素食一家 (已結業)

之前都還好少少, 但裝修完後唔知係咪轉左手, d 嘢食凍ga, 無論係面好, 飯好, 都麻麻地

今天來到「素食一家」, 試了個$128 二人套餐,有:1. 前菜: 是涼拌海帶, 麻油味重, ok !2. 咕嚕肉: 幾似真的咕嚕肉, 但係太油啦....3. 南瓜翅: 呢個翅要讚讚讚~ 好杰身, 清新, 翅好彈牙~4. 肉醬油麥菜: 一般, 油麥菜爽口, 但唔好食, 無了菜的鮮甜脆身的感覺, 作為一間素菜館, 點可以連烹調蔬菜都做唔好?5. 鴨胸炒飯: 不過不失啦, 叫「鴨胸」就唔似, 都係普通素肉之嘛.....食物一般, 但整體是可以的, 尤其欣賞它的誠意和心機, 始終在香港地, 做素食都係難賺大錢的, 所以做素食的是信念大於一切~ 我見它的小冊子上寫: 「茹素者都是一家人」, 就是這個「推己及人」的理想吧~一定會再來試試其他東西~ 支持健康素食!!

平時既素食都比較油膩, 但係依度既食物尚算清淡而且款式又多! 我最喜歡既就係薑汁煮芥蘭! 好出色!不過食店裡面有一個侍應十分無禮貌, 而態度亦很惡劣!有一次我中午去開餐, 大約十二點左右! 當我坐低正在選擇食物時, 有一個店員告訴我們, 廚師要食lunch,我們所點的食物要遲出!因為我們尚未食早餐, 所以好肚餓! 於是我就問她: 食物要遲多久? 她呼喝地回問答: 我點知佢會食幾耐, 總之佢食完咪會廚比你地食羅!噤我又問: 如果佢食一個鐘呢, 係咪我都要等佢呀?其後有一個職員立即前來說: 對不起, 廚師快要食完, 20分鐘內可以上菜!

我昨日和媽媽一齊去做素食一家食飯，以前都去過一次了，感覺都係一般般，但今次去到完全改觀了，包括食物的質素、服務態度都唔同左！

前幾日朋友帶我去一間好特別的餐廳，當我入左去以後感覺好好，環境好溫馨燈光、擺件都好特別。 我們叫左幾個餸上嚟，感覺都好好。有一個湯叫做南瓜湯，黃黃的顔色好香芝士味，一品嘗正！仲有一些點心、好似系蜜汁熏魚真係一點都唔似食素，好有肉感。然後系肉醬時蔬菜…… 服務態度都好好，好親切、好醒目、做嘢有快手。今餐我們四個人都係二百幾蚊買單，價錢都合理。大家真係去試一試感覺一下！我無介紹錯！

最近在旺角區不斷找尋不同的素食餐廳, 昨日就選了這間. 這是我第二次光顧. 訂了七點半四位, 準時去到, 見門外已開始有人等位.本來想叫上次食過的泰式鳯爪, 好好味. 但現在沒有了這個菜了.我們點了:南瓜翅-我不喜歡南瓜的甜, 但翅的質感很好.咕嚕肉-好似真的咕嚕肉咁.雀巢盛著一些菇物, 蔬菜(不記得名稱了.) - 好香的黑椒味.鮑魚松子炒飯-炒得亁身, 幾好鎮江蜜汁薰魚-無乜特別的齍魯味壽包-正常的壽包, 但無其他餐廳咁甜餐廳的食物不錯, 但不至一食難忘. 難忘的反而是這裡的服務. 有一位待應老闆成晚周圍走, 非常熱情, 落力推介, 見到佢咁開心, 食客自然食得開心點. 如果食素食吓食吓可以變到佢咁, 我又唔介意多吃一點.一間有Heart的食店, 值得再去.

