緣聚鮮鍋 (已結業)

荃灣區新店開張，見到大排長龍，人人都大讚，當然就要去一試啦。裝修型格，燈光光猛，地方乾淨，座位寛堂。食物多款到不得了，真的以為自己去了酒店自助餐。入座先揀湯底。我選了壽喜燒湯底，還附送日本雞蛋！可以用QR code點食物，介面簡單相當易用或者出面有不同種類既食物區自助夾。 值得一讚係呢間自助區做得好有心思，通道夠大又光猛，分類亦做得相當唔錯。店主直接將對動漫玩具喜愛存放於店中，各區都可以見到大量玩具影蹤。 餐前小食和熟食區 刺身，壽司及沙律區先講日式美食，人流相對會較多，有壽司甜點沙律任夾等等更有排隊人氣刺身。刺身希靈魚、油金魚、三文魚、吞拿魚、鮮帶子等等。大概8點的時候還可以欣賞即場切吞拿魚的表演，更不能夠錯過。 主菜火鍋首先日式壽喜燒湯底味道會較為濃味，但配上肉類可以話一流，滾起後沾上生日本直送生雞蛋仿佛還原壽喜燒食法滋味。不過相對其他食材都會因湯底而變濃又入味，所以食前湯底需要小心選擇。入座後會送上每枱一碟牛板楗一份，牛肉味夠濃又嫰滑。可惜追加另要附加費。另外和款特級肉類牛頸脊、羊肉、豬肉、雞肉等等亦係必點之選。其次有海鮮、餃類等等，更有即叫即蒸小籠包。 飲品區飲品選擇好多

荃灣大鴻輝商場一直火鍋林立，今晚見樓下排隊人不多，就和朋友膽粗粗試試較新的火鍋店。 第一輪的火鍋時間是7點15分，幸好有訂位，客人也不少，安排坐位時，即時選湯底，選了較小見的黑蒜湯底 黑蒜湯底散發著濃濃的蒜油味， 同時間給我們送上靚靚肥牛。急不及待出去選食物，還以為自己去了酒店自助餐呢！品種非常多，分門別類很清楚，最吸引是有一條大大的金倉魚，像日本刺身場日本刺身壽司區蔬菜粉麵區原包出前一丁可取，還有日本不同種類的麵條。調味區非常有條理又乾淨飲品區更 包羅萬有無論盒裝和罐裝都有很多選擇 ,更有樽裝維他奶，連中國茶都有很多款 ,還有咖啡機呢 ! 真是可以迎合不同客人的需要啊！更有照顧小朋友的糖果區食物質素方面 刺身都很新鮮，即切大大件，一點也不吝嗇 肥牛方面雖然是薄切上，但是很有肉質味最後可以食埋甜品，紫米露用料充足，不太甜 ,就算食到飽都要試一碗呀 !

琴日九半既時侯喺樓下同朋友見到有promo話九十八蚊就有火鍋放題 就拎左張單張 話九半後優惠價$114 然後第二位半價 就上去食啦 點知就中大伏 明明openrice好多正評 點知全部都係鍵盤戰士 宵夜時段野食唔齊都算 仲要難食 我都算 埋單嘅時候竟然同我講要3舊幾水 明明跟佢張宣傳單張應該係114一位 就算計埋加一 都唔應該咁貴 跟住佢同我講話唔係計優惠價係計交叉左果個原價 我真係眼都突埋 都唔知話係設計宣傳單張條友有問題定係想昆啲人上去食野 本身300幾真係唔係咩問題 但佢個價錢表寫到咁樣昆人上去先係問題 埋單問佢點解要咁貴仲要受佢氣 一句話 不嬲都係呢個價啦 你睇唔清楚係你嘅事 大家真係要小心唔好再比間野水到上去

