美滋鍋 (家樂坊)

营业中

休息中

疫情穩定咗，朋友即約我去打邊！喺旺角家樂坊8樓有呢間“美滋鍋”，一入去見到粉紅色大熊，我哋兩個女仔即係狂影相打卡，笑~ ~ 餐廳感覺好少女feel，但原來係新加坡餐廳。近門口仲有個兒童樂園(疫情關係暫停開放)。醬汁超過20款，冷盤小食有4種，新鮮水果有3種。 至於鍋款有單鍋、鴛鴦、4格，湯底有6種選擇，今次揀“長生抗癌松茸野菌鍋”，先飲吓湯，好清新，好香什菇味道。牛肉係火鍋嘅靈魂，呢份安格斯牛三角比較肥美，如果鍾意牛肉帶點肥嘅你，就啱晒。日本香肩白豬肉片真係唔同，一入口就好軟身，一啲都唔肥膩。花雕甘榜雞(即係走地雞)好入味，煮熟後仍然食到好濃嘅酒香味。仲有賣相好得意好靚嘅鯉魚豆腐魚餃，口感好軟身。 喺面書做少少分享就可以免費！叫咗一啲配菜，例如炸魚皮，皇帝菜等。最令我估唔到食火鍋嘅甜品唔係雪糕，係柚子沙冰，好濃柚子香味道，亦可以清清口腔氣味。飲品可以揀單杯或無限次添飲，添飲抵好多，梗係叫任飲啦。 我揀咗無粒果茶，最適合消滯，朋友揀咗竹蔗茅根水消熱氣。難得質量不錯，而且又係旺角，性價比高，讚！

閨蜜生日，指定要來家樂坊這間網紅火鍋店-美滋鍋 慶祝，OpenRice 訂座有七五折🤩🤩一到來便知道，為什麼叫網紅店，這裏的裝潢真能融化所有少女的心🥰🥰巨型粉紅玫瑰大熊 🌷🌷一定要打卡🌝🌝裏面地方超大，座位也非常寬闊，粉紅色作主題，地方乾淨，而且服務🌟級👍👍我們都喜歡辣，所以點了滋補養生香辣鍋😋😋見到有當歸、圓肉、草果、香葉⋯既可以滿足到吃辣，又可以養生，真的很不錯😝😝電子點歺，方便簡單又環保一目了然！醬料、生果和涼菜都是自助形式，選擇還蠻多呢👍👍牛舌切得薄薄的，8秒鐘就可以吃，牛味濃郁，口感贊👍黑毛肚也是火鍋常客，配上麻辣就更加match🥰貴妃蚌挺大隻的也很新鮮，口感爽脆鮮甜☺️☺️黃金炸魚皮，超推介，一定要試，即叫即做，入口香脆，鹹蛋黃甘香😜😜應該其他配菜也很新鮮呢，紅薯粉也是絕配！這裏的飲品可以一個價錢無限添加，特別喜歡他的竹蔗茅根，自家煮，很足料，多喝幾杯不怕上火😍😍真是很不錯的一間火鍋店！在香港找到一間坐得舒服食物高質的火鍋店真的不多！很適合聚會，看到還有幾張大枱😁還有免費的柚子沙冰送呢

真心好味，又料足今日做電腦文件都做到差不多12點，肚子都餓了，就和K先生，我們公司的一位同事，一起去了食飯。K先生跟我走啊走，走到旺角街尾，枱頭見到美滋鍋好大個招牌，就被吸引走了去食。這餐廳我第一次食，感覺超滿意。先講門面裝修好粉色系，超級靚，打卡一效果一定好好，因為門口有一隻好大的粉粉熊。這餐廳原來有小童遊樂場，只是因為疫情，所以關閉着，心想/：如果帶小朋友來食都幾方便，大人就一邊食，小朋友就一邊玩。地方真是大，一眼看去，光線充足，粉粉裝飾，色彩豐富。至於食物，都好滿意。全部都好新鮮。例如叫了墨魚丸39元，金針菇19元，黑白松菌24元，西班牙黑豚香肩64元，花膠44元，炸響鈴29元，滑頭腐19元，唐生菜14元，波菜16元，娃娃菜14元，另外醬料40元，加上有膠原蛋白養顏美容鍋配抗菌松茸野菌湯，分別我128元和78元。總之買單大概是636元左右，平均每人318元，感覺就像食放題一樣的飽，而食物又鮮甜。全部食物基本上我都好滿意，而且喜歡。蔬菜類好青綠，新鮮。花膠煮完好「林」，好味道。墨魚丸都好彈牙，又有墨魚味。西班牙黑豚都好正，好重豬肉味，而且又有口感，不韌。至於整個火鍋的精華，我指湯底

