素年 (汝州街)

营业中

休息中

深水埗有兩間素年，今次就揀左新開果間，主要用色是白色和啡色為主。而且有兩張戶外座。好喜歡它的設計，一入到去有一排大木櫃，木櫃上放左醬油 果汁 香薰蠟燭 陶瓷碗碟 和書， 以上產品都可以購買， 我買左蘋果果汁 身體精油 香薰木。 之後叫左青醬三色螺絲粉 Latte Cappuccino.如果你喜歡素食一定要叫，顏色好吸引和健康，令你見到就想食。而Latte 好厚身，Cappuccino 就好奶，睇反你自己喜的口感，我就喜歡奶D❤️。

#深水埗 💛‼️素食 咖啡店‼️≡深水埗 哩年真係開咗好多新cafe✨幾條街都多咗年輕人出沒係文青同咖啡控嘅新去處☺️≡素年 係當中較特別，因為係 素食cafe🥰雖然本身唔係素食者，但第一次嚟到素年，食物同飲品都好岩口味又有驚喜🤩≡中午嚟到有lunch set，叫食物包飲品！不可能漢堡包 $138 🍔 好正！impossible meat嘅肉 無論係口感定味道都好真，唔講唔知係植物肉😆另外個蕃薯條好香口，比一般薯條好味好多❤️豆腐芝士蛋糕 $58 🍰件蛋糕偏向多豆腐味，芝士味偏淡，個餅底好正 食到粒粒燕麥———————————————————#素年 #TheParkbyYears〰️ The Park by Years 〰️G/F, 132 Yu Chau Street, Sham Shui Po————————————

本身想帶狗狗去另一間日式咖啡店，但由於冇預約所以冇位，結果行行吓就見到呢間Cafe，佢outdoor可以比狗一齊坐，於是就食呢間。叫左個青醬螺絲粉，味道都ok,但係冇咩驚喜，而栗米都係不過不失，不過飲品唔錯，同朋友叫杯野飲坐下都ok,甜品都吸引

今次介紹係一間要開門前就去排隊既素食Cafe，總店係福華街，生意太好開左分店係汝州街同係荃灣，主打素食漢堡、意大利飯，唔係素食者都值得一試因為味道唔會令人失望。-1️⃣ 日式咖喱吉列豬扒意大利飯 💰108（👅: 9/10）係食過最好食既意大利飯，而且份量算多，食量唔算大可以試下叫小飯。豬扒係用 OmniPork 新豬肉去整食，豬扒好食，唔覺食緊素，炸衣唔厚，口感無真豬肉咁結實，所以食落完全唔覺得油膩，因為食唔到肥肉油脂咖哩汁滲入意大利飯每一寸，Risotto口感偏稔但有咬口，咖哩汁味道好夠，小小甜甜地辣辣地，而且飯夾雜左車厘茄、蘑菇、蘆筍，飯上面仲有兩塊蘋果，係誠意滿分既意大利飯，成間鋪最好食既菜色。-2️⃣ 不可能漢堡包💰128（👅: 7/10）素牛肉漢堡，配料有車打芝士、洋蔥、火箭菜、意大利黑醋。漢堡塊扒幾厚，食落幾似真既牛肉，Juicy不過唔夠結實，味道唔算出色，可能調味唔夠或者無更好既配料，車打芝士係半溶有加分，但所有配料一齊食唔夠滿足感，可能無煙肉既代替品，對比出面專做漢堡既餐廳。包比較一般，係鬆軟個種，唔稔但又唔脆，感覺無特別烤過。薯條係番薯條黎，幾軟熟同好甜，外脆內軟，但數量有D

我雖然是食肉獸，但偶爾也想吃吃素食，這次就到了深水埗區內一間素食店我這次就點了冬蔭意大利飯冬蔭功湯麵很常見，但配上意大利飯就相當特別另外還加上泰茄子、蕃茄、草菇等，嚐過覺得較辣，但相信不怕辣的朋友會覺得剛剛好香蒜橄欖油意大利粉雖然看上去較簡單但吃下去香蒜味恰到好處加上指天椒、紅尖椒和香料等，甚有層次，而意粉加上橄欖油亦不會太乾日式咖喱吉列豬扒意大利飯用了新豬肉（Omnipork）製成，吃下去和豬肉近似！配上蘋果讓口感更清新，不會油膩意大利飯的口感較硬，如果喜歡軟熟口感的朋友便要留意了雖然看上去份量不大，但其實很飽肚，推薦給想吃肉的朋友這裡的價錢雖然比起同區的餐廳相對貴，但勝在配搭新穎，食材有質素就算本身不是素食者也十分滿足由於這裡舖面不大，吃飯時間多人，所以大家最好提早來排隊呢