荃灣前排新開左間日式自助餐加火鍋，所以作為吃貨嘅我就去左試下呢間緣聚鮮鍋，呢度最大賣點就係仼食刺身同火鍋🍲仲有埋沙律🥗炸物🍤蔬菜🥬甜品🍰🍧酒類🍶丸類同配料🍢唔同種類嘅Bar🤗呢度火鍋湯底有8款咁多，我地就揀左蕃茄湯底🍅同豬骨湯底🦴肉類方面叫左特級牛肩胛肉眼、美國穀飼肥牛🐮西班牙梅頭豬肉🐷每款肉都係薄切，食落油脂啱啱好，肉味香濃且嫩滑🤤海鮮同芋丸都唔錯😋而呢度嘅刺身同壽司款式有好多🍣而且都好新鮮，每晚仲會即劏原條新鮮吞拿魚🐟呢度嘅雪糕亦好推介俾大家🍨個人認為玄米茶同奶茶口味的雪糕係最好味👍🏻👍🏻👍🏻雖然食落茶味唔係好濃，但嗰種茶味真係好好食，而且出面唔係成日見到

食物超多選擇 刺身火鍋放題 場內有11個食物區域（壽司區、刺身區、火鍋區、沙律區、熟食區、甜品區、飲品區等) 和 大家分享下！火鍋湯底 大約10款選一來就點了 壽喜鍋 因過人喜愛 甜甜地火鍋配料 相當多 有 肉類、丸類、蔬菜、麵食、響鈴魚皮大多都有齊，除咗自己拎外，重可以電子點餐，海鮮、牛肉等等及海鮮刺身及壽司 方面刺身同壽司手卷！刺身款式就唔多 得帆立貝、金倉魚等等，質素都唔錯仲有 仲有大量炸物、天婦羅、熱盤冷盤每樣嘅種類都好多，大滿足而麵類的種類非常多 例如韓國泡面、素面、米粉、拉麵、出前一丁等甜品及飲品 有雪糕機可以重有小朋友勁愛的朱古力噴泉飲品方面多不勝數：啤酒梅酒汔水等等 大大滿足黎呢度記得訂位 好多人好旺場

正日生日老公問想食咩？人都係貪心又想食日本野，又想打邊爐！老公話見到有人介紹呢間可以滿足晒我晚願望同埋兩隻小Monkey 又會食得開心！就揀左荃灣呢一間！佢係一間自助餐型式既餐廳，因為7點冇晒位，印所以食5點到7點既時段！呢個時段有3個價錢！我地揀左最貴又咩都食得$188既價位！因為我正日生日，所以我個$188全免抵抵抵打邊爐既靚牛我都唔記得影相！掛住影個場！但個場真係好吸睛我地叫左3款火鍋湯底：味增地獄鍋，壽喜燒同豬骨鍋！雙併湯底要加$9！我地4大2小食左成30碟牛但就算靚牛都會有小小咬口呀！仲有野飲都好多款式！成掛雪櫃任揀！仲有花茶任你配搭！雪糕花款都好多！又雪糕機唧出黎既乳酪雪糕！又有雪糕櫃既任你畢既8-10款口味既雪糕！兩隻小monkey 食得好鬼開心最後大家都食到抱住個肚走！

來到這間位於荃灣大鴻輝的緣聚鮮鍋， 剛開張不久，但是已經很多人排隊。在門口等了大概15分鐘，安排了位置。入到內，食物的種類很大，令人眼花撩亂。 大概可劃分為熟食區-熟食區有魚，有燒賣，有炒菜，有雞翼等等不同的選擇。另外火鍋為主題，很多不同的東西可以拿來打邊爐，有丸，有菜，有菇類，另外還有呢還有可以上網下訂單，scan QR code有唔同嘅牛嘅部位可order, 種類非常多， 牛上到來非常吸引，另外有雞，豬紅，玉子豆腐等。冷盤區有海鮮，鮮蝦，青口，有刺身，油甘魚，金槍魚，帶子，三文魚等等，還有壽司。還有特別節目，十分大的條吞拿魚。 飲品櫃也很多選擇，還有雪糕等。晚巿二百多元，十分值得一家大細來試。

