美心MX (已結業)

公司每年都會o係平安夜同班同事開P，我來了三年，二年都係叫大家槳的到，唔知點解今年轉o左美心。那天，聽recept說，叫他們1:00pm，不要太早，因為驚o的食物凍晒，但係佢o地12:40pm已經拎晒上o黎，搞到我o地正式開始o個陣都凍晒。老實說，沙律、燒味拼盤、布甸就話凍o左都冇乜所謂，但好似雜錦沙嗲串、雞翼、肉醬意粉、咖喱雞飯、籠仔飯…呢類要熱熱地先好食o既熱葷，攤凍o左之後，剩係個賣相已經扣晒分。食物味道沒有期望，所以沒有失望，反而有點驚喜，個蝦沙律o的蝦大隻又新鮮，但蘋果超粉唔爽口；有個茄汁鮮魷燴魚塊，魚塊是斑塊，但唔o鞋，個汁幾light，撈飯和意粉都好味，雜錦沙嗲串o的肉好韌而且腌味不夠，完全吃不出沙嗲味；仲有就係個魚蛋、牛丸、蘿蔔大集會，蘿蔔雖然清甜，但有渣，牛丸好有牛肉味，而且仲辣辣地的。其他食物不作評語了，因為不是太差又不是太好，希望下年會叫番大家樂啦(如果我仲係到做o既話)