紫宸

营业中

休息中

去葵涌通常都會去葵涌廣場掃街覓食，不過今次約咗舊朋友傾計、聚舊，想靜靜地坐低落嚟食個飯，一於去葵芳果邊食台灣菜。呢間餐廳無論午市或晚市都全部免加一，好抵食。食物種類多樣，有主食、麵食、小食、炸物同埋台式飲品，全部都係好地道嘅台灣菜式。我哋一人嗌咗個一份主食，一份係麵類，另一款就嗌咗飯類，兩樣都可以試吓嘛～酥炸雞扒三星蔥拌麵：一向都好鍾情於台灣嘅蔥油拌麵，油香惹味。配合埋邪惡嘅炸雞扒，外皮炸到好脆口、乾身，雞扒嘅肉汁都好juicy，perfect match～嘉義雞肉飯：雞肉鋪滿了成碗飯，雞絲撕得均勻，肉質嫩滑，底下墊住一大塊煎蛋，流心狀態雞蛋黃，飯量都好夠，尤其對女仔嚟講。不過呢個蛋黃汁、鹹菜、醬汁撈埋雞絲一齊食，真係特別下飯，不知不覺就食晒成碗飯。

約左朋友去左葵芳行街，發現左間味道偏濃的台式餐廳，岩晒我尼位重口味朋友👭🏻 餐廳位於葵芳恒景商場，餐廳整潔乾淨，牆身用上水泥灰色，搭配上淺木色，兩者合而為一卻有種溫暖柔和的感覺。餐牌上台式美食眾多，就選了特別想試的幾款美食。 ⦁招牌藥燉排骨 配 滷肉飯 $168藥燉排骨湯🍲味道濃郁，藥材味重，每件排骨都大大件，肉質燉到好腍。另外仲配上醃菜同滷肉飯，極有台灣氛圍。 ⦁培根玉米蛋餅 $32蛋餅就系我既最愛❤️，培根🥓的咸香，玉米🌽的清甜，入面仲有好多芝士🧀，每件都拉絲，好邪惡😋😋 ⦁白桃愛玉烏龍 $24⦁紅柚愛玉烏龍 $24每款都有好多愛玉，淡淡的烏龍味。如果白桃同紅柚一定要揀一款，我會推薦白桃多d🍑。

好耐冇食過台灣菜，咁啱今日經過去葵涌果邊，系Openrice 搵到呢間餐廳，成間餐廳設計用木系，感覺好舒服，決定就同屋企人去試吓！😍我叫左三款嘢食加一杯嘢飲！相錢相當合理，而且分量啱啱好，全部野食都好好食🤪🔺嘉義雞肉飯 $42呢一碗飯有好多雞肉，雞肉好淋，醬汁入味！食碗飯食曬😂🔺黑椒牛柳炒麵 $42呢一款唔會太辣，牛柳食落又juicy🥩🔺中東牛肉蛋餅 $48有五件，啱曬同朋友share！🔺百香果綠茶 $18酸甜可口！飲埋呢一杯野飲，呢一餐飯好滿足🥰呢間餐廳我會encore😂👍🏻

#fafafoodblog葵涌 #fafafoodblog台灣菜🍴招牌藥燉排骨 加滷肉飯 兩位 168 蚊🐷滷肉飯有菇同肥豬肉 醬汁甜咸適中 撈飯正 排骨好足料 湯底有藥材香加埋紀子既甜 d湯就甘飲都得🍴九層塔玉米芝士蛋餅 32 蚊 🥚蛋餅外皮厚得黎香脆 入面蛋煎得比較薄身 配埋半溶芝士正🍴雞腿捲蛋麵48 蚊🐥麵係有 d似刀削麵夠彈牙 雞卷個雞皮好香脆 雞肉彈牙夠滑 正#蛋腿 #蛋餅 #芝士 #台灣菜 #豬肉 #排骨 #綠茶 #滷肉飯Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#紫宸葵涌榮芳路9 號恒景商場地下g12 鋪~~~~~~~~~~~~#fafafoodblog #為食花太郎 #fafafoodblog葵芳 ====================

