美心MX (已結業)

今日放工一個人晚餐，十分肚餓見到美心mx有個雜扒餐，咁就試下 。70蚊有個雜扒餐又有龍蝦酥皮湯 加嘢飲， 價錢算係抵， 出面茶餐廳食起碼一百多元。雞扒及豬扒肉質都不錯 ，而且有薯菜， 份量十分多皮非常薄值得推介

今次試食美心新出嘅台灣美食。下午茶餐就叫左個肉燥飯配炸雞。炸雞份量有點少，而且食落好乾，雞肉有點紅，應該是雪藏太耐所以咁。至於肉燥飯，食落去唔太多肉燥撈飯，所以食到尾只能食白飯。肉燥味道唔會太咸，肉粒亦唔太肥。

今日跟朋友見面平平地就去食個下午茶今次我叫了雙拼叉燒燒鴨飯唔開心無鴨肶好少肉食，但好在皮都好脆口少少肥，好啦，比個合格你但叉燒略為瘦左少少食落感覺一般飯唔錯，鹵汁都夠送飯朋友叫了肉燥飯燒賣的配搭肉燥飯係細飯都夠食肉燥味道不錯，有不少肉粒飯軟，容易食我們最怕食硬飯朋友叫左杯特飲清甜龍眼冰冰多左少少，朋友忘記叫少冰龍眼冰的確夠潤及清甜夏天飲就最岩，又消暑又滋潤朋友食左幾粒龍眼肉話接受到燒賣不過不失蒸到軟曬

炎炎夏天 嚟到新翠商場食午餐 宏觀全場都冇乜啱食 咁就嚟一下客兒時豬扒飯 美心豬扒飯真係由細食到大味道仲勁過特區政府50年不變 但係餐牌上嘅名就會每兩三個月轉一轉今次改咗一個台式味很重的名稱叫唷很大鮮茄焗豬扒飯。但係豬扒根本冇變大 同以前一樣一塊豬扒,蕃茄汁,兩三嚿鮮茄,兩三嚿菠蘿,兩三塊磨菇片，蛋炒飯底 沒有太大驚喜維持一般快餐店水準。另外點了一杯 原冰桶伯爵檸檬茶, 飲得出同一般茶餐廳用開既茶底味道係有分別 但係 改咗用冰桶上就會用咗台式膠杯一定要連飲管比較唔環保,扣分。大致ok, 得閒可以懷舊一下!

下午餐叉燒飯加燒賣有杯熱飲都係33蚊其實幾ok。可能平時唔太鐘意食肥膏，所以叫左瘦叉燒飯。食落去叉燒都唔會太乾，燒味鼓油加飯嘅味道係一絕，肚餓時候食碗燒味飯確係唔錯。個叉燒係即斬，有少少乾，但加埋燒味鼓油撈熱嘅飯食的話係幾好食。但至於個燒賣可能一早整定放喺到，擺到有d乾哂，食落去都只係暖暖地，如果純粹為左飽肚都可以接受嘅。杯熱奶茶我本身就唔落糖飲，覺得幾好飲，可能落夠奶所以唔會好澀。見佢仲有啫喱杯可以加的，下次不妨試下

新翠美心前陣子裝修，今次是裝修後復業首次光顧，裝修後店舖光猛，座位間位置寬敞了，還加設了有USB充電座的吧位和四人卡位。中午時間，店內食客不很多，我點了一客黑蒜豚肉豬骨拉麵，拉麵湯底不夠濃，祇有淡淡的豬骨味，叉燒肥瘦不均勻，肉質鞋，玉子不流心，幾乎全熟，拉麵又淋淋地，不夠彈牙，整體來說，拉麵質素有待改進🤔

今日早餐去咗新翠嘅美心MX食咗個糯米雞，平時食開西式早餐，今次試吓佢哋嘅中式糯米雞，佢哋嘅糯米雞份量都算唔錯，餡料方面有雞翼、火腿、臘腸、叉燒同埋冬菇，分量方面都算唔錯，但感覺佢哋啲糯米比較黏口，食完之後個口「癡笠笠」

今日同老婆去咗杏花新城入邊嘅美心M X食早餐，叫咗個魚柳炒蛋及雞扒火腿嘅西式早餐，佢塊雞扒配將執唔係好似平時我哋喺茶餐廳用開嘅蒜蓉汁，而係用咗番茄醬，食落好有新鮮感，仲有佢嘅炒蛋，平時去茶餐廳如果煎雙蛋轉做炒蛋，通常份炒蛋都係好細，但佢份炒蛋睇得出最少有兩隻蛋嘅份量，值得一讚，但係佢杯奶茶甜到好似糖水咁，佢仲有其他類型嘅早餐，下次有機會再試

