翔壽司 (已結業)

米米貪得意同男朋友去食立食壽司🙈其實喺日本旅行嘅時候，經常都會見到立食壽司店，但就full到入都入唔到😂見香港開咗就忍唔住試下👍🏻。🍣甜蝦刺身 $50@5甜蝦十分大條，味道好鮮甜😍仲有好多蝦膏😍。🍣三文魚腩刺身 $45@2厚切三文魚腩係我最愛😍真係勁新鮮又肥美。🍣北海道帶子刺身 $50@2帶子落左少少香草🌿更突顯鮮甜👍🏻。🍣魴鮄壽司 $25魴鮄呢個名好陌生，但味道清甜，肉質紮實得黎又爽口有彈性👍🏻所有壽司飯都係用赤醋，所以飯好黏唔會散😋。🍣火炙金線鯛壽司 $20魚肉柔軟，燒過後魚味、油香味更重，非常滑嫩，配上蔥花就更清新😋。🍣真鯛壽司 $20係日本食過真鯛刺身，但肉質過分「膠」唔識欣賞，但呢個真鯛唔「膠」，非常爽口，味道清淡。。🍣鰻魚壽司$30非常厚切大份，燒過後油脂出曬黎，味道好飽滿😋。🍣辣味三文魚軍艦 $9非常抵食，又平份量又多😍其實唔太辣，碎碎嘅三文魚粒食落就無咁膩👍🏻。🥑牛油果沙律手卷 $20食完咁多魚肉後，食個沙律手卷就感覺無咁膩，牛油果偏爽口😋唔好以為企係度食就唔受歡迎，其實好多人都專程黎食，反正師傅上菜速度夠快，唔怕企得耐會攰😋但質素就真係比好多價錢差不多嘅壽司店高質好多

今晚來到尖沙咀厚福街的立食壽司店「翔壽司」。跟朋友點了《特上壽司拼盤十件 $250》和一個《迷你三色丼 $138》。先吃用香肥紫菜包裹的軍艦壽司，免得紫菜變軟：《三文魚籽 軍艦壽司》三文魚籽晶瑩剔透，爆汁鮮味，不需另蘸醬油。《海膽 軍艦壽司》海膽份量多而且不會溶溶的，入口香滑味甜而不腥。《中拖羅》顏色粉紅， 脂肪比例較高，魚香持而恰到好處的魚油脂，非常甘香，肥瘦大約是｢赤身｣以及脂肪豐富｢大拖羅｣的之間。《金目鯛》魚脂與肉比例均衡，肉質細嫩肥美，味道鮮甜，口感爽身。《魴鮄魚》粉紅與白色交集的魚身肉質紮實，味道清甜，入口魚味不算濃， 油脂亦不多，吃起來比較清爽，口感細膩，內裡放了芥末很提味。《深海池魚》厚身，比池魚脂肪更多，油香更重，味感愈咬愈出。《真鯛》日本最大的𩶘魚，清甜滑嫩。《牡丹蝦》蝦肉剔透，鮮甜爽嫩。《帆立貝》味道鮮甜，肉質肥厚。 《金線鯛》金線魚與香港的紅衫魚同科，只是產地不同。這條日本紅衫魚，坊間甚少供應，比味道普遍清淡的鯛魚，味道來得鮮甜，肉質結實有彈性。《迷你三色丼 $138》雖然說是「迷你」，但其實已經足夠女生的食量。用材亦足份量，有肥美的帶子、爆汁鮮美香濃的三文魚籽

立食壽司喺香港越開越多間，證明立式壽司的確深受香港人歡迎，而且通常立食壽司價錢唔會太貴，就可以食到師傅即握的壽司🍣，所以寧願企係道食都要食！翔壽司位置尖沙咀厚福街，地點便利，餐廳只有一張L型吧枱，全部位置都是面向壽司師傅，一邊看着師傅握壽司亦是一種樂趣。特上壽司拼盤（ 10件）$250包括有北海道海膽、大拖羅、魴鮄壽司、三文魚魚子壽司、深海池魚壽司、鮮帶子壽司、油金魚壽司等等所有壽司都非常新鮮，海膽非常creamy，其他魚類壽司魚味非常濃厚， 油而不膩，而且壽司飯已經帶有少少豉油味，因此不用點醬油已能帶出壽司的鮮味，三文魚魚子粒粒都好大粒同卜卜脆，爆汁，正呀！翔。迷你葱吞拿魚腩丼 $138而呢一個吞拿魚腩丼應該係呢度嘅招牌菜，丼返上鋪滿即切成溶的吞拿魚，分量足以每一啖飯都有吞拿魚茸，而呢一個丼飯與即握壽司一樣有豉油味，壽司飯軟硬適中，食完真的非常幸福呢。提一提大家，讚好翔壽司Facebook page就能夠得到小食一份,以我們當日就是得到免費的熱辣辣日式枝豆

