素一 (已結業)

與友人在銅鑼灣的素一吃自助餐，中午限時75分鐘，每位$78另收加一。我們吃起來看似份量不多樣樣試下，二人都吃得捧腹而回，亦有可能是吃了薑醋蛋及糯米製品等飽肚食物。整體來說，天婦羅最好吃。食物算一般，不過不失吧。首先從飲品説起，除熱水、豆漿外有羅漢果水及紅菜頭檸檬水，我選了後者味道清淡，都算可口。友人前菜吃雜菜沙律，蘿蔔條粟米粒、雲耳及蓮藕，蓮藕則太腍不夠爽身。我則放眼其他澱粉類，選了銀針粉、炒麵及炒粉各一少撮，味道一般。薑醋蛋實而色澤黑，可惜醋味不濃。其它蔬菜菇荳品類選擇包括旺菜、西蘭花、椰菜、青瓜、冬瓜、磨菇、草菇、豆腐、豆卜、粟米等。豆角、青豆煮得比較腍，菜心則硬可能不是時節。最搶手及好吃的是天婦羅，有茄子、秀珍菇和青豆，皮漿做得好，點些配汁很香口好吃。其他炸物，如煎堆仔及南瓜餅也做得好，軟滑煙韌。春卷用白蘿蔔饀，也可口。雖然壽司卷有多種，非我所愛，故試選吃了一個，也算不錯。有些煎炸食物如生煎素菜包則焊得硬身了，煎腐皮卷的腐皮較靭，蔥油餅亦較乾硬，煎餃子也過硬。友人試了小小海底椰煲粟米湯及白胡椒咸菜涼瓜，説味道一般。最後甜品，我選了室溫的椰汁雪燕，入口不錯有少許椰汁味。友人吃綠豆沙

呢間個服務有D 似酒店式，會幫你收碗碟，而且職員都著到西裝骨骨咁款。但可能係食Lunch 嘅關係熱食比較少款，烚粟米、芋頭仔、炒飯、炒河、炒菜之外都無咩特式，不過個咖哩炒銀針粉都幾特別。而炸物都好一般，天婦羅個樣好似好靚咁食落口好油，腐皮卷同春卷餡唔夠多料。最驚喜係呢到有好多款日式食品，壽司好多款，素蟹柳都幾特別幾像真。又有枝豆、甜薯同燒菠蘿，不過甜品就出得比較慢，而且每款好似只出一轉咁，個芝麻糕都唔錯，但只係見過一次。另外沙律都幾有趣，有成個蘋果食，醬汁都多款。綠豆沙、甜品都唔算太甜，感覺上都幾健康，仲有豆漿比較少見~

喜歡吃素的我，一知道原來銅鑼灣區也有素食自助餐，當然心郁郁想吃，預先致電查詢及訂位，方能安心一點！明明很近MTR,但跟地圖指引下行多了不少路😅，而且位置於地庫，又不可以在Tower 535直接搭Lift 落去，在外出近轉角位👀指示才行落去⋯在門口已經有員工安排座位，及列出交枱時間，因為lunch Buffet 用膳時間為75分鐘！我第一時間取壽司🍣，因為首次食素壽司，外形酷似，而且口感不錯👍另外有很多款熟食、甜品，連薑醋蛋 、南瓜🎃餅、紫🍠波、日式迷你紫🍠、蒽油餅、炸曼頭、彷燕窩！自助飲料：紅菜頭🍋水、羅漢果茶、豆漿、水等⋯

我同朋友都好鍾意間唔中去食下齋，感覺上好似健康啲😆上網見銅鑼灣呢間素一評語唔錯，決定試下呢間先，晚市素食自助餐每位 ($168) 首先會每人跟一碗老火湯，好夠火侯，好濃，有材料既鮮甜，有住家湯既感覺👍🏻 之後仲會送呢個素咕嚕肉，食落味道同真既咕嚕肉冇咩分別，口感都幾特別，都有咬口。食物選擇比我想像中多！由沙律，頭盤到主菜選擇都好多。仲有仿真度極高嘅壽司！味道都有七八成相似每樣食物試少少已經好飽～ 仲有我最鐘意既反沙芋頭，芋頭好粉好好味👍🏻食埋個糖水滿足哂，唔係好甜啱啱好～