今日出街食飯，唔知去邊，唸唸下都係美心算_數，望住個餐牌唔知食乜，睇左半日都係海南雞飯，起碼d雞滑d....起碼唸係咁唸既個雞上到黎我心唸中伏食一啖，白切雞去骨，出事成個雞俾我感覺係滑少少既白切雞，完全同之前官塘嗰間唔同，感覺自己浪費左五十鬧完，開始讚食到一半手突然滑左下個飯跌左落地，跟住個黑衫既經理姐姐即刻過離問我食完未使唔使俾多半碗我 然後好快掃走左d飯(雖然我知道佢內心一定鬧到我七彩)好好既服務態度，但野食，我唔講其他，個海南雞唔好叫海南雞，叫白切雞啦

星期日晚上八點半未到已無乜選擇, 連穩陣d嘅焗豬扒飯都無. 諗住牛扒可以掛, 點知份牛扒細到以為係兒童餐. 同個公關反映佢嘅反應話我知牛扒細係正常嘅, $63 俾d咁嘅質素, 呢間美心應該係食過咁多間最差嗰間. 叫個公關換個塊牛扒,.黎到同第一塊不相伯仲. 最後放棄叫佢換份雜扒算. 雜扒黎到叫做份量正常d, 但個碟面好多油. 根住發現全份有d似油浸扒, 扒係微暖而且無肉味只有咸味. 完全係一早煮定求其放埋一邊有人叫就夾俾客. 令人完全失望.可以blacklist.

今日自己食飯，間間都要等就去左美心食，叫左個炸豬排擔擔面，完全吾得，塊豬排又油一咬落去成口油，又多肥膏！渣漿又厚，我食左兩啖就無在食落去，之後在食個擔擔面，無味嘅，😱邊有擔擔面係無味嘅！d面又煮到淋晒，最後我成個餐食得兩啖！我都知道吾應該浪費食物😩😩😩但係真係食吾落呀！雖然我知道對於快餐店係吾應該有期望，但係都不至於難食到食吾落呀！又吾係平！唯一可以叫入口嘅，係杯奶茶，都算有茶香，正正常常甘！！

黎呢度食返個早餐，選擇甚多但港式早餐是我杯茶！呢個餐份量幾豐富，火腿通粉湯底味道適中，通粉軟硬度ok, 唯熱度不足；有二條腸仔，要左烚蛋，蛋偏細隻；塊厚粗蜜多士單食唔搽牛油都幾好味，仲有杯熱飲，咖啡幾香濃，止到癮！

今日我們約好咗一齊去登高，而且亦分配咗我們係負責買燒味，所以我們就去到柴灣新翠商場嘅美心MX買咗份「外賣祭祖套餐」：酬神鷄「一隻」同豬脷「一條」！酬神鷄超肥美大隻，肉質極之鬆軟嫩滑，就算係鷄胸肉嘅位置都完全唔會有「嚡」嘅感覺，而且有相當香濃嘅鷄油香味！至於豬脷嘅外層就比較硬身，但入面嘅質感就好鬆軟！兩樣加埋都祇係$188，真係幾優惠呀！

之前玩fb game 送左張電子券，買滿＄30就可以送多一個龍蝦湯螺絲粉，好似好抵喎😚。不過勁衰好多早餐都係差一，兩先夠$30😭，諗左好耐唔知食乜，最後焗住用$6加多個叉燒包。✨估唔到個湯底幾好味，開頭我仲以為會係好假嘅龍蝦味。佢談不上係濃湯，但食到淡淡既龍蝦味起忌廉湯散發出黎，味道唔錯唔會漏。平時早餐d 湯底食到厭晒😙，大家可以試下呢個。個腸帶點香草味道都ok✨叉燒包都幾多饀，至少外賣番去都無話濕笠笠，可以過下口癮。

今日孤身一人到柴灣工作, lunch諗唔到附近有咩好食, 見到美心MX呢排賣左好多廣告嘅"很大唷!焗豬扒飯"大大個牌擺係門口, 吸引左我入去試試係咪真係咁大。🙈柴灣新翠呢間美心MX唔算好大間, Lunch繁忙時間人都頗多, 不過我一個人食搵位都唔難。很大唷!焗豬扒飯午市賣$41, 價錢正常, 配料都多, 感覺上磨菇比例比其他快餐多, 番茄份量同酸度都ok, 不過青豆焗到好乾。豬扒都幾厚身, 唔算好juicy, 但係都唔硬。另外我點左美心MX推介的冰桶奶茶, 味道正常, 茶味都夠濃, 用冰桶上飲到的奶茶份量比平時多。