立食壽司呢股風氣在日本已經風行已久，這幾年才立足於香港，在日本通常立式壽司都是以便宜快速見稱，在香港就比較特別一點，今日我們試的這一間你就當他是一間非常好吃的壽司店不過只要一路企一路食。鋪面大概容納十個人，餐牌都有很多選擇，既然第一次來便試一個拼盤和魚生飯吧。這個雜錦壽司拼盤賣相10分漂亮，所有魚生的切法到令到整個壽司加了不少分，完全唔會吃到有硬或渣的感覺，是入口即溶那一種三文魚子及海膽的份量頗多。魚生飯是吞拿魚蓉，這個吞拿魚茸加蔥和少許豉油一齊吃，味道十分之甘香，質素是十分之高。

香港人成日都咁繁忙每一件事都係講求效率快靚正呢一間日本料理係依家好興嘅立食款式都有好多種 佢哋有個自選壽司10件都係 $158 今次我叫咗 火卓左口魚壽司火炙三文魚腩壽司 真鯛壽司 油金魚壽司 吞拿魚壽司 深海池魚壽司 當然仲有帶子壽司 同埋火炙帶子壽司 赤蝦壽司 赤蝦蝦膠好重 好厚肉吞拿魚 好新鮮 好似中拖羅嘅口感帶子好大粒 火炙口感更好深海池魚肉質鮮美 除咗自選10件壽司之外仲有其他散叫日本直送嘅壽司同埋蠔總括嚟講 fantastic

係厚福街一帶搵餐廳食晚餐，見到新開左一間立食壽司店，見有一個10件自選壽司$158，又唔洗點等位於是試試。所有企位都可以見到魚生吧，可以近距離睇到魚生新鮮程度，見到咩想食就可以點🙂以下係10件既自選壽司👇🏻👇🏻火炙三文魚腩壽司-炙得有少焦燶，帶微微油香。飛魚籽軍艦-魚籽好脆口，幾新鮮🙂火炙左口魚邊壽司-今次比較有咬口，勝在魚身充滿油脂，夾起都滴油呀。火炙金線鯛壽司-魚皮部分爽口，口感不錯🙂油甘魚壽司-肉質肥美甘甜魴鮄壽司-調味比較特別，富有層次。吞拿魚壽司-無筋帶甘味又有油份，不錯👍🏻🙂辣味吞拿魚軍艦-微微辣加上脂肪感，不錯👍🏻師傅即做又夠快，仲好樂意解答問題，店員都好勤力加茶。方便又不錯既選擇🙂

我同個friend去咗厚福街食立食壽司，因為見到佢都算新開，所以想去試試佢。兩個都細食，叫到岩岩好就夠了。叫左啲刺身，壽司同埋手卷。三文魚好厚切，真鯛比一般既肥，赤貝我鍾意hi少少檸檬食，食落清新又爽口，牡丹蝦大大隻，新鮮，頭裏面啲膏都唔可以放過。蟹肉蟹膏壽司，正既，蟹膏味道好濃郁。深海池魚色澤幾靚，食落口係甜美既，鮮美十足。另外想講講嘅就係佢會用赤醋飯，同埋壽司會有Wasabi。手卷我哋叫咗辣味三文魚，唔算好辣，個醬好好味，係辣味三文魚既精髓。總結：食物質素唔錯，主要係用料新鮮。服務態度好好。

好開心尖沙咀都開左立食壽司呀！可能好多人唔鍾意去立食壽司因為無得坐又無咁舒適，但其實香港係好適合搞立食架~ 大家都知道香港嘅舖租有幾貴，要負擔係尖沙咀嘅貴租唔容易，所以立食依一種較慳位同翻枱嘅設計可以幫到餐廳。當然依一種餐廳都對客人有好處，裝修嘅費用可以用番落靚材料度，客人亦唔使等咁耐先有位啦;)翔壽司嘅$158 十件自選壽司係幾抵食：D 而且款式都有啲特別魚類，唔知係普通魚壽司。今次除左普通嘅吞拿魚壽司、帆立貝壽司、油甘魚壽司.., 仲特別叫左真鯛、火炙金線鯛，魴鮄壽司! 3款魚都係偏爽身，但唔係油香好重嘅魚。而套餐嘅吞拿魚壽司係中Toro黎架，重油香唔會係下價貨👍🏻另外仲試左創意壽司 生菜三文魚卷，用生菜代替紫菜，多左啲新鮮感同健康，又有啲泰國feel~而芥末章魚就真係好重wasabi味!!!! 完全係非常攻鼻!!! 哈哈鍾意刺激嘅朋友一定唔可以錯過翔壽司嘅服務非常好，店員勁有禮，又可以睇住師傅整壽司，係幾開心嘅：D

