維記咖啡粉麵

营业中

休息中

午餐時間路過深水埗，朋友見維記無咩人等就建議入去食。小店大約十張枱，一行五人被安排和兩名陌生人撘枱，有點擠迫。雖然選擇不多但價錢相宜，跟朋友點了較有特色的潤牛麵及加咉多士。牛肉一般，豬潤又新鮮又爽，餸量也多，抵食。加咉多士脆而不燶，咖央醬甜而蛋味濃郁。環境及服務一般，經常有人等位亦唔可以坐得耐，總括而言是個性價比高的抵食速食之選。

話說幫襯左十幾年，質素實在無以前咁好，但確實又係得佢連一個唔食豬潤嘅我都會幫襯佢，原因係佢可以將d豬潤處理到唔腥！一早嚟到唔使排隊鍾意佢會煎下d餐肉，好多茶記淥熟就算每次都會叫通粉，連埋d湯食，好味加埋佢杯滑奶茶，無得頂

之前好友放假就跟他一起早餐後四圍走，好友帶我到深水埗有名的食肆早餐，佢話假日超多人排隊，所以只能平日帶我試吓😅😅😅我地一人一碗麵，佢食豬膶麵，望上去材料真豐富~~~我自己食牛腿麵，即牛肉加火腿，牛肉勁多，又滑又軟，感覺好好食不過奶茶感覺比較甜，如果怕甜的人一定要叫少甜😅😅😅

啱啱去黃金買野, 順路嚟咗呢度食碗麵，雖然呢度好多餐廳選擇, 但好多時都揀呢度由於係平日下午茶時間，所以唔使排隊就已經可以入去。（不過星期六同日好多時都一定要排隊）叫咗碗豬膶牛肉麵，雖然牛肉唔夠淋，但是豬膶都幾爽，湯底同阿媽煲豬膶湯一樣好甜，整體算係唔錯。佢嘅凍奶茶不錯，值得一試, 不過無得跟餐。

這裡的豬潤牛肉湯麵是很出名，因此來到這裡都要叫一個來吃。這個麵的湯底有D一粒粒的豬潤碎，味道都好鮮甜，而豬潤帶有少少羌味，剛剛好熟，而牛肉就新鮮的，可惜唔算特別好味，整體算好好味。

咖央西多士 X 豬潤麵 + 凍鮮奶是日周日，行完深水埗，經典行程就系食番碗麵。一碗豬潤麵（$30），豬潤的味道無左之前的那份口味，麵多，味道算中規中矩。咖央多最吸引人好味最後，隊埋瓶凍鮮奶（$13），一身攰意全冇，再繼續去''淘寶''

放假又怎可能不去吃好東西呢？男友經常說要帶我去上水吃蛋治，但地方太遠了，既然要吃麵，倒不如去深水步，什麼種類也有今天選了維記豬膶麵是他們招牌，很多人專程一嘗其味，果然沒有失望，一點腥味也沒有，爽口彈牙。麵質剛好，另外同時點多咖央西多不多西多一般，也沒有食家說得那麼神男友叫牛肉通，但隔離飯香，他還是不停分享我那碗。。。

維記既不嬲都好出名，成日都大排長龍架啦。今晚本身嗰日想食譚仔，但係經過呢間野有幾想食，不過就貴少少。豬膶通粉＄30 ,如果係同佢來講都算係貴，因為有好多店號豬膶粉再加嘢飲以及三文治都是大約＄30左右。一上枱嘅時候真係好熱，一開始係食唔到住嘅。豬膶應該都係啱啱熟，不過冇想像中咁爽口，口感普通，而且有一些實在太薄太細了。通粉份量夠大，質素也是比平時快熟通粉硬些，湯底有少少薑味，但不算是很好吃。

每次黎到深水埗都想食維記但次次見到人龍就揀左第二間黎食今次有個人肯付出耐性一齊等-其實傾下計甘等 又唔算等好耐因為咩都想試下既關係兩個人只係叫左一個豬潤麵,咖咉多同凍奶茶店員都禮貌落單 唔使好耐野食就好快到碗麵都大碗 豬潤都好爽口我鐘意食豬潤 所以我覺得好味(我知道有人唔鐘意陣味)以前食豬潤只係湯渣同煲粥我都係第一次配麵食 感覺幾夾至於咖央多 一開四 每人兩件入面滿滿都是雞蛋、牛油和砂糖的味道至於奶茶 沒有特別 夏天喝著很涼快-兩個人吃的是一個人的分量但也很飽肚 我下次也會繼續光顧吃豬潤的

