美滋鍋 (家樂坊)

营业中

休息中

美滋鍋一向出名服務好，食物又高質～朋友知道約美滋鍋食，又有超抵2人餐點，超開心🤣🤣二人餐（包湯底）第一層美國精選肥牛，西班牙黑豚香肩，豬頸肉，香脆雞肉香腸，日本蟹柳肉類都食得出很新鮮及肉味濃郁，用料真的不錯～第二層牛肉丸，軟骨爽肉丸，韭菜豬肉餃，魚皮餃餃類也比平日吃到的較大隻，韭菜餃還非常惹味😋蔬菜綜合盤唐生菜，娃娃菜，甜粟米，烏冬小食吧，涼茶跟罐裝都是全部任飲任食，而小食吧也有不少前菜，有炒雜菌，豬耳，雲耳，青瓜及花生，還有哈蜜瓜，火龍果等，真的超值～

好耐無出街打邊爐了，趁天氣未係好熱，一於食返餐。上黎OpenRice search 下，見呢間環境幾寬敞，就揀咗，真係無揀錯門口大隻粉紅bear bear, 好吸睛！環境寬敞整潔，時間尚早，未開始多人。服務員態度十分好，值得一讚。一坐低用心解釋點餐細節，會告知餐桌旁有個小抽屜內有紙巾牙簽，甚至洗手間位置都會先告知。飲品我們點了無限添飲的竹蔗茅根及紫貝天葵洛神花茶，每次杯裏只剩下兩三成服務員就會好主動添飲。我們點了鴛鴦鍋，一邊是滋補養生香辣鍋，另一邊是清涼解熱雪耳鮮椰。我們點了小辣，覺得這個辣度不錯，而椰子湯亦很清甜。安格斯牛小排（半份）質素唔錯，有入口即溶嘅感覺。竹筍幾甜，無渣，值得一試響鈴是他們自家製的珍寶鮮蝦水餃，好大隻，一定要試吓，半份有四隻。自助醬料區，好整潔，亦多選擇。環境舒適，食物唔錯，性價比高

訂座平台有9折湯底 - 揀左必食嘅骨膠原湯同麻辣湯淨係個鴛鴦湯底已經要$216，個鍋入面冇咩配料，得啲豆腐同菇，麻辣湯又冇鴨血/任何配料，所以覺得都幾貴。提提大家，第一轉嘅湯係先直接飲，之後到加湯落配料，所以唔好心急落。配料，由於整體價錢都偏貴，份量較少，所以都唔敢叫太多，但質素都非常普通，唔特別出色，好多火鍋店都做到呢個質素但唔洗咁貴。牛小排算比較突出少少。醬料都係大路果啲，唯一值得讚嘅係有酸辣(?)青瓜同雲耳任食。飲品得2款，唔知咩洛神花同竹蓆茅根，同啤酒，冇汽水果啲。問佢拎杯水都只有熱水

一直都想試呢期火鍋，晚市可以堂食終於可以約朋友黎試試。一坐低待應都有解釋咩係推介，點落order 同提供圍裙。叫左個鴛鴦鍋底（骨膠原加麻辣）但價錢都唔平，$216。先飲左骨膠原個湯先再加湯打邊爐，嗯.....可惜我覺得個湯係幾普通...好似係一個豆腐紅棗杞子豆乳湯咁....飲完仲有啲口乾至於配料呢， in general 係普通，無咩驚喜，個牛三角還可以，但都唔係特別出色。飲品$18 一杯，$25 就可以無限refill, 佢地都會主動幫你fill👍🏼總結黎講性格比係低，但如果你係鐘意粉紅色同想打卡既，都可以try try ge Remarks- 廁所係真係好污糟下..

午餐幫襯咗這間以粉紅色為主題的新加坡麻辣火鍋店，一入正門就有大大隻由假粉紅色玫瑰砌成的 Bear Bear，相當搶眼！ 內裡的裝修擺設、茶壺、甚至為每種打邊爐食物計灼熟時間的沙漏都是粉紅色的，風格相當一致！ 😍😍😍湯底有六種選擇，可選單鍋、鴛鴦鍋或四格鍋，我哋選咗滋補養生香辣鍋(小辣) 拼膠原蛋白養顏美容鍋，在未打邊爐前，呷了數口靚湯，美容鍋很清甜，養生香辣鍋的湯底是惹味的那種辣，正好配合可以無限 refill 凍紫背天葵洛神花茶，讚！ 好友則 order 咗可以無限添飲的火煱店自製水果紅茶(無糖)，啲茶具也是以粉紅色為主，使人眼前一亮！ 🫖🫖🫖醬料區約有20種的醬料可供混醬之用，還有不少前菜如花生雲耳青瓜，及菓品如西瓜和蜜瓜等等可以選擇！在醬料當中，有一款叫牛肉碎辣醬不辣，味道獨特，好像有牛肉乾混在醬內，值得推介！🍉🍈🥒用平板電腦點 hotpot 食材時，全都可以揀半份，既不用浪費，也可試多幾種食物，相當貼心！ 🥰🥰🥰#粉紅色的Hotpot#幻想怎可歡笑一生只要盡情開心不要呆呆的等

