綠茶餐廳 (圍方)

营业中

休息中

位於大圍圍方的綠茶餐廳, 以西湖盛宴為主題, 綠色園林裝修, 環境清新優雅, 座位闊落, 還設有一隻真船, 可以在此用餐, 別具古香風味。剛巧有古箏表演, 更有雅興。蔥香脆皮烤鴨賣相精緻, 烤鴨周圍是翠綠的香蔥, 外層的鴨皮烤得好香脆, 內部的鴨肉保持鮮嫩鬆化, 肉汁豐富。香蔥清甜而且充滿香氣, 提升鴨肉的鮮味。南乳醉鮑魚鮑魚以薄片擺設, 顯現厨師刀工, 鮑魚片本身較清淡, 配以帶有酒香的南乳醬汁, 口感清新。老紹興喉口冬菜包 冬菜包皮薄軟熟有彈性, 冬菜和豬肉餡料充滿鹹香鮮美, 味道相互融合, 好有層次感。 海苔松仁芝麻球 芝麻球外層炸得金黃酥脆, 内饀軟糯, 餡料是咸香海苔和脆香松仁, 和外層的芝麻香味互相配合, 口感滋味豐富。江南綠茶餅 餅皮柔軟鬆化, 充滿綠茶香味, 甜度適中, 脆香可口。

無比較無傷害，野食尚保持到內地水準，但對比內地分店，員工服務態度差天共地。本人食過內地及香港其他分店，圍方呢間員工態度需要認真改善，特別前台幾位及收銀女職員，黑口黑面非常趕客。每樣菜式都貴過深圳一截，價錢貴服務差，如果有得㨂確係返深圳食比較明智。用電話落單有個位可以註冊登記，向收銀女職員查詢後，職員敷衍話係商場app登記，明明係綠茶網站黎，扮聽唔到當無事，呢種態度認真令人反感，希望餐廳可以積極改善一下。

星期四中午一點半到達，冇人等位，入座率大約六成， 我們兩個大人被安排較近門口位置嘅單邊梳化位。一坐下，侍應會問你要紅茶定綠茶，茶芥每位12 蚊，用qr code點菜，每碟份量比較少(我諗頂盡只可當二人份量😑)，淺嚐。我哋嗌咗 雪菜黃魚麵、尖椒臭豆腐、 甜品: 黄桃桃膠& 西湖雷峰塔， 雪菜黃魚麵的黃魚係炸過先，所以有個脆皮，再浸湯，感覺上有啲肥膩， 魚肉質一般 ，另外臭豆腐唔係香港特色嗰隻臭豆腐，個人覺得味道麻麻地 ，另外，我覺得最好味嘅就係黃桃桃膠， 味道清甜 ，有滋潤嘅感覺，黃桃係半個份量(罐頭黃桃🤫)，至於西湖雷峰塔純粹係為咗個樣靚所以order咗，亦都係最中伏嘅食品， 螢光青綠色嘅汁，完全食唔出咩味道，塔主體的質感似硬實布甸，成個甜品簡單一句係冇記憶點，同埋一啲味道都冇。 埋單兩位連加一$282，性價比一般， 原因係每個餸菜都細到......好似米芝蓮精品餸菜咁細碟， 但味道就🤨見仁見智😮‍💨🤐。

綠葉餐廳（圍方）餐廳剛剛進駐新界沙田大圍車公廟路18號圍方三樓,餐廳裝修以杭州西湖風格設計,古色古香,設有船隻座位用餐和古箏表演,環境高尚幽雅,餐廳主打江浙菜,由米芝蓮名廚俞斌主理,高質食材有保証,服務員招呼殷勤有禮。蔥香脆皮烤鴨脆皮烤鴨被香蔥粒滿滿圍住好搶眼,烤鴨燒到微微焦香,食落有輕微炭香味,肉質嫩滑又美味可口。宋嫂魚羹魚羹內有萵筍絲,木耳絲,粉絲和魚肉,材料豐富,萵筍絲和木耳絲爽口,魚羹入口鮮甜口感嫩滑。老紹興喉口豬肉包豬肉包餡內豬肉肥瘦均勻,微鹹,包身飽滿,啖啖都有肉香味。雪菜黃魚麵黃魚麵配料有蘑菇片,淮山片,豬肉,雪菜和黃花魚,廚師先將黃花魚油泡,再與其它配料烹調,微鹹,不膩,黃花魚食落美味香口,麵條比較粗身,軟硬適中。海苔松仁芝麻球海苔松仁芝麻球第一次食有驚喜,微甜,清香的海苔和有口感的松仁,令軟糯芝麻球更香口。

