紅雞

营业中

休息中

Menu有好多款炸雞，好吸引，最後同朋友決定要一甜一辣!落單後送上小食三款，可任添。無骨雪花牛油蜜糖炸雞，半份配芝士薯條，雞肉好嫩好厚身，唔會乾身，啖啖肉正！蜜糖牛油味香濃，粗略薯條外脆內軟，好食！無骨香辣汁炸雞，同樣配芝士薯條，醬汁係韓式甜辣醬，多汁到沾滿外層，熱辣辣食最好，唔係會杰。桃肉juice，細碎桃肉，幾好飲。菠蘿梳打無骨炸雞真係好方便食，唔會無晒儀態，環境都幾舒服，岩晒一班人黎，下次會試埋其他！

走到金巴利道到處都是韓國餐廳，想起韓國炸雞便心動要去吃了。在門外看到red chicken曾經得獎，當然是要入去一嘗啦。誰不知在候位的時候，看到我很迷的gd~~場內燈光昏暗，很適合調情，雖然這次只是跟朋友過來晚餐，但我們都一致認為這個環境很適合大吃大喝。主菜點了半半炸雞 及 韓式炒年糕。半半炸雞賣相非常吸引，一半辣味（炒了辣醬），一半是原味，炸雞之上添了香草味。我個人比較喜歡辣味炸雞，雞肉㜛滑就當然不在話下，雞皮脆滑得來添上又甜又辣的醬汁，不會是一般炸雞店乾啃的炸雞。炒年糕也很正宗，有很大份的魚肉皮佐伴。惟不喜辣的朋友應該不能接受該辣度。美食當前怎少得有美酒作伴。這是我第一次喝韓國酒，很有趣。

有時候就係會無啦啦好想食炸雞，食韓國野緊係去尖沙咀，一講食炸雞就即刻諗起呢到😂今次好早黎到未係好多人，唔洗等就有位坐正呀！唔多講啦，呢到既mood係幾好，燈光暗暗地，岩曬食炸雞飲啤酒。前菜，酸酸甜甜，食到膩真係要食返件呢啲👍🏻炸雞其實真係有好多口味選擇，貪心既我今次都係揀半半炸雞，一半原味一半辣味。雞肉好嫩滑，就咁原味已經覺得好好食，辣味既汁就甜甜辣辣，好好食唔會太辣！😋😋除左炸雞我地仲叫左炸芝士條同薯條，佢有兩種醬汁俾我地揀，係茄汁同埋芥茉。炸芝士條熱辣辣，咬落去仲可以扯到好長嘅芝士出嚟，芝士味好香，正！下次再嚟會試吓其他口味嘅炸雞，仲見到Menu上有其他菜式都好吸引，會再嚟試吓👍🏻

自從6月去了韓國後，便沒有接觸過炸雞，所以突然興起想吃一吃炸雞。這次去了朋友所推薦的「紅雞」，一進到店內，暗淡紅色的燈光包圍整間店舖，燈光的設計如同其店名－紅雞。雖然很想把照片拍得漂亮，但由於店鋪燈光太紅而黑，拍甚麼也是一堆紅色炸雞方面叫了半半炸雞，我們選了甜辣與原味。炸雞很香脆，原味方面雖然無辣但味道亦足夠，不過由於無汁關係便會有點乾。而甜辣炸雞方面，我覺得只有少許的甜而辣的比例較高，辣汁均勻地沾滿炸雞，所以辣得滋味。由於太掛念韓國的炒年糕，所以亦叫了一客嘗試。這年糕除煙韌口感外，亦因煎了煎而脆脆的，感覺特別。而魚糕與年糕都辣味充足，比起炸雞是更辣的。既然叫了炸雞，無論如何也要配合酒，所以叫了雞尾燒酒，而這燒酒是檸檬口味，所以味道有少許酸，但由於我個人是比較喜歡酸，所以這燒酒很合我心意。而食一件炸雞再喝燒酒，除解辣外，炸雞的味道會更突出。