呢間野save低咗好耐，今日終於有機會黎食本身係OpenRice book左7點，一去到已經好多人，同店員講咗約左7點，有好多遲到既人入咗去，但我明明準時都等左好耐入唔到去，情況好混亂而且安排得唔好一入去有大大隻粉紅色熊仔喺門口，見到成間舖頭都係粉紅色就少女心爆發🧚‍♀️點餐係用iPad點嘅，湯底有幾款選擇，我哋揀咗款比較特別嘅膠原蛋白養顏美容鍋。個湯底其實冇乜特別味，但都好足料，可以見到有好多菇同埋紅棗杞子係湯入面🤪餐牌勝在最好就係可以半份半份咁叫，即使人少少都可以試多幾款👍🏻但嘢食價錢偏貴。最後叫咗牛魔王拼盤、牛舌、綜合滑、千層毛肚、魚豆腐、魚肚、黃喉、鵝腸、蝦卷、芝士腸同埋菇🍄啲嘢食落完單都算黎得快，但嘢食質素正正常常，冇話特別好食雖然經openrice 訂位有7折優惠， 得始終啲嘢食唔算特別好食而且價格偏貴，再加上服務一般，以呢個價錢可以食更加好嘅嘢食🤔

好像很新的一家餐廳門口有隻粉紅玫瑰大啤啤熊整家店充斥著少女粉紅又有少許像婚宴場地就連枱面的計時沙漏計都是迷人粉紅色不過讓在下不太喜歡的是高科技落單裝置畢竟在下是深山野人..但..社會好像迫著在下要幫學習這些東西不說這些而在下最喜愛的是這裡除了一種湯底鴛鴦湯底 還有四種湯底可選擇而且湯底都能放心飲用太好了 浩愛又熱又濕的在下這次能喝過飽然後在下就開心選了以下食物方面因朋友沒什麼所謂於是在下來個亂點～膠原蛋白養顏美容鍋$218長生抗癌松茸野菌鍋$128養生藥膳醉雞鍋$168滋補養生香辣鍋$138精選牛肉拼盤$288自家制魚豆腐$39丸子盛合盤$98响鈴卷$29韮菜豬肉餃$39牛骨髓$39蟲草花$24竹笙$34另外的還有雲耳 白蘿蔔 冬瓜 雪耳 山藥 豬喉嚨對 還有可添加的竹蓆茅根❤️ 加粒椰青總共點了2Round果然火鍋就是不能一個人孤獨吃..感謝朋友今日陪伴確認訂位時有看到只能座兩小時結果我們座了三小時感謝店家的體諒希望大家再沒有病痛傷亡與恐慌..一切回到最和平的時候..

呢間新加坡麻辣火鍋過江龍成間舖頭用粉紅色做主題，充滿夢幻嘅感覺啱晒一班女仔嚟打卡打邊爐🥳湯底可以拼鴛鴦湯底或者最多拼四款唔同嘅湯底，我哋叫左滋補養生香辣鍋同埋長生抗癌松茸鍋！香辣鍋味道唔算好辣，反而多咗香濃厚身既味道，火鍋之前可以飲返一碗。松茸湯底用嘅菌為主，啱一啲鍾意湯底比較清淡嘅朋友仔！醬料區提供超過30款嘅醬料，仲有教學我會知點樣調教特色醬汁，另外仲有啲涼拌小食同埋生果我鍾意佢嘅火鍋材料可以叫半份，變咗可以試多啲唔同嘅款式羊肉、牛舌🐮羊肉唔算蘇，肉味濃郁，可以做配上餐廳提供嘅建議醬料。而牛舌為薄切，十秒就熟，口感爽滑！響鈴響鈴炸得夠脆卜卜，啱晒配合冇味道嘅香辣鍋脆肉鯇魚骨腩呢度脆肉鯇魚夠晒新鮮，肉質爽滑彈牙，叫咗一份之後再encore左一份😆寬粉最鍾意食呢一隻口感十足闊度嘅寬粉，用嚟配搭麻辣湯底索晒湯嘅精華芝士墨魚丸墨魚丸夠特色，丸質彈口，咬開入邊有留心芝士，啱晒芝士迷！飲品方便order 左一杯竹蔗茅根($25)可以無限添飲!