這間紫宸是間台式小店，地方細細，餐牌選擇頗多，價錢親民。蕃茄牛肉麵$58, 新竹貢丸湯米粉只是$46, 份量大碗。蕃茄牛肉麵，湯底清爽鮮甜，牛肉大件而淋身，粗身麵好咬口。新竹米幼細爽口，有四大粒彈牙貢丸。一份九層塔玉米芝士蛋餅只是$32,  味道跟台灣食到的蛋餅一樣，蛋餅包著新鮮九層塔，滿滿芝士同玉米，咬下去是半溶的煙韌口感，九層塔香氣鮮明，混合蛋香，配上醬汁，好味，抵食。九層塔鹽酥雞$38, 炸得乾身不油膩，金黃酥脆，灑上胡椒粉再搭上九層塔，香氣滿滿。

今次去咗葵廣隔條行人天橋的街坊商場，𥚃面原來有很多餐廳美食，也有我喜愛嘅台灣料理。呢間台灣餐廳似乎是最近新開的，靚靚的粉木系配搭粉灰色，簡約設計同而坐得舒適。餐牌上有很多不同種類的食物和飲品，梗係各種叫啲試吓啦😄🍗🍚 嘉義雞肉飯 (HK$42)．好耐無食過咁出色嘅雞肉飯啦，因為佢多醬汁，又有煎蛋的蛋黃汁，撈勻啲飯食，濃郁濕潤，口感超好．雞肉嫩滑唔柴口，醬汁鹹香惹味，下次必點👍🏼🥩🥪 牛肉沙威瑪 (HK$38)．我以為是一小件刈包咁，但其實係一大份台式open toast！．底下係2個打開咗嘅刈倉包，上面放咗生菜絲、牛肉、沙律醬和一隻煎蛋，配搭紫花苜蓿草做裝飾．整個組合切開一口大小食，口感豐富、多汁，味道很好👍🏼🥩🍜 紅燒牛肉湯麵 (HK$58)．生菜和紅蘿蔔令湯麵顏色鮮艷，令湯頭多一些鮮蔬甜味．多件牛腩肉，肉質鮮嫩，又軟又腍，入味可口．個麵很好食，是飽滿、Q彈口感，很掛湯令我一咬有爆汁嘅感覺🍳 九層塔蛋餅 (HK$32)．九層塔的香味十足，入口滿口芝士和嫩滑蛋餅，好出色👏🏼🍹 白桃愛玉烏龍 (HK$24)．我叫咗少甜，可以突出白桃的果甜味，烏龍茶的清醇味道．愛玉，在杯裏看不見，但飲得到

很喜歡吃台式食品，湯粉麵、小食、飲品都別有風味。今次找到在葵芳恆景商場的台式小店，食物和飲品味道都很好哦，而且價錢十分經濟呢！點了熱珍珠奶茶$24，喜歡又吃又喝，珍珠Q彈的質感，甜到適中，奶茶又夠香，有香口小吃更加享受。朋友的熱黑糖薑茶$16，在天氣轉冷時候喝，立刻全身溫暖，薑味濃，也不會太甜。小吃蚵仔煎$42，做得真有台灣味道，蚵仔份量多，滿是蠔的香氣，加上口感滑溜的蛋漿，煎食薄餅型，配上甜辣醬，是口感與味道的享受，推介要試。肉鬆菜脯蛋餅$36，又是經典台式小吃，肉鬆和菜譜味道又香又爽口，微鹹味道配雞蛋香，一絕，喜歡口感層次豐富。蒜香茄子$32，切成粗條的茄子輕炸過，外層微微香脆，茄子保留硬身一點的口感，咬下爽口多汁。除了炸蒜，還有鹹中帶酸的醬汁是精華所在，能提升炸物的味道。主食點了雞腿卷湯麵$48，朋友大讚湯底香濃惹味，就像紅燒牛肉湯一樣濃烈，台灣面煙韌，吸收湯味再吃，一流！雞卷肉質爽口滑溜，拌著湯吃超美味，很開胃。配菜還有蘿蔔，平衡濃湯味道，也吃得健康。新竹貢丸湯米粉$46，比較清淡的湯底，配米粉其實也很不錯，適合飲食健康的人。最愛台灣的丸類，這個貢丸爽口有肉味，又有麻油香，配米