很久沒到外邊吃飯, 最近大鴻輝大廈又開了一間新的火鍋放題, 在三樓很容易找, 而且不用排隊乘電梯, 方便很多.任吃120分鐘, 可自選一款湯底, 當時選擇了我最喜愛的壽喜燒.這裡環境很大, 客人很多, 所以餐廳的點餐方式亦較先進, 肉類及海鮮類祗需用二維碼掃瞄點, 餐廳會提供wifi, 所以不用怕消耗自己的數據.而其他蔬菜類, 丸類, 配料, 熟食, 飲品等都是在自助bar自由選取.最大賣點就是壽司刺身任吃, 排隊每次可以選3款刺身, 雖然人龍不絕, 但其實也很快, 而且當晚有師傅在場切原條吞拿魚,即切即吃, 非常新鮮.刺身拿了幾次也很新鮮, 而且不會太薄, 有口感, 不會將價就貨, 壽司款式也很多, 感覺不差, 喜歡魚生壽司的人祗是吃這些也能回本.而我則較喜歡火鍋, 入坐同時餐廳已自動放下3碟肉, 1碟是牛脊肉, 很大片的, 入口夠彈牙有口感. 另外2碟是肥牛, 看似很多脂肪, 但入口後又不覺很油膩, 肉質還很嫩.由於自助bar的款式也很多, 還有雪糕, 乳酪, 生果, 每款東西都試一下已非常滿足.雖然環境很大, 但平日晚7時多已差不多滿席, 所以最好先訂位, 而且人齊可先入坐.冷氣

呢晚同朋友約咗出來食飯, 佢話想食放題, 然後我地揀左呢間-緣聚鮮鍋。一入去覺得好震撼!好大條吞拿魚!中場會劏, 再即場切刺身畀客人食!個場好大, 有好多唔同區域畀人拎食物,有刺身/壽司/冷盤/熱盤/小食/甜品/飲品/火鍋生料周圍仲有唔少玩具/figure,玩具迷一定好喜歡(包括我)火鍋生料都幾多選擇,都係任夾唔嬲湯底我地叫咗豬骨同芫西皮蛋, 都唔錯, 味道都幾濃。肉類則要用手機scan code點餐, 呢度d牛都幾靚, 雪花都好均勻,肉味重。刺身都唔錯, 幾新鮮火鍋料其實都真係應有盡有, 響鈴都係任夾, 好正炸物小食有炸饅頭!仲有練奶配總括來講真係好唔錯呀!價錢都係一般放題價錢!但又有得打邊爐又有得食日式放題,其實好開心呀!有下次! 

今次揀左5點鐘哩個時段嚟試哩間火鍋放題，生日有免費，兩人嚟食一人價錢，兩人埋單都只係2百仲有找，抵！哩間可以用電字產品點選的好似只有肉類及海鮮，選擇比較少，但都幾新鮮，味道唔錯，食物都嚟得幾快，其他食物基本上都係自助，魚生仲要每次排隊攞，仲要每次攞得兩款每款得3片，鐘意食魚生嘅我，都唔記得排左幾次隊，但唔知係咪我攞魚生次數多，魚生就越比越少片......但D魚生真係幾新鮮好食既～如果魚生都可以用電字產品點選會更好。總括嚟講食物質素唔錯，飲品有好多選擇，今次仲有多野未試就已經太飽唯有下次再試過～

今晚起荃灣食左呢個晚市放題，入座後限時食2小時，平日時間7:30到，已經差不多全場滿座，吸引的地方一個價錢可以任飲任食，刺身，火鍋，甜品，熟食樣樣有，食物是自助為主的，只有少部分食物是下單。牛肩胛肉眼，牛肉不錯，油花不多，以肉味為主。而美國肥牛，脂肪較多，入口較香，肉味相對牛肩胛肉眼無咁濃。海鮮部分，最喜歡是沙白，鮮甜無沙，肉質鮮嫩，另外蠔肉同樣值得食，蠔肉蠔身不算大，但蠔味卻十足。飲品方面，有各式各樣的汽水，紙包飲品，酒，連支裝熱維他奶及花茶都有。由於都食到好飽了，所以甜品部分就淺嘗了少部分，最喜歡是芝麻味的奶凍，同埋自助乳酪，乳酪配料有很多款式。

