素食一家 (已結業)

星期六同女朋友食lunch，打算試下啦！我地叫左一個鴛鴦炒飯和一碗水餃，味道就真係麻麻。個炒飯除左食到係鹹鹹地之外，就食唔出有其他味，水餃個皮就好硬下，兩樣都唔好食。服務方面，同普通茶餐廳冇乜分別，但又要收茶錢，又要加一，夾埋成八十二蚊，認真唔抵！

幾日前一行十人去晚膳地方幾大幾靚，唔同傳統齋鋪，不過個裝修比人個感覺有小小怪，唔太match叫左十個菜左右，口感偏油膩，所以好易飽，味道呀，都可以合格啦, 共$483最唔掂係個酸辣湯，應叫番茄湯會貼切一點，而且太杰太油最掂係個上湯魚翅餃，雜野菌都過得去無糖水送，有點失望侍應反應唔夠快整體來說，喜歡口感偏淡的食客會覺得此店可以

有創意的新式（西式）素食餐廳，D食物有新意，味道OK，裝修特別及舒適，不妨一試。

食物水準ＯＫ，幾好食，但係個栗米蛋花湯就勁多味精，攪到我同個朋友都味精敏感！去齋鋪食都係想健康，使也落咁多味精？

菜色好似不同於沙田店，味道亦稍遜碟頭大，我諗要四個人先好叫小菜米線唔得，茶依舊好飲二人卡位舒服侍應服務好廁所得一格衛生要改善

近來很愛到中式而新潮的素菜館開餐,因我不愛食蒜頭味/有蒜頭的食物,而坊間大部分的食肆都有加蒜頭作seasoning.而西式素菜館亦主要用garlic 呢.那天我order o左一個雜菌炆米,好好味,好香,而呢度D茶亦很香連加一茶介($42), lunch 黎講都ok.

I have been a veggie for a long time. Last Sunday my family and I went to dine at this resturant in the afternoon. The experience was terrible.As for services, there were only one waiter and one waitress serving the customers at first. As for food, the quality is not ideal. We had ordered steam pumpkin ball with fish, the taste was a bit sour. As well, the fried rice noodles and baked e mian with cheese >_< really suck.As for tea, the teapot is dirty and the tea is cold. RECYCLING MAH~~

上次困碟焗反--- 有好大隻甲由我同埋我個女好驚....我地一定唔會再去旺kok既{素食1+}騙人的舖頭~

昨天去吃晚飯，點了沙嗲煲，鹹魚雞粒炒飯和意式餃子．沙嗲煲沒有沙嗲味，反而是甜的！鹹魚雞粒炒飯沒有鹹魚味，飯內一粒齋雞也沒有！意式餃子味道也是一般．整體來說，食物水準下降了！

同個fd第一次去呢間,因之前雜誌介紹話咩新式齋菜~去到果喥,個格局都ok,但waitress真係唔得,(制服+ 外表= 骨妹),唔知係咪近旺角....>.<咁之後,講返味道都麻麻地.叫咩碟羊肉,但味道似牛肉,真係吹脹.唉~

尋日同媽咪老豆黎呢到食晚飯,我地6:30到啦,果時唔係太多人,我叫左魚翅餃,一客八隻$22,唔貴但係個皮好厚,唔好食!唔知咩汁鮑片(我唔記得個名)好似$48,呢個幾好食,D汁好濃,鮑片亦都做得好似!最後叫左個太皇拉麵$48,幾好食,係甜甜酸酸既味!食完果時都7:15喇,眼見出面排哂長龍,我地都唔好意思再坐喇,叫埋單,嘩...$178?唔係嘛?不過我冇CHECK單就比左喇,之後諗諗下先覺有問題,唔知佢點計架呢...?!之後問媽咪同老豆好唔好食,佢地都覺得唔太囉,同埋都真係幾唔抵食,都係一次攪掂,下次咪攪我...!!

裝修幾好, 唔似一般o既舊食齌菜, 似西餐廳多d, 就連音樂都係英文歌~ 不過座位幾迫~杭州小窩燉湯($38) - 唔錯, 個湯幾好味, 有粉絲草菇, 同一隻個樣好似扣肉o既素肉, 好味~ 咁當然相信佢有落味精啦~ 但已經係依?最好味o既o野~薄荷醬檸汁比目魚($48) - 原來係一片片o既魚旦加d西檸雞o既檸汁, 再o係上面加d薄荷醬~ 但講真都幾失望, 因為唔好食, 就算特登食佢個薄荷醬都完全唔覺有薄荷味~蜜糖羊肉- 羊肉個樣好似, 味道ok啦~ 底墊o左薄脆~香樁蒸豆腐($28) - 又係依個薄荷醬?? 豆腐無豆味又唔滑, 只係一般蒸豆腐, 無咩特別~ 好彩只係$28~ 茶芥加一, 埋單$200~ 唔係有人要食"不一樣"o既素菜, 我估我都唔會再去~

呢度雖然食齋，但裝修雅致，同一般齋舖有好大分別。星期一晚上七時兩個人來食，間舖除左我地都係得兩檯客咁大把。這裡又麻辣又蛋又茄的，應不是正宗齋菜館，不過咁都有個好處，就係菜色應不用靠太多味精上味，亦不須有人做色素上色。菜色選擇亦多，價錢亦大眾化，但好多都不知咩葫蘆賣咩藥，所以都係叫了一般估計以內的。叫了一窩粟米粥、荔茸鴨、鮮茄燴鮮竹同菜甫蛋。食物普遍味道幾好，算係交到功課，賣相不錯而碟頭骨子。其中反而最喜歡鮮茄鮮竹，清清地又好送飯。荔茸鴨我還是喜歡一般齋舖的仙斑，大大條又炸得成條都卜卜脆。埋單一百六十幾，都唔算太貴。但人真的是不多，我地八點幾食完都不見有人排隊。

如果唔睇招牌都唔知係一間齋舖，以為係一間西餐廳，d waiter都好young，打開menu樣樣都好吸引，D菜式都好fusion有別於一般齋舖，價錢都唔係好貴喎，雖然D份量唔太大，所以兩個人都叫了三“食送”一湯，食落口感完全唔似食緊齋，值得再試。

The food is of average quality. There is often a queue to wait for the tables during peak hours.