美滋鍋座落於人來人住既家樂坊，出左地鐵站行幾分鐘就到，當然係約朋友用膳既好選擇。今日我就約了朋友去這處晚膳了！去到就見到了一大個自助Bar，生果同配料任拎任食，果然十分之周到。而湯底方面，佢哋主打四格養生湯底，我哋就當然叫了四種不同的口味了！自選湯底（四併）養生醉雞鍋非常之香口醒胃，雞件亦是比得好足添，醉雞味道亦不太重，男女老幼都ok的。另外想提一下長生松茸野菌鍋野菌味道非常之濃厚，係愛吃茹類朋友既首選。估不到一次過可以嘆足四種不同的味道，抵讚。牛舌，花雕雞，鮮嫩豬肉首先可以一提的是嫩豬肉非常之新鮮味道有肉味，應該是貴價豚肉的，亦是滿足食肉獸既之選。另外，花雕雞也很不錯的，雞味滿足。脆肉鯇魚片，魚皮餃，牛肉丸，豆卜這處的脆鯇片一些泥味也沒有，可能用上了高質素的良材。至於魚皮餃，牛肉丸，豆卜等等經典火鍋配料也是非常不錯的。凍涼沙冰甜品最後他們免費贈送了每人一客甜品，又抵又窩心，仲非常之解暑添！

味道：味道方面我覺得唔錯幾好食嘅，不過嘢飲好似唔多夠凍，所以最後有叫佢加冰，加冰等咗一陣之後就凍啦服務：服務方面都OK,女店員態度好好，叫佢加冰嘅時候態度都好好，同埋好快手就已經攞咗一杯冰俾我啦。環境：環境幾好，同埋坐嗰個位都好似幾舒服下，同埋呢我帶埋小朋友過嚟，好彩佢都有張BB櫈俾佢坐，從BB嘅眼神我睇得出佢坐得好舒服。哈哈但係呢等位就好似有啲耐，大家最好首先訂好位先去，咁就會方便好多啦。下次再過嚟食過啦

在網上見到這間超美的火鍋店，就約了朋友一起試試美滋鍋☺️☺️☺️😘湯底😘有幾種湯底都好想一試，就叫了四拼，最愛膠原蛋白養顏美容湯，味道十分濃郁鮮味😍😍另外雪耳鮮椰也十分出色，味道像飲椰青水，內裏還雪耳椰子片可以吃，十分高性價比😍松茸野菌類似藥膳的口味，少許苦澀味，不喜苦澀味的可以不叫蕃茄玉米則適合養生之人，健康又鮮甜😍🍖肉類🍖😍肥牛😍半份有六七片，擺碟精心，肉質夠肥美☺️☺️☺️🙈五花肉🙈肥瘦均稱，不會過肥🙈🙈☺️牛三角☺️色澤夠美，牛肉味濃郁🍜麵🍜😍粉絲😍發現了超惹味的食法，把粉絲煮熟，加牛肉碎醬，再根據個人喜好加，蔥花，炸蒜，蒜蓉 …這個超級好食，但不要加過多，以免太咸🙈🙈😉拉麵😉目測應該是自己拉的，因為有灑上麵粉，同樣加點牛肉醬，美味升級☺️🙈花膠🙈女人必補的骨膠原，第一次見這形狀的花膠，口感Q彈😘😋水果😋有幾種鮮甜水果任取😙甜品😙最後來個酸酸甜甜的柚子沙冰完結整間都是粉紅色，令人少女心大爆發丫😍😍而且員工都很友善😚

