紫宸

营业中

休息中

位於葵芳嘅紫宸係一家台灣餐廳，整個餐廳設計都好舒適，空間感十足！🥰呢到嘅服務員態度也很不錯，提供良好的顧客服務，令整體用餐感覺愉快！🤩📍古早滷肉飯每次必點經典的台灣菜式，呢到嘅古早滷肉飯豬肉又入味又腍🤤 滷肉汁非常好下飯，推薦大家一定要點😻📍中東牛肉蛋餅第一次去台灣餐廳見到，呢個中東牛肉蛋餅🤭 台式蛋餅嘅做法同中東牛肉口味結合，帶來一個新鮮嘅口味🙌🏻📍 珍珠奶茶珍珠奶茶茶味同奶味都好 balance，珍珠口感煙靭，很不錯 !👍🏻

前排去左葵廣行街，朋友話隔條行人天橋有個街坊商場入面有好多又平又好食既餐廳，今次揀左間台灣菜，睇裝修走木系都幾文青，味道都好好食嘉義雞肉飯 $42用火雞肉當作素材，加人特製醬汁，將雞肉和白飯攪拌，雞肉仲係好嫩滑好索味，味道香而不膩大大碗食落好夠飽 酥炸雞扒三星蔥拌麵$48 大大塊雞扒外樣香脆，食既時候仲係爆juicy，三星蔥好香，麵質都好有咬口檸檬薏米冬瓜茶$18 生津解渴，冬瓜茶甜甜地好滋潤，不會太甜，值得一試

今日喺住葵芳嘅朋友帶路下，去左呢間位於恒景商場嘅台灣餐廳😚 裝修好新 乾淨企理😝我哋叫左三杯雞配飯，甜不辣同蒜香茄子share一齊食🤤 三杯雞上菜真係好 見到個賣相已經流晒口水，食落少少辣好惹味，送哂食碗白飯🙌🏻😆小食方面，我哋叫咗甜不辣同蒜香茄子。份量都好多，呢個價錢性價比好高😝 甜不辣每次去台灣餐廳都一定會叫嘅小食，煙煙韌韌好好食🤭 蒜香茄子外層酥脆，加埋炸蒜同辣椒好惹味！！！食到停唔到口🤫 果然有去左台灣用膳嘅感覺 下次去葵芳要再嚟試其他野食☺️呢間價錢仲要免加一架，超抵 ！

黎緊就係去台灣旅行，但都係忍唔住揀左台灣餐廳黎食🤣呢晚間餐廳好熱鬧，好彩剛剛有位唔洗等～酥炸雞扒湯麵嘩塊雞扒咁大塊咁好嘅，仲有埋菜tim! 大雞扒好香脆，即刻諗起當地夜市啲雞扒囉😍中東牛肉蛋餅好似次次食台灣野都嗌蛋餅，食唔厭haha, 呢款牛肉做餡料覺得幾特別同少有，surprise地我又好鍾意！！甜不辣&梅粉蕃薯條呢兩款炸物同樣好出色，係炸得脆卜卜香噴噴但又唔會好油果種，咁好食嘅野，真係唔推介唔得😍😍另外一提餐廳啲店員都勁nice,落單同上茶都勁快手，野食又抵食，難怪咁多食客啦👍

朋友喺外國返黎話想食台灣野，帶左佢黎呢間喺公司附近嘅台灣食店請佢食下野聚聚舊～入到黎啲staff招呼好周到😲👍點左兩款麵食大家share, 一碗係唔辣嘅紅燒牛肉湯麵，另一碗就新竹貢丸湯米粉。淨係睇整齊嘅小小精緻嘅賣相都感受到廚師嘅用心，一定要打個卡先👍牛肉麵啲肉充滿肉汁好好味，肥瘦度剛好，大舊又夠淋！貢丸我又係好鍾意食架，好彈牙同埋大大粒呢～米粉個湯清清地都好好味呀！我地有嗌埋小食架，分別有中東牛肉蛋餅同甜不辣！都耐耐地冇食過甜不辣呢樣野而家我朋友仲要第一次食😂大家都覺得好香好好食！蛋餅更加覺得要成為鎮店之寶，入口嫩滑又香噴噴嘅蛋餅真係食到停唔到口🙈覺得自己隊晒成碟蛋餅都好ok!