想來了很久的素年，身邊大部份朋友都來過，這一間在深水埗算是新開的，朋友便和我一起來探店了。我們12點的時候到餐廳，剛剛開門，有大量位置可以揀，又可以慢慢影相📸️我們點了青醬三色螺絲粉，意粉煮得剛剛好，入邊有少少翠玉瓜和菇，好味道！不可能泰式卷餅，一個份量不少，泰式卷餅入邊有炒過的素豬肉，豆角，三色椒，生菜，完全唔覺得食緊素，好好吃！飲品方面：本身猶豫要不要叫牛油果燕麥奶，想一想卡路里比較低，最後我揀了比較健康的奇異果羽衣甘藍富士蘋果燕麥奶，因為鮮打的，有少少果菜碎碎的口感，味道清新，真心好fresh! 朋友叫熱Latte, 佢話咖啡味好香，佢話應該都係用燕麥奶唔係牛奶，飲落有少少唔同，但係一樣好飲！環境靚，食物又好食，真係唔怪得佢咁多人去！有一位男店員態度有善，有問必答，戴住口罩都feel到佢對客嘅積極正面態度！👍🏻

日式定食 $88日本蕃薯（甜甜地好好味！）豆腐（正路）枝豆（正路）南瓜餅（超好食！係成set入面最好味既小菜，脆口、微甜、南瓜味香濃）紅豆糯米糍（唔好食，層皮唔Q餡太甜）木耳絲 黃蘿蔔（正路）不可能漢堡$128食落去唔覺得自己食緊素肉漢堡比起麥當勞既素肉好食太多，調味自然好多麥當勞果陣味濃得黎好假中間夾既沙律菜都好新鮮最正既係個餐跟左個蕃薯條脆口 唔太油 有明顯蕃薯味紫色鮮打飲品（唔記得叫咩名）有飽肚感 好fresh 唔會太甜 感覺好抗氧化兩個餐 我地清曬 零廚餘～Quality好 價錢合理 會encore

深水埗呢間素食店我最鍾意嚟食，雖然唔係話好好坐，但啲嘢真係好食。咖啡都好飲：「素年」呢個燉雪梨pancake 超好味，個雪梨好味又唔太甜，我個人喜愛用佢個cream配pancake 食，因為略嫌佢個洛神花糖漿太稀，倒落pancake度，好似糖水咁，攪到個pancake濕晒，好似食緊索咗水嘅麪包咁，浪費了我一塊pancake, 唔知係咪正常個糖槳都係咁稀，定果日失手整稀咗，最後我全部pancake都係搽cream, 個cream做得好味， 個人意見如果個洛神花糖漿，可以做杰身啲，就更perfect😊 impossible burger 配芫荽，無得輸，已經係第二次食㗎啦，佢個素肉burger比真肉還好味，唔鍾意食芫荽嘅話，可以揀羽衣甘藍。我本人覺得呢個係必order嘅👍🏼。

素年已經開咗第3間分店，呢間分店都係喺深水埗，但就係長沙灣道以南。素年嘅不可能漢堡包好出名，呢間分店就出咗個芫茜版🤣 btw細細聲同大家講，小編已經加入咗香港芫荽黨，今次介紹一個黨員限定menu畀大家，愛茜嘅話一定會感到非常滿足💚😋 不可能漢堡包（芫茜版） $138應該係得汝州街新店先有，海量芫茜包圍住塊impossible meat素肉扒，每啖都食到成口都係🥰 最癲係如果唔知佢係素肉，食落真係同真嘅肉無分別，好厚身同好夠「肉」汁😁 配料有青瓜、酸洋蔥、波子蘿蔔同埋自家製車打芝士。不過，如果你唔鍾意芫茜但又想食呢個bell，可以轉做羽衣甘藍㗎😗 除咗包，呢個set仲跟埋番薯條，即刻炸起嘅番薯條外邊好脆，入面充滿番薯蓉，超足料！😋 芫茜檸檬梳打 $48對於黨員嚟講，淨係食茜又點會夠？一定要飲埋先滿足🤪 呢杯梳打入面激多芫茜，篤幾下啲茜味更出，先會愛恨永續繼續刺激~* 最爽係飲完杯梳打之後記得記得要食埋啲沾有檸檬味嘅芫茜，要做更壞的事😏唔係講笑，呢餐真係打破咗小編人生一餐食最多茜嘅紀錄，由其而家要戴住口罩，陣茜味喺個口度走唔到真係好正😛

◭ 冬陰三色螺絲粉 $88配料有金不換、車厘茄、泰茄子、雞脾菇、露筍好有泰式風味，喜歡冬陰公嘅朋友一定要試螺絲粉軟硬度適中，好彈牙但如果男仔食呢個螺絲粉可能會唔夠飽，因為完全無肉😂😂😂◭ 不可能泰式捲餅 $108配料有紅椒、蘆筍、生菜、粟米、烤雜菜、自家製辣蛋黃醬採用impossible品牌植物肉，仿真度極高，真係好似食緊牛肉咁😆味道帶微辣，加上配料有多款，口款好豐富◭ 日式豆腐竹炭漢堡 $108配料有金平牛蒡、紫蘇葉、生菜、蕃薯條豆腐漢堡第一次食，估唔到又好夾，上次試左不可能漢堡，又係好正，素年嘅漢堡絕對值得一試蕃薯條炸得好香脆👍🏻◭ 豆腐芝士蛋糕 $58口感似日本芝士蛋糕，每啖芝士蛋糕都有香濃嘅豆腐味，四人食一件，每人大概一啖😂推介必食👍🏻👍🏻👍🏻素年係第二次去食，餐牌上嘅食物已經同上次係好唔同😍，加上素年有得訂位，非常方便，絕對係推介之選🥰

