緣聚鮮鍋 (已結業)

近日成日都要去荃灣，因為朋友新屋入伙，要幫佢一齊搞裝修，大家都唔係好識一齊學，一齊研究，終於都裝修得差不多，我朋友話要慰勞下我，今晚去完佢屋企，就去咗緣聚鮮鍋食放題😜其實我唔係好大食，平時都好少食放題，不過朋友話呢間D食物有好多選擇，佢話佢請客，叫我點都要去食。店舖都好大，我去到已經好多人入坐，睇嚟都幾滿座。呢度又幾先進，點菜係apps網上點，下單後好快就送到，睇嚟好趕時間喎😂因為其實晚上有兩場放題，食得慢就好快夠鐘冇得食😋食物都幾乾淨，點左嘅牛肉分開一碟碟上，肉質都唔錯👍另外蔬菜🥬、甜品、飲品、丸類、刺身等等可出去自取，不過刺身每次只可以攞幾件，所以食完想再食就要再排多一次，不過其實都好快。