美心MX (已結業)

不嬲對呢間美心印象都唔係太好...但係近排呢度裝修完, 成日都好多人食野咁... 今晚同屋企人黎食鐵板餐, 要左鱈魚+豬仔骨, 配黑椒汁...雖然D鱈魚有D癬, 但係舊豬仔骨配真係辣辣地ge黑椒汁都算唔錯, 補返數...最衰就係無酥皮湯, 得麵鼓湯, 不過居然又可以俾我轉中湯喎...不過, 快餐店ge質數都係靠彩數... 今次就好彩喇!

好耐都無去美心快餐食佢地既下午茶餐...因為要出外工作, 所以星期一下午可以來此店食個tea set休息下.叫左個蝦多士配蘋果沙津跟汽水..可惜...沙津完全搵唔到一舊蘋果...失敗...見到見多士已經無咩食慾...食落口成口油...唔好味...去大快活/大家樂穩陣d

因傻鬼工作好忙我又心情不好, 所以傻鬼專登出來同我食個晚餐才回公司繼續工作. 我地去左食火鍋船. 嘩...好多料呀. 有肥牛, 枝竹, 米粉, 米線, 生菜, 白菜, 雞肉, 粟米, 蟹蚧, 南瓜, 金菇等...仲有象拔蚌($48)..抵勁多料食物一般, 不過可以同傻鬼食, 心都暖暖

美心炸脾一流!快餐店中,佢既炸脾係最正,皮脆肉嫩!

好小去美心食飯,見冇咩好食,試下焗意粉,點知有驚喜!叫個焗白汁蜆肉意粉,熱辣辣,蜆肉分量甚多,雖然細細隻,但一定超過二十隻,而且保持到鮮味,白汁好滑,唔會太"傑",配合蜆o既鮮味,味道o岩o岩好.意粉o既軟硬程度又係o岩o岩好,有油香,加上紅蘿蔔同西蘭花,賣相及味道整體配合一流.強烈推介!

果日同朋友放工去tea公司三文治個餐都幾好味不過都係等得幾耐下啦次次去親都好多人

頭先同男朋友去美心食野~我就要左個肉醬意粉, 男朋友就要左個雞扒大碗飯~ (外賣)等左都幾耐呀~ 0個時都係12 點幾之嘛~都唔算係最多人既時段, 但都唔知點解會咁慢既...我地足足等左15 mins 有多...........肉醬意粉仲要樓面三番四次叫左個廚房先有... ><"我同男朋友等緊既時候, 就見到有個中年男士, 佢問個樓面既一個服務員拎倘碗, 咁個服務員就黑晒口面咁掟隻碗落張檯度比佢!!我唔要求服務員要滿面笑容, 但... 都唔應該要黑晒口面0卦!!等等0下既時候, 有個好似係經理既女人!!仲突然大大聲聲咁鬧... 唔知邊個!!!!!!!!!!!好喇! 講番食品既味道先啦~雞扒大碗飯= 男朋友話唔錯, 味道幾好~肉醬意粉= 我都係覺得大家樂好味好多, 可能因為大家樂係焗既~ 而呢度係求其淋個肉醬汁上去就算...Anyway, 服務態度應該要有改善!!

我中意食呢度ｄ冬陰公湯河！由２個泰藉嬸嬸主理的以我所知並唔係間間美心快餐都有>ｗ<我多數都食牛腩冬陰公河la..又多芫西芽菜當然你可以選擇唔要陰公湯底同埋走青啦..同埋都幾大碗ga..細食ga女仔可以2份食一碗

下午來這兒吃lunch，食焗豬扒飯，大大碟，豬扒大大塊，味道都不錯。不過味精多了點。好口喝。好在有凍檸茶飲。

鴛鴦午餐一邊係茄汁德國腸意粉, 一邊係葡汁雞扒飯.賣相已經唔討好, 個葡汁黃到好似假咁.意粉好乾有d硬身, 唔係好夠汁, 唔係好識整野食既都應該整到佢既水準.葡汁一d都唔似葡汁, 又冇椰香味,雞係幾滑不過冇咩味.不過佢d飯就算冇咩汁都覺得幾好食

呢間美心好唔得喎! 都未食過咁硬既飯!點可以咁?真係唔得喎!

