素來素往 (已結業)

最近好多人都推素食風，唔少人都接觸多左素食餐廳🍴而我印象中素食係好單一既沙律🥒而熱食就係普通中菜既炒菜，但原來依家素食已經好多選擇🤩唔單只係啲舊式素菜＊＊＊＊＊今日下午茶時段去，不限時可以食足2個半鐘，任飲任食都只係$68，真係成本價💰而今日印象最深刻就係以下呢三款：🌶️川辣涼伴蓮藕片🍣三文魚蟹柳壽司🌯蔬菜卷真係諗都無諗過原來素食係咁多元化，由中式同日式甚至到墨西哥卷都有🇲🇽店主真係好有心去研發新菜式👍🏼而呢個價錢有呢個體驗真係佛心🥰＊＊＊＊＊更多：IG🔎litcloud_

早兩日同舊同學聚會，有幾個都食素，所以我做吓research之下就搵到呢間素來素往。週末晚市$158一位，有長者卡仲有九折優惠🤣下次可以帶埋屋企長輩過嚟。全晚最好食就係滷肉飯😝😝完全唔覺得自己食緊素食，要我每日食都可以🤩個醬汁調得啱啱好，唔會死鹹，配埋一碗白飯真係一絕。另外茶葉蛋亦都好食，茶葉味濃，搣開係好靚嘅大理石紋，可想言之係幾咁入味。甜品區亦都有幾款糕點，水果。全部擺得都好企理乾淨，西瓜當做而家好甜😋好期待下一次過嚟又會有啲咩新菜式。

之前食得太多肉，呢晚同friend子去食素健康吓！真係冇諗過素食自助餐都可以咁豐富、咁好味啊！今次我地到左係大角咀嘅素食餐廳 #素來素往, 店內裝修走自然風，感覺很舒服～自助餐的食物款式包羅萬有，主菜有pizza, burger、口水雞、酸辣鳳爪、蔬果卷、炸糯米、天婦羅、酸齋、炒飯、伊麵、酸辣湯等，賣相唔錯，而且都幾好味～ 有啲菜色唔講都唔知原來係素菜嚟，做得非常神似，而且口感好似我地平時食嘅肉～甜品有涼粉、大菜糕、桂花糕、紅豆糕、豆腐花、糖水等～ 最後仲食埋西瓜做飯後果，又甜又多汁～餐廳嘅食物供應源源不絕，職員會不斷refill食物，飲品都可以係雪櫃自取，十分方便～原來素食都可以咁豐富，飽肚之餘亦十分健康，下次要約多啲朋友嚟食，一齊食得健康～ 

在奧海城購物後，經過滙豐中心附近有間素來素往素食館，環境清靜優雅，內裡裝修骨子！今日我和朋友在這裡品嚐一下自助晚餐。食物的種類多不聲數，有咖喱煑魚、咖喱炒飯、柚子涼瓜、酸辣鳳爪、口水雞、川辣涼拌海帶、煎釀三寶、咕嚕麵筋、沙律等等。沙律菜、生果類都幾新鮮，還可以自選配料。有顏值的素肉漢堡飽，麵包又香又脆，令人回味。還有賣相一流的各款壽司、甜品。有豆花涼粉、南瓜布甸和清心丸綠豆沙……。我最喜愛的是南瓜布甸和清心丸綠豆沙清甜又爽口。今次真是無揀錯，以後有啖好食了！

ʚ 素來素往 ɞ素食也可以好豐富！素食自助餐款式多樣，價錢都好抵。ஐ —-ஐ —-ஐ —-ஐ —-ஐ —-ஐ —-ஐ —-ஐ以為食齋會好寡淡，但原來係咁豐富咁多選擇😋全部食物都擺係餐廳中間，自助形式任飲任食，有前菜冷盤、中式小菜、炸物、湯、肉燥飯、甜品、飲品等等。當中我地最鍾意煎釀三寶，茄子超好味🤤食落軟淋入味；西蘭花都不斷encore，上面淋左d金針菇，軟硬適中；素滷肉飯都好推薦！冬菇粒豆乾配上醬汁，撈埋白飯食一流👍。另外涼拌四川薯粉都唔錯，辣度適中，岩韌有咬口。整體都好驚喜，推薦大家一試，食材夠新鮮，味道都非常不錯😋令我對素食有新嘅認識👍

