素食一家 (已結業)

尋晚同女朋友兩個人特登落旺角試吓『素食一家』七點鐘唔係好多人，仲有好幾張檯剩坐低無耐已經點了兩個小吃，一客素魚，一客菲律賓炒飯先來兩客小食，味道不錯但係等下等下等了半個小時都未有其他食物來正想問下幾時先有得食侍應才施施然拿了條素魚出來有得食都冇所謂喇點知再等了十分鐘仲未有炒飯問下老闆佢入去廚房之後出呢話仲要等多十分鐘佢話呢個炒飯要好多工序所以咁耐喎佢咁講即管信佢一次點知過多十分鐘見到個炒飯都冇咩特別唔知點解呢個炒飯要等成大半個鐘lor我眼見係我點菜之後才來的三檯客人已經有一檯走了而且其其餘兩權已經食得七七八八人地叫既食物仲多過我地豐富過我地lor好明顯我地係冇入單啦!!!!!!!!!!!!!!!!!!!呢樣野對我地都唔緊要好喇，終於食完一餐最漫長既晚飯出去埋單竟然係無卡機同唔收EPS我地之前arm arm 買完野兩個人加埋得100cash個收銀小姐最冇禮貌問佢邊度有得按錢佢好寸咁話:『按錢呀，好遠架喎!!』咁我真係冇cash 嘛，妳地又唔收eps, master, visa, 咁想我點姐佢點左我出去話邊度邊度有得按咁我叫女朋友係度等我喇我跑住出去，點知出到去係冇架lor我唯有再行遠些落

前幾日有d唔舒服, 媽咪提議黎食素.環境唔錯既, 感覺夠開揚, 但侍應服務就唔好, 懶懶閒咁, 叫佢落單又不情不願, 十問九唔應, 攪到無曬mood.食物水準都係麻麻, 媽咪既叉燒拉麵好紅, 好似有好多色素. 細佬既餃子拉麵既餃子全隻炸都金黃色, 好熱氣, 仲以為食素會健康d tim....我要左個鮑魚雞絲粥, 味道幾好既, 不過$16好細碗, 比飯碗大少少, 超唔抵!!要左個三色齋, 酸齋同咖哩齋d味都好淡, 齋鴨腎叫做好d, 加左芝麻幾香幾特別. 不過d齋好凍lor, 都唔知點解要雪到咁凍, 幾難入口, 食左一半我地三個都都唔想再食.總括黎講, 食物質素同服務態度都要改善!!

泰式冬蔭功拉麵:唔太辣,可接受北京餃子拉麵:淡味,不怎推介三杯茄子煲K,茄子唔會太糊,軟硬適中,好食揚州炒飯:果d素蝦好掂,好爽鮮蝦腐皮卷:香口但驚卡略里太高同埋一碟豆腐:普通,唔抵食我地一行4人,等位等左幾耐吓,但環境同食物都加左分。

又要多謝版主Ray 兄的穿針引線，我們一班食友就來這裡試試新派素食，當然亦要感謝主理人的熱情招待，相當是夜的菜色，未必每一味大家都欣賞，但主理人對食物的熱誠，是毋容置疑的。星期一的晚上，這裡人客不少，可見新派素食，還是有市場的。我們一行三十五人就霸佔了餐廳較入的位置。全晚菜色有十多味，全由主理人打點，擔保我們滿腹而歸咁話。不逐一去評每一道菜色，詳情請看其他食友的版頭文章，只寫幾味想講的。全晚覺得最好吃的是香草焗飯，飯焗得乾身，又夠香，粒粒分明又不算肥膩，加上香草及菇粒作配，是吃了一碗又添一碗。飯身偏硬，但適達T兄及我都是喜吃硬米的人，所以原本捐了去焚化爐兄那檯的那碟都收番來吃，是推介的一味；先來的意式南瓜翅雖然素魚翅不多，但南瓜味香甜，這裡不像其他食肆般下糖去增甜味，故比較清，亦合個人口味；第二味就來個泰皇雜菜，雜菜材料豐富，加入泰式的酸辣調味是聰明的做法，我這邊的一煲就由我清了底；扣相撲花菇皇的花菇真的很大隻，可惜個人而言，吃冬菇是比較喜歡爽身一點的，加上杰杰的茨汁，是不合口味。不過可以吃到這樣大隻的冬菇，食友們又是真的如主理人所說，是「有食神」的；芥末雞球的汁做得酸了一點，如果可以

六時半大隊約好的朋友去食飯，門口20多人排隊、今時今曰小的功力都唔得‧事實上六道小菜都非常滿意兼盡興，一,什麼芥未雞完全無芥未味、不過就超好味。另一款古零精怪菠菜田螺，賣相靚仔味道口感好有西餐feel.......除了侍應招呼對熟大小超外大家都給80分。

走過了四個年頭，感謝大家支持；認同素食推廣精神，這也是我一直坚持努力、用心的動力。奈何在營運成本、處理人力资源；本性志大才疏之下，無法將金馬店、觀塘店繼續下去.......告訢大家、也請大家轉大家；高人已經剩下唯一的店鋪在旺角了。有關照、觀迎到來一敘...........店主人白

夠創意，可吸引多些人茹素，菜式夠多及以天然為主，不是傳統齋鋪的人造品

素食唔係我經常食的款式,今日難得入去嘗試這間新式素食舖，感覺又唔差喎。食過以下幾種: 涼拌茄子-用芹菜碎調味，香味唔算很濃但口感幾清新，唔錯。可能有人會覺得較多油，不過我唔覺得有問題，始終茄子需要多油才可口麻辣肚絲-當然係用素牛肚啦。口感造得幾似，而最精彩係個汁，意外地香辣，我估唔到咁有川菜味的感覺可以在素菜舖食到。回鍋肉，四季豆；亦幾有水準。艇仔粥-不如叫素海鮮粥啦，相比之前菜式無甚驚喜。大致上我覺得唔錯，份量我覺得適中(我都係兩個人食咋)，服務上都有問有答。之前可能有人提出過不少建議/投訴，我今日去又唔覺有乜差喎。至於有人覺得收茶錢及前菜錢問題，我自己就唔抗拒，只要食物，環境及服務OK的話便無問題。你話貴我又唔覺特別貴囉，你食西餐舊幾兩舊水個人又唔覺得貴?

