紫宸

营业中

休息中

今日去嘅餐廳，餐廳名好特別，叫紫宸🥰 呢到係一個舒適的餐廳，設計良好，擁有溫馨的氛圍😚餐牌上有著各式各樣台灣地道美食，我今次就試左酥炸雞扒三星蔥拌麵，新竹貢丸湯米粉同蚵仔煎🤤 酥炸雞扒三星蔥拌麵係一種常見的台灣炒麵，拌麵醬汁美味，麵條彈牙😚 雞扒酥脆多汁非常美味🙌🏻 新竹貢丸湯米粉好有台灣味道，香港好少會食新竹米粉，貢丸彈牙多汁🤩 蚵仔煎用料豐富，啖啖蚵仔，好滿足😌總括而言，餐廳提供舒服的氛圍同台灣美食，值得一試😍

次次黎親葵芳多數都會去葵廣掃街，今次黎到隔離既一個商場食台灣菜，呢間紫宸應該都幾受附近街坊歡迎，平日夜晚黎到都係滿座，而且keep住見到佢地有外賣單。    1⃣️藥燉排骨（$108） 就咁睇單價佢係比起其他菜式貴，但係食落就知道真係抵食🤩有三小碟前菜，另外藥燉排骨成鍋咁上，份量仲好多！起碼有四五件多肉既排骨。湯底係好香藥材味，唔小心飲下飲下就飲曬🤭配既飯係滷肉飯！滷肉帶少少肥肉食落好夠味而且拌飯一流！推薦要食呢個！  2⃣️酥炸雞排三星蔥拌麵（$48） 雞排炸得好香脆，食落面頭係帶香料味既，而且成塊雞排都係冇骨的！啱曬我呢啲懶人。三星蔥拌麵份量頗多，食落好夠蔥油香👍  3⃣️九層塔蛋餅（$32） 九層塔絕對係台灣小食既靈魂之一！呢度竟然有九層塔蛋餅，出面其他台灣餐廳都好少有。九層塔係明顯食到果陣香味，配合埋拉絲芝士同粟米，掛住台灣既一定要黎食！  4⃣️炸杏鮑菇（$32） 椒鹽味道好香🤤記得一上台就儘快食，如果唔係會變淋。外皮脆加上內裏杏鮑菇多汁，好好食😋 5⃣️甜不辣（$36） 甜不辣煙煙韌韌，仲有啲菜同甜辣醬，個菜爽脆帶微酸，夾埋甜不辣一齊食好正。

葵涌廣場行一條天橋就到咗另一個商場，入面都有唔少嘢食架。新開咗一間台式料理店，外面睇落去裝修好新淨，環境企理。當日去到都座無虛席。台灣香腸－餐廳好貼心呢，切好晒比客人分享同埋方便夾起。香腸肉質結實同彈牙。蒜香茄子－第一次食呢款炸茄子，同天婦羅有啲唔同，又唔會有一層厚厚嘅炸粉包住。茄子輕輕炸過之後，淋咗醬油，加上有大量嘅蒜蓉同埋芫茜，幾開胃嘅前菜。鹽酥雞滷肉飯－台灣人必食嘅鹽酥雞同埋滷肉飯，呢個配搭簡直無得輸。一啖一個炸雞粒，停唔到口；滷肉就撈飯食，咁就唔會咁乾啦。

📍紫宸（葵芳）葵涌葵芳路9號恒景商業中心地下G12號舖係葵廣食到唔知食咩好，係恒景行下就見到呢間新開台灣嘢食，環境幾舒服，嘢食都好啱口味，而且價錢都算平👉鹽酥雞滷肉飯 💰$48😋😋😋😋.8/5滷肉肥瘦均勻，滷到又林又入味，配飯真係一流，鹽酥雞炸到香脆可口，而且一啲都唔乾，咬落仲有肉汁咇出嚟，又唔會好咸，真係好食👉酥炸雞扒三星蔥拌麵 💰$48😋😋😋😋.8/5雞扒炸到外脆內軟，邊位炸到非常脆口，好惹味，個麵先係主角，一啲都唔油膩，好香蔥味，麵質爽口彈牙，大大份，食到好滿足👉蚵仔煎 💰$42😋😋😋😋.8/5個樣整到似奄列，裡面滿滿餡料，蚵仔又多又大粒，好重蠔味，呢個蚵仔煎唔會食到好多粉漿，非常讚👉肉鬆菜脯蛋餅 💰$36😋😋😋😋.8/5最鐘意食肉鬆嘅我，見到有肉鬆嘢食一定唔放過，呢個蛋餅放咗超多肉鬆，好開心，仲有好有咬口嘅菜脯，蛋餅面層仲有惹味醬汁，好開胃👉梅粉蕃薯條 💰$32😋😋😋😋.8/5蕃薯條係我最鍾意食嘅台灣之一，呢個炸到外面好香脆，咬落有啖啖番薯蓉，外層仲灑上少許梅粉，酸味味，食唔停口回頭：yesyesyes，每樣食物都好高質，而且環境好舒服，佢其他食物都好吸引一定會再食

