美心MX (已結業)

係柴灣番工, 早餐或者午餐少不免會選擇美心對佢食物既印象一直係質素穩定既, 但最近好似退步左叫常餐, 話明叫多士, 點解就咁一塊麵包都接受? 烘都冇烘過何謂多士??仲要將塊麵包同炒蛋放埋一齊, 濕林林真係唔知點食另外, 如果叫午餐本人多數都會加一碗羅宋湯, 愈黎愈稀, 一碗紅色既水叫人點飲?總括係覺得品質愈黎愈退步既諗, 會開始考慮轉食其他快餐店...p.s. 本人多數係叫外賣..

最近天氣太酷熱，因為不想去太遠地方用膳， 於是選擇到附近商場食肆，今天我選擇到美心午膳。我點了厚切焗豬扒飯， 看上去份量不是很大，但原來很夠飽，比我想像中飽肚。厚切焗豬扒飯有菠蘿，蕃茄， 芝士，洋蔥等配料，厚切豬扒很厚身，菠蘿和蕃茄酸酸甜甜很開胃，但芝士則有點膩，豬扒的肉質亦較軔，需要花點時間用餐刀切開。飯是炒底的，味道不錯，可惜略嫌乾身，若蕃茄汁可再多點會更好。雖然芝士比較膩，但兩種芝士的配搭卻十分吸引，一種是焗在豬扒面，另一種是摻在蕃茄和豬扒面層的芝士粉，令人感覺好新鮮和很特別。總括而言，中午餐能夠食到經典的蕃茄焗豬扒飯很有滿足感，偶然食得油膩點也是對自己的獎勵。

時日午餐精選，必食美心焗飯美心經典焗豬扒飯番茄加菠蘿口感酸酸甜甜的，讓人胃口大增。而且豬扒又大又厚的一塊。食完好有滿足感。重點是這麽美味的豬扒焗飯才$37，認真好抵食~

話說最近去了光顧新翠商場的「美心MX」, 點了一個下午茶餐, 有炸雞全翼, 半件西多士, 飲熱檸水, 外加碗碗仔翅。買完自然就去等拎食物, 碗仔翅我見要等叫號碼, 就事先同入面位姨姨講一聲, 佢話知道, 叫我等一等!轉頭就見佢同隔離位男經理講我個餐仲爭碗碗仔翅。咁我一直等一直等, 眼見自己個餐仲爭碗碗仔翅, 準備想出聲問之時, 就俾個位男經理話我「齊仲唔拎走?」我只好無奈地出聲話好就「仲爭碗碗仔翅!」, 點知即刻俾佢鬧我話「你拎住張飛唔講我點知你爭咩呀? 」我俾佢鬧到無名火起, 唯有大聲應佢「麻煩你返工專心小小, 你隔離位姨姨一早同你講左我個餐仲爭碗碗仔翅!」, 見佢啤一啤隔離位姨姨, 之後嗌咪入廚房話要碗碗仔翅, 之後放係我個盆度就算, 真係令人極度失望的服務態度!食物方面, 炸雞全翼夠味亦都夠脆, 好味!不過個半件西多士入面, 完全食唔到入面有小小花生醬,而碗碗仔翅材料亦略嫌小得有點離譜, 試問又點會好味?總括而言...我淨係受氣都夠哂飽!

尋日(31-5-2014 Sat)同男友去柴灣o既羅屋民俗館睇,由於呢晚約o左佢朋友們9:00pm後至食晚飯,雖然唔太餓,但都食啲o野先.咁o岩o黎到係2:30pm左右,有下午茶未呢?去邊o度食好呢?同樣走入呢個商場睇,好似冇茶餐廳,唔….有美心喎.去睇吓.有位,咁就呢o度啦,而且我有幾張coupon,男友先買.佢買o左$27.50o既迷你叉燒飯+三竇,加$6.00要橙七喜特飲,有劵就o係茶餐減$2.00.而我就要$27.50o既鐵板豉汁排骨炒麵配紅豆冰,同樣用劵減$2.00.買齊開餐,原來男友o既三竇係咖哩魚蛋,豬皮同蘿蔔,叉燒係瘦叉燒,顏色好似好好.而我o既鐵板豉汁排骨炒麵份量唔多.食得喇,試吓男友o既咖哩三竇,蘿蔔唔多夠腍,唔入味,不過原來唔入味都幾好,因為啲咖哩汁幾辣;魚蛋同豬皮口感正常冇問題;而瘦叉燒呢,竟然唔差,佢肉質鬆軟,蜜汁味道夠甜,但如果係半肥瘦會重好.至於杯橙七喜特飲咁簡單o既o野,自製都得.而我o既鐵板豉汁排骨炒麵呢,炒麵冇炸過唔脆口,排骨肥o既多,而味道,都算幾鹹,好一般.紅豆冰奶多過豆,成杯唔太甜,紅豆都腍晒,雖然問題唔大,但都係爭少少.

