素來素往 (已結業)

其實都好多年冇話初一食齋，不過今年突然之間想食齋，又諗起有次行街經過呢間好似都唔錯，所以我就年三十打嚟問清楚。佢分時段，11點半開始，每段90分鐘，午餐分四段食到5點半。我食兩點半嗰轉。我嗰轉我係頭一個入，所以拎野食還好，我見之後入嗰啲人乜都冇，野食出唔切。食物方面可能因為太爆滿，冇睇相嗰啲咁精緻食物，就咁蒸豆腐都幾款。熱食唔出眾，係個肉燥飯比較好。相反冷盤個麻辣雞件同鳳爪都幾唔錯。還有湯，甜品，糖水同羅漢果茶。雖然整體味道一般，但$90任食90分鐘都冇乜投訴。

初時見到食評幾好所以先想試，初－到已經見到D食物份量唔夠，好快比人攞晒，出菜又慢，經常要坐低等出食物，大老呀！得個90分鐘，又冇嘢食。D姐姐又話㕑房得一個爐頭，之後索性話已經冇晒啦！一定冇下次😤

每間素食自助餐都有不同特式，大角咀素來素往我覺得屬於亞洲風味，招牌口水雞和奇趣鳳爪都要試下，另外仲有滷肉飯、混醬腸粉和豆腐花等特色美食，食得邊康亦有清蒸根莖蔬菜，唯獨葉菜類我覺得唔太夠。餐廳在匯豐中心對面，後面係利奧坊，附近一帶都幾多咖啡店和特色美食。素食自助餐的價錢都大同小異，對於食量大或者一餐想吃多幾款菜的人最合適。入面裝修沒有很華麗，簡簡單單咁，都適合同事朋友幾個人來用餐。食物都集中在中間的桌子上，種類不算非常之多，二十零三十種左右。有純素也有蛋素的菜式，部分都有五辛，我就覺得綠色葉菜類不太夠。竟然有滷肉飯少少驚喜，味道都唔錯，除了撈飯也可以撈菜。有辣度的口水雞和像真度超高的蒟蒻鳳爪，幾得意咁啦。想吃夠蛋白質都幾容易，蔬菜就以根莖類為主。原隻用蒟蒻製成的鳳爪，貪得意為主。後來出了盤清炒時菜，補返夠纖維先。甜品有幾款中式糕點和糖水，我揀了豆腐花，喜歡的話還可以自製紅豆沙豆腐花啊。

去到大角咀試下素食自助餐 都好多人 食物款式都好多 食物少鹽少油 甜品少糖 值得一讚 推介鳳爪蘿蔔糕炒麵酸齋 薯仔沙律 紅豆沙 糕點 飲品 菊花羅漢果茶 好清甜 另外好多食物都幾好食下次再去試過

素來素往 大角咀博文街28-38號地下6號舖素菜推薦😍好多人都覺得素食就係淡茂茂同唔好食嘅~但呢間素食buffet就係好食嘅例子😎😎餐廳特別嘅煮食方式同埋菜式都有好多款，有麻辣、煎炸、焗，仲有嘢飲同甜品🍮😍適合唔同素食者同老人家😗‼️impossible食物‼️1.最特別嘅一定係口水雞，香辣惹味，質地真係有啲似真嘅雞肉😱😍🐔2.煎釀三寶亦令我好驚喜🥰我直情食到有魚味，而且炸得好香口😋❤️必食推薦❤️‼️第一樣中意食嘅係佢既Pizza😋‼️中意佢係薄批同好重芝士味😍😍好好食🤤總共食左三塊咁多😂😂🤫‼️第二樣係個糖醋骨😍😍‼️炸得好香口🤤🤤口感特別😋‼️第三樣係滷肉飯😍😍超推介😎😎滷肉汁整得好惹味又唔油🤤仲好食過平時有肉嘅🥰💥評分：8.5/10👍🏻推薦‼️幾有驚喜嘅一間素食店😍成間店都播住好慢嘅純音樂令人覺得好平靜🥰👍🏻