全間粉紅色嘅餐廳你去過未？今日想推薦大家去位於旺角既美滋鍋。一入到去已經比全部粉紅色吸引住，然後服務人員會好殷勤地介紹如何點餐，每件食品要淥幾耐等等既資訊。出去拎醬料更加會有青瓜、木耳等嘅小食，而且醬料超過15款，真係心大心細唔知揀邊種好。（揀咗芝麻醬，以為好似日式嗰種，但原來係比較杰身的）湯底揀咗雜菌和麻辣湯，未打邊爐之前飲咗一碗雜菌湯，超濃郁，超有菇菌味。麻辣湯底相當有後勁，叫咗小辣都越滾熱辣！安格斯牛小排入口即溶，10分推介五花腩肉都相當出色，不過真係比較肥。響鈴好脆好大條吸晒湯汁，脆魚腩都超厚肉好新鮮！唯獨黑毛肚不夠爽。（最值得一提的是，每樣食物都可以選擇半份，啱晒小鳥胃）最後打完邊爐後，職員會送上有柚子沙冰解油膩，令肚子有更大的滿足感

好彩係肺炎又爆之前去食左次火鍋，唔係唔知又要等到幾時。今次幫襯既美滋鍋已經係我心目中既鍋排行榜頭幾位，食物新鮮好味，選擇又多，最緊要係坐得舒服，同埋職員都好nice。因為覺得價錢差唔多，所以幾次黎都係揀四合一湯底，款款都有特色又足料，建議大家係開始落配料之前飲少少試下個味，夠哂滋潤！美滋鍋其中一個特點就係醬料選擇超多，一定溝到自己中意既口味。除左醬料之前仲有啲任食既餐前小食同生果，想健康食火鍋都得～飲品有幾個價錢，我通常都揀無限refill，唔洗落order，店員通常都會自動黎幫你refill。配料就唔洗點講啦，應有盡有，可以揀一份或者半份，價錢都均真，唔會話叫半份就貴左。花膠、鴨血、牛肝菌都係我幾推薦既配料，都好大份新鮮。

要數喺IG曝光率高嘅火鍋店，美滋鍋肯定入圍。 以粉紅色為主調嘅少女風裝潢，加上精緻嘅精品火鍋，連唔係少女嘅我都覺得非常吸引。醬料區整齊乾凈，好多款醬料任意配搭。 仲有水果任食，有我最鍾意嘅蜜瓜～呢度係用平板電腦點餐，有晒靚靚食物相。部份菜品可以叫半份，食量比較細嘅話，每人食少少可以試多幾款不同菜品，不錯～湯底有六款，都係滋補養顏嘅～可以揀鴛鴦甚至四季，自由配搭，多人食嘅話可以都揀到自己心水。【養生藥膳醉雞鍋】朋友鍾意食醉雞，但我擔心味道太重，試頭啖湯，味道適中藥材味唔會過濃，入面幾件雞件熟咗都嫩滑。【清涼解熱雪耳鮮椰子鍋】都幾多雪耳，亦有椰肉，幾鮮味，有啲可惜係椰子味唔係好夠濃。【自製水果茶】一壺熱嘅慢慢斟，但帶有淡淡果香，打邊爐減膩就啱晒。【安格斯牛三角】雖然唔係價錢最高嘅牛肉，但都油香肉香兼備。【田野鄉村嫩豬肉】豬肉脂肪多，肉質軟滑。【脆肉鯇魚片】真心正，爽口又魚味十足。【芝士蝦丸】爽彈，裡面有半溶芝士，如果再多啲芝士就好啦。【牛肉丸】係手打牛肉丸嚟，係山竹牛肉點心嘅味道，肉味豐富。【炸響鈴】超大件又香又脆，蘸湯一流。打邊爐次次叫烏冬或者即食麵太悶啦，今次就叫咗【年糕】，口感煙韌又

一直都好想去美滋鍋食火鍋💞💞，今日終於嚟到。店舖真係好靚，以粉紅色做主題，啱曬我哋呢啲少女心😁❤️。餐廳環境好舒服，座位特別闊落，而且有自助區，可以自己畢醬料，仲有任食前菜同水果。醬料方面都好有特色，有好多平時少見嘅醬，好似泰式醬料。湯底可以選擇單鍋，鴛鴦鍋或者四格鍋，因為得兩個人，所以簡單啲叫咗維他命c番茄玉米鍋。牛肉係必點既配料，叫咗半份美國安格斯牛小排，牛味濃郁。喜歡吃魚，所以點了白鱔片同脆肉鯇魚骨腩，好新鮮。特飲方面都有唔少選擇，我哋選擇咗蘋果荔枝凍茶同凍檸檬菊花蜜，賣相精美，清新健康。