美滋鍋係一間新加坡開過黎嘅養生火鍋店，雖然佢嘅火鍋料都新鮮，但最大賣一定係佢嘅裝修，因為成間鋪都係少女粉紅色，門口仲有大大隻熊啤啤，無論係3歲嘅細路女定80歲嘅阿婆，見倒都一樣少女心大發，所以見前排疫情好左啲，就帶阿媽黎發下姣。醬料$20/位，自助醬料區唔淨止醬料，仲有涼拌小吃同水果都係任食，已經包埋喺醬料費入面。竹蔗茅根($25/位) - 哩度嘅竹蔗茅根唔係一渣渣，係逐位計，一杯$18，但俾$25就有得任飲，所以預計自己會飲多過一杯，任飲會抵好多。竹蔗茅根下火，唔會太甜，配打邊爐就啱晒。涼拌木耳 - 喺自助醬料區就有木耳，木耳夠爽口，酸酸地幾開胃。番茄玉米拼養生藥膳醉雞鍋($156) - 哩度嘅湯底，除左有單鍋，仲可以揀雙拼或者四格，價錢唔會相差太遠，就算心多多想試多幾個湯底都唔會好貴。兩個湯底我比較鍾意番茄粟米，因為個番茄味好出，酸酸地幾好飲。養生藥膳醉雞鍋以藥材味為主，飲倒少少酒香味。牛小排($139/半份) - 牛小排嘅脂肪紋幾靚幾平均，淥到七成熟紅紅地就食得，口感滑得黎仲有少少彈口。西班牙黑豚五花腩($64/半份) - 五花腩切得比牛小排薄，所以就算係豬肉，淥廿秒倒就已經食得

打卡必到美滋鍋! 成間鋪都充滿少女心ge粉紅裝修❤最吸引最特別就係美顏湯底! 膠原蛋白養顏美容鍋🥰白白ge濃湯一d都唔簡單淨係睇湯料已經覺得好正，有豆腐，紀子，瑤柱等等飲落仲好有膠質🤤感覺又養生又養顏 🥰食野之前，要飲番兩碗先💪🏼值得一提係：成餐都享受高質服務，細心又周到❤每次放底食物都會話我知要煮幾多分鐘，枱面仲有小漏斗計時，甘就唔怕overcook!配料食材都好新鮮👍🏼海鮮類 好似貴紀蚌、白鱔片，鮮味十足，鮮甜👍🏼個人覺得咁多款肉黎講，最出色係嫩肩小羔羊肉! 食落一d都唔騷，但食完口腔充滿一陣陣羊肉味～食完想再encore🤤總括而言，係高質素嘅火鍋，用料真心靚，價錢貴少少都合理既☺️☺️

今晚同女子組其中一員撐枱腳，想到火鍋可以食物多元化，又可以慢慢傾，呢間仲要係粉紅色布置，唔同佢黎開餐同打卡都唔得啦可以坐卡位舒服寬闊，侍應細心介紹如何用EPAD落單，環保又減少漏單機會行到慶合合，先叫杯凍飲舒暢下，講到有益過飲汽水，歡喜飲紫背天葵洛神花茶 ($18/杯)，依加只需$25，就可以無限添飲，打邊爐限限地飲佢2杯都回本啦，仲有涼伴前菜任食，味道仲幾唔錯!幾款湯底有辣有唔辣，天氣咁熱，都係點呢個清涼解熱雪耳椰子鍋 ($168)，材料當然包括雪耳及椰青肉，一爽一滑，加埋補眼杞子，鍋中一點紅!湯滾起就可以起動，侍應建議先飲碗湯，清甜椰子味道，加埋雪耳及椰青肉，清潤無比，飲一碗又點夠?!  飲完就開始火鍋時間 :牛舌 ($49) - 靚靚仔仔，切成薄片成卷狀好快熟，入口唔知點解有點似食緊薄牛肉，加點蒜蓉蔥粒捲埋食，正呀!有牛亦要有豬，西班牙黑豚香肩 ($64)係代表，肉色呈粉紅，目測脂肪比例二比八薄片關係無需烚好耐，邊位嘅脂肪入口帶點爽口，亦有油香，與肉混埋一齊食都唔覺肥膩!台灣鴨血 ($29) - 厚切四片烚完都唔會一夾就散開，口感滑溜中帶少少嚼口，連蔥粒蒜粒一齊食提升香味!韮菜豬