之前已經去過呢間素食自助餐好幾次前排心血來潮又去咗幫襯佢哋嘅晚市 晚市自助餐嘅價錢依然係好抵 $128任食1.5小時______________________________/ 晚市自助餐 /雖然舖頭面積唔算特別大 但食物種類都算幾多<湯水•沙律•關東煮•涼拌小食•沙律><熱葷粥粉飯麵•炸物•薄餅•甜品>晚市仲有供應埋好幾款罐裝飲品______________________________個人幾欣賞佢哋嘅涼拌冷盤 種類幾多特別鍾意佢哋嘅皮蛋豆腐同口水雞酸酸辣辣 而且口感方面都好像真🤣另外估唔到喺呢度會見到滷肉飯供應可以自己喺電飯煲攞白飯 然後再放上滷肉滷肉加有香菇粒 同平時食到嘅冇分別 🤣🫶🏻______________________________唯一係本身好想食佢哋嘅蔬菜卷 但當晚冇🥺但總括嚟講每款嘅味道都幾唔錯 幾滿足期待佢哋定時定候換多啲新菜式🤣🤟🏿

依間都係聽媽媽介紹，估唔到咁有驚喜😂自問平時好少會出街都食素，最多留係屋企食。食物方面款式好多，樣樣都好好食，係咁不停試😂同埋價錢亦好抵，會再幫襯支持小店！😋

素食餐廳愈開愈多，這間素來素往的素菜自助餐超級有驚喜，價錢平，性價高，食物種類多，賣相不錯。餐廳環境乾淨企理，坐得舒服。口水雞少麻少辣，很惹味，素雞肉上有些雞皮紋路，跟真肉很似。咕嚕麵筋好好食，酸酸甜甜煙煙韌韌，很好開胃。最令我驚喜係滷肉飯，同平時台灣的滷肉飯分別不大，還覺得少了一般的油膩感，忍不住食左兩碗。關東煮都有，蘿白清甜無渣，湯底好有日本嘅味道。另外蔬菜卷同壽司都比較喜歡，蔬菜卷用墨西哥皮包著椰菜絲，紫椰菜絲，紅蘿白絲及沙律醬，很健康，食多少少都沒有有罪惡感。薑醋蛋阿媽最鐘意。最後仲要食埋豆腐花，十分滿足。

收咗工，想同朋友清清淡淡咁食下素食， 知道大角咀附近有間素食自助餐，價錢適中，離遠望去，外牆粉藍色好有文青feel，餐廳裏面呈工業風裝潢設計，仲擺放咗好多花草作為點綴。食物自助區分咗熟食同埋冷盤兩類， 飲品放喺雪櫃裏面可以自己攞。我首先用沙律菜配上粟米、車厘茄、藜麥再加上酸蘿蔔，自製一個前菜。 鍾意麻辣嘅我，就攞咗口水雞、酸辣鳳爪、刀拍青瓜、涼拌四川薯粉、酸辣粉絲。最好食嘅就係酸辣鳳爪，鳳爪煙煙靭靭，加上酸辣汁，口感好特別。另外最值得推介就係蔬菜卷，有紅白紫三種顏色嘅蔬菜卷成，清爽原味。炸蕃薯、炸南瓜、炸茄子，外層炸得好香脆，唔油膩。香噴噴嘅Pizza都有得食。 小菜方面我食咗南乳粗齋、瑤柱蒸水蛋、冬瓜炆支竹豆卜。南乳粗齋，炒得清爽好味。另外仲有炒西蘭花、椰菜花、菜心同椰菜。我仲食咗豆角欖菜炒飯，豆角同欖菜都係我嘅至愛，配上炒飯香噴噴。餐廳仲有合掌瓜雜豆湯、素薑醋、綠豆沙等。甜品方面有紅豆糕、椰汁糕、豆腐花等。羅漢果水，熱普洱，檸檬水都可以無限自助添飲。