上次朋友推介過呢間餐廳，今次午餐就過嚟食下先。餐牌有好多嘢揀，好多嘢都想試試，真係好三心兩意。我見餐牌上面標示咗好幾樣推薦嘅食物，所以就點嚟試下先。午餐點咗個小食，牛肉麵同埋凍飲。百香果綠茶$18台灣料理點會少得台式嘢飲，除咗珍珠奶茶之外，水果茶都係唔錯嘅選擇。綠茶加咗百香果，甜甜哋，仲有幾片檸檬，味道甜中帶酸，幾清新！台灣香腸$36台灣夜市嘅必食小食之一，香腸色澤好紅潤，中間夾雜咗啲肥肉，咬落去肉汁出晒嚟。紅燒牛肉湯麵$58牛肉麵個湯底好濃郁，牛肉炆得好軟腍。麵質煙煙韌韌，好Q彈。最出色莫過於蘿蔔，完完全全索晒啲湯汁同埋牛肉嘅味道。

突然好想食台灣野，突登搭車黎試下呢間台式餐廳🤓覺得呢間嘅餐廳名好特別好文青，跟住餐廳環境都幾清雅，有種小溫馨感覺比到我🫶🏻主食嗌左個鹽酥雞滷肉飯，賣相好靚，而且鹽酥雞又有好多粒好香脆，撈埋啲滷肉同汁一啖食落口，真心食得得勁滋味😍小食揀左個甜不辣，以呢個定價黎講，份量絕對多到有突，個醬一定要點埋黎試，好開胃架！！最後仲有一成未飽，所以嗌埋個蚵仔煎，好食到痴線呀😍😍除左蚵仔粒粒都夠肥大脹卜卜，完全冇沙好鮮甜，蛋都煎得剛好夠熟唔會過老。總之呢碟野勁高質同下次都勁想再食！

放lunch喺附近搵食，見到間裝修簡潔嘅台灣菜膽粗粗入去試下又有驚喜喎。叫左炸雞翼燒椒醬拌麵，雞翼新鮮炸起脆卜卜燒椒醬香得嚟帶啲微辣一啲都唔膩，配埋爽滑麵條輕鬆KO一碟😎去親台灣都必食嘅台灣腸，識食一定夾埋蒜片一齊食，台灣風味就是好吃😋之前喺台灣夜市成日都見，一大舊旋轉中嘅沙威瑪每次都好奇，但次次都因為夜市太多野食而放棄佢，今次呢度竟然有，忍唔住叫左嚟食雖然就睇唔到佢一大舊🤣幾好味喎 肉味香濃唔乾身面頭嘅醬汁將佢嘅味道提升左，睇嚟下次去台灣可以俾個機會佢啦，食飽飽又要去努力工作了。今餐大滿足😌—————————————————————⦾ 酥炸雞翅燒椒醬拌麵 $48⦾ 培根沙威瑪 $34⦾ 台灣香腸 $36

有時候去到葵芳shopping，但係唔想係葵廣企係到食野，又要同人逼🥹 今日就介紹一間喺附近嘅台灣餐廳俾大家😬 可以坐得舒舒服服慢慢嘆🤫今日中午時間去到，都仲有位置🤭 叫左一個主食加一個小食 分別係鹽酥雞滷肉飯同埋甜不辣😚 食物好快就送到啦，滷肉勁入味好腍🤩 鹽酥雞炸得非常香脆，好有驚喜🙌🏻 甜不辣賣相好吸引，外皮香脆內裏煙韌🤤我仲叫咗一杯凍珍珠奶茶，味道唔會好甜，珍珠都唔錯架，幾岩我口味，岩哂食完熱氣野飲😆值得驚喜既係，呢度環境好正，舒服簡單，推介