來深水埗多次，終於來拔草這家店 走近才發現 嘩 居然有三家鋪頭，每家都排著隊，隨意挑了一家，好快就排到 見openrice裡有人話公仔面比米粉湯底鹹， 可是不中意食米粉啦，所以挑咗嗰豬潤麵 冇多耐就上來咗 熱辣辣一碗 先嘗口湯 調味不錯 湯頭清香 並不覺得鹹試吓豬潤 滑滑彈牙爽口好食 一點都不粉 質素不錯 唯一缺點就是分量太大啦 食得我幾撐 總之推薦

大概1點9左右去到 條龍唔太長等左5分鐘左右就入得豬膶米上枱時非常大煙湯底有微微既豬膶香豬膶份量十足 每塊都切到薄薄的食落唔腥 有啲爽口彈牙 有啲就比較稔身米粉唔會煮到過稔 但又吸到啲湯既精華我呢碗豬膶份量非常多 食到底原來都仲有好多😂😂食到好飽 但好滿足有少少相逢恨晚既感覺😅下次試埋咖央西多先😆

中午特別前來品嚐深水埗特色食物,大家都推薦的豬潤麵!!!因為早上11:00幾,無人排隊,順利入座!但店舖已坐滿一半以上的人了~舖面懷舊的裝修,令我想起小時候的時光,原來維記咖啡粉麵1957年就創立啦!嘩60年歷史,老字號店中餐牌高高掛在牆壁上,是傳統茶餐廳的傳統特色啊!叫了一碗豬潤麵($30)+豬潤米粉($30)+咖央西多($19)雖然豬潤麵是招牌，但米粉也不少人叫，一上枱就是滿滿的豬潤在麵上，份量十足！絕對不是街外其他地方$30可以食到的份量，感動呀！入口粉嫩的豬潤令人一試難忘，那種粉感加上少少彈牙口感，一點內臟腥味都沒有，湯更是擔擔鮮味。我是不計形象一大口麵+豬潤+湯送入口，大大的滿足!唯一就是公仔麵的湯咸味較重!咖央西多是我第一次試到咖央醬,甜滋滋帶有雞蛋、鴨蛋、砂糖、牛油等味道，聽聞是自家製的醬(咖央醬是源於新加坡及馬來西亞)。表面用蛋漿炸得香噴噴，蛋味濃郁極至，鬆軟的多士配搭咖央醬，味道頂呱呱!

平日去食，無咩人，唔駛等位。照舊豬潤麵，好似又加左價?因為我上次食已經係一年前既事。先講湯，湯食得出唔係公仔麵既湯😂😂。你可以話有味精，但的確個湯係我最愛，有家的味道。豬潤食落無渣，麵就有少少諗，不過整體都keep到，無退步。用心做既店鋪，繼續努力!

今日是重陽假期, 決定出城! 第一站先去深水埗, 友人說想吃豬潤麵, 我沒有特別喜好, 但可以陪他吃, 這間維記咖啡粉麵, 門外有排隊人龍, 但不用等太久就可以入座。 餐牌都在牆上了, 很懷舊的設計。 友人要潤牛麵, 我要潤牛米, 各$33。 現場所見要米粉底的人比較多。 豬潤數量好多, 口感爽, 不會粉粉的, 有少少酒香, 無內臟味, 不愛豬潤的也覺得易入口, 但牛肉則有點靭, 無特別, 下次可以只吃豬潤, 米粉爽身, 不會好易吸湯發脹, 湯底幾香甜有豬潤香, 偶然有少少微細薑粒, 我不愛薑但也可接受。 友人的潤牛麵, 以為湯底一樣, 那就錯了, 他這個可能另加了公仔麵的味粉, 咸度較高, 本人有量度鹽度計, 幾乎爆錶, 而且公仔麵卡路里很高, 少吃為妙, 人大了應注意健康, 怪不得大多數人都選米粉了。 咖央西多$19 輕輕炸過, 麵包鬆軟, 有點蛋香味, 咖央有點流心, 甜甜的, 蠻不錯。這也是邪惡之物, 但二人分享偶一為之也可接受。 進食的時候見到店員送錯食物給一個客人, 錯完又錯, 也不太認錯, 最後客人叫潤牛卻只有牛沒潤, 店員也不肯補發給他, 小店生意太好, 不

友人遠道而來，想食local HK food，即刻諗起食豬膶麵，亦只會黎呢間。豬膶和湯都調配得好好味，沒有異味，麵稍為稔左D。再追加咖央西多士，熱食好味D，唔駛加蜜糖都夠甜！Lemon tea保持水準！