前陣子看到網上推介美滋鍋，今次來旺角特登請來試一試。地點幾方便，就在登打士廣場樓上。環境非常乾整潔，成間餐廳光線充足，而且充滿少女心，但對我來說食物才是重點。由於第一次來，服務員就主動和我們簡介了落單方式和外面的免費食物，店內衛生注意等，值得表揚個姐姐非常有禮貌！出面吧台有大量調味料、三四款前菜、幾款生果。重點是可以任食！味道亦非常好、唔辣的青瓜和雲耳可以自己加麻辣醬，超級好食！生果又新鮮又甜！抵哂！湯底有多款健康養生湯底如麻辣火鍋、膠原蛋白鍋、藥膳醉雞鍋和雪耳椰子鍋等，可以選擇1，2，4個不同口味。我們只揀了兩個口味。滋補養生香辣鍋是豬骨湯底加入人參、當歸、黨參等中藥熬製。另一個鍋是長生松茸野菌鍋，內有超多不同的菇菌，店員建議大家打邊爐前可直接飲湯，好重菇味，超好飲。我們叫了兩種牛，美國安格斯牛和美國精選肥牛，安格斯質素好好多，牛味濃，貴少少可以食好D. 西班牙黑豚五花肉, 入口爽，唔覺得好肥，可以話比一般肥牛更好食！鴨血，叫半份就夠。一開始就加入麻辣火鍋，後期食，真係好滑！正！豬腰，個人覺得唔夠新鮮，但都Ok! 紅薯寬粉，煮5分鐘，又辣又好食！油麥菜半份，好新鮮，兩個人夠哂！ 因為

養生打邊爐我一諗就會諗起美滋鍋，佢地嘅膠原蛋白美容鍋真係令人印象深刻、想一飲再飲！今次再同朋友嚟食，再度回味佢地嘅美食同靚湯底。湯底貪心地點咗四款湯底，價錢同單味、鴛鴦湯差唔多，但四款就可以每款嚐鮮吓！湯底分別有我最愛嘅膠原蛋白養顏美容鍋、長生抗癌松茸野菌鍋、滋補養生香辣鍋同埋維他命C蕃茄玉米鍋，全部鍋都有來頭，係疫情下好似幾補身，令人已經忘記打邊爐會上火嘅事。膠原蛋白養顏美容鍋入面有杞子紅棗同埋啲菇，飲落帶少少漿口，滿滿膠原蛋白嘅感覺，忍唔住要飲多幾碗！長生抗癌松茸野菌鍋偏淡味，菇菌好多，涮配料會更突出原味！滋補養生香辣鍋好惹味過癮！維他命C蕃茄玉米鍋嘅蕃茄好濃郁，玉米係一粒粒咁呈現，所以可以飲時食埋！飲湯同時都邊食自助吧嘅前菜，選擇都唔少，其中涼拌青瓜同雲耳都好開胃啊！仲留意到佢地有個活動係分享相片去社交平台會送飲品，麒麟啤酒但面頭係沙冰，飲落口感好驚喜，配熱燙燙火鍋好夾啊！芝士墨魚丸幾特別，外層彈牙墨魚丸內裡係濃濃芝士。麻辣湯底必配黑毛肚，涮8秒就食得，食落好脆口唔韌！平時食得多牛頸脊，今次試吓安格斯牛三角，肉質嫩啲油脂味都重少少！第一次食豬腦，感覺好神奇，口感原來幾似日本刺身白

今次點左養生藥膳醉雞鍋，藥材味豐富，而且有濃濃嘅花雕酒香。裏面嘅雞塊亦都夠嫩滑，湯底滾起後我先立刻試一口，酒香撲鼻非常之進補。之後叫了美國安格斯牛小排，雖然只叫了半分份量也不少，但切得夠薄大小切得均勻油脂分布也很平均，下火鍋幾秒就食得，而且好有牛肉味夠嫩不鞋口。新鮮鵝腸夠爽脆，下鍋10秒就食，再加入自助吧取來的醬料來增加調味。雖然肥腸有好多肥膏夾雜着，但係下鍋後自動溶解，不用擔心會太肥。鴨血夠新鮮吸收湯底的精華後，更加入味有酒香，而且不會煮散口感QQ，是今期火鍋,心點菜式之一。整體來說食物質素很好，而且店員會自動自覺幫忙上菜及加湯，食到最後仲送咗芒果沙冰解渴。