位於葵芳的台灣料理餐廳，柔和的燈光，木系設計。雖然空間不大，但是位置也算寬敞，座椅舒適。炸物：台灣香腸香腸切好一片片，還灑上了芫茜及蒜片。麵類：酥炸雞扒三星蔥拌麵蔥油拌麵，最簡單的調味，就是蔥花和油，整碗麵充滿了蔥油醬汁味道，把麵條拌勻，入口掛滿醬油，蔥味突出。雞扒方面，炸過後的皮脆肉滑。麵類：紅燒牛肉湯麵湯底鮮甜不辣，帶點牛味；麵條是厚身的粗麵，很掛湯。牛肉肥瘦均勻，肉質軟嫩。另外還有小白菜及蘿蔔，白蘿蔔都吸收了湯汁，很入味。

黎葵芳食飯，原來除左地鐵站附近既商場之外，附近仲有恒景商場好多野食呢間紫宸係正宗台式料理餐廳，7點晚市勁多人排隊🍽️ 蚵仔煎 $42 好多蠔仔而且隻隻都好大隻！可以每一口都食到蠔仔，好滿足呀！（我地覺得好食過台灣🤣）🍽️ 招牌藥燉排骨 $108湯底有淡淡既藥材味，味道好天然無添加味精。好多排骨，好足料👍🏻🍽️ 九層塔鹽酥雞 $38炸得表皮香脆可口，雞肉保持到嫩滑多汁。份量都幾大，賣咁平得唔得架🤣🍽️ 雞腿捲湯麵 $48 個雞腿捲有驚喜，煎得好香，好多蔬菜好健康，麵條煙韌🍽️ 白桃烏龍愛玉 & 珍珠奶茶 各$24 兩杯飲品都係微甜，甜度剛剛好唔係死甜，白桃烏龍愛玉清甜解渴，珍珠奶茶有香濃茶味👍🏻食左咁多野，埋單都只係$284，真係又抵又好食！以後黎葵芳行街又多個搵食選擇啦～

今日去到葵芳行完街，嚟咗恒景商場地下呢間紫宸醫肚，一嚐呢間新開無耐嘅台式餐廳😎九層塔玉米芝士蛋餅芝士份量誇張到可以拉絲🤣九層塔作為配料又幾得意喎，入口煙韌嘅口感配合蛋香，成功還原到台式蛋餅嘅體驗🤩木魚花枝丸去親台灣旅行都會食炸花枝丸，呢度嘅花枝丸都做得好酥脆、彈牙，舖上適量木魚更添風味👻酥炸雞排三星蔥拌麵食台灣嘢，真係唔會少咗炸雞排嘅列席🤤大大啖雞排令人難以抗拒👻麵條質感Q彈，三星蔥油掛喺麵條之上，非常惹味😁新竹炒米粉色香味俱全，配料爆得好香口，賣相亦靚仔😍新竹米粉特色係質感幼細，但唔會做到斷開一截截，非常考師傅嘅功架👏百香果綠茶、白桃愛玉烏龍兩杯台式飲品，咁先夠風味呀嘛😄餐牌定價係街坊價，性價比相當之高，個人覺得非常抵食！

從人氣鼎沸，熱鬧貼地的葵涌廣場出來，過一條馬路到對面的恒景商場，有一間內外都帶有文青感覺的台灣料理小店，連名字也文藝過人。商場較殘舊，可是餐廳卻裝修雅致，出品甚有台灣風味。我和先生各點了一個主食和小吃，份量和味道都非常滿意，價錢還相當親民。想避開葵廣擠迫人群的話，推薦來這兒試試。🏅酥炸雞扒三星蔥拌麵（$48）塊雞扒超級好食，皮脆有肉汁，不輸於台灣夜市吃到的大雞扒。拌麵醬是沙茶醬，惹味不油膩，麵條是油麵，能掛醬汁很好吃。🏅招牌藥燉排骨（$108）除了大大碗藥燉排骨外，還有一細碗古早滷肉飯和兩小碟涼菜。排骨份量多，燉得軟腍離骨。湯中除了排骨，還有藥材如黨參、杞子等，雖然藥材味不算濃，但好清甜。🏅蚵仔煎（$42）蚵仔大粒，蔬菜多，粉漿薄。🏅炸杏鮑菇（$32）炸完的杏鮑菇鮮嫩多汁，很好吃。🏅柚子檸檬綠茶（$20）柚子、檸檬和綠茶三者非常夾味，比普通的抽子蜜更好飲。

