢哋特製嘅炸蒜同葱超級入味，黃金豆腐嘅炸漿夠薄，做到外脆內軟，熱辣辣好好味😋 蜂蜜燒汁鱔球呢個味道好特別，估唔到蜂蜜同燒汁嘅味道都咁夾，呢個唔係脆卜卜嗰種，係椒鹽白飯魚嗰種口感，我幾鍾意個娃娃菜，因為有好多配料吖，又有蝦肉，肉碎，🦐乾仔同芋頭，咁多隻味加埋口感好豐富😋酥脆豪餅仔佢哋呢隻同平時食開嗰啲有啲分別，我唔食葱所以走咗葱，裏面有韭菜粒，而且仲非常鬆脆，通常啲炸嘅野擺耐左會變腍，但呢個唔會🤭不得不提嘅係佢哋嘅份量都唔少，我哋兩條友又眼闊肚窄，五樣嘢係食唔晒㗎🥲仲有佢哋嘅服務態度非常之好👍🏻我哋都差唔多食完佢哋仲幫忙換碟，我哋話唔使換啦，都食完喇但佢哋都幫我哋換，老公一致好評話下次要再食😆