話說朋友生日飯，因為佢係素食者所以擇左呢間。咁我book 左7:30個晚就7:25到餐廳門口，門口經理同我講而家無枱，比張飛叫我出面等？！明明訂左枱但當我地係walk in客？咁不如直接唔比訂座啦！其實食物唔錯而且補得快，檸檬紅菜頭水好好飲，一出好快就無哂；佢個百香果啫哩好好食，唯一不滿意既就係太多炸物啦。

感覺一般，無什麼選擇，好多麵粉類食物填飽你個肚，糖水得個甜字，加埋一仲要185一位，唔值得食...見新開黎試一試估唔到質素咁差，怪唔之得好多吉位，都無咩人黎食...失望！

今時今日，好多人提倡綠色星期一。所以我在最近的星期一趁放假去食下。素一開張不久，店面裝修簡潔，地方寬廣，位置舒適，最難得是位於銅鑼灣，交通十分方便。午餐時間是最抵食，78元加一，任食。食素的話，對腸胃都好些。本人很喜歡素壽司🍣，口感不錯。另有一些炸物，脆而不膩。難得的是，店員持續補充食品。唯一可惜的是飲食時間太短，只有75分鐘，時間一到，便有店員提醒⏰。

網媒報道這家自助餐只需$78，食物種類不少，有多種甜品之餘，還有少見的素魚生壽司。我便想要去體驗一下，哪管只是素食。先說噱頭菜素壽司。有食評說無論賣相和口感都幾可亂真，以我試的素三文魚壽司來說，我實在無法認同。那塊像啫喱的魚生沒有什麼味道，根本不值一試。壽司飯還染上了素魚生的色素呢！其他冷盤如拍青瓜、雲耳、日式豆腐質素還好。最令我驚喜的是沙津區的芒果醬，酸酸甜甜富有芒果香，不過跟沙津菜搭不搭則見仁見智。我欣賞餐廳很慷慨地提供了整個蘋果，不過沒什麼人會在自助餐吃整個蘋果撐肚吧？熱食款式看似很多，實則令人失望。首先是款式有濫竽充數之嫌。淨蔬菜、瓜類及根莖類佔多數，如連皮的芋頭、蕃薯各佔一盤，淨粟米、娃娃菜、菜心等又各佔一盤。網上食評的素豬扒、素雞串、素燻魚、素pizza完全不見蹤影。可能菜式輪流供應，或午市款式不及晚市款式精緻？其實餐廳可以加入酸齋之類的素食，既不用花太多人力製作，又可令食物種類更豐富。第二是熱食的質素很一般，有些食物顯然放了一段時間，如炒銀針粉、及軟趴趴油淋淋的蔥油餅，咬一口便不想再吃。唯有類似伊麵或河粉的炒麵，以及葡汁薯仔好吃。煎炸品則好壞參半。天婦羅一般，蘿蔔糕好吃。

媽媽好鍾意食buffet，佢一直都話想試吓素食自助餐，見到呢間最近喺網上大熱嘅「素一」，好評如潮，就決定帶媽媽黎試吓啦！餐廳位於銅鑼灣謝斐道，鄰近地鐵站，交通都幾方便晚市時段每位$168起就可享用素食自助晚餐，難怪夜晚八點黎到都幾多人，頗受歡迎哦。而自助餐區域則比我想像中大，食物款式選擇都幾多，分門別類冰鎮素咕嚕骨坐低冇耐侍應便送上呢個咕嚕骨，一大盤咕嚕骨以冰鎮的形式上枱，好有睇頭。素咕嚕骨其實即係雞髀菇，炸香後沾上酸甜汁，酸酸甜甜，特別醒神開胃蟲草花燉姬松茸湯呢個湯每位客人都會附送一盎。火候十足，飲得出係無添加味精，啖啖蟲草花同菇菌香，感覺滋潤。由於湯底加左粟米，所以格外鮮甜，好好飲呀首先有素壽司同日式卷物，賣相都幾吸引架，完全睇唔出係素食！有壽司蛋、素鰻魚、芝士飯卷等等有數款新鮮碧綠的沙律菜，亦有多款醬汁任君選擇，隨意配搭出屬於您的獨特沙律熱盤有四季豆炒雜菌、雜錦炒時蔬、素炒河粉等等、唔會炒得好油膩但又夠鑊氣，非常滋味又健康，原來素食都可以咁出色當然都唔少得香港人鍾意食嘅炸物，好多款式啊，油溫控制得好，所以食落唔會覺得油膩，炸物有水準各式養生飲品都係任飲，有羅漢果水、紅菜頭檸檬水、