啱啱過咗嘅星期日同屋企人嚟咗呢度食午市素食放題，我哋見價錢又唔貴，餐廳亦都乾淨企理，所以決定一試。食完之後覺得有以下幾樣食物都好推薦。蒸滑蛋: 好似好易整，但係擺喺大盤內，仲要keep住嫩滑係好難，呢度就做到，送飯一流。香炸秋葵: 秋葵炸到金黃色，好爽脆，秋葵有益，食多啲都唔怕😄Pizza: pizza 底係蕃茄醬，鋪滿材料，每一啖都有餸😆滿足。柚子苦瓜:一個好新穎嘅配搭，柚子甜甜地配上苦瓜，兩者幾夾，有種好清新嘅感覺，我都食咗幾多。整體所有食物質素都幾高，我哋成家人都食得好開心好滿意。

琴日係我第一次食素食放題，發覺食素真係唔係咁難，仲要係開始愛上😁決定以後每個月都搵一日過嚟食素來素往🫶🏻首先前菜我拎咗涼拌粉絲，皮蛋豆腐。涼拌粉絲用咗啲麻油豉油調味，加上木耳，蘿蔔絲等配料，好有咬口，我有encore😋皮蛋豆腐亦都好出色，香菇素蠔油好好味🤤豆腐又嫩滑，呢個前菜用嚟送飯真係一流。煮食方面我最欣賞就係咕嚕麵筋，酸酸甜甜好開胃，麵筋就好似海咁吸晒啲醬汁所以好入味，有少少似甜酸齋。整晚成餐體驗都好好，晚市飲品任飲，下次都會帶屋企人過嚟試吓。

上個星期五難得返半日工諗住食埋個下午茶先返屋企同同事見到呢間素來素往下午茶只係$68一位😍真係搵唔到原因唔食🫶🏻所以決定一試下午茶提供輕食 甜品比較多漢堡包/腸粉都幾好食😋漢堡包細細個都幾鬆軟腸粉亦都好貼心配上芝麻醬甜醬等等😉冬瓜環都幾好食 個芡汁做得幾好唔會太杰但都夠濃味 冬瓜亦夠清甜甜品我就試咗芒果糕馬蹄糕仲有涼粉 全部都幾好食尤其係芒果糕 第一次食有驚喜芒果好甜 糕體好爽彈總括嚟講 幾十蚊可以試到咁多素食全部都係用心製作 一定會繼續支持

琴日試咗呢度嘅素食放題，真係好滿意，所以馬上share。食物種類應有盡有，全部都好色彩繽紛，令人有種好想食嘅感覺🥰第一round我拎咗啲細細碟嘅前菜，全部都係一口size ，有青瓜卷豆腐海草等等。每款調味都不一樣，做開胃前菜就最好不過。之後我就飲咗碗酸辣湯，除咗冇平時會見到嘅肉絲之外，其他配料都齊晒😁夠熱夠辣。然後就到全晚最似嘅三文魚壽司同蟹柳壽司🤣🤣😂由蒟蒻做出嚟嘅素魚片口感一流，味道都似，仿真度極高🥳好有驚喜。總結，呢度食物，擺盤都好精緻睇得出廚師擺咗好多心機。一定會再嚟。

朋友話大角嘴素來素往是一間好正的素食自助餐，外牆是粉綠色，好有環保feel，價錢抵，款式又多。 餐廳將食物放係店的中間，分熟食同冷盤，有中式，也有日式，有湯，也有甜品，全部都好好食。飲品放係店的最後面，有夏枯草、普洱和燕麥豆漿，罐裝凍飲放係雪櫃內任攞。 我最鍾意食豆腐，先食豆豉蒸帶子豆腐，豆腐上的帶子是用雞脾菇做，加上豆豉，好香，口感好似帶子。皮蛋豆腐都好食，係豆腐上放左皮蛋，更顯得豆腐好滑。 蔬菜卷好特別，有紅白紫三種顏色，好fresh。煎釀三寶仿真度高，有奶成分，好味。刨青瓜卷成圓形，加上紫菜和素肉鬆，再淋上芝麻醬，好好味。 柚子涼瓜好吸引，完全無涼瓜的苦澀味，好清爽，夾有柚子的清香。涼拌四川薯粉真係唔錯，辣度適中，好有咬口。 食完主菜再食番碗豆腐花，豆腐好滑，加上少少黄糖，好正。再飲碗多料嘅酸辣湯，湯內有白背木耳、東菇絲、豆腐絲、笋絲等，夠熱，好飲。最後再飲埋節瓜雜豆湯，料好多，湯內有粟米、红蘿蔔、節瓜、扁豆、眉豆和红腰豆等，好夠味。 甜品有綠豆湯和豆腐花，仲有西瓜，都好好食。 今日食到好飽，真係抵食。