在飲食雜誌看到介紹這間新派文青素食餐廳，襯今日得閒就去朝聖下，因早到左未開門，門外有兩張枱仔可以坐下等待餐廳以白色為主調，令人很舒服，而且有落地玻璃，配上餐廳全是木製枱凳，很有格調在等候期間，看見很多年青侍應生，個個都充滿活力，感覺非常之好終於等到開門了，點了兩款主食，焦糖香蕉燕麥碗，日式豆腐竹炭漢堡焦糖香蕉燕麥碗 – 這不是一碗單單燕麥，絕對係超豐富的燕麥碗，入面有不同生果及果仁，配上焦糖香蕉，令人非常之回味日式豆腐竹炭漢堡 -竹炭麵包夾著酥脆芝士豆腐，以前成日覺得食漢堡要食全肉漢堡，雖然係好美味， 但容易肥膩，而呢個豆腐豆腐竹炭漢堡就清爽好多，漢堡扒是值物肉，配上竹炭漢堡，焗得剛剛好，好脆口，再加上炸薯條，成碟清了最後配上這杯玄米茶，令整個口腔非常清香

食得太多肉類想清下腸胃 ， 今日學人green Monday。 既然green monday我就嗌返個沙律。夏威夷沙律 碗。 就咁睇賣相已經色彩繽紛，紅橙黃綠青藍紫臀部有齊曬。首先講下呢個護自家製胡麻醬 撈落啲沙律度食落非常之醒胃。仲有呢個紅色 仿製三文魚 咬落有啲肉的口感深黃色的芒果粒好甜 好美味。 青綠色的牛油果口感豐富。 紅色車厘茄咬落好好味。賣相與口感一流的 適合配番杯玄米茶 分外醒神。呢度 座位闊落 播放著懷舊音樂 五感完美的享受。

呢間超人氣素食餐廳，我一直都好想試，今次終於嚟喇！ 佢嘅裝潢好簡潔明亮，座位好寬敞，仲有好多小擺設及型格飾物。 打卡亦都好唔錯！食物選擇貴精不貴多，滿有特色。 日式豆腐竹炭漢堡（$108）日式炸豆腐， 香脆嫩滑又有豆香味， 配上金平牛蒡、紫蘇葉、生菜及照燒汁，清新爽口；竹炭漢堡第一次食，都幾特別。 伴碟係番薯條，酥脆香甜。冬蔭三色螺絲粉（$88）冬蔭公汁及配料，同螺絲粉一齊煮，辣辣地又惹味又幾醒胃。完全睇唔出喺素菜。燒粟米（$58）外表好靚仔， 燒得剛好，爽口唔黏牙。 粟米都好香甜喎。 菊花茶（$42）黃薑粉薑汁鮮奶（$38）有好香濃黃薑粉味， 鮮奶幼滑可口。

汝州街既素年，比其他文青咖啡店，空間大啲，平靜啲，比一般素食店清爽啲食過幾次晚飯，今天來食lunch，我覺得食物menu選擇不多，種類係多元化的，breakfast, burger, pasta 甚至oatmeal😊😊總可以迎合當天既心情！飲品係我最喜愛的😝😝😝哈！想要看似簡潔既感覺，要了黃薑粉薑汁鮮奶好靚呀：）不會很重薑味，但多啲層次，薑同奶味平均，暖暖的好舒服😌青醬三色螺絲粉，份量頗多，三色螺絲軟硬度不同，加上nuts，好chewy ，味道清新，主要原因也因為用上了好好既材料吧👍🏻如果番工既日子都食到，一定多啲動力😂😂平日lunch也比想像中多人，未開門就有人係門口等，建議如果食晚餐一定要訂枱，見好多人walk-in 失敗🤔🤔

第一次想walk-in 入去食 摸門釘 因為全日都差唔多fully booked 佢哋晚市係六點 七點半 九點 三個時段 所以唔想好似我咁就記得 預訂張枱先今日終於食到啦 我食嘅係冬陰功雜菌螺絲粉 冬陰功嘅香味 香濃 辛辣 加上 九層塔香葉 清新嘅味道 惹味道叫人食唔停口 即時大大碟話咁快就清曬 唯一可以 改善就係螺絲粉 淋咗少少 我哋仲食咗 impossible burger 入面夾咗好多芫茜 refreshing 嘩好神奇嘅係嗰塊素牛肉 係非常像真 ，比起我以前食過嘅素肉 完全唔同嘅 ，如果唔信可以嚟試下🤤我哋仲嗌咗全日早餐 入面嗰個 avocado salad 好savoury 用豆腐整成嘅炒滑蛋口感 素漢堡扒又係非常真實 加埋個鬆軟嘅pancake 同老麥幾似，但同時又好食好多，如果唔覺貴($140)不妨試試！