絆 (已結業)

嘻嘻，這週是壽司刺身停不了的節奏xpp得悉這兒有“Omakase天梯”，所以特意帶上女皇大人到來打打卡，吃一頓喔～店員介紹這"天梯"也有兩款套餐可選✔✔我們所點套餐會另有一份單骨雞翼和日式炒烏冬=］單身雞翼香脆帶有微微辣勁，惹味非常！天梯中的食材是由師傅決定這天有5款刺身和5款壽司，每款兩件這天最推薦的是來自兵庫縣的生蠔肥美飽滿的蠔肉拼上柚醋果凍吃下，味道剛好又能嚐到鮮蠔滋味呢～當然其餘的壽司刺身質素亦為不賴derrr主食中的日式炒烏冬用上微甜的燒汁加上有黑椒提味和不同配料的口感所以吃下啲的層次感也蠻豐富，味道不單一呢；）

上次去到「嘉芙中心」嘅「二鍋頭」食任食火鍋，睇水牌見到樓上四樓有間日式餐廳，事後上網睇睇相關食評，感覺又幾唔錯喎。朋友有好多種，有啲只喺點頭之交，有啲就喺老死深交，今晚就同個老死一齊嚟試試，佢話好耐無食過日本嘢喇。 雖然喺日本餐廳，但入到裡面，有啲咖啡店嘅格局，一室暖和嘅氣氛，砌上原石嘅磚牆，附咕臣嘅梳化椅，予人感覺輕鬆寫意。店員仲介紹後面有個廂房，由於當晚有客，未有機會睇睇喺點。 一邊有落地大玻璃趟門，對出喺個偌大嘅露台，不過，目測就無設任何座位，唔知遲啲天氣涼啲嘅時候，會唔會有戶外座呢？ 由於餐廳定位喺居酒屋，所以，翻一翻餐牌，就見菜式種類繁多，由沙律、佐酒小食、刺身、壽司、卷物、串燒、鐵板燒、食事……到甜品，都一應俱全。 此外，牆上仲掛有兩塊大黑板，都喺一啲推介有兩組嘢：味之選（特色菜）及每日之選（時令刺身），預算較鬆嘅客人可以不妨將選擇重點放晌度。 如果唔想煩嘅客人，又無特別偏好，套餐就喺上佳之選，呢個二人前套餐包晒多款前菜、刺身、壽司、燒物、串燒、湯、甜品及飲品，定價$1,388。 既然定位為居酒屋，各式各樣嘅日本酒類當然唔少得，不過，小弟唔嗜酒，就無認真影個餐牌，見諒。 炸

𖦹 鹽磚和牛海鮮盛 $888喺燒熱咗嘅岩鹽板上擺上鮑魚、大蝦、帶子、生蠔以及和牛，就可以煎熟啲食物，仲可以控制生熟嘅程度。虎蝦爽口鮮甜，鮑魚新鮮，帶子超厚肉，生蠔海水味濃郁，用鹽簡單地襯托出海鮮嘅鮮味，大滿足。𖦹 炸單骨雞翼 $68 雞翼上枱熱辣辣，炸粉厚薄適中，咬落外脆內多汁。𖦹 絆炒烏冬 $108 烏冬超滑，每條都沾滿醬油，色澤均勻，加上蔬菜、日本菇同豚肉，香氣撲鼻。▻ 味道：★ ★ ★ ★ ☆ ▻ 服務：★ ★ ★ ★ ☆ ▻ 打卡：★ ★ ★ ★ ☆ ▻ CP值：★ ★ ★ ★ ☆ ▻ 回頭：★ ★ ★ ★ ☆