在網上研究過旺角的「素食一家」大受好評決定一試先來的是前菜這個小茶就如酒樓的花生不是你點的菜可是卻會算進帳裡辣辣的醬油的味道太重不過早就覺得前菜不會太好然後來的是海皇南瓜湯我很喜歡南瓜湯特別是糊糊的我覺得忌廉湯要這樣才好味可是廉少覺得太甜很「足料」整頓飯我最滿意的就是這個了接下來的是日式泡菜沒有什麼特別有點失望下一道菜是咕嚕肉味道不錯那個「肉」究竟是什麼來的？很有肉的口感!!!然後是肉碎時蔬感覺只是普通的水煮菜而已最後的是鴨胸焗飯味道很淡不是特別出色可是頗有特色不過既然是淡的為什麼不可以一早上菜讓我們拌其他的菜一起吃？服務態度是一流可是食物是否如網友所說的那麼出色？這個我可不敢苟同不是難吃可是也算不上超好吃臨走前收到九折卡可是我想還是遲些才再光顧吧可能是我期望過高所以我覺得失望

今天到此店吃特價午餐，有兩選擇：A.招牌焗香草飯。B.鮑魚雪裏紅炒烏冬。每客25元，包餐湯，不收茶錢加一。起初招呼不俗，我和太太點了2客A餐，侍應表示要等長一點。豈料過了10分鐘，原本有禮貌的侍應過來，說：「A餐賣晒，轉唔轉B餐？轉B餐快好多！」我們未及回應，他又說：「點樣？唔轉？睇餐牌叫其他？」我未拿定主意，說：「咁樣呀……」侍應就走開了。看看餐牌，最便宜的菜（點心）都近40元！似乎被逼要轉B餐了。侍應再走近：「點樣？」我問：「為甚麼下單時沒弄清楚？」豈料他態度惡劣地說：「岩岩先知冇吖嘛！點樣？係咪取消？」但我們已喝餐湯，怎樣取消？我和太太最終點了兩客B餐，食物水準一般，但就一肚子氣。我們有點受騙的感覺，既然沒有A餐又不早說，讓客人喝了餐湯才說只剩B餐，到時根本沒有選擇了！進開時，發覺門口還豎著A、B餐的推介牌子呢！

擒晚同friends慶祝生日來試呢間素菜館, 老細(我估係老細0拉)介紹8人餐俾我0地, 我0地都點0左8人餐. 無記低有0羊菜, 總之8個人一定夠食. 最好味就係罐罐扣肉同埋泰式辣醬炒雜菜. 我覺得呢度0的餸清清0地又無乜油, 幾好! 我0地切蛋糕時老細仲帶我0地唱歌, 幾好, 識搞氣氛唔錯! 老細仲幫我0地九折0左張單, 埋單8個人要$678. 一定會再幫襯!

因阿婆生日,去左這裡食,平時就好少食素食的.第一次來,環境都不錯,睇落唔似食素的地方,今次我們共要左三張,地方其實不夠,有點擠迫.而食物就都ok好咪啦,但上菜就耐左少少.而甜品亦太淡(好似係杏仁糊)不過最想講既係服務方面,我十分欣賞,十分照顧老人家,而每上一味菜都會講個茶式名,而且口吻有點像節目主持,說:"以下落黎既係xxxxx,請各位慢慢享用"係我從來未見過的.(可能我地要左幾,所以會咁,自己去食就唔知會唔會)最後,仲有個自家制蛋糕芝士蛋糕,亦很好味,而且侍應(我懷疑係老闆)仲好識攪氣氛,又帶領我們唱生日歌.總括來說,服務比食物好

素食，做得好傳神傳味。今晚無咩人，唔駛等位。叫了秋日篇二人餐，$128。上菜好快。海皇龍蝦湯，一般。燻魚好好味呀。炒青菜同咕嚕肉都幾好。鰻魚炒飯炒得唔油，好乾身，可分開一粒粒飯, 暖暖話咁係好高功力先得。有甜品送，係西米糕。一般啦。麥茶幾好飲。連茶芥加一，$163。如星期一至四又不是齋期的話，九點後免茶芥。