經朋友介紹發現左呢一間火鍋店我地當日下午先打去訂枱，本身同男朋友想訂7:30pm，但發現呢個時間已經滿咗，所以就訂6pm。店內環境乾淨衛生，蚊都唔多一隻，地面冇積水。枱面亦都唔油唔笠，比人乾淨舒服嘅感覺。店內用ipad落單，好快我哋已經完成咗落單。店入面做緊活動，可以用$1換牛拼盤。我好鍾意食手打丸，所以叫咗三碟，牛丸，墨魚丸，同埋香菇丸。牛丸同埋墨魚丸都好彈牙，好好味。本人超級鍾意食墨魚丸，佢哋個墨魚丸冇得頂呀！不過值得一提嘅係，佢哋嘅香菇丸係普通貢丸。 不過個墨魚丸咁好食，唔緊要啦。男朋友鍾意食鱔，所以叫左碟椒鹽鱔球，配埋自己調配嘅醬料一齊食，真係好好味呀。食到一半先記得影湯底。 個湯好好飲，店員首先會同你介紹飲咗個湯先，個湯好鮮甜，另外都好足料。係飲品方面，我哋叫左$25/位嘅竹蔗茅根（無限量添加），下火吖嘛。 兩個人食咗$697，我哋真係超級飽。整體上來講，環境衛生整齊，味道比預期好，服務周到，不時店員會來關心顧客，但唔會令到我尷尬，另收加一服務費，抵比。

呢間餐廳成個環境都好啱打卡🤣門口大大隻粉紅熊、裝修環境、細至到枱櫈都係粉紅系列，夠gimmick👍🏻鍋有單款鍋、鴛鴦鍋同埋四格鍋揀，啱哂中意試多幾款既朋友，比較受女仔歡迎既有蛋白美容鍋，香辣鍋亦有大/中/小辣揀，鍾意清d既朋友都可以揀椰子鍋或者蕃茄鍋等，淨係第一步揀鍋底已經大把野要揀🤣落單都係用平板自助落單，每樣食物都有一份或者半份的份量選擇，啱晒比較細食既女仔，可以食到又試到多d飲品都係比較養生的，水果茶、洛神花茶、竹竹蔗茅根等，我就揀左加$25無限添加，好抵餐廳喺疫情期間做得防疫措施都做得好足，除左入門口每人都用左搓手液先入餐廳，每一張枱都有隔板保持距離，而且亦都有要求每位食客出去拎小食水果調味料的時候都要戴上口罩特別推薦美國安格斯牛小扒👍🏻同普通肥牛唔同，比較重牛味同有口感綜合滑包括墨魚滑、豬肉滑、蝦滑，中間食到有一粒粒墨魚粒同蝦，食落爽口👍🏻牛舌（半份）貴妃蚌亦都好推介一試，估唔到唔係主打海鮮火鍋但係都好鮮味

幾兄弟今日放假，約埋喺*美滋鍋*打邊爐。 時間尚早，十二點未有太多食客，靜靜地好舒服！ 火鍋店以粉紅色為主調，上次係跟啲女同事嚟，佢地好鐘意不過最緊都係啲用料夠靚！消夜仲有8折優惠！而家雖然疫情放緩，但都冇鬆懈，都一樣要探熱入座，要戴住口罩攞嘢食，大家食得安心又放心！天氣熱揀左個比較溫和嘅膠原蛋白養顏美容鍋218元材料正！8小時熬煮，啲湯奶白色入囗就知！好香濃，依個時候男人都要補一補佢！邊飲湯啲配料好快就上檯～菌類綜合盤 68元軟滑爽肉丸(半份) 29元墨魚丸39元(半份)精選牛肉拼盤 288元各類肉嘅質素平均，口感幾好！夠軟滑肉味夠！我最鍾意依個！魚三角 54元(半份)係鯇魚嘅骹位，鮮甜嫩滑！正！西班牙黑豚香肩(半份)64元肉味好甜！白鱔片一份148元唐生菜28元珊瑚蚌74元(半份) 啤酒連冰桶上，酒杯都雪得冰凍，夠曬冰涼！好體貼！更體貼嘅仲有打完邊爐送上嘅涼浸浸贈飲～柚子沙冰，清新冰涼潤喉！飲完好舒服！包冇燥熱！食完各兄弟都感到大滿足！繼續揾好節目去也！