好味程度😋⭐️⭐️⭐️⭐️ 環境⭐️⭐️⭐️⭐️服務⭐️⭐️⭐️ ⭐️ ⭐️回頭率⭐️⭐️⭐️⭐️ ⭐️今日係尖東做完野，同朋友嚟咗呢間位於漆咸道南既樓上居酒屋,因為疫情關係未有得飛，唯有食住日本野止下引先啦！呢度餐廳嘅裝修都好有和式風味坐喺梳化chill 住咁食，的確幾爽嘅，負責人話佢哋遲啲仲會開個小平台係外面可以進餐，真係別有一番風味呀！講到今晚，我地點左個刺身壽司樓梯單點HK$888，分別有🍣花之戀 x2🐟深海池魚王x2🍣北海道帶子x2🐟油甘魚壽司x2🍣日本生牡蠣x2🐟刺身蝦x2🍣吞拿魚蓉壽司x2壽司因為係即點即做，所以真係非常新鮮鮮甜好味，每件刺身都好爽口彈牙，最令我覺得驚喜嘅就係樓梯最底下生蠔，配備左師傅秘製嘅醬汁，撇除咗使用檸檬好容易入口，口腔裏面仲有一浸濃濃嘅海水味，真係冇得頂😚套餐另外仲有一客單骨雞翼，非常熱辣辣同脆卜卜，如果份雞翼在可以大份少少就好啦！最後仲有日式醬汁雜菜炒烏冬，烏冬分量都算好多，同埋我好欣賞佢日式汁，入口又唔會太鹹！整體來講都算幾抵食😚飲品我哋order左一杯青檸梳打，同埋提子梳打，我想表揚下餐廳好細心😗佢哋將糖水另外上俾我哋，我未試過飲特飲都有呢個服務，真係抵讚！大家如果有興趣快啲去

店名「Kizuna」的日文意思是指人與人之間的聯繫，餐廳利用店內的餐桌營造一種舒適氣氛，仿如置身於日本地道café般，「絆」主打日式串燒、壽司及刺身，價錢合理，環境舒適。鹽磚海鮮盛合店員推介我地試下佢地既全新菜式 - 鹽磚海鮮盛合，將一大塊岩鹽板燒熱，放上多款時令海鮮，例如鮑魚、大蝦、帆立貝同生蠔，利用岩鹽板既熱力煎熟海鮮，可以自己調較生熟程度，虎蝦既size 有成隻手掌咁長，蝦肉爽口彈牙，鮑魚處理得好乾淨唔會有沙，鮮甜而有嚼勁，帆立貝厚肉而彈牙，生蠔肉質鮮嫩，海水味濃，本身食材既鮮味配上岩鹽板已是最好既調味，唔洗額外點豉油同其他調味都好夠味~絆之炒烏冬份量都幾多，炒過的烏冬沒有油膩感，入口細滑，充滿醬油香，配料有野菜、菇及豚肉，好惹味炸單骨雞翼單骨雞翼新鮮炸起熱辣辣，外脆內軟既口感好正，雞肉嫩滑多汁，作為送酒小食都唔錯

今晚收工黎到《絆》呢間居酒屋😄 食晚飯之餘，順便小酌一下😋🍶入面裝修好新淨，位置亦舒適👍🏻 坐喺吧枱嘅位置，上面放滿唔同嘅清酒盒，望住佢哋嘅同時，都令即刻要叫返支嚟飲吓😂😂🔸三文魚5片 $58/ 油甘魚5片 $88▪️首先嚟兩款刺身做前菜先😋😋打開我今晚既味蕾🥰🔸炸豆腐2串 $28▪️炸豆腐上枱時熱辣辣，表面沾滿醬汁，好惹味呀💕 🔸大蔥雞肉串燒 2串 $76 ▪️去居酒屋一定要食串燒🥰 雞肉嫩滑，燒得剛好😄🔸豚五花 $36 ▪️有油脂嘅香味好正😋🔸牛舌芯 $58▪️完全唔會過硬，熟度剛剛好，非常容易咬開😄😄🔸流心蛋燒飯團 $38▪️呢個有驚喜呢👍🏻👍🏻👍🏻飯團燒到脆脆地，一夾開，d 蛋汁即刻流出黎，同埋份量都唔細㗎👍🏻👍🏻👍🏻好味👍🏻🔸金龍卷 $98▪️好長呀😂😂賣相好正，入面包住炸蝦🍤🔸日式豆腐野菜鍋 $68 ▪️作為結尾，飲個暖湯先👍🏻 個湯底非常清甜啊！🔸熱柚子蜜 $38 / 柚子梳打$38 ▪️兩款無酒精飲品都唔錯，柚子味非常突出😋😋🔸清酒 - 辯天 300ml $218 ▪️揀咗呢一支清酒，店員話呢款就係出邊冇得賣，係因為老闆同日本嗰邊嘅供應商好熟，所以直接攞到貨😋😋說說笑笑，又渡過咗輕鬆嘅一夜