相處之道除了包容，仍是包容，把缺點縮少，優點放大。媽媽的優點太多了但因為前排她不太乖，沒有好好控制飲食，不過經過一番堅持和努力，身體管理得好好，所以決定帶她去吃一餐她最愛的素食自助餐！.銅鑼灣的【素一 Veggie One】，位於銅鑼灣全新商場Tower53，位置就在世貿商場旁邊...從旁邊的入口搭扶手電梯下去，就見到場內很多餐廳食肆！【素一】門面以青新設計不過感覺幾有型幾舒服，闊闊落落。室內裝潢以白色為主調，並以四季作主題，「回歸」簡單的開端，全人手繪畫抽畫牆畫，環境比想像中有情調，的確能令食客有個舒適的飲食體驗喔。晚市時段，任食90分鐘，提供超過60款中日西素食、甜品及飲品任飲任食，在場都有唔少年輕人捧場，都令我眼界大開，食齋唔再係老一輩嘅Style啦。好想出去即刻拎野食喔。自助餐款類非常多，先有新鮮蔬果的沙律自助吧。食素菜又點會少得沙律呢？不過呢個位我認為唔夠起眼呀！紫薯沙律，炎炎夏日, 胃口實在不滯，食呢個沙律賣相一流，色澤好靚，味道清新，帶沙律酸味～不遜於一般沙律呢，原過紫薯味就一點都不重了。餐廳有標示菜式有沒有含蛋奶或五辛，食純素的朋友就可以睇標籤選擇食物～認真適合不同飲食

食物款式多，中西式都有，涼拌和炸點選擇亦不少，但可惜食完之後感到相當口喝，同行友人亦有同感，未知是否落了太多味精所致，但整體而言味道是不錯的，環境亦舒適，茶餐時段連加一人均不用八十元，限時一小時十五分鐘，銅鑼灣來講，算係咁啦。

做Office lady 番工成日坐,平時又唔願郁做運動🐷加上年紀愈來愈大，有發福徵兆。有見及此，聚會飯局唯有明智d 去選擇健康餐廳。今晚同男友黎依間素食餐廳食自助餐。 第一印象係環境同服務很好。園林可愛牆紙給人舒服和諧既感覺。-食物選擇都多呀、中西日款式都很新穎🤤日式方面： 一向很愛刺身壽司日本料理，想不到餐廳居然有素壽司🍣！ 但並非普通的素壽司。特別是素三文魚及鰻魚，無論味道與外型，難分真假，不得不讚嘆師傳的手藝。還有這個腐皮壽司，外型似小船，上面鋪著粒粒爽口蒟蒻，吃得過癮。而且還有日本醬油及芥末供應！ 有驚喜！日式冷烏冬也不錯！相當彈牙。另外還有秋葵、蕃薯南瓜天婦羅，炸粉夠薄，油澀得乾不覺膩。-中式方面：款式都相當多不能盡錄😆因為食物refill 及轉換快，每次出去拎食物都有新鮮感。多款傳統素食，如葡汁薯仔四蔬、香滑麻婆豆腐、蔬菜類有欖菜四季豆|菜心|翠玉瓜|娃娃菜|蒸節瓜|甜粟米、還有酸薑皮蛋、爽口木耳、蒸原隻芋頭蕃薯🍠、大蔥春卷、蔥油餅、薄餅、香煎腐皮卷、上海烤麩、素叉燒、炒飯麵飯等等。為了應節，還有足料端午糉！♥️薑醋蛋薑醋味夠甜色夠濃；開胃又養生！ 最愛薑醋蛋，一口氣喝了一