公司每年都會o係平安夜同班同事開P，我來了三年，二年都係叫大家槳的到，唔知點解今年轉o左美心。那天，聽recept說，叫他們1:00pm，不要太早，因為驚o的食物凍晒，但係佢o地12:40pm已經拎晒上o黎，搞到我o地正式開始o個陣都凍晒。老實說，沙律、燒味拼盤、布甸就話凍o左都冇乜所謂，但好似雜錦沙嗲串、雞翼、肉醬意粉、咖喱雞飯、籠仔飯…呢類要熱熱地先好食o既熱葷，攤凍o左之後，剩係個賣相已經扣晒分。食物味道沒有期望，所以沒有失望，反而有點驚喜，個蝦沙律o的蝦大隻又新鮮，但蘋果超粉唔爽口；有個茄汁鮮魷燴魚塊，魚塊是斑塊，但唔o鞋，個汁幾light，撈飯和意粉都好味，雜錦沙嗲串o的肉好韌而且腌味不夠，完全吃不出沙嗲味；仲有就係個魚蛋、牛丸、蘿蔔大集會，蘿蔔雖然清甜，但有渣，牛丸好有牛肉味，而且仲辣辣地的。其他食物不作評語了，因為不是太差又不是太好，希望下年會叫番大家樂啦(如果我仲係到做o既話)

星期一晚9:30pm，太座、大魔怪和我在這裡開飯。要了羊腩煲和醉雞火鍋明爐羊腩煲：羊腩大大件，好腍幾入味，但唔膻。醉雞螺片火鍋：醉雞只有三小件、蝦2隻、螺片頗多、牛肉少許，還有金菇、鮮冬菇、豆腐和生菜。HK$39.-算抵。有趣的是羊腩煲的爐用酒精糕做羅燃料，火力強勁，但火鍋爐用酒精燈，火力不足。最後大部分火鍋配料用羊腩煲(加水)灼熟。大集團習慣，鐘準時要收工，10:05pm開始洗地，10:15pm 浸滿1:99(或更濃)漂白水的地拖開始掃腳，嬸嬸好有禮貌地說對不起^m^，9:20pm落閘，幸好未放狗^m^

上個星期日同嫲嫲去左呢間美心食晏。嫲嫲鍾意鐵板餐(貪佢落汁個下吱吱聲夠過癮)，所以叫左個『鐵板燒春雞』加個清清地o既雞鮑翅湯飯。先講個湯飯，黎得呢度食，當然唔求真鮑真翅啦！不過d雞、鮑同翅都幾好味，d鮑片口感仲幾真添！d湯又夠味，整體黎講都唔錯。再講個鐵板，真係唔掂。隻燒春雞因為雪得太耐，無晒質感，不過呢個係香港地家禽食品o既普遍現象，所以都可以接受。之但係隻春雞下面墊住個塊"日式燒餅"類物體真係難以接受，賣相唔吸引之餘，仲吸晒d油同汁，好唔健康，所以我同嫲嫲都無食佢(呢d野點可以俾老人家食架)！雖然塊"燒餅"唔係重點，不過好影響賣相同食慾，仲令人覺得好唔抵(想食燒春雞但係夾硬買埋塊唔食o既"燒餅")！提議轉用food cost差唔多o既什菜，甘荀仔都好好食，蜀米仔當然更好啦！不過成本高嘛！PS: 雞鮑翅湯飯我俾4分，但係個鐵板燒春雞只值2分，拉均就3分啦！

the food is normalthe environmentis a little bit bad