呢日約左朋友喺荃灣食晚餐, 打算搵間放題大食一餐!荃灣搵食最直接當然去大鴻輝, 然後發現有間新野 -緣聚鮮鍋,就試試佢!原來佢除左打邊爐, 仲有日式放題,一個放題滿足你2個願望!岩晒我地呢D為食鬼呀!嘩! 入到去真係令人好興奮!個場好大!食物款式好多! 睇到花多眼亂呀!刺身, 壽司, 小食, 火鍋配料, 甜品, 飲品應有盡有!一坐底叫左湯底先, 然後就SCAN QR CODE點某D火鍋料,其餘就自己出去夾夾夾我地叫左蕃茄同壽喜燒湯底~蕃茄湯好家庭FEEL~壽喜燒好濃, 岩晒烚肉類!一坐底就自動上一份牛肉~雪花好靚, 牛味重刺身都好新鮮, 仲有3文魚腩呀!!壽司都好多款, 味道都唔錯!仲有天婦羅火鍋料特別推介:蠔!好大隻!好肥美! 個芋丸都好好食, 好煙韌!食到飽一飽勁滿足~先每人$234, 一個價$, 兩種享受!

與幾位朋友去到荃灣食飯，選擇食火鍋，這裡與一般的不同，食材全部都是自由選擇，任取，而且款式非常多，有火鍋料，沙律，壽司， 刺身，甜品，飲料，應有盡有。壽司及刺身方面，有鮮帶子，三文魚，鯛魚，用料新鮮，當晚還劏了一條大吞拿魚。 而火鍋料方面，有多款的蔬菜，麵食款式也非常多，另外丸子也很特別，內有不同的餡料，如香芋，南瓜，蝦子等。另外飲品區，除了各式各樣的罐裝飲品外，最特別是由自己調配的熱飲區，各款的花茶，非常特別而且好飲。

近日成日都要去荃灣，因為朋友新屋入伙，要幫佢一齊搞裝修，大家都唔係好識一齊學，一齊研究，終於都裝修得差不多，我朋友話要慰勞下我，今晚去完佢屋企，就去咗緣聚鮮鍋食放題😜其實我唔係好大食，平時都好少食放題，不過朋友話呢間D食物有好多選擇，佢話佢請客，叫我點都要去食。店舖都好大，我去到已經好多人入坐，睇嚟都幾滿座。呢度又幾先進，點菜係apps網上點，下單後好快就送到，睇嚟好趕時間喎😂因為其實晚上有兩場放題，食得慢就好快夠鐘冇得食😋食物都幾乾淨，點左嘅牛肉分開一碟碟上，肉質都唔錯👍另外蔬菜🥬、甜品、飲品、丸類、刺身等等可出去自取，不過刺身每次只可以攞幾件，所以食完想再食就要再排多一次，不過其實都好快。

有睇開我個feed嘅人都知道我間中會去食火鍋 今次就去咗「緣聚鮮鍋 」食日式火鍋放題 平時打邊爐好少食放題 怕食物質素唔好影響我打邊爐嘅心情哈哈 不過呢間「緣聚鮮鍋 」食物質素同埋價錢都成正比嘅 所以先出post 同大家講吓⠀⠀⠀⠀⠀⠀⠀⠀⠀估唔到平日去都咁旺場 訂咗7:15pm時段 7pm去到已經見到有訂咗枱嘅人開始排隊等入場 大約7:10pm 店員就安排入座 過程都幾順利⠀⠀⠀⠀⠀⠀⠀⠀⠀入座後就填咗張火鍋湯底紙交俾職員 有啲火鍋配料例如 肉類 餃子等係要落單嘅 但就唔需要經店員嘅 只要用手機掃個QR code就得 其他配料需要自己去火鍋區度夾⠀⠀⠀⠀⠀⠀⠀⠀⠀除咗火鍋區仲有壽司區 刺身區 甜品區 飲品區等 最受歡迎嘅當然係壽司同埋刺身區啦 呢間嘅放題有一個特別之處就係每晚7:30pm-8:00pm都有師傅表演即劏新鮮吞拿魚 呢啲show之前喺日本睇過 喺香港就真係第一次😀⠀⠀⠀⠀⠀⠀⠀⠀⠀飲品選擇都好多 一個個雪櫃排喺牆邊 連啤酒都可以任飲呢⠀⠀⠀⠀⠀⠀⠀⠀⠀甜品我就食咗奶茶 海鹽同埋玄米茶味雪糕 呢幾款雪糕比較少見所以先試😝⠀⠀⠀⠀⠀⠀⠀⠀⠀每個時段嘅價錢都唔同 我嗰個時段(7