紅螞蟻 (已結業)

好耐冇嚟啦!聽哥哥講話11月起要收加一添!因為以前好抵,免收加一之餘如果係會員仲有九折!今日我嚟食下午茶,要一個香芧豬扒椰香海鮮辣湯米粉,一個泰式豬頸肉酸辣湯米線.豬扒好香香芧味,切粒上,方便食.椰香海鮮辣湯唔係太辣,啱啱好,亦好香椰香味.豬頸肉好爽口,酸菜好好味,但酸辣湯比較辣.基本上嚟間餐廳OK的,又大碗,如果唔係我都唔介紹親戚朋友嚟啦!不過而家要收加一就諗諗先啦!因為以前冇加一仲有九折,而家加一九折,即打個和,冇平到.咁會員嚟做乜?上佢個網仲話做會員有更改呢!!!

今星期打算去睇戲, 我們一家三口, 我bb兩歲幾咋, 搵一間靜靜地既餐廳, 在戲院既附近搵到呢間, 望入去, 已經見到很合適,因為坐椅很闊落, 去到等了太約10分鐘左右, 餐廳職員就叫我們入座, 還笑容滿面tim, 可能係因為我小朋友的原因啦, 他們的笑容, 哄到我個仔不知幾歡喜, 一路笑一路歡迎光臨咁, 真係一流! 佢地沒有比落地玻璃枱我地, 因為有小朋友嘛, 我們坐大梳化枱...叫食物~~我點了一個焗意粉, 老公點了一個焗飯, 兩個都普普通通, 味道適中, 最讚呢~~~就係甜品!! 不單只樣靚, 味道仲好正!! 尢其是個朱古力心太軟, 超好味, 又唔太燶, 仔仔食到好開心! 細路仔食到烏煙瘴氣, 經理又親自拎一杯水, 好等我可以為小朋友清潔, 十分細心. 我喜歡這餐廳的服務多於食物, 當然, 甜品真是值得一讚!

環境正, 食物好, 服務好;食物先, 餐牌上面有d新奇菜, 但唔好睇少; 我個d 叫左cheese豆豉蘑菇飯, 好正, 味道好夾,同埋熱朱古力沖得好濃好正, 而杯係用ikea既(咁arm見到個杯底寫住)服務好專業, 唔會望住你食, 同埋有禮貌;環境一流, dinner 可以睇到星空, 2層高既樓底正情係正呀推介

去過,個環境幾好..又令但係d做野既staff就冇咩禮貌特別是經理囉d態度唔多好野食搭救既最好食係牛魔王飯同埋d甜品如果有下次機會,我唔會去呢間囉

在珊瑚堡不宜久留，與好友來了隔壁的紅螞蟻食甜品。　除了環境夠好，也是貪其甜品選擇夠多：軟心朱古力蛋糕、草莓拿破侖、芒果燸米磁...大家都對酥炸湯丸感興趣，又想試多幾款，最後揀了共有三款甜品的拼盤：　(1) 酥炸湯丸-新鮮炸起的湯丸仍然熱辣辣，聞落都香噴噴，加上