行完葵廣唔想掃街食乜好？試下呢間新開嘅台式餐廳啦！性價比高的台式小店！環境簡約設計又乾淨 坐得幾舒服嘅貼地小店。古早滷肉飯滷肉肥瘦適中唔會太油膩，好香好惹味。貢丸新竹米粉貢丸大大粒夠爽口彈牙，清湯配米粉真係絕配！九層塔鹽酥雞酥脆香口 有台灣地道風味啊！木魚花枝丸加左木魚有點和風感 不錯 花枝丸也很彈牙！梅粉蕃薯條會食唔停的蕃薯條！新鮮熱辣出爐炸物配梅粉真係好夾！很棒！飲品：冬瓜薏米茶非常解渴好清爽！好喝！

完美複製台灣口味的餐廳❤️😍酥炸雞排三星蔥拌麵 Crispy Chicken Steak with Noodle in Scallion $48.00三星蔥原來是台灣三星鄉的特產，用上無污染的水質，種植出來的本地蔥味道足夠、品質良好。加上酥炸雞排台灣風味滿滿。蚵仔煎Oyster Omelette $42.00跟香港口味完全不同。點餐要有心理準備哦～番薯粉打漿，混雜青菜🥬雞蛋🍳蚵仔🦪，以油鍋煎成餅，就是台式蚵仔煎的原型。起鍋後再淋上醬油膏、甜辣醬。台灣的蚵仔煎使用番薯粉芡水，所以煎好後呈透明狀。口感相當特別，有一點像吃透明麻糬的口感。醬汁有點像蝦醬。九層塔玉米芝士蛋餅Egg Wrap with Corn and Basil$32.00清新芝士蛋餅，每一口都有拉絲的效果，讚。甜不辣Deep-fried Fish Cake $36.00重魚膏味❤️❤️暫時來說吃過最好吃的甜不辣。平時的甜不辣只有粉漿沒有魚味。台灣香腸Taiwanese sausage $36.00香腸切片配上蒜片炒熱，下飯不錯，香腸沒有太多不必要的肥肉。梅粉番薯條Plum Powder Sweet Potato Fries $3

葵芳除左葵廣有好嘢食外，行過條天橋都有間正宗台灣菜🥳紅燒牛肉湯麵($58): 牛肉好新鮮嫩口，的確好正，湯有濃濃既牛骨味，麵食落彈牙，noodles 係厚身嘅質地，性格比超高🥰燙青菜($28):青菜配有肉碎，唔會太dry😝九層塔蛋餅($32):蛋餅個皮煎到好香脆，配上溶咗嘅芝士雞蛋同玉米，口感好豐富，一家要試☺️烏龍奶茶，白桃愛玉烏龍($24) :兩杯個烏龍茶底都好濃，但係就偏甜，大家記得叫小甜🤨