中日式多款選擇有埋飲品又有湯水甜品，前菜、沙律、水果、飯麵齊全，晚市仲有素叉燒，仲有每人一盅燉湯同特色小食。有陣時仲有素辣螺肉，味道好似，蒟蒻口感幾得意！素壽司個樣好得體，食落又幾好食，有pizza，炸饅頭，椰汁燕窩，熱飲品有紅菜頭檸檬水、羅漢果水或竹蔗茅根水，凍豆漿或者橙汁。好值得試，我一個月都去咗好多次！環境舒適，執枱清潔速度快，經理接受客戶意見態度良好，並有改進係一間好好嘅餐廳！我覺得係同區裏面最好嘅素食餐廳👍👍👍

今日係某事件嘅30周年，個人覺得要為一班死難者去齋戒，所以揀咗係附近嘅一間素食餐廳難得嘅係呢間餐廳主打竟然係冷盤多款過熱食有睇過前面啲食評話啲食物冇熱燈照住所以唔熱，可能餐廳見到所以加咗燈？春卷同埋炸秋葵都正新鮮滾熱辣出爐嘅Pizza同埋叉燒我覺得係呢間餐廳數一數二好食嘅嘢佢呢個假叉燒有少少脆脆地嘅外皮軟軟地嘅內裡，個汁又校得好似平日嘅叉燒👍🏻返埋位先發現原來餐廳會送蟲草花煲圓肉粟米湯比每一位客，堅好味喎有家的味道，唔落肉都非常之清甜，sooo good另外仲會送左冰鎮咕嚕肉😱呢個堅有誠意，又熱又凍咁夏天食堅開胃，用猴頭菇整做得真係好似肉甚至有過之而無不及！再黎多round 壽司我覺得佢地做啲卷物真係好好食，啲壽司米都有落左醋加埋壽司豉油同埋wasabi食，真係好似係街食緊啲卷物咁熱食方面咖哩銀針粉個味做得唔錯👍🏻胡椒涼瓜腐皮湯好辣，超似胡椒豬肚湯甜品方面我最鍾意佢嘅反沙芋頭，芋頭粉糯，加埋痴上去嘅糖真係好好味，忍唔住食咗好多舊飲品方面我最鍾意佢呢個紅菜頭檸檬水，紅菜頭味同檸檬味balance得非常好，我覺得好飲過羅漢果水

以前嘅我係個無肉不歡嘅食肉獸，食素？NO WAY🙈 但隨著年齡嘅增長，我都開始愈黎愈注意多菜少肉，健康飲食🙆‍♀️.係網上睇到呢間「素一」嘅介紹，主打新派素食自助餐，由黎自昂平寶蓮寺同日本嘅師傅操刀，食物水準固然有番咁上下質素，而價錢仲非常親民實惠💕 有見及此，一到星期六放假，嗱嗱聲拉埋男朋友一齊去LU🤣.晚市嘅DINNER BUFFET 每人$188 FOR 90分鐘（🤫星期一至五就抵D 每人$168炸)，供應時間由6點至11點，所以我地6點半到趕到黎🙈.餐廳裝修以春夏秋冬為主題，室內燈光光猛明亮，再以人手係雪白色既牆身上繪畫出各式各樣嘅抽像畫，簡約而優雅。座位方面都好寬敞，配上皮製梳發椅，坐得舒服自在☺️.店員帶我地入座後，隨即就遞上附送嘅原隻素鮑魚同姬松茸蟲草花粟米燉湯。燉湯相當香甜又足料，姬松草同蟲草花幾乎佔左成碗嘅三分之二，仲有桂圓肉，杞子，腰果等，飲落清甜滋潤。而素鮑魚仿真度真係超高，連口感都似足😱 素鮑魚入口滑溜有韌勁，淋上芡汁，好入味😋.跟住就緊係「巡視」一下自助區啦～ 自助區分為熱葷，壽司，前菜，沙律，炸物，涼菜，老火湯，飲品，糖水，生果，炒飯炒麵，PIZZA，燒物。。。