美心皇宮 (德福廣場1期)

营业中

休息中

今日與友人相約早上飲茶，因為星期日既關係人喜超多，不過可以網上取票號，不錯。九點半左右取號後，結果要等到差不多十二點先入座，早茶變埋午市了內在環境都算大，可能臨近中秋節多人飲茶、加上星期日既關係英美心皇宮既特式當然就係仲有點心車啦因為太肚餓既關係拿拿臨睇下姐姐推既點心車車有咩食一來叫左個《排骨蒸粉皮》排骨全部都係半肥瘦，肉質好嫩好正排骨底放滿滿的粉皮，又滑又彈，推介之選之後未見到有燒賣，見到車仔有《鵪鶉蛋燒賣》，所以照殺本人本身都食鵪鶉蛋燒賣吾算大粒，但蝦同豬肉都好大舊好好味蒸得剛好之後見到有炸物推過，有《炸蟹球》可能放左太耐係車到，已經吾熱，蟹球仲好散，無心感又吾夠彈牙友人叫既《煎蘿蔔糕》吾夠厚身又煎得吾夠香，好一般又來個蒸《牛肉球》牛肉球算大粒，夠彈口，不錯終於見到有我至愛《鹹水角》點知又係放左好耐既感覺，入口「淋吱吱」，一點不香脆，仲要凍冰冰尼個《酥炸鮮奶包》小點 ，因為即炸都等左好耐，有廿分鐘以上，滿心期待點知又吾算好香口，不過鮮奶有流心係淡左小小，不過個包似炸饅頭最後一道係廚既《風沙豆腐粒》大點點知滿心等左有廿幾分鐘，又係暖暖地而且吾係香口似食緊淋豆腐。食過第2間分店炸野好正

今日去咗飲茶，一般酒樓有嘅剔剔點心紙就一定有喇~但竟然比我見到點心車呀！回憶立即湧現，想當年一見到有點心車經過就會望實車仔前面嘅點心牌，驚死miss咗自己鍾意嘅點心！2個人，點咗5個點心，下午茶而言，都好豐富！特別要講一講個柚皮，因為工序繁複，已經好少地方有得食，雖然佢整得未夠淋，仲有實心嘅感覺，但真係回憶取勝！海帶綠豆沙唔會太甜，落少啲糖，乎合返香港人健康原則！(大家記得糖水車仔個樣嗎?)龍蝦湯鮮竹卷~用龍蝦湯好特別，都有少少龍蝦味嘅，鮮竹卷就普通喇~雞扎~雞肉經過好重嘅調味，食唔到原有嘅雞味，over哂~馬拉糕~都係因為佢個大大大蒸籠而叫，要邊定要中間自己選！

小秘書每逢星期日都會約齊爸爸、媽媽同細佬妹一家嚟「美心皇宮」飲茶☕️而家仲有推車仔賣點心嘅茶樓已經好少，所以咁多年嚟我哋一家都好捧場。不過唔知近排搞咩鬼，「美心皇宮」唔知係搞環保定冷氣壞咗，每次嚟到都要邊食嘢邊撥扇...感覺焗緊桑拿咁😅 有試過同經理反映，佢都係愛理不理嘅態度，答一句「我都無辦法」就走開咗！不過鬼叫我哋咁專一咩😝今日又死死地去幫襯👉🏻👈🏻 熱就梗㗎啦！今日仲嚴重缺人手，試過幾次想叫人加水，舉極手都無人應🤨 想寫個飯同湯米粉，就足足搞咗廿分鐘先有人埋嚟... 點解「美心集團」搞成咁㗎？🤔好在佢啲點心水準無咩點變，而小秘書最愛嘅「狗仔粉」仍然香口同地度風味十足👍🏻 希望「美心集團」管理人可以加緊人手，搞搞個冷氣。再係咁熱落去，我呢個fan都定唔住喇！

無下次。。。可能佢只係想做晚市!門口知客口齒不清，懶音嚴重，鄉音無改，又死不認錯。點心，推車。但選擇少，偏遠位置，想吃碟燒賣蝦餃都難。又無得點，又無固定位置 。賣點心阿姐，十分珍惜自已把聲，問咩點心，一定唔會答。寧願拆個點心牌出來比你睇 。(哎，個個都識字咩，老人家咁遠點睇呀).無明顯價目表 ，週六早茶中點連加一，達40元左右。好就話啫，咁既價錢，我寧願上多層去翠園。真係唔點解成日有班傻人係度排隊!!!美心 。。。唉，好弱。