同老公約埋成班朋友食飯 見未夠鐘搵啲野食行過厚福街見到新開嘅立食壽司 啱晒我地食少少打底同埋立食嘅好處係可以欣賞到師傅刀功以及製作過程先同師傅落個鮪魚壽司拼盤($280) 總共五件由左至右 包括大拖羅 中拖羅 赤身 腦天 火炙面頰第一時間享用偏嫩白嘅大拖羅 雪花油脂分佈魚油味道濃郁 入口即溶 果然係全條鮪魚最肥美部份中拖羅呈現粉紅色 個人認為佢屬於大拖羅與赤身混合版魚背位置嘅紅色赤身油脂極少 肉質相對結實有咬口腦天就係珍貴罕有嘅鮪魚頭頂肉 筋少而且軟滑口感 火炙面頰相對比較多筋 但咬落充滿彈性多肉汁 再點多個蔥吞拿魚腩手卷($48) 嫩粉紅色綿密魚腩顏色亮麗有光澤 油份豐富 加入蔥花及芝麻提升香氣最後都被迷你三色丼($138)賣相吸引 忍唔住order埋三色為白黃橙 即係帶子 北海道海膽 以及三文魚籽白透如玉嘅帶子鮮甜柔滑 海膽色澤金黃滲透咸蛋黃香爆珠三文魚籽粒粒分明兼精瑩通透 醋飯份量都唔少估唔到立食都可以性價比高 抵食又新鮮下次趕時間但又想食得好就識黎呢度醫肚

立食壽司🍣已經在香港興起了一段時間，包子一直未有機會嘗試。趁著今天包子和夫君放工後逛逛尖沙咀，便到這間位於厚福街的立食壽司體驗一番😉。雖然要站著來吃，聽上去好像很累，但是可以幫助消化可以吃多一點，我想這個就是好處吧🙈！內裏企位不是很多，但裝修企理光亮，而且每個位下面都有一個鉤可以放置手袋👜，非常貼心！雖然立食壽司沒有一般的日本餐廳那樣正統，但這家餐廳都童叟無欺，每件壽司、魚生都是師傅即叫即整的！我們要了以下刺身，每件魚生都是切得厚厚的，而且新鮮。⭐️三文魚 - 正常都會食的一款魚生，質素正常，切得夠厚夠大片。⭐️油金魚 - 魚油香味濃，入口即溶。⭐️深海池魚 - 爽口而且帶甘香的魚油香味。⭐️帶子 - 份量足夠，大粒而且鮮甜。這裏的壽司飯過人之處是它不像一般是白色的白醋飯🍚，是用上了赤醋飯，只需輕輕點上wasabi便足夠。⭐️鯖魚 - 鯖魚🐟配上一塊紫蘇葉，吃下去，淡淡的葉香配上鯖魚的鮮味，別有一番風味。⭐️火炙銀雪魚 - 通常是熟食的，這裏的銀雪魚壽司是輕輕火炙燒過的，從未試過的食法。⭐️三文魚腩 - 因要了三文魚腩🍣所以比刺身更肥美！三文魚價廉物美，絕對飽肚之選。⭐️鰻魚 - 鰻魚🐋也是很厚很大舊

第一次立食😳 之前係尖沙咀都已經開左立食 但成日都無機會去試 早幾日上openrice 見到呢間翔壽司新開張 就即管試下啦 👻叫左成20件壽司 同 兩款魚生壽司有深海池魚 帶子 虎蝦 甜蝦 牛油果沙律軍艦 吞拿魚 火灸三文魚腩 辣味三文魚軍艦 火灸鰈魚邊 等等 全部都好好味 好新鮮 ☺️☺️以為立食會好累好辛苦 但其實睇住師傅係面前整 同朋友傾下計 都唔記得左累😝 最緊要係價錢比相等水準坐低食既餐廳平好多呢！如果係呢個水平 係出面食應該要貴成倍呢！