近日經常打邊爐，終於在我收藏的餐廳名單裏選了這間。一入門口後已不想行去座位，因為門口的粉紅色熊熊很美，令人喜悅，不停影相。到了坐位時，侍應會簡介取醬料(多達30款)，小食，水果的位置，用ipad落單，店內推廣等。湯底可選1款、2款及4款，我選了2款湯底。<膠原蛋白養顏美容鍋>鍋中有豆腐，去核紅棗，菇和杞子。豆腐很滑，紅棗甜，湯底都幾黏，感覺有很重的膠質，味道似老火湯。<清涼解熱雪耳鮮椰子鍋>這款湯底看似很清，但我十分喜歡它的椰子味，今次配上大部份食材時都會散發出椰子的幽香，鮮甜，配搭了杞子和雪耳，感覺更滋潤。當要加湯時，侍應都是加原有湯底，不是加水，由頭到尾都保持了湯底味道。<日本香嫩豬花肉>豬肉很新鮮，肥瘦適中，肉味香而不羶，質地嫩滑。<墨魚滑>這款強烈推薦，十分爽口彈牙，墨魚滑不會只有粉，裏面有粒粒新鮮墨魚。<香菇丸>丸中有很多冬菇，味道濃郁。<韭菜豬肉餃>豬肉餃的皮，質感薄，但淥了一段長時間，都沒有爛，韭菜很香。<油麥菜>油麥菜本身已很吸味，放入椰子鍋超好食，菜吸收了椰

雖然天氣好熱，但唔知點解嗰日突然好想食火鍋，不過臨時決定，好多都冇曬位。 最後見到九點鐘美滋鍋仲有位， 一於試下！ 早咗少少去到，未入得前仲可以係門口試下啲小食同飲杯檸檬茶，直頭好似返左大陸咁！環境：門口有個mini area 有小食同有嘢飲畀等位嘅人享用，入到去仲有個兒童玩嘅空間，好似ikea嗰度咁。 入到去主要係粉紅色做主題， 坐得好舒服，啲枱夠闊落，環境空間冇得輸!食物：先講鍋底，呢度都有好多款鍋底畀客人選擇，當然最出名嘅就係佢嘅美顏鍋， 我試過都話正，大家可以試下！ 就係我當晚叫咗嘅嘢食， 可以參考下：新鮮鵝腸：炸響鈴：新鮮豬腦：羊肉片：西班牙豚肉片：炸魚皮：鮮蝦膠：芝士墨魚丸：牛肉拼盤：呢個真係要講下，而家餐廳慶祝一週年， 只要某社交平台tag佢哋， 就可以一蚊換購以下呢一個牛肉拼盤， 抵到爛！結論：整體食物質素都算唔錯，坐得又舒服，服務又唔差，難怪嚟咗香港唔係好耐時間就成為香港人氣打卡火鍋店，各位朋友真心可以一試！

約了朋友夫婦在旺角午餐聚會，我選了在家樂商場8樓的"美滋鍋"，喜歡這的粉紅佈置，環境舒適，食物精緻新鮮，服務細心！ 今天是他太太生日，也知道她愛粉紅色還有少女心，選這裡很有意思，相信她一定喜歡！ 果然，她被這裡的粉紅裝飾吸引着 尤其是門口的巨型迎客啤啤熊，不停的拍照。這裡和我一年前來過的一樣，淨醬料也20多款，擺放衛生整潔。除了入座量體溫外，拿取醬料，食物，也規定戴上口罩 確保衛生!生果和冷盤小食無限量供應！湯底選了……膠原蛋白養顏美容鍋 $ 218湯底濃郁足料！各人先飲兩碗湯 ，又鮮又香滑口感很有張力，骨膠原十分豐富！各樣火'鍋配料都非常新鮮！鱔片$ 148脆骨腩$ 49 (半份)白鱔片肥美甘香！脆骨腩爽口彈牙！精選牛肉拼盤 $ 288分別有;安格斯牛三角巴西牛舌安格斯牛小排美國肥牛丁美國精選肥牛肥牛肉味濃甘香舌爽，都有不錯的口感！蔬菜非常新鮮！最後火鍋店送上冰凍飲品~柚子沙冰，味道特別清新！今天大家都很滿意這的服務和'食物的新鮮度！朋友更 稱讚抽風系統好，吃完身上也沒有油煙氣味，非常好！