見到尖沙咀有新嘅居酒屋👉🏻 絆 👈🏻 一於同朋友嚟試下先➰　.“壽司 - 三文魚 & 鰈魚”(HK$66) 個人好鐘意食鰈魚，表面微焦，油花冒出，食落油脂係口中爆發，正呀😍.“剌身 - 劍魚腩”(HK$88) 劍魚腩肉身呈白略帶淡紅色，口感嫩滑厚實，味道鮮甜而唔會好膩👏🏻.“火牛卷”(HK$108)牛肉卷壽司真係好少食，但呢個又幾正喎，牛肉夠嫩，口感好正㗎☺️.“串燒 - 炸豆腐”(HK$28) 嚟到居酒屋又點可以唔叫串燒🍢 今次自家製嘅炸豆腐，熱辣辣上台，外酥內軟，炸完之後係好香，超推介👍🏻.“串燒拼盤”($198) 分別有牛舌芯、豚五花、大蔥雞肉同燒飯團🍙 全部都燒得好香，但我最鍾意都係大蔥雞肉，嫩滑嘅雞肉加上經過醬燒嘅大蔥，味道甜甜地，好食❗️.“日式豆腐野菜鍋”(HK$68) 上台就見到好足料，日式高湯加上濃厚香醇豆乳，配上多種蔬菜，味道特別鮮甜😉.“青檸梳打 & 柚子梳打”(各HK$38) 相比之下，柚子梳打味道有少少甜，但飲落好清爽🙌🏻

朋友推介位於尖沙咀漆咸道南嘉芙中心4樓 的「絆」，難得在尖沙咀搵到一間性價比高的日本餐廳， 價錢合理，環境舒適，而且剛開業人氣已經不錯。午餐點來「迷你拖羅蓉丼配廚師發板壽司套餐$98」，壽司今次有鰈魚，鰻魚，油甘魚，三文魚，帶子，魷魚，火灼芝士蟹柳，玉子蛋及加州卷兩件，款式豐富，味道鮮甜。 拖羅蓉丼份量十足，拖羅蓉有魚香，很不錯。「刺身壽司定食套餐 $98」是壽司盛合 跟湯烏冬一碗，壽司有五件鰈魚，鰻魚，油甘魚，三文魚，魷魚，並且亦有加州卷兩件。湯烏冬湯味香甜， 烏冬彈牙滑溜，大大碗夠超飽肚。而套餐附送魚湯及薯仔沙律，魚湯鮮甜，沒有魚腥味，薯仔沙律都是日式口味，味道也不錯。

今日同朋友一齊出尖沙咀找換店換啲Yen旁吓身，當然要去食番間日本🇯🇵菜先，懷念下日本嘅風情🌟✨絆日本風味十足嘅日本餐廳，午餐$100都唔使，你哋話抵唔抵食😎入邊餐廳環境舒服😌裝修好有日本feel❤️每一個午餐set都會包沙律🥗湯和卷物💥🍱壽司盛盒盛盒入邊有7件壽司同埋2件玉子每一件壽司都好新鮮，非常美味即叫即整👍🏻仲有一碗大烏冬添🍣迷你帶子刺身當井廚師發板壽司餐講到明廚師發板，當然係比啲當做嘅壽司✨有五件壽司，有三文魚，左口裙邊，劍魚腩，鯖魚同鰻魚，仲有一碗迷你帶子飯，2塊厚切帶子，好新鮮🇯🇵