今日一家人一齊去食齋，因為我地每月都會揀2日食齋，而呢間都係我地on list素食餐廳榜首，因為首先佢五人同行一人免費🆓對於我地6個人黎講真係岩岩好🤪不過就記得要book位，因為佢地都成日full House嫁🏡晚市(18:00pm - 22:00pm)(星期六、日及假期)👉🏻成人$158👉🏻小童$128呢個價錢係唔需要加一就嘆到，除左有平時諗得到既素食熱炒之外，仲有特別啲嘅係蕃茄法包仔🍅同漢堡包🍔真係諗都無諗過可以咁樣玩🤣甜品方面除左有唔同糕點之外，仲有木桶山水豆腐花🥛另外有時都會有南瓜布甸🎃款款都係心思之作，同埋款式都會keep住有變去令食客有新鮮感。

平時同朋友出街一定係無肉不歡，今日朋友話試吓新花臣🤣過嚟大角咀食素食放題。開頭我都有啲抗拒，但係食完又覺得真係唔錯🤩呢度啲食物擺盤好吸引，完全唔似素食🤤 尤其是蜜糖叉燒，無論顏色定係外型，都同叉燒10分相似😁麵筋用素叉燒醬醃得好入味，加埋蜜糖甜甜地，好食。另外蔬菜卷都好colorful，令人好有食慾，裏面包着紫椰菜，椰菜仲有蘿蔔絲，食落就比較爽口，清新。晚市時段週一至週五都只係$128一位，仲要買五送一，飲品任飲。所以有陣時想食素我都會再嚟。

以前一向覺得素食就係唔會食得飽，啲嘢全部煮得好清淡，直至到我嚟依度試咗素食放題之後，真係改觀晒。原來食素都可以食得咁開心。嗰日我同朋友兩個去食午餐放題，$75已經包埋加一，真係超平，平時一碗譚仔加小食嘅價錢就可以食到放題，所以我哋就膽粗粗試吓。食物種類多元化，當中前菜我就最鍾意涼拌海蜇椰菜絲😜🥗涼浸浸啱晒夏天食，好重麻油味，有少少韓式炒粉絲嘅感覺😍主食方面我最深刻就係北京填鴨，個樣呃到人之餘仲要好好食。我同朋友食完都好滿意，一定會二訪。

屋企長輩一個月總有幾日食素，之前行過大角咀有間素食放題，即刻趁住放假嘅日子帶佢哋嚟試吓。放題價錢都唔貴，閑日晚餐成人大概$128一位，持有長者咭仲有九折優惠。自助餐佢雖然唔係好大，但係食物種類都幾多，中式西式樣樣都有，而且擺盤都幾靚，有好多款都完全唔似係素食😆😆食咗咁多款我㗎最推介就係以下三樣: Pizza真係可以以假亂真，茄醬青椒紅椒🌶️個餅底覺得好脆。漢堡包亦都一樣🤣望落細細個好的骰，好食。size唔係咁大就可以試多啲唔同嘅嘢。最後甜品食埋碗山水豆腐花就Perfect啦。

依家我地越嚟越注重健康，但係平時我地出街去食飯單嗌一碟炒菜都要成舊水又好似唔抵嗌，結果最後就變到全日都無食菜💩不過自從發掘到佢，我除左晚餐煩少樣食咩之外，仲感覺自己健康左🥦因為食多啲菜排到毒，皮膚都會好啲👍🏼而我去到都主打salad bar🥗係回本之選，薯仔沙律都好吸引呢到晚市由18:00pm至22:00pm，好似我咁星期一至五幫襯就$128唔洗加一，小童就平啲$108👧🏻連飲品都任飲🥤除左普通汽水紙包，仲有店主自家泡茶，暖暖地好舒服😌去到都懷疑自己係咪真係去左素食餐廳🍴因為佢地都有唔少肉類餸🍖好似咖喱煮魚，蜜糖叉燒咁，呢2款都完全做到肉類口感🤩真係好容易令有人錯覺