最近因為寵物去世, 決定齋戒七天以表悼念之情, 朋友被逼跟我一齊食齋, 臨收工上黎搵下, 見D評語唔錯, 就扑搥決定食呢間, 點知要3個人以上先有有電話BOOK位, 不過佢地話, 2個人通常都有位, 見係閒日搏得過(假日食飯時段成日見有人等位架), 就8點幾去到. 大家都冇食過, 又肚餓, 見佢有個秋冬二人餐, $128, 五樣野食, 衰D講句, 去DELIFRENCE食個意粉DINNER(仲要難食果隻), 二人同行都唔只咁既價啦! 抵到爆!前菜(另收十蚊)係芽茶青豆咸菜, 太重麻油味1)咩咩燻魚(最遜色係呢個, 唔似魚, 味普通)2)咕嚕肉(真係好咕嚕肉既咕嚕肉,推介!)3)咩咩龍蝦湯(好似粟米羹, 一人一碗, 夠食架, 入面有素翅同素魚旦, 好多野咬, 好味~)4)上湯浸菜(上湯就冇喇,BUT有個獻汁,有D一粒粒唔知咩菜, 味都OK~, 唔係剩烚菜已經好好~叫做有用方法煮過丫~)5)鰻魚炒飯(夠大碟!BUT食唔到有鰻魚味, 反而有D熡熡地既味, 抵食ONLY)佢冇趕我同朋友走喎, 樣樣都係照鏡先收走(講真張檯咁細, 快D收走D碟唔好阻住仲好啦). 最好笑仲係D WAITER, 有個

其實我都去過幾次, 都ok 呀! 昨晚我都有去食, 他們介紹了" 日式昆有飯"好好味! 真係誠意推介!意式南瓜翅- 幾香南瓜味! 每次我都會叫!鴨胸肉- 有點點煙燻味，口感極似，切得薄薄的，唔多夠喉添, 可能係小食啦!最後叫了個沙爹炒河, 亦都好好味!他們服務非常好, 很nice ,

一天行經旺角, 女朋友想起此店, 便來一試。我們一向少吃素菜, 都抱著一點期望吃些不同的菜式!我們一坐下, 侍應就拿了一碟鹹菜之類的東西來, 我和女朋友一向不太吃這類東西, 因此我問侍應是否要收費, 侍應說要十元, 我指出我們不吃這些東西, 經理說是公司規定, 可以換一碟花生給我......「公司規定」嗎?我不想令女朋友掃興, 而且只是十元, 花生總比鹹菜好!看看餐\牌, 價錢不算便宜, 菜式選擇亦多, 但我們先叫了一個素鵝, 一碟腐乳黑芝麻炒麵!素鵝份量很少, 而且極重味精!腐乳黑芝麻炒麵, 完全沒有腐乳的味道, 配料很少, 亦吃不出什麼芝麻味, 芝麻亦不見踪影, 跟小食檔的炒麵沒大分別!我和女朋友吃過這兩個都心裡有數, 但女朋友還叫了個酸齋!怎料素菜館的最普通的酸齋會是這樣的......它是雜錦的, 燒鵝那一種超硬, 而且不夠味, 橙色的不夠酸甜, 又是沒什麼味道, 最後黃色的也是沒味......感覺就是咬著一堆沒製作過的麵筋一樣......真的很難受耶!女朋友也受不了, 她也沒吃飽就釀著要走了!侍應的服務也不見得等別勤快, 而且經常上錯菜, 未吃完又收了客人的筷子......唉!

早前食得太飽，所以今日想食清淡一點，最後決定食素菜。家附近沒有什麼出色的素菜館，只想起這一間，便決定來了。很久沒有來，原來店鋪變少了，本來很有特色的二人坐位，已經沒有了，有點可惜。看完餐牌，最後還是選擇了二人套餐，套餐包括有意式南瓜翅、冷點雙拼(鴨胸肉和中華沙律)、客家沙薑炆雞、台式清燙時菜、甜菜脯鹹肉粒炒飯和甜品。意式南瓜翅- 幾香南瓜味，加上素翅，增加了唔少口感，幾好飲。鴨胸肉- 有點點煙燻味，口感極似真鴨肉，可惜切得薄薄的，唔多夠喉添。中華沙律- 煙煙韌韌，很爽口。客家沙薑炆雞- 沙薑味幾夠，但就唔多似雞肉，外貌似羊按多一點，都算唔錯。台式清燙時菜- 菜很新鮮，可能因是清燙，所以味道偏淡，今晚想清淡點就最好了。甜菜脯鹹肉粒炒飯- 飯炒得太乾身，有點飯焦的感覺，很硬；失敗之作。甜品- 有點泰式甜品的感覺，唔會太甜，都幾好食。大部份食物都幾好，除了炒飯；總括來說都算食得過的。地方變細了，坐得沒有之前舒服，要扣分；侍應招呼很細心，值得加分！