每日到咗食飯時間，工作無論有幾咁辛苦，都要食得自在😋高質舒適日式抵食午餐午餐都配上了湯、飯、小吃和飲品😋—————————-蒲燒鰻魚飯：精緻的鰻魚飯，燒得夠香又夠熱，鰻魚吃落唔會有泥味，而且吃得到是珍珠米，飯香軟熟帶口感👍————————迷你帶子刺身丼-廚師發板壽司餐：迷你帶子刺身丼大大件的帶子，滿滿的三文魚子，雖然說是迷你，但吃落都幾飽肚😋廚師發板壽司餐：配上五款壽司🍣、五款都精挑細選、件件不同口味，更選用生磨Wasabi👍，材料配搭都是高質素的———————-上湯🥣：清甜美味反卷🍣：口感一流薯蓉🥔：自家製薯蓉，餡料豐富餃子🥟：熱辣辣脆卜卜沙律🥗：清爽—————————-結「絆」吃高質午餐，食物水準唔簡單其實開心🥳簡…單就在你身邊..·食….拍…寫.. 已經成為我生活中的一部份鍾意食..鍾意拍…鍾意寫..留下美食回憶—————————-

星期一返工咁攰，放工就梗係要同個friend輕鬆下喇，所以我哋就去咗間居酒屋食晚飯。環境都幾chill價錢唔算貴，係尖沙咀地段嚟講算幾掋食。巨峰提子梳打（$38）- 提子味好岀，唔錯。青檸梳打（$38）- 我麻麻地甜嘢，所以店員推介呢隻，開胃解渴，無糖好好飲。火炙左口魚（$38）- 用火槍燒過後就更惹味。赤身（$48）- 肉質嫩滑，好新鮮。金龍卷（$98）- 呢個係炸蝦卷，上面仲放咗蟹料，口感一流好味。然後嗌咗三種串燒：有牛柳粒（$38）、大葱雞肉（$38）同五花腩（$36），全部都燒得好香，其中最鐘意食五花腩，肥瘦均勻，肉質嫩滑又juicy。原隻燒扇貝（$56）- 扇貝鮮甜，落咗沙律醬後個味道更rich，再加上脆卜卜嘅蟹籽口感更好。燒流心蛋飯糰（$38）- 呢個有驚喜，燒過嘅飯糰脆身已經好吸引，一切落去原來裡面仲有隻流心蛋，啲蛋汁咇岀嚟，真係有視覺有味覺。燒牛筋（$38）- 牛筋又彈牙又淋，仲好惹味添。

尖沙咀樓上居酒居，入內聽到餐廳播放悠閒曲風日本歌，燈光明亮，而且張凳坐得好舒服！每個set lunch HK$100有找，跟一碗魚湯及一份沙律，算幾抵食。🔸壽司盛合配烏冬🔸壽司盛盒有10件刺身壽司，款式無特定，每次有驚喜！仲有兩件加洲卷，呢個套餐仲有大大碗烏冬，口感偏煙韌有咬口。🔸迷你蟹肉蟹膏丼廚師發辦壽司餐🔸丼飯用玻璃杯呈現，最底層是飯，然後一絲絲的蟹肉蓋在上面，最後有一舊蟹膏放在上面點綴。