今日同🤴🏻本來諗住去對面間 ‘ 金潮 ’ 食飯，但好多人等位決定放棄，見門口餐牌上嘅款式、價錢都幾吸引，就改食 ‘ 紫宸 ’ ，但當餸菜上枱時🤴🏻見到份量已經知道唔夠飽！😆😆～～～鹽酥雞滷肉飯～～～$48滷肉飯份量偏少，鹽酥雞炸得唔會好硬，係偏軟嘅香脆感，我幾鍾意😉😉～～～三杯雞配飯～～～$68好濃味嘅醬汁配飯一流，可惜飯量好少，汁多過飯就顯得好鹹🤨🤨，雞肉就幾滑都是雞腿肉！🙂🙂～～～九層塔蛋餅～～～$32蛋幾滑，有蛋香味，醬汁係台灣特有嘅蛋餅汁，當中芝士有拉絲效果👍🏻👍🏻～～～柚子檸檬🍋綠茶～～～$20柚子味、檸檬🍋味不足好啖，細細杯唔值$20！😳😳～～～烏龍奶茶～～～$24烏龍味一般，一飲就知係奶粉冲嘅奶茶，我哋飲唔慣，同樣唔值$24！😗😗食完餐飯感覺份量偏細（特別係飯嘅份量），如果只係一個飯+一杯飲品我都會唔夠飽，好彩我加埋蛋餅先夠，整體味道ok但CP值好低，最後🤴🏻過左葵涌廣場再食車仔麵！😅😅

小店位置唔算難搵，位處葵廣附近適合行完街，又想舒舒服服坐低食個飯嘅朋友仔。大戰完畢，我地都要好好食個靚飯醫下個肚仔🤣.🍗雞腿捲湯麵 $48 - 湯頭清澈，帶蔬菜嘅清甜，雞腿捲啖啖肉又滑捋捋，麵條爽滑彈牙，連湯一齊食，滿足☺️.🍝滷豬扒麻醬拌麵 $48 - 俾朋友仔搶先叫左我想食嘅😤豬扒大大件，麻醬掛滿麵條，朋友仔食到𠽌𠽌聲，搞到我想叫多碟（講笑），點食🤣.🍵百香果綠茶 $18 - 清甜滿滿果香，今日嘅一點甜🥰.🍋檸檬薏米冬瓜茶 $18 - 檸檬嘅酸中和冬瓜茶嘅甜，加上有咬口嘅薏米，推薦👍🏻.呢餐肚仔表示好滿意，荷包君都俾得好開心❤️

今晚突然想食台灣野就叫左阿媽落嚟一齊食揀呢間係因為見裝修簡潔價錢合理.蕃茄牛肉麵 $58份量合理對得住價錢湯底帶有蕃茄嘅酸酸甜甜牛肉大大件又厚身啖啖肉嘅感覺最正👍🏻.三杯雞配飯 $68睇相都見到佢有幾香濃啦食落都真嘅唔係得個樣🤣.雞肉嫩滑沾滿醬汁醬汁甜甜微辣撈飯一流好耐無見阿媽食得咁快🤭.木魚花枝丸 $38小食最愛就係花枝丸好搞笑嚟到以為俾錯左章魚燒成個賣相根本就係章魚燒無誤😂有木魚片又有沙律醬.今餐阿媽都食得好開心睇嚟有機會會變飯堂了🤪

平時冇嘢做，假期最鍾意係去唔同地方發掘新餐廳🤫 今次就留意到呢一間位於葵芳嘅台灣菜餐廳，唔同朋友去到都有好評，表示口味正宗，今次我就特登去試吓先😄😄😄同朋友一齊去到，叫咗兩個主食一齊share嚟食👅 分別叫左酥炸雞扒湯麵同鹽酥雞滷肉飯🤩 酥炸雞扒好大塊 ，雞扒肉質嫩滑 ，麵條彈牙 ，湯底唔好過鹹👍🏻 另外鹽酥雞同滷肉都係我好鍾意食嘅配搭 ，鹽酥雞熱辣辣非常香脆😍 滷肉好腍好入味，十分好送飯啊🤭 推薦大家，如果你係葵芳都可以過嚟試吓呢度嘅食物👅

熟悉我地既朋友都知我地好鐘意台灣野食，因為平靚正！雖然香港食台灣野一定比台灣貴，但性價比都比食其他野高😆因為夜晚放工做完成日野好肚餓，加上見到menu好多野都唔貴，所以我地兩個人都叫左幾樣野食。藥燉排骨($108)台式藥燉排骨湯每次去都會飲，呢間個湯底我地覺得藥材味好夠，而且考慮到唔係好多人接受到藥材甘苦味既湯，所以加入左杞子令湯頭帶有甜味，好正。😳排骨都燉得好夠時間，所以一咬就骨肉分離，都好入味。😋而跟湯仲有一碗滷肉飯，調味唔錯，豬肉都有少少肥肉，連埋汁可以完美同飯結合，好味到係咁爬飯。🤤牛肉沙威瑪($38):雖然台灣夜市成日見沙威瑪，但呢樣中東菜我地都係第一次食🤔牛肉肉味濃，牛肉燒完之後夾埋其他材料，包括煎蛋、芝士、生菜、醬汁等，成個feel好似食中東牛肉包。但佢嘅皮塔餅皮變咗牛奶排包，有淡淡的奶味同甜味，識落冇咁乾身之餘，味道層次更加升級！$38大大份，我地都一致覺得呢個係必食！九層塔蛋餅($32):芝士蛋餅最主要係拉絲，而呢度絕對做到！蛋餅上配上燒汁都幾特別。香港地$32食到足料蛋餅已經無得輸，睇下張相啲粟米咇晒出嚟🤣抹荼鮮奶($24):男小編唔鐘意抹茶竟然大讚呢杯好cream