喺葵廣搵嘢食真係好鬼死難㗎😅同個friend一齊個friend呢係葵芳嘅地膽👍佢帶咗我去第二度食😋行過一條天橋咋嘛就有好多嘢食啦👍👍呢間仲正食台灣嘢👍好味呀又平又抵又經濟又唔使同人逼‘’正‘’啦💯💯！蔥爪餅，好得意喎呢一個係濕㗎喎😅我以為係乾身嘅添😋但係一樣咁好味上面有啲甜甜哋嘅醬好惹味架🥰鹽酥雞滷肉飯😍嘩👍好多雞呀💯個飯捞埋啲滷肉食好好味呀， 成碗好快被清空，鹽酥雞外脆內軟仲好juicy添👍抵食啦💯💯酥炸雞扒三星葱拌麵， 第一次食充葱拌麵👍原來係好惹味㗎💯仲有嗰塊酥炸雞扒好大塊又鬆脆喎😋仲好juicy添 👍👍九層塔玉米芝士蛋餅， 芝士蛋餅最鍾意就係食佢啲芝士，攞出嚟全部都拉斯有好味💯仲好大份添👍👍甜不辣上面有啲沙律唔錯💯炸到脆卜卜好煙韌👍👍最有驚喜㗎就係炸杏鮑菇， 外脆一咬落去嗰啲菇係有椒鹽味好正仲有少少清新嘅感覺🥰百香果綠茶珍珠奶茶，百香果綠茶好香百香果味好清甜㗎😋而我個珍珠奶茶我當然係走甜啦😋走甜嗰啲珍珠都有甜味唔錯抵飲👍👍紫宸葵涌榮芳路9號恒景商場地下G12號舖

呢間以台式食物作主打的小店，位於葵涌恒景商場地下，地方算寬敞，坐位間有隔離，仲播住不同的台灣歌曲來品嚐食物的味道，好正；小店每晚大排長龍，主打台灣小吃，如牛肉麵、蛋餅及不同茶類飲品等。 藥燉排骨呢個套餐價錢包2碟前菜，滷肉飯及藥燉排骨，非常豐富兼好底，藥燉排骨非常入味，每嚿很淋身，湯底不濃不淡，好飲；滷肉飯飯量很多，味道正常，份量絕對夠2人品嚐。蕃茄牛肉麵原個蕃茄切件，味道不酸~牛肉同樣淋身，每嚿都很大嚿，牛肉麵既配菜仲有菜及蘿蔔，而蘿蔔相當入味，吸哂湯底精華，味道濃郁。葱抓餅葱抓餅份量很多，味道不錯，重點不油膩，葱抓餅配上葱花及炒蛋，呢款配搭令我意想不到好味。吞拿魚薯餅蛋餅呢款蛋餅的餡料以吞拿魚薯餅為主，味道相當特別，熱辣辣的薯餅，咬下去是煙韌口感，加上吞拿魚，伴著醒神的蛋香，就有種難忘的味道~熱柚子檸檬綠茶呢杯柚子檸檬綠茶有柚子皮，飲到底時好有咬口，味道不會偏甜，因有檸檬的酸可以中和柚子的甜，惟綠茶味被柚子味蓋過。小妹第一次到呢間小店，位置尚算方便，距離地鐵站約7分鐘；店內坐得舒適，食物有質素及價格便宜，絕對要推薦。

人流唔多，唔使排隊，所以都驚佢會做唔住，上次寫左食評，唔知點解無被出到，野食有水準，價錢平宜，不過加埋飲品就有dd貴左，但都係合理水平，再講返野食，雞排夠熱夠脆，乾麵夠味，份量岩岩好，希望大家多d支持，我唔介意排隊，只要好食保持到水準就得。

侍應幾有禮貌，都幾好味，價錢算抵食~ 希望未來有更呢類型小店選擇食咗滷肉飯，蛋捲，炸菇，覺得蛋捲係最好味。下次會試吓個肉骨茶，好似係重點推介。珍珠奶茶當然係我最愛~ 舖頭新開，好乾淨

呢間台灣料理幾正宗，尤其是招牌藥膳排骨，必食！🥢招牌藥膳排骨+滷肉飯：濕凍天氣飲藥膳湯好舒服，有養生feel但唔苦澀易入口🤩。排骨燉到好淋，啖啖肉份量夠二人分享。🥢滷肉飯好惹味，但唔會好多肥膏，有啲冬菇味送飯正！🥢紅燒牛肉麵：牛肉用腩位，大件但易咬，有生菜同蘿蔔好豐富。🥢培根馬莎威：開邊餐包配上粟米🌽、生菜等，仲有太陽蛋同培根🥓，好似特盛三文治。🍋熱檸檬薏米冬瓜茶：冬瓜茶同薏米味道好夾，飲完好暖胃☺️。味道 : 🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）