呢間主打西湖盛宴打卡點多，除咗可以喺隻船上面食嘢之外仲會有古箏表演，環境清幽脫俗，圍方分店仲係由米芝蓮名廚俞斌主理，食物品質味道一流，十分推介一定要試，我已經嚟過好多次啦，之前一直無推介過，佢哋嘅每個菜都唔會令人失望，真係每款菜式都十分好味，今次我就嚟試下其他未試過嘅菜式，首先講下呢個蒜香脆皮烤鴨，用生蔥粒下面有獨特嘅醬汁加上佢呢個烤鴨，烤鴨皮脆卜卜，肉汁嫩滑真係冇諗過加埋個汁一齊食係咁好食。西湖雷峰塔，呢道甜品手工精巧味甜品唔會太甜，奶凍口感帶住少少山藥碎口感好特別，加埋佢嘅汁帶出甜味會有一種好清新嘅感覺。仲有呢隻龍井烤雞係我每次嚟都會點嘅一個菜式，有龍井煙燻嘅香味，雞肉超級滑嫩未食過一定要試。蘿蔔燉牛筋腩，蘿蔔牛筋腩燉到好入味，唔會等得太老，又唔會太韌。最後呢杯暴打鳳梨茶，佢唔係用罐頭嘅鳳梨用嘅係真材實料，味道啱啱好，唔會太甜甜到好似飲糖漿，又唔會太淡淡到好似飲水。所以話呢間綠茶係我十分想推介比大家試下。

中午經過見到新開的綠茶餐廳，裝修古色古香，門口仲有個古箏和涼亭雅座，詩情畫意，好似去咗古代用餐咁，很有趣。座位被安排靠窗的位置，感覺很開揚，以手機QR Code下單，好方便。原本想點黑醋脆皮牛腩，可惜已售罄，點了蔥香脆皮烤鴨、鮮果鵝肝塔殼和黑松露牛肉炒飯，兩個人食份量剛剛好。鮮果鵝肝塔殼以脆餅盛載著凍鵝肝粒，最上層有芒果蓉，的骰造型作頭盤是好選擇。蔥香脆皮烤鴨脆皮烤鴨外層圍了滿滿的香蔥和蔥油，鴨身比較細隻，皮脆肉嫩，味道調教得很好，推介。黑松露牛肉炒飯未上枱黑松露味已撲鼻而來，炒飯粒粒分明，味道偏濃，配上龍井綠茶解解膩。第一次在香港品嚐江浙菜，感覺好新鮮，期待下期叫多啲朋友一齊試多啲不同款式。

之前聽朋友講圍方呢間綠茶餐廳好食🤤 咁啱過嚟shopping，當然排隊都要食！呢間綠茶餐廳超受歡迎，晚飯時間一定滿座，大家記得book定位同預早到喇😚🍵 龍井綠茶/位 （$24）呢度嘅龍井茶真係好好飲，清新消濟☺️ 茶包好大包，沖多幾壼都唔會淡☺️🐥 龍井烤雞 （$138）必食🌟！呢隻龍井烤雞用煙燻焗，香氣十足😍 店員先會成隻雞上比我哋打卡，再幫我哋切開方便食，好貼心🥰 雞肉嫩滑得嚟，皮薄香脆，正呀🥳🦐 粉絲裹蝦 （$108）呢個菜有好多隻新鮮大蝦，加上蒜蓉粉絲一齊煮，鹹香得宜，好味🤤🥓 雪菜貢椒黃牛肉 （$128）炒黃牛肉呢個小菜鹹鹹香香，好適合餸飯食😋🥬 松露松仁烤菜心 （$68）呢個冷盤鹹鹹哋又夠香，好開胃🤤🥯 老紹興喉口豬肉包 （$38）豬肉包細細隻，都包咗好多餡料😋

第一次嚟呢間食，食品很不錯，各款食品都好精美，不死鹹，值得一讚係服務員很有禮貌！今時今日嘅香港，難得一見的高質服務態度👍🏻👍🏻👍🏻龍井烤雞必試，雞肉鮮嫩，服務員很貼心的給我們拍照完再幫我地剪開❤️，粉絲裹蝦上餐台先開始煮，超新鮮！蝦泡泡飯超鮮甜，茶香奶凍有淡淡的茶香味，好清新😋！特別要讚一讚店內員工都好有禮貌好親切，會主動提醒我們小心熱，龍井烤雞上桌後好貼心的讓我影完相先拿去剪，笑容親切👍🏻👍🏻本來睇食評睇到有一個比差評嘅post,都諗住唔試，但又好想親身試吓，結果非常滿意，唔明點解會有人比差評😂，真心推介，值得去試👍🏻

