翠林辣蟹舫

又到左食蟹嘅季節！今次嚟到位於尖沙咀嘅翠林辣蟹坊，見到佢哋嘅鎮店招牌蟹就已經流晒口水！🍡黃金流沙蝦球 HK$76蝦球成隻蟹鉗咁好型，咬落勁爽脆，而且咸蛋味好香，但又唔會太過濃味掩蓋左本身蝦肉既鮮味！🍡蜂蜜燒汁鱔球 HK$138一見到有鱔球就即刻心心眼😍鱔球好脆，因為有蜂蜜嘅關係，食落都帶甜甜地，導致燒汁唔會話好鹹！🍡鎮店招牌蟹 HK$688呢度嘅招牌蟹有五種煮法俾我地揀，包括有避風塘炒蟹，黃金流沙蟹，蟹油醬香辣蟹，薑蔥乾福蟹，及黑白胡椒蟹！一開始都掙扎咗一陣，最後決定叫最惹味嘅避風塘炒蟹！辣蟹叫左小辣都已經好香好惹味！炒辣蟹比一大堆炸蒜包裹，而且蟹肉肉質相當結實，夾埋一齊食真係好滿足！🍡拍蝦香芋娃娃 HK$118娃娃菜湯好清甜，滲哂落娃娃菜好入味！芋頭都煮得好軟，但又唔會一夾即散！食完隻招牌蟹，作為最後嘅一道菜洗去招牌蟹嘅油膩真係好合適！