去左紅雞食小小野就諗住去睇戲我同朋友叫左個韓式魚子芝士蛋券，炸雞，同一杯野飲個芝士蛋捲好大份，都好大件，佢有d沙律醬芥末，酸酸甜甜，仲有d木魚，魚子，所有matching 都好好，所以我覺得好好食個炸雞就還可以，我覺得欠缺左啲雞味，薯條幾好食，個醬都okay

記得差不多2年多前，曾到趕著來自星星的你的熱潮，到紅雞吃炸雞啤酒。但當時需要排比較長時間才能內進。今次不知道是不是熱潮已過去，所以不需要等，已有位置。今次是朋友的生日，就決家來吃吃炸雞、喝喝啤酒，重回那時在韓國旅行的感覺。首先，未叫食物之前已有一份前菜，讓肚子沒那麼空。沙律和薯條雖然沒什麼特別，但也吃得蠻開心的。我們了一份有骨的半半炸雞、香脆炒年糕和檸檬味的燒酒。因為吃炸雞好像要用手拿起來才爽的關係，所以我們選擇了有骨的。如果不喜歡有骨、喜歡方便的朋友可以選擇無骨。雞件仍與上次試的時候一樣，表面香脆、內裡肉質嫩滑，仍保留肉汁。而兩種口味當中，我比較喜歡甜辣。因為我比較重口味。但因為有醬汁的關係，建議要先吃，以免醬汁令雞件外表變淋。而年糕應被煎炸過，所以十分香脆。加上香辣的醬汁，更是美味。而且會有一些沾滿醬汁的魚糕搭配，令整體更豐富。但朋友認為偏辣，要一直飲酒才能解辣呢。雖然只點了兩種食物，但是我們三人已十分飽，可以份量不少。而燒酒的部分，因為有檸檬加入，所以很好入口，不會只有消毒藥水味，更有甜甜的味道。整體不錯，價錢合理、不用排隊，喝喝酒，吃吃東西，談談心也不錯。

同朋友去食韓國炸雞，聽講紅雞係算正宗，而且係香港炸雞未好似而家咁流行之前就一早開左於是今晚就同朋友去咗紅雞到食，同平時食韓國炸雞店比較，red chicken燈光比較暗，幾適合飲酒談心我叫左一份無骨韓式蜂蜜檸檬炸雞同一份卡邦尼泡菜芝士卷，睇個menu就好期待,感覺食好好食!終於上枱喇,果然個卡邦尼泡菜芝士卷冇令我失望，非常非常好食！佢嘅感覺其實有啲同平時嘅泡菜煎餅相似，但又同普通嘅泡菜煎餅好唔同，唔係得海鮮同埋澱粉煎餅嘅感覺，反而有一淡淡芝士係入面！而且澱粉感覺唔會好重，而且入面滿滿芝士加上辣辣既味道，感覺好神奇，好開胃，超級推薦！相反另外一個無骨韓式蜂蜜檸檬炸雞，感覺上就唔好似芝士卷咁，令我咁驚訝！不過亦都幾好食無骨嘅炸雞食落去好方便之餘，再加上蜂蜜檸檬令到個味道好清新，唔會好油膩！話咁快就已經比我同朋友清晒啦，所以非常之適合女性們食！整體來講都幾唔錯，環境幾適合傾計交心，而且播放着好多唔同嘅K Pop歌，感覺上都好適合年青人去！

今日同同事收工去依度食炸雞啤啤佢放鬆下，一入門口已經比幅明星合照牆吸引左，順帶一提入面全部都係正宗Oppa ，笑容親切，好似置身韓國一樣<<無骨韓式蜂蜜檸檬炸雞>>檸檬味比蜜糖味更重，食落酸酸地，幾開胃，值得一讚個雞肉好嫩滑，啱哂鍾意啖啖肉既我，另外配埋薯條<<韓式拌牛肉沙律>>叫左個沙律中和一下，沙律上面放左小小甜粉，再加埋酸酸味味既沙律汁感覺清新，食落個味道幾驚喜，另外牛肉整得好腍同夠入味<<熱溶芝士醬薯條配莎莎醬>>本身都怕食芝士會太漏，但依個係中間夾著酸辣既配菜，食落好開胃，愈食愈過隱，不過要快食，因為芝士凍左會變硬<<Honey baga beer>>Apple cider 配左蜜糖磚，飲落帶清甜既蜜糖，幾易入口，兩個味道一齊飲好夾，唔會話得個甜味，幾適合酒量麻麻既女生飲

女朋友呢排又開始睇韓劇，突然同我講想食炸雞我地就走左去呢間搵炸雞食我鐘意食辣，佢想食炸雞，一次滿足兩個願望一份炸雞怕唔夠食，就點多個蛋卷試下落完單，未上菜前，會有碟小食咬下個汁夠哂辣帶少少甜，雞肉夠嫩滑，唔會好鞋口，對女仔黎講可能就會辣左少少但對我完全岩哂我口味不過蛋卷就完全麻麻，只係日式玉子上面加芝士，木魚花，蟹籽同醬汁，雖然鐵板上菜，但係一啲都唔熱，蛋一啲都唔滑只可一，不可再

我最喜愛的炸雞餐飲館是紅雞雖然現在香港韓國炸雞店如雨後春筍，但對紅雞始終另眼看待，因為早就試用他們的汁液很講究，廚師專注混入法國菜熟練藝術第一次嘗試已被他醬汁吸引住。噴冰效果的玻璃窗設計小女孩今天生日很喜愛這裡氛圍大人也會愛上一種名符其實的cool選擇1 牛肉沙律 調味人人心喜 很大多火箭菜2 芝士糖霜淋炸無骨雞偏甜蜂蜜和大分炸薯條3香蔥有骨炸雞干身炸透脆皮 香濃大量大蔥絲4 後加一個芝士泡菜卷非常特色漬泡菜辣加融化芝士輕煎餅子十分韓風我等吃得辣又好新奇者的不容錯過卷餅慢火煎熬点点煙韌，一試難忘。2位靚女孩子生日很快感一晚餐

老友知道我鍾意食炸雞，佢話去諾士佛臺飲野之前黎呢度食炸雞先，我當然二話不說啦應乘啦。呢度既格調都頗有韓feel，燈光暗暗地，老闆娘都係韓國人添，我唔識講韓文唯有講英文啦。食韓國野唔少得就係有小食頭盤，呢度都唔例外，除左有開胃既酸蘿蔔外仲有沙律添。期待已久既炸雞黎啦，呢份蒜香蜜糖炸雞睇落平平無奇，但食落就知唔野少，外皮炸成香脆但夠薄，蒜香味早已滲透落雞肉度，加上蜜糖佈滿整舊雞，果份香同甜絕非普通連鎖店質素，係令人越食越想食。對於我呢個鍾意食雞唔吐骨既人黎講，呢份無骨既雞係正既，雞肉裡頭更滲滿雞汁在口腔裡徘徊，Good~除左炸雞，我仲叫左香蔥煎餅，係韓國都係大受歡迎。呢份煎餅足夠2-3人份量，每件厚度有差不多成厘米。材料好足夠呀，除左有超多大蔥之外，仲有海鮮配料架，包括蝦同埋尤魚等，最正係個辣汁，唔係辣又點叫做韓國野食呀，加埋青椒同紅椒，份辣係衝上舌尖架。今晚既兩份韓式食物都好令我滿意呀。

前兩三個禮拜，我同朋友聽完音樂會就諗住食啲宵夜先返去，之後行行吓就行到去紅雞。Honey Baga Beer$98叫咗呢杯Apple Cider嘅朋友，飲落好重酒精味嘅。食完呢餐飯之後我哋兩個都覺得酒精上路證明佢落咗唔少燒酒去溝。呢個無骨蜜糖芥茉炸雞配薯條，蜜糖芥茉雞件好入味，而且肉質非常滑又大件。薯條新鮮炸起，可以點返佢雞嗰啲芥茉醬味道唔錯。卡邦尼芝士泡菜卷，其實就好似韓式薄餅嗰啲薄餅一樣，因為佢用麵粉整成，所以就食完好易飽。味道唔錯嘅，但始終落左唔少芝士，所以食落多少少都會好滯。

是我期待已久的紅雞 🐣讓我心花怒放的不是雞烤全隻魷魚沙律 $128我必需說 好__好味首先是一大盆沙律菜蕃茄藍莓黑醋甜酸適中 吃草的我表示感動然後魷魚烤得香噴噴 大大舊 軟淋淋香辣汁炸雞 $128話明係紅雞 梗係要點份炸雞但有點失望 成份只得一隻雞腿都唔緊要 但除左雞腿其它都幾鞋至於醬汁 一食落去甜甜地 辣味慢慢出來之但係薯條勁好味勁好味勁好味佢話加左芝士粉 我覺得仲有蜜糖味食哂d薯條 下次要試試無骨原味炸雞點了菠蘿汁梳打 $33簡簡單單又好好飲食炸雞點都要飲杯凍野既地點環境十分好老闆店員friendly坐窗邊聽著外面下雨的聲音是寫意的開心的 ❤️

同朋友行過TST唔知食乜好，見斜坡口尼間red chicken幾好feel於是入去食個dinner系出面望入去就無咩燈光，有D霓虹燈同音樂，成個環境都幾享受幾舒服，系呢到同朋友仔邊吹水邊食飯都系個唔錯選擇店入面四周圍都系佢地既推介食物，一個個燈牌掛哂系牆到都幾特別，尼到又點可以唔食雞 佢地真系勁多選擇，有骨同無骨之外都有勁多口味，最後我地點左個蜜糖檸檬炸雞同埋一個卡邦尼泡菜芝士卷系碟雞未到既時候，店員比左碟小食之類既野我地，入面有菜、蝦條同蘿蔔，個人覺得蘿蔔好甜好好食跟住就系尼個卡邦尼泡菜芝士卷，不得一提除左雞之外小食、鍋物個D都好多款，份量都幾多同朋友仔兩個人share都夠食芝士卷除左有泡菜既酸辣味之外，入面D芝士仲拉到絲，值得一試而碟雞我地就簡左無骨個隻，要留意有D款系冇無骨簡，碟雞配左著條，份量都好足，最重要系舊舊都無骨啖啖肉，真系食到好過癮

好掛住係韓國食嘅炸雞，就即興去咗搵炸雞店。金巴利道最多韓國野食，又真係有間食炸雞喎！其實係半bar半餐廳咁，可以約埋朋友食炸雞飲下酒咁。落咗單後店員會主動送上餐前小食，有三款，分別係蝦條、沙律同酸蘿蔔。傾住計食下啲小食，都幾唔錯咖，可以過住口癮先。無骨蒜香蜜糖炸雞緊係叫無骨啖啖肉食得夠過癮麻！炸雞一份仲會有薯條配埋原來，份量夠二至四個人share都。薯條係粗薯條，即炸外脆內軟。店員仲比咗兩種醬汁我地，分別係蜜糖芥末同茄汁，用嚟點薯條就岩哂。炸雞件件都好厚肉，肉質都嫩身唔會肥或者韌。炸雞保留到咬落有汁，唔會炸得乾身。而且蜜糖加蒜香味道好濃郁，其實有啲似平時食撈麵個種好濃嘅蒜香味，幾特別！整體係好食嘅，醬汁濃郁值得一讚。另外有個好抵玩嘅活動，只要係店入面搵到「小紅雞」圖案，影低放上fb or ig tag埋鋪頭就可以抽一次獎！獎品會係飲品或者食物咖！今次我地就好好彩抽到soft drink，要咗檸檬梳打。大大杯，酸酸甜甜嘅凍飲配炸雞就最岩喇。價錢唔算好優惠，但同三五好友靜靜地飲下野食炸雞，呢到係一個唔錯嘅選擇。