綠茶開咗新店在圍方，當然要去支持一下，碰巧造冬一家人去新店支持吓－入門口古色古香，還有一個彷艇嘅座位， 十分吸睛食物嗌咗一個六人餐，菜式豐富，價錢亦都很優惠至是1488 ，預早落訂$500還每人有一支綠茶9人食再加咗兩個包一個牛坑腩兩杯好可愛嘅熊仔嘢飲，仲有幾個金莎雞翼香港地方寸金尺土，座位是比較逼夾，沒有圓枱，是長枱可能因為新店加上做冬，服務員好似吃不消不，當然沒有人來清骨碟，好多時叫服務員來，他們都忙得不可開交食物方面，份量不過不失，比較出色嘅有鵝湯，燒雞，大頭蝦，魚頭煲，熊仔飲品性價比很高， $28這餐雖然吃得有啲忙亂，食物也不錯，可惜嘅事，最後等桃膠糖水，足足等了20分鐘，吹了又吹，竟然同我哋講是因為個個都係套餐，所以唔夠碗裝糖水😱😅用餐時間90分鐘，但係等糖水等咗20分鐘，上個糖水嘅時候，竟然係罐頭桃加糖膠，有點兒不倫不類

以後唔駛北上係香港都可以食☺️綠茶餐廳以西湖盛宴為主題將湖 煙 亭 塔融入 神還原西湖三大勝景 😆仲設有香港首創船型包廂可以同遊西湖又嘗江南美食😏見到有位著住古裝既女子彈奏古箏店員又全部著住傳統中國服真係好有江南風情主打浙江菜 由杭州米芝蓮大廚設計設計價錢親民 值得一試😉💥龍井烤雞招牌必點之選 原隻三黃雞即叫即烤上枱時仲有龍井茶煙燻住烤雞外脆肉嫩多汁 帶清香既龍井茶香真係必點😋💥南乳醉鮑魚圍方店限定 南乳醬香誘人鮑魚薄切 食落軟稔入味 同個醬汁好夾😎💥高湯蝦乾小青菜 高湯鮮甜 當日用上白菜仔新鮮爽脆 吸左魚湯既精華 鮮味十足😋💥蕭山蘿蔔乾炒飯炒飯炒得粒粒分明 帶蘿蔔乾既鹹香份量都幾多 食落唔會好膩😌💥麵包誘惑招牌必點 年銷>600萬份麵包即場烤烘 口感酥脆上面加埋個雪糕 冰火交融 正🥳💥西湖桂花藕粉清香桂花味 藕粉甜而不膩👍🏻

剛才兩人去食，冷盤叫了蓮藕、鴨掌、醉鮑魚，都唔錯，熱盤叫咗東坡仔骨、黑松露牛肉炒飯，那東坡仔骨下次可以不叫，炒飯味道可以，但牛肉有筋，咬不動，甜品酒糟圓子、桃膠，兩樣都唔係叫做好，可以試吓其他，海苔松仁芝麻球，我覺得不錯，下次可以再吃。 晚飯買單$680。

圍方又有新餐廳進駐，上網睇裝修同食材都唔錯，今日就同屋企人試吓，我地一同5人等左15分鐘左右就有位，係等既時候可以欣賞下門口彈古箏既古裝女仔，彈得都幾好😉我地叫左上網推薦既幾款菜式🍵鵝湯入邊大量湯料，鮮甜美味，適合入冬滋補🐤招牌龍井烤雞職員會原隻上菜比你打卡影相再拎去剪件，但係剪得好大舊，比較難入口，陣陣龍井茶味，唔算乾身🐽芋頭煲芋頭夾住腩肉碎，味道非常濃郁和粉嫩，值得一試，不過比較膩都要打包半盒返屋企😂🍧雷峰塔打卡一流，味道平較淡應該係山藥既味道

嚟到一定要試去呢隻雞，呢隻雞係我覺得我食過嘅雞當中最好食超級香滑嫩，絕對係可以自己食曬一隻，仲有佢個湯飯呢個湯泡飯又係好味，個湯好甜味道好濃，加埋呢隻牛蛙好嘢味少少辣辣地又係好香好滑好嫩口。基本所有菜式都冇乜冷場道道都好好食

門口服務態度好差，等位預左，但叫座方式不公又無禮。打去話無得訂位，但去到等了45分鐘，中間係咁比所謂訂左位的人入。食物質素普通，部分過咸，份量少，相比較家上海完勝。

之前我哋一家人喺圍方行街搵食👅 見到有間裝修好靚嘅餐廳，門口有着咗古裝嘅女仔喺度彈古箏🎶 一試之下，果然有驚喜喎🤭必試招牌菜龍井烤雞！🐔 首先會原隻烤雞上菜，等你慢慢打完卡，再有職員細心切開烤雞，方便顧客品嚐👍🏻 外皮金黃脆卜卜，木盤底部有龍井茶煙燻，雞肉嫩滑之餘，每啖都會食到茶葉淡淡清香🍵另一亮點菜式，芋頭迷必試嘅狀元芋頭煲！！芋頭切片再同薄切腩肉夾住一齊煮，芋頭味非常濃郁，同腩肉嘅油香好夾，最啱秋冬嘅時候品嚐🤩Curtis 係咁話要食甜品，最後點咗茶香奶凍，開頭以為都係普通一道甜品，估唔到茶味非常出，表面仲有焦糖，口感好滑好好味😋