葵芳除咗葵廣，都仲有個地方叫恒景商場，地方比較街坊啲嗰度嘅物價比市中心似乎平一啲，估唔到喺呢度都有咁文青嘅台灣餐廳天氣濕熱，去瘴氣就嚟個藥膳排骨煲，好大煲吓，湯底唔會勁藥味到飲唔落，加上芫荽同杞子反而飲到好多啖排骨煲得好腍，骨肉好易分離，而且入晒味，點辣醬食都好香跟餐仲有兩碟前菜同兩碗滷肉飯，一碟係醃青瓜，一碟係醃蘿蔔，酸酸地好開胃滷肉飯有好多滷肉，一啲都唔孤寒，撈飯食勁惹味見到有蛋餅，就忍唔住想嚟一份，呢份九層塔味勁香，大量芝士包喺裡面一夾起就拉絲，仲有粟米增加口感𠻹呢度嘅飲品唔會好甜，百香果綠茶啱啱好，酸酸甜甜地好解膩抹茶鮮奶topping好creamy，裡面極濃茶香，好足料呢

葵涌有新野食，前排去開恒景見開左間台灣菜，木系裝修簡約，門口都好多人黎食，坐得都好舒服，最重要係價錢好抵，menu都好多野揀，下次經過會再黎鹽酥雞滷肉飯$48賣相好得!鹽酥雞炸至外皮酥脆，滷肉肥瘦均勻，味道香甜大滿足酥炸雞扒三星蔥拌麵$48 雞扒炸得岩岩好，外皮又係好酥脆，入面仲係好juicy，肉質嫩滑，加入三星蔥更香，成個拌麵好惹味，有台灣食既味道甜不辣$36 口感Q彈扎實，份量多不油膩，可以配上醬汁一齊食更惹味，值得推介！！！

好少去葵涌果頭，行下行下經過呢間台式小店，睇完個menu決定入去試吓！🤪雖然地方細，但餐牌有好多選擇，揀完一輪，決定試下紅燒牛肉湯麵，古早滷肉飯，梅粉番薯條同埋烤年糕🤤紅燒牛肉湯麵可以揀辣或者唔辣，我地揀左唔辣試吓，一碗入面有牛肉，蘿蔔同埋菜，牛肉好淋，吸晒湯底入去啲牛肉入面，好正！另外，滷肉飯喺台灣餐廳必叫，仲包埋半隻蛋。我朋友好想食梅粉番薯條，所以叫左一份，份量好多，好脆卜卜😋最後叫左烤年糕，一份兩條，好chewy！呢餐飯我哋都好滿意，價錢又平又坐得舒服😎

我同朋友鍾意捐窿捐罅去搵嘢食，今日我地去葵芳行街，係恒景商場發現一間台式小店紫宸，食物好有特色，價錢亦好抵。 店舖唔係好大，但係好乾淨。大約六點鐘，我地就去到，但已經有客人喺度食緊晚飯，無幾耐越嚟越多人。 招牌藥燉排骨一放低就嗅到一陣好香嘅藥材味，排骨燉得好淋，好咬口，藥材湯好濃郁，好好味，再加上一碗台式滷肉飯，同藥材湯和排骨好夾。 中東牛肉蛋餅切開有5大舊，牛肉餡料好足，牛肉好滑，有咬口，外面包左蛋餅，牛肉同蛋香配合，好味推介。 蚵仔煎好有台灣味道，蚵仔多又大隻，加上酸酸甜甜的汁，好特別，好開胃！ 通菜新鲜，加上肉碎好惹味，再加上2杯豆漿，好滿足。

果日去葵涌做嘢，到咗午飯時間，決定係附近搵食。行到恒景商場，入去見到間餐廳主打台灣菜。餐廳座位舒適。多款主食麵類，招牌藥燉排骨、牛肉麵都不容錯。仲有不同飲品。招牌藥燉排骨份量十足，附上滷肉飯前菜。排骨吸收藥膳香氣，湯頭甘美，帶濃郁肉香，加上特製辣豆瓣醬非常惹味。紅燒牛肉湯麵牛腱入味，筋紋呈花紋狀。麵條彈牙有嚼勁，牛肉柔軟有口感。九層塔玉米芝士蛋餅厚實飽滿，口感濕潤，粟米香甜，濃郁塔香。芝士充滿拉絲效果。抹茶鮮奶馥郁茶香，口感綿滑，風味十足。白桃愛玉烏龍茶味清香，愛玉清涼滑溜，酸甜解渴。