素年 (汝州街)

营业中

休息中

呢間超人氣素食餐廳，我一直都好想試，今次終於嚟喇！ 佢嘅裝潢好簡潔明亮，座位好寬敞，仲有好多小擺設及型格飾物。 打卡亦都好唔錯！食物選擇貴精不貴多，滿有特色。 日式豆腐竹炭漢堡（$108）日式炸豆腐， 香脆嫩滑又有豆香味， 配上金平牛蒡、紫蘇葉、生菜及照燒汁，清新爽口；竹炭漢堡第一次食，都幾特別。 伴碟係番薯條，酥脆香甜。冬蔭三色螺絲粉（$88）冬蔭公汁及配料，同螺絲粉一齊煮，辣辣地又惹味又幾醒胃。完全睇唔出喺素菜。燒粟米（$58）外表好靚仔， 燒得剛好，爽口唔黏牙。 粟米都好香甜喎。 菊花茶（$42）黃薑粉薑汁鮮奶（$38）有好香濃黃薑粉味， 鮮奶幼滑可口。