每次黎到九龍灣德福廣場，一定係食元氣壽司。因為我真係好鬼鍾意食壽司。今日約左屋企人出黎食飯，所以去左尼間美心皇宮到食。本身覺得大集團，d野食都唔會好食得去邊。但今次食完真係好有驚喜，同真係要讚。首先，我點左個冬瓜盅（無影相），我地4個人食，每人都可以食到4-5碗。個盅都係講緊二百幾蚊而已，真係一點都唔貴又抵食。好重要係又好食。又有人服侍你，幫你裝埋。真係成個主人式享受。第二，佢個沙拉蝦真係無得頂。好味到一個點。佢個醬汁有花生粒，甜甜濃濃少少酸既味道，淨係個醬汁配白飯，我諗都可以食一碗。另外，佢個蝦炸得好出色。真係好好食。極力推薦。我仲有叫其他野食。但可惜無影相，無得同大家分享。冬瓜盅同沙拉蝦都係極力推薦！！成餐飯食得好開心。服務又好。利申：我讚不絕口 係因為真係好好食同好好服務，而我唔係打手！）

今日霖住試下美心皇宮飲下茶，我地去到都3點幾，佢都無話幾點截單，甘我地又無問，甘入到去坐接枱都吾緊要啦，因為都無乜影響，跟住我地霖住點點心啦，見無點心紙，就問佢地攞，佢地話系推車，得一張點點心既，甘我一睇。。。。呢啲好似系小炒卜，點心，得10樣到，吾岩食，吾緊要，甘米睇推車有咩食囉⋯⋯點知，腸粉無，鳳爪無，燒賣系鵪鶉蛋，牛肉燒賣，我想食個正常既燒賣姐。。。都吾緊要啦，霖住可能會有粥食丫，點知都系無，到左3點40幾分，話比我知要截單，我話我坐定半個鐘都無卜，個女服務生話，每間酒樓都會截單準備晚市既啦，我聽完就話啦，我夠知啦，但點解你吾系我地攞票入黎既時候話我知呢？你話我知仲有半個鐘都無就截單我會考慮入吾入丫，跟住佢走左，叫個推車既姐姐同我講，但都系好好聲氣既，除了個女服務生外，姐我吾介意吾岩食，每一個口味不一樣，但我介意系入左半個鐘就吹我埋單囉，我依家系飲茶吾系食快餐卜。。。

美心皇宮 點心一般都不錯！做得最好的是京都炸雲吞和蚧子燒賣！京都炸雲吞 不油不膩 脆身 甜酸醬也很到位！蚧子燒賣是多間大型連鎖點心茶樓中做得最好！燒賣面的蝦又大又新鮮！內𥚃也有一隻大蝦！其他的湯粉及炒粉則一般質素

飲茶lee個文化係咩年齡層都啱嘅,同屋企人飲茶,同同事飲茶,同朋友飲茶......諗唔到食咩就去飲茶。有車仔賣點心有懷舊感,可惜已經買少見少,希望茶樓繼續保持lee種特色。 點心有好食有唔好食啦~茄子味道唔夠,但係又唔會韌,一般。金錢肚賣相不錯,爽口。鯪魚球食得出唔會用太多生粉搞,打得都鬆,唔會死死實實。新鮮蝦膠有處理過,唔係行貨。蝦片好脆。唔夠熱,蜜味唔夠,叉燒ok。有大粒蛋黃有驚喜,可惜蛋黃冇油同埋好硬。麻蓉冇起沙的感覺,唔合格。希望茶樓唔好只顧裝潢,服務,仲要顧埋食物質素(唔好交行貨)。

約了幾位舊同事聚餐，更要找間舒服又唔使限時間的酒家，就選了九龍灣美心皇宮；我們見餐牌上龍蝦尾、花膠、吉品鮑魚餐好似好底食就點了；1.龍蝦尾配烏冬底-龍蝦尾烹調得好味，個汁底配烏冬都得，只是我唔太喜歡個隻烏冬麵；2.花膠湯一般；3.吉品鮑不是原隻，係切開炒荷蘭豆，但都可以；3. 鹽香雞好味；4. 條魚蒸得啱啱好；餐內有幾款蔬菜；最有的甜品芋蓉珍珠露就完全唔ok了-西米煮到over 淋又大甜無芋蓉味；總括來說整套餐的份量係足夠6位食；以$1098都算底食。