🍜今晚好想食番碗台灣牛肉麵呀😋小店裝修簡潔✅價錢仲好大衆化😋重點係樣樣野都超好食😍大🈵足呢🥳🐣鹽酥雞滷肉飯 $48🌈呢個鹽酥雞炸粉嗰張薄薄✅唔會好厚👍而且南乳味道濃郁💯炸完外皮卜卜脆🔥雞肉好鮮嫩🐥加埋滷肉喺裏面撈飯就一流啦🍚🍜紅燒牛肉湯麵 $58🌈今日好想食返一碗麵🍜去台灣我都最鍾意食紅燒牛肉湯麵😍呢個紅燒牛肉湯麵啲牛肉好厚身👍亦好大件❤️讚👍湯頭味道清清甜甜✅加埋彈牙嘅麵條💯啖啖食都雪雪聲🥳好惹味呀❤️🥬燙青菜 $28🌈普通一碟燙嘅青菜🥬呢個小店都絕不馬虎✅估唔到佢呢個燙青菜嗰個size咁大份💯啲菜仲好新鮮👍好脆口添🥳🌮肉鬆菜脯蛋餅 $36🌈呢個即叫即整嘅肉鬆菜譜蛋餅真係超正呀 正呀💯仲加左好多肉鬆✅菜脯咬落口仲係脆卜卜索索聲😍呢個一定要叫呀🥳🍢木魚花枝丸（6粒）$38🌈呢個花枝丸好彈牙✅好結實添👍係真材實料😍入口仲咬到好香墨魚肉添🦑🍹熱百香果綠茶 $18🌈呢個百香果綠茶好有誠意✅唔係就咁開出嚟咁簡單👍質地一啲都唔稀😍味道好濃🥳🍵抹茶鮮奶 $24🌈呢杯抹茶鮮奶絕對係驚喜位🌟估唔到一間食台灣嘢嘅小店嘅抹茶都咁有水準💯香濃嘅抹茶味🍵飲入口嘅時候仲有啲回甘添✅呢個價錢絕對係超值👍抹茶控真係唔好

尋晚收工勁肚餓，經過呢間餐廳門口，見到menu啲價錢好抵，兼且環境好乾淨寬落，即衝入去醫肚。酥炸雞扒湯麵（$52)豬扒咬落多汁肉質夠腍身，表面又炸得非常香脆。湯底食得出絕對唔係味精湯黎👍沙茶羊肉配飯（$78)沙茶味好濃好開胃，羊肉煮得腍身我勁鍾意呀！烤年糕（$28)啲年糕好好煙靭但又唔會太痴牙，好食同好平呀中東牛肉蛋餅（$48)呢個蛋餅嘅配搭我第一次食，切開有成5大舊，入面啲牛肉餡料好足架，超好味要推介😍百香果綠茶（$18)最後一定要嗌返杯台式飲品，呢度啲野飲價錢都偏平🤩我嗌嘅呢杯係低糖架，好味又健康其實menu仲有好多野想食，下次要捉埋多啲同事一齊再嗌多啲share食！

去葵涌通常都會去葵涌廣場掃街覓食，不過今次約咗舊朋友傾計、聚舊，想靜靜地坐低落嚟食個飯，一於去葵芳果邊食台灣菜。呢間餐廳無論午市或晚市都全部免加一，好抵食。食物種類多樣，有主食、麵食、小食、炸物同埋台式飲品，全部都係好地道嘅台灣菜式。我哋一人嗌咗個一份主食，一份係麵類，另一款就嗌咗飯類，兩樣都可以試吓嘛～酥炸雞扒三星蔥拌麵：一向都好鍾情於台灣嘅蔥油拌麵，油香惹味。配合埋邪惡嘅炸雞扒，外皮炸到好脆口、乾身，雞扒嘅肉汁都好juicy，perfect match～嘉義雞肉飯：雞肉鋪滿了成碗飯，雞絲撕得均勻，肉質嫩滑，底下墊住一大塊煎蛋，流心狀態雞蛋黃，飯量都好夠，尤其對女仔嚟講。不過呢個蛋黃汁、鹹菜、醬汁撈埋雞絲一齊食，真係特別下飯，不知不覺就食晒成碗飯。