今日介紹嘅餐廳位於大角咀，為素食自助餐，口味偏向中式，亦會不時推出創意料理。餐廳採用水泥牆設計，裝潢以田園風格為主，簡約帶點文青感覺。餐廳午市、下午茶及晚市均以自助餐形式供應，價錢略有不同。🌟晚市自助餐 $128自助食物區設於餐廳中間位置，樣樣皆有。晚市自助餐限時1.5小時，自助餐包括左湯水、涼拌小食、沙律、粥粉飯麵、炸物、薄餅、甜品等等。飲品只限晚市供應，其他時段需另外加購飲品。涼拌冷盤方面選擇都算多，有手拍青瓜、涼拌四川薯粉、口水雞、酸辣鳳爪、皮蛋豆腐等等。除此之外亦都有提供沙律及壽司卷物。麻辣冷盤尤其是口水雞、鳳爪、雞件，連紋理、雞皮都有模仿，幾可亂真。推薦大家試下三色蔬菜卷，內餡有紫椰菜、生椰菜、蘿蔔絲，綠色外皮，顏色鮮豔。熱葷方面提供各類型款式即炒熱盤，例如咕嚕麵筋、帶子豆腐、小炒皇、炒桂花翅、煎釀三寶、炒粉麵飯等，自助餐嘅另一端設有日式關東煮。特別推介食意大利薄餅，每一次出爐都即刻賣晒。甜品方面，有幾款嘅中式嘅糕點、豆腐花以及水果。飲品方面有各樣凍飲，主要以汽水、紙包茶飲居多。📌素來素往 @simplemehk 大角咀博文街28-38號地下6號舖🚇港鐵奧運站B出口, 步行約

呢間之前已經試過幾次，而過左咁耐佢地既價錢都一樣無變過🫶🏻百幾蚊一個人就試到咁多款唔同素食🤩款式依然創新，日日新鮮日日金🥬 。🐒假日成人晚市💰$158(免加一) 野食區域好清楚咁分左熟食，炸物，冷盤，飯湯粥，所以拎野食都好方便，唔會全部迫埋一齊🧘‍♀️ 。🥗冷盤方面無論係中，西都有，滿足到唔同既人😍而不是食物都有清晰sign提示，例如蛋奶/純素🍳 。🍗炸物既話就天婦羅為主，而熟食就仍然好多好多唔同選擇，持續癲覆左我對素食既印象🥨每樣我都好surprised，不過今次最中意就係pizza🍕同埋咕嚕肉🍅 。甜品方面除左有一啲糕點之外，仲有豆腐花🍨而今次令我好impressed既就係南瓜布甸🍮熱辣辣又唔會太甜，食得出南瓜既甜味🎃

放假食好多肉🍗🥩有時想減少自己嘅罪惡感😂所以今晚決定去大角咀食呢間素來素往🥗 食返個素食自助餐😋😋餐廳環境舒適，自助餐嘅嘢食擺放喺中間，咁我梗係行返圈睇吓有咩食先啦佢嘢食種類非常豐富，咁我先試左啲冷盤先🥰冷盤方面，除左薯仔🥔沙律之外佢都有涼拌青瓜🥒涼拌四川薯粉🍝酸辣鳳爪🌶口水雞🐓皮蛋豆腐😋，蔬菜卷🥕🥦🧅等等；我自己就最鍾意口水雞同埋蔬菜卷，口水雞辣辣地超開胃😆蔬菜卷由切絲嘅椰菜同蘿蔔組成，超爽脆🤤🤤熱食方面佢都有好多選擇，有pizza🍕炒麵🍝炒飯🍚炒菜🥬亦都有蒸番薯🍠粟米🌽關東煮🍢等等，本身我驚食素會好重調味，但係呢間係一間少鹽少糖嘅餐廳👍🏻所以調味都啱啱好😚😚炸物方面亦都有炸南瓜🎃炸番薯🍠，煎釀三寶；甜品種類都好多樣有紅豆糕😍綠豆糕😚椰汁糕😋南瓜布甸🤣豆腐花等等🤤我自己係一個甜品控，我最鍾意係佢嘅紅豆糕🤤同南瓜布甸🎃不停encore🤣湯品方面佢有木瓜雪耳湯🍲紅菜頭湯😚薑醋等🥰天氣凍凍地飲番碗湯全身都暖返晒🥰飲品方面有成個凍櫃嘅汽水🤣或者茶任君選擇🥤，餐廳都有熱水💧檸檬水🍋熱羅漢果菊花茶或者熱普洱提供☕️☕️ 食素都食到好飽🤰🏻食完飲番杯熱普洱真係啱啱好🤩🤩食完之後要自己擺番好用過嘅碗碟🍽