一向好鍾意日本飲食文化，由其是立食文化，因為未試過，一直好想試吓，知道尖沙咀有間立食壽司，緊係要去試吓啦。我地叫咗特上壽司拼盤，呢個拼盤有10件由師傅發板嘅壽司，等咗一陣，終於上枱，分別有大吞拿魚腩壽司、池魚壽司、油甘魚腩壽司、、深海池魚壽司、魴鮄壽司、火灸金線鯛壽司、帶子壽司、北海道牡丹蝦壽司、北海道海膽軍艦同三文魚籽軍艦。全部壽司都勁新鮮，因為我地落order之後，師傅全部都喺雪櫃攞出黎，即場手握壽司比我地。我個人非常鍾意食海膽，師傅話呢件係北海道海膽壽司，食落同平時食果d海膽真係唔同，好鮮甜，個味道似係喺日本食即開海膽果d味道。大吞拿魚腩壽司-真係feel到入口即溶嘅感覺，咬開魚肉，完全冇根，有魚油滲出，好肥美。魴鮄壽司-呢個名真係好陌生，完全未聽過，呢件係火炙壽司，因為用火燒過魚生面頭，食落好甘香，原來呢款魚都幾鮮甜，好好食。三文魚籽軍艦-粒粒魚籽都賬卜卜，粒粒都精盈通透，一食就知新鮮，因為好鮮甜，完全冇腥味。深海池魚壽司-我覺得比普通池魚更肥美，更有魚味，完全唔腥。我地仲叫咗蔥吞拿魚腩丼，呢個丼嘅吞拿魚腩蓉嘅份量都唔少，勁多勁厚咁覆蓋仲d飯，食落好鮮甜好肥美，入口即溶，呢間餐

第一次試立食，lunch set 價錢唔貴，魚亦都好新鮮，特別係tuna。最可惜係一款只可以叫兩件，其他魚同埋軍艦我唔太有興趣，我自己喜歡食魚多D。Totally worth it!

今日經過厚福街，經過尼間立食壽司店-翔壽司。今日好想食壽司🍣，所以即刻入左去啦！話明立食，即係企係到品嚐美食啦。對於鍾意食壽司既我，當然要融入店鋪文化。入到去企位其實唔多，大約10個左右。個個都企係到品嚐壽司，一路傾計一路食一路同壽司師傅傾下計，係一種享受！我地叫左兩款食物：翔-迷你蔥吞拿魚腩丼&特上壽司拼盤。食物終於上台啦，見到d壽司好新鮮😍😍。另外，壽司飯係紅啡色甘，一問之下原來壽司飯係用左赤醋。特上壽司拼盤（10件）件件都好好味。最為突出的是吞拿魚腩壽司，蝦壽司，吞拿魚腩壽司入口即溶，吞拿魚的脂肪溶入口中的味蕾中，齒頰留香！！蝦壽司好鮮甜！！仲有我最愛的海膽軍艦和三文魚子軍艦。海膽軍艦上的海膽入口即溶，在口中與壽司飯形成美味的味道。仲有三文魚子軍艦中，粒粒三文魚子卜卜聲甘在口爆開，三文魚子內的精華溶入口中真係人間美食呀！！！仲有，翔-迷你蔥吞拿魚腩丼。雖然話迷你丼，但都幾大碗，絕對有分量。吞拿魚腩丼係將吞拿魚腩肉切碎然後配上蔥甘食。好好味呀！😋😋高質的立食壽司店👍

平常要吃omakase壽司，沒近四位數的價錢就沒得吃吧！在人流很旺的尖沙咀竟然有不到500元就能吃的立食omakase，當然要一嚐滋味！四百頭就有得吃壽司是逐件上的，即做即食，包新鮮！金目鯛魚味道較清新，池魚油潤帶甘香，兩者都是我平常少吃的魚類呢！北海道牡丹蝦大大隻，爽口又鮮甜。赤貝質感爽脆，清甜多汁，非常juicy! 還有個忘了拍照的赤鯥，口感柔滑帶鮮味。北海道海膽是我的至愛，份量超多，塞滿滿的，質感滑溜，creamy又鮮甜，好正！火炙左口魚邊燒過後油脂豐腴卻不膩，頗香口。生鯖魚新鮮，魚味會較重，跟微酸的壽司飯夠夾，完全不腥。吞拿魚面頰肉比軟少機會吃。那麼大件就想像到魚的本體有多大！有火炙過，肉非常軟滑！大吞拿魚腩油脂分佈平均，豐腴可口，滑嫩非常，是這晚第二至愛。最後以葱吞拿魚腩手卷作結，有香蔥，芝麻陪襯，紫菜香脆，味道和口感豐富，吞拿魚蓉的量更去到底呢。吃完壽司後，送一碗熱熱的面豉湯暖胃最合適，一大隻蝦夠豪。慢慢地就完成了這個鮮味之旅~