很多人腦中美心皇宮是飲茶的好選擇。每逢週末早上都一定車水馬龍排隊都要排最少半個鐘或以上才會有位。但其實是不是真係咁好味呢？抑或是慣性了？我們今次就純叫了點心做下review。燒賣來說，就已經並不是將蝦肉撈入去豬肉入面，而是一隻爽口蝦仁咁放在燒賣上面。還好。但在我而言，是新派的燒賣吧，我還是喜歡舊派的做法。蝦餃水準能保持，皮薄蝦料足。但最奇怪的就是韭菜餃和菜苗餃。兩個都偏甜了...菜苗餃一直都是用蝦做餡料的但現在竟然變成鯪魚肉餡，感覺有點偏甜亦有點怪因爲唔軟熟且變得很實。或者鯪魚肉比蝦肉便宜吧！乾蒸牛肉和牛柏葉含油量非常之高，閣下如想走油，避免一下。錦鹵雲吞保持水準香脆可口。純鯪魚球都做得不錯，雖然味道偏了一點甜但不會「淋擘擘」，有球形、很有咬口。總結，水準還在，飲茶依然是可以穩陣的選擇。

初八一行10人約到九龍灣德福的美心皇宮飲茶團拜，行到酒樓門口已經見到人山人海喺度攞飛等位，好在有朋友早到攞左位，如果唔係我一定揀轉場。點心係推車仔賣嘅，叫左好多款點心，包括: 煎蝦米腸，鳳爪排骨飯，蒸粉皮排骨，糯米飯，蒸柚皮，蓮蓉包，流沙奶黃包，豆沙包，叉燒，菜芯，生菜，蒸茄子.... 感覺食物味道很一般，無咩驚喜。豆沙包太甜，流沙奶黃包唔流沙，蓮蓉包中間的咸蛋黃太硬，蒸茄子又無咩味道...侍應同點心阿姐可能個個都忙得滯，好多個都黑面，新年流流要受氣，如果有得揀下次唔會再嚟呢度食飯。

第一次黎飲茶，在德福廣場選擇飲茶傾計地，本來想食稻香，網上睇食評見到麻麻，最後選擇美心皇宮。朋友十一點十分先到埗lor位，結果無林到十二點半先有位!真係多人到爆炸，不過節假日都明既😔之後入到去發現係手推車lor點心。兩個人lor左鵪鶉蛋燒麥、鳳爪、牛柏葉同點左蝦餃...鳳爪同鵪鶉蛋燒麥都幾好食，鳳爪蒸到骨都林，又好入味，但五會鹹過頭；鵪鶉蛋燒麥既蛋香味很濃，燒麥用既豬肉好扎實。而牛柏葉就真係伏到無人有，味道正常，但韌到咬極五斷，好似橡筋咁😓為左五為難自己既牙，最後都係淨低左。蝦餃就係點單既，等左十五二十分鐘先黎。但衛生情況就非常麻麻!無影相就五講啦....呢餐四樣點心加茶位費189，咁既價錢咁既水平...一係就平日黎啦，節假日真係咪搞🙄

今晚同屋企人食飯，但都預左周街都會勁多人，所以就預先訂枱嚟依度，最少一定有相當嘅質素先去到全場勁爆多人，入到去想叫平時叫開嘅套餐，有龍蝦伊面配雞，只係$238, 但可能係星期六所以冇唯有散叫啦，就叫左個脆虾球 / 海味雜菜煲/沙爹金菇酌肥牛同西蘭花炒蚌片虾球個脆虾球有6件，用d千島醬撈起配沙律菜，個虾球就炸得好香，味道唔錯另外個海味粉絲雜菜煲，味道就一樣可以但d虾乾就真係超級好食，完全唔會太硬太乾個金菇粉絲肥牛，沙爹味超級香濃，同肥牛嘅數量其多反而金菇就超少最後就係西蘭花蚌片虾球，就有4件虾4件蚌，以$128嘅價錢又好似有點兒那個但總括嚟講都

閒日的中年，約等了十多分鐘便有位了。地方雖然不大，但勝在裝修簡潔，光線充足，給人一份乾淨衛生的感覺。有別其他酒樓，這裏的點心是放在點心車上，由侍應推出來的。所售賣的點心，清楚標示在餐車前，任君選擇，熱辣辣的端在面前，省卻追單或漏單的麻煩。種類多，美道味，還有很少遇到的桑寄生蓮子蛋茶。現在還推廣信用卡用餐优惠，一家大細過節之選哦！

今晚去依間經常嚟飲茶嘅食晚飯，因為俾一個餐牌吸引住，298有上湯龍蝦伊面再配南乳吊燒雞半隻，認真嚟講價錢唔算特別平，但勝在中檔酒樓都做就算係咁入到去，當然叫果個set啦，再加上沙爹粉絲肥牛煲同一個唔記得左乜野豆腐煲個set, 龍蝦寫明約一斤都估到大極有限，嚟到份量算足，我地4個人，每人有碗半面南乳吊燒雞，就好正，肉嫩皮脆，而且內在十分夠味，好正沙爹粉絲肥牛煲就賣相超衰，差少少想叫換個碟，但點知入面牛肉又大又嫩又入味，而且沙爹味超正，仲要有少少花生粒