今天外出沙田工作，下午約了太太在尖沙咀吃午餐。串燒拼盤$78，除了串燒之外還有是日餐湯、前菜。是日餐湯是魚湯，沒有腥味，還帶點胡椒的香氣。前菜是蔬菜，吃完串燒之外，吃蔬菜可以減少油膩感。串燒有雞翼、腩肉、豆腐、玉子和雞肉串，其中以雞翼燒得外脆內軟，味道最為吸引。迷你帶子刺身丼廚師發辦壽司餐$88，包括迷你帶子刺身丼、廚師發板壽司、餃子和是日餐湯。廚師發辦壽司有三文魚、油甘魚、魷魚、鰻魚、左口魚裙邊。其中以左口魚裙邊的味道最為吸引。迷你帶子刺身丼，帶子鮮甜美味，珍珠米軟糯可口，忍不住要把這個丼飯極速消滅。餃子外皮香脆中帶點軟糯，餡料十足。

絆（日本菜🇯🇵居酒屋🏮）📍 尖沙咀漆咸道南53-55號嘉芙中心4樓「絆」日語發音為「KIZUNA」指人與人之間的情誼紐帶，情感牽絆的意思疫情下，很多人都不能去旅行，如果好想「返鄉下」，可以試下黎呢間居酒屋食嘢，一個偽日本lunch time，同朋友聚餐約朋友係尖沙咀附近食野，黎呢間勁有日本居酒屋🏮feel嘅餐廳，同朋友一齊食lunch，我哋叫咗兩個午市定食：迷你蟹肉蟹膏丼+廚師發板壽司餐蒲燒鰻魚丼🍱呢兩個套餐包湯，前菜：薯仔沙律🥗是日壽司卷物兩件🍙或煎餃子兩件🥟迷你蟹肉蟹膏丼勁有誠意，滿滿蟹肉，加有蟹膏蟹子，拌飯好好味😋廚師發板壽司，建議我們由左開始食，三文魚壽司🍣，油甘魚（中腹），赤身（吞拿魚）🍣，鰻魚壽司，最後蝶魚，可以品嚐他們的鮮味蒲燒鰻魚丼🍱鰻魚肉入口即化，咬不到碎骨，非常入味，便當都好精緻💯餐廳服務勁好，留意到我們的湯涼左，主動幫我們加熱，而且亦都主動幫我們加茶🍵，都細心介紹餐品，有興趣試下～

今日同朋友嚟尖沙咀食午餐，呢間日式餐廳好舒服，用落地大玻璃將室外自然光引入，配合木色餐桌，帶有傳統日式風味又有現代風格。午市餐牌都幾抵食，壽司和刺身定食都係70幾蚊起，仲有串燒拼盤同鍋物套餐等等。我們點了個迷你拖羅蓉丼廚師發辦壽司餐🍣和迷你帶子刺身丼廚師發辦壽司餐🍣刺身和壽司套餐附送沙律、上湯、是日卷物兩件。上湯：奶白色，好濃郁好鮮味，食得出用咗好多海鮮熬製👍🏻沙律🥗：🍅蕃茄和🥒青瓜配上胡麻醬汁，好清新解膩。是日卷物：材料有醃蘿蔔、雞蛋和蟹柳，外面加咗蟹子，配搭簡單開胃。🍣廚師發辦壽司有三文魚、油甘魚、魷魚、鰻魚、炙燒鰈魚，賣相好吸引😍，店員亦有講解食用次序。三文魚油脂分布平均，入口鮮味，質感幼滑。油甘魚甘甜鮮味，肉質嫩滑。魷魚爽口鮮味。鰻魚肉質軟熟，燒得好香。炙燒鰈魚細緻軟嫩，經過炙燒後更香口。迷你拖羅蓉丼：😆拖羅蓉好鮮味好滑，拖羅蓉份量都幾多，壽司飯粒粒分明又軟熟，食落仲有少少甜味。迷你帶子刺身丼：帶子厚身鮮甜，蟹子卜卜脆😋整體來講，食材新鮮，賣相吸引，價錢抵食；服務態度友善有禮；地點方便，喺尖沙咀返工食lunch或者收工同朋友飲酒食飯都推薦。