今個聖誕食左個不一樣自助餐～ 就係素食自助餐 大角咀素來素往 主打新派素食自助餐～裝潢走小清新路線，環境簡潔明亮設吧台位置，1人食亦得，整體質素很不錯喔！！假期晚市都只係$158～ 任飲汽水/紙包飲品/自家湯水/糖水偽肉必食推介： 煎釀三寶：賣相口感都很好生炒骨：用油炸鬼製成口感超似口水雞：惹味仲食到一絲絲肉絲感鳳爪：連皮嘅口感亦非常Q彈Pizza: 皮薄香脆，有芝士素蟹柳等口感豐富肉燥飯：調味根本一樣本來係素推介：腸粉： 配埋全醬，超正窩貼小棠菜：外脆內加了芋頭軟綿綿涼拌粉絲：酸酸辣辣條條分明蒸水蛋： 滑溜溜夠蛋香蔬菜卷：包得勁靚加麻醬食不錯豆腐花：香滑有豆味

今次呢間唔係第一次去🙈，但係次次去都會有新嘢，所以間唔中就會同朋友食下素。🔆平日晚巿（$1️⃣2️⃣8️⃣）平時夜晚出街食飯食得豐富少少都唔止呢個價錢，宜家呢個價錢包晒前菜、飲品、沙律、主食，仲有甜品🥹，我覺得性價比都幾高，而且佢定期會換一下啲菜式，就算係會refill嗰陣時都會轉下款式。✅冷盤：口水雞（必食）薯粉（偏辣但好食）✅炸物：因為係新鮮炸起，所以好多人拎，去得好快，refill都快。✅熱食：肉燥飯（真係好似真嘅肉）蒸水蛋（好滑）鎮江骨（酸甜適中）小棠菜鍋貼（好特別）✅甜品甜品款式雖然唔多，我自己最鍾意南瓜西米布甸😆，好香甜嘅南瓜味。✅其他：佢另外仲有啲壽司同埋Pizza🙈、薑醋蛋等等，味道都唔錯，我自己覺得真係唔係好似素食，就算唔係食素嘅都食得慣。 其實我自己雖然唔係食素，但係幾鍾意去啲素食餐廳🤣，不過香港選擇真係唔算好多，希望遲啲會多啲餐廳啦！

發現大角咀呢間愛心素食自助餐，探店後好想介紹俾定期茹素的K媽同各位😍店內素菜式選擇多，無論蛋奶素食/全素者都適合！食物refill速度唔慢，而且每round都有轉換菜式，唔會來來去去食同一款，無因為地方局限而受掣肘～而且味道好，調味用心，無hea做，性價比高！新式素菜有好多變化，唔沉悶！值得去！🥳🥦🥬🥕🍎🌽✨除咗素食自助餐，餐廳亦有提供菜式外賣自取、素食到會服務。✨晚市自助餐，包埋任飲紙包飲品、罐裝汽水、普洱茶、檸檬水、自家羅漢果菊花茶✨餐廳表示每月都會更新晚市自助餐菜式😋 JK必食心水菜式 😋👩🏼‍🤝‍👨🏻 JK同步大推‍：小炒皇 素鎮江骨 (油炸鬼好脆口！外觀同口感幾可亂真！)煎釀三寶 (必試茄子)豆腐花 (有豆香)紅豆榚/馬蹄糕/馬豆糕 (極足料！)🙆🏻‍♀️ J大推‍：素口水雞 (必食招牌菜！夠麻夠辣！外觀同口感幾可亂真！)口水汁素鳳爪 (外觀同口感幾可亂真！)蒸水蛋 (蒸得好滑！)涼拌四川薯粉皮蛋豆腐金瓜扒雙蔬 (南瓜打拌得幼滑，1 round有西蘭花，1 round有椰菜)椒鹽豆腐 (香脆)炸南瓜/炸蕃薯 (酥脆)南瓜布甸刀拍青瓜素Pizza鍋貼小棠菜🙆🏻 K大推：素芋