要收NUTS...又要收茶$..唔係咁抵D野太大碟喇幾人食就OK但我2個人去就太多喇如果可以細碟D,平D 就好喇

16/04/2005先講服務, 幾好, 我地兩個人去食, 本來安排坐2人檯, 但因為我地拎住好多野, 要求轉去二人卡座(咁0岩有人埋單), 侍應都冇話唔耐煩. 不過因為咁, d單有少少亂, 仲落漏0左個黃薑飯, 要我地追0左兩次. 但係d侍應一路都仲幾有禮貌.一坐落就俾一壺玄米茶同一碟小食(芽菜).玄米茶係大路野, 但幾香, 我男友幾鍾意.芽菜辣辣地幾開胃, 如果入味d仲好.我地叫0左:腐皮卷唔記得咩名, 類似紅燒豆腐荔芋香酥鴨黃薑炒飯黃薑炒飯幾香, 仲落0左松仁(我男友問我果d係乜, 我話係汪阿姐0既老拍檔)豆腐同腐皮卷都ok, 但冇咩特別, 豆腐稍嫌唔夠入味我記得呢度整0既荔芋香酥鴨係好好味0既, 個皮又香又酥, 入面芋泥香得0黎個麵筋底係好煙韌, 真係有少少食鴨0既風味.但係今次就好失望, 雖然都仲幾香, 但係個皮就既不酥也不脆, 個麵筋底唔入味又韌, 仲炸得比較硬, 真係退步0左好多...爸爸話食肆整得好食唔難, 最難係保持水準, 真係好0岩...咁0既價錢唔算抵食, 不過不失咁啦...過一排我會俾多一次機會佢呢個荔芋香酥鴨, 得唔得我都會遲下再同各位討論.

先講好野食物幾好味叫左金菇炒麵,豬頸肉都ok但服務好唔掂叫人黎落單, 掛住做野唔理我地其後叫左個豆腐, 食晒野都未黎,追單追左兩次, 第三次直頭唔幫我地跟叫我地取消黎食物速度又勁慢, 唔使指意我再黎

初四來幫襯，打開餐牌，見有一道「東坡肉」，立即柯打。結果，咬落去唔係肉，這當然是預左，但叫得做肉，是否最起碼都應該有d 肉感呢？無o既。原來，「東坡肉」，不過取其「東」的鞋音，實際上是一o舊冬瓜，係一o舊沒有雕花之餘亦不覺特別甜的冬瓜。那個東坡汁，都不過是豉油獻汁。講真，有d失望。就算唔係以佢係咪一道東坡肉來論菜，純粹以烹飪誠意去論菜，都講唔過去。(甜醬油配清甜的冬瓜，是否有d 九唔搭八？)另一令人摸不著頭腦的,是生力啤酒幾錢一罐？大家估下？廿四大元﹗大佬，呢度唔係酒店，只是一間街坊地舖，就算同行友人在素食館叫酒係有點九唔搭八，都唔應該收佢廿四蚊一罐o架，係咪？真係阿彌陀佛。

年初三一家人出去食飯~~點知食開o個兩間素菜館都冇開~~咪去呢間囉~~之前食過幾次都ok嫁~~今次真係谷鬼氣!坐低開晒茶先望到佢set死o左一個過年菜牌~~都算啦~~好多食店都係咁~~再望~~~10蚊位茶!!!每個菜仲至少加左廿蚊!!!仲要加一!!!個菜牌有得揀o既又唔係多~~~佢本身o的招牌菜都冇~~~唔計o的小食每個菜加埋一要成53 蚊~~~唔抵都算係要超貴囉!!!好嬲呀~~~~

11月4日同朋友黎TEA，叫左星洲炒米同薑炒飯SHARE食．碟頭唔大，女仔ｏｋ，男仔會唔夠飽．賣相幾好，個薑炒飯味道都OK，清清地．個星洲炒米太辣，除咗辣都食唔出其他味．環境幾好，啱兩個人自成一角坐卡位傾下偈，再多人就多數坐枱，無乜特別．

今日去試下呢間野,2個人,每人茶錢五元,一碟泡菜十元(泡菜+好似魷魚的東西,質感真係幾似肉).加一.未叫野已經冇左廿二.裝修同食物個樣都唔差既.我唔知食開齋既人會覺得d味道點.不過我覺得冇樣好食.叫左:魚翅餃(用腐竹做餡,我覺得d味唔係好夾)水餃湯麵一碗(餃既味好過魚翅餃,不過麵就唔踮)咖哩炒飯(濕炒,而且冇乜味,麻麻)煙燻素鴨(冷盤,冇煙味之餘又唔好食)田園芋球(唔記得係咪呢個名,總之係中間有芋頭球側邊係好似海藻既東西)(味道一般)食完個口好乾,唔知係個麵既問題定佢地落好多師傅煮野.而且價錢唔平,埋單都成一百七十幾.可取既係佢d野唔係好油膩.下次除非有人請,否則都應該唔會考慮去呢間.