這間美心裝修了好幾個月，本來預告在五月可以完成裝修，我們每次想去吃早餐，都失望而回，盼呀盼的盼呀盼的，終於早一兩星期前裝修完了，我於是能和家人在週日享受美味的早餐。　　我們確實比較過，在三間連鎖快餐店中，美心的質素算是不錯及穩定的了，加上免費報章不時會有優惠券，可以省下幾塊錢，再來就是美心的環境和整體格局讓我們感覺不錯，因此我們要外面吃早餐的話，都會考慮美心。　　裝修後的美心格調較前高雅，以黑色為主調，燈光柔和，播放著悠揚的輕音樂，讓人感覺放鬆。　　因為比較早，人不會很多，我們很快便取得食物了。我們一般都愛吃西式早餐，但今天來了個突破，嘗試了別的。　　我要的是豉油王炒麵及蒸蘿蔔糕配熱奶茶。豉油夠均勻，且有幾片椰菜鋪在其上，還灑上了白芝麻，口感佳，麵條夠嚼頭，不太爽和稔，主要是較幼，惜略嫌油膩；蘿蔔糕也佳，因為是蒸的，所以質感比較稀薄，水份較強，令人感動的是料足，吃到一條條的蘿蔔絲，果真是真材實料，沒有欺場。奶茶夠熱，質感軟滑，味道香濃，值得推介。　　白粥配糯米雞方面，粥軟滑，灑上了蔥花和花生，有錦上添花之感，粥很綿。至於糯米雞，偏向多油，肥膩，但價錢合宜，份量夠多，整體感

　　也許因為是快要到清明的緣故吧，十分多人來到柴灣掃墓，大清早柴灣便已塞車。我們想在行山之前吃個好好的早餐，於是便來到這裏了。　　因為鄰近地鐵站，顧客比較多。　　我一直喜歡魚柳，媽媽也是，我們要了兩客魚柳香腸配多士，媽媽要熱鴛鴦，我則要熱咖啡。　　魚柳夠香脆，沒有過焦的感覺，而且夠熱，唯獨就是過鹹了。香腸是灼的，不是煎的，我最欣賞這點，不會太油膩。但是多士就不夠熱了，因此塗了牛油無法自動溶掉。咖啡的感覺不錯。　　最要注意的是魚柳不能再這鹹的了。

　　　好一段時間沒有來這裏吃早餐了。今天因為是星期日早上，而我們又很早來到這裏，因此人不是很多，比較容易找到座位。　　　我們要的是兩客深海魚柳香腸配多士和咖啡。媽媽買完票後十分多牢騷，說那個收銀員說話口齒不清，說話有方言口音，她買的時候問要的是甚麼腸，而收銀員又沒說明有哪些香腸可以選擇，餐牌上所展示的深海魚柳配的只能是香腸，在不曉得是否需要加錢另配別的香腸的情況下，媽媽決定只要普通香腸。　　　我倒是沒所謂。要是有其他香腸可以選擇，我還是只喜歡白灼香腸，美心與其他快餐店對香腸的處理是不同的，其他快餐店會煎香腸，所以香腸會附上了一層油，是不太健康的。而美心所採用的香腸味道不是太鹹。　　　而魚柳方面，感覺非常新鮮，沒有炸得焦黑，夠熱，感覺不錯。可惜沙律醬不太夠。　　　即磨咖啡也是勝在夠熱。　　　整體感覺不錯。　　

十一月上旬‧陰天做節，要煮飯，去街市買東西之前，來吃個下午茶餐。有不少的選擇都好「碳」，如有一個是叉燒飯再加碗仔翅的，下午茶時間吃叉燒飯，真的犀利！我只能吃個蜜汁燒雞翼，再加個碗仔翅。蜜汁雞翼是紅色的，看來除了蜜汁，還用上了製叉燒的方法去燒。皮不脆，肉韌，純粹填肚。碗仔翅說是「經典」，其實就是加入大量的粉絲去扮魚翅，如果大家也可以吃粉絲當魚翅，大自然真的得益不少。加入了不少的冬菇及肉絲，味道不過不失。連一杯熱咖啡，就只是17元半。便宜，就是真的。

因事要到柴灣，難得來到這區，趁著時間未到，當然先去吃個早餐。自己本來想去在openrice中甚多人讚好的「豆咖漿啡」，但因沒有記下地址而找不到，結果去了很久沒有幫襯過的「美心MX」吃早餐。嘩！想不到這間「美心MX」這麼旺場，裡面人頭湧湧，可稱得上生意滔滔，相信附近有不少街坊都有來幫襯呢！叫了個「濃湯叉燒湯意粉早餐」。這早餐除了有細碗的濃湯叉燒湯意外，還有火腿、炒蛋和厚切牛油方包，加埋熱飲都只是$21，都算價格相宜、抵食。叉燒湯意的叉燒不少，但質素只是一般，稱不上靚。濃湯不夠濃，意粉也偏腍了點，整體來說水準只是平平而已。厚切牛油方包牛油頗多，方包也夠大件和軟身，不會流於乾硬，不過稍嫌肥膩了點。至於火腿和炒蛋，兩件薄片火腿烤得還算不錯，帶有少許燶邊，較為香口，炒蛋亦算嫩滑。飲品方面，熱奶茶甚為普通，只是一般的快餐店水準而已，沒甚好提。埋單只是$21，以快餐店水平來說，都算收貨啦！

今日食東南亞粉麵系列, 叫左個炸春卷瀨粉($22)午市好多人, 位係有位, 但係排隊買飛同埋排隊拎野食要等好耐!炸春卷瀨粉: 有4 件炸春卷, 但係d 春卷無咩味, 同埋好油! d 瀨粉就唔錯, 鐘意佢地加左好多芽菜! 個湯因為加左好多芫茜蔥既關係, 食落好香! 不過食完覺得好口渴!

　　　　難得放假，打算和媽媽吃早餐，然後去行山，適逢早前在免費報章上剪下了很多優惠券，於是便來了美心。　　　　我一直愛吃魚柳，見到有歐陸早餐，其中一款是魚聊香腸配煙肉炒薯仔，便要了。媽媽則要粥配炒麵。　　　　我領取食物的時候，便己感到極度失望了。把食物吃進口裏後，失望指數便提升了。先是煙肉只是碎碎的一兩條，多士冷掉了，而魚柳好像是煎得太焦太乾了，香腸也只是兩截短短的，真的很我很失望。　　　　媽媽吃的粥，卻是鹹得太過分，並且太多內了，幾乎整碗都是肉，炒麵也是太鹹，並且冷得太過分，像是在吃冷麵。　　　　讓人極度失望，不考慮再光顧了。

同上次叫同一個餐歐陸腸+炸魚柳+煙肉炒薯仔+厚多士+熱咖啡諗住俾多次機會呢間美心, 果然無令我失望, 今次個餐唔再似"垃圾堆填區", 所以我特登寫返個食評幫佢平反執得靚返, 當堂有食慾好多歐陸腸: 其實唔係咁好味, 試咗兩次, 下次真係唔會再食喇炸魚柳: 今次好食好多, 無咁多油, 又脆, 所以喺快餐店食嘢真係好睇彩數煙肉炒薯仔: 今次多咗, 食落口感覺無咁多油, 不過無上次咁夠鹹厚多士: 包邊脆, 有得自己搽牛油熱咖啡: 唔使講, 我ge精神食糧今次仲俾多咗茄汁焗豆 (應該係隔離個餐先至有), 不過我覺得相對起煙肉炒薯仔, 茄汁焗豆無咁好食, 太普通喇

上晝九點鐘左右, 嘩, 真係多人到爆, 排隊買野食好多人, 拎野食好多人, 堂食都好多人.試一試 歐陸腸+炸魚柳+煙肉炒薯仔+厚多士+熱咖啡拎左份早餐之後, 第一個印象係: 乜咁似垃圾堆填區? 尤其係煙肉炒薯仔. 可能太多人, 乜都求求其其... anyway, 用埋優惠券($22-2=$20), 平平地, 算啦.值得一讚ge係成舊牛油俾你自己鍾意搽幾多就幾多 , 有D快餐店會幫你搽埋, 不過我成日都覺得唔夠, 叫佢俾多D牛油, 同埋亦都唔知佢俾咩牛油你...歐陸腸: 原本海報影出黎果條好似大條D, 估唔到事實上係咁細, 縮左一半, 不過味道唔錯, 我唔鍾意食普通腸仔, 用差唔多價錢有得試歐陸腸, 算啦, 幾好, 都煎得熱ge! 炸魚柳: 我呢塊真係好油, 不過條邊都脆ge, 望下隔離枱, 人地塊魚柳好似炸得脆D同望落好似無咁油, 只能怪自己唔好彩, 為左令塊魚好似無咁油, 我狂點奇妙醬, 自欺欺人的方法 煙肉炒薯仔: 煙肉好香好好味, 但係只得幾粒 薯仔仲油過舊魚, 啖啖油, 其實係好夠鹹香, 味道幾好, 但係真係好多油! 再加幾條洋葱, 好味, 但係都係好油 厚多士: 外觀真

正月上旬‧晴見某傳謀人在頭條以大家樂的叉燒為題，說來說去，除了「好食」，但又唔知點好食，有咩好食等等。等我又在openrice用叉燒為題，但就換來另一間快餐集團，美心。下午茶餐的叉燒紅腸瀨，不要飲品也只是13蚊，價錢便宜，水準如何？多廋少肥，吃起來肉質幾鬆軟。蜜汁上得足，味道幾甜的。搭了一件全廋的部份，十分韌。紅腸薄切，早知叫佢切厚一點，最多只吃兩片。瀨粉稔稔的，以這個價錢，也不能苛求了。在頭條，只看到「好食」；在openrice，至少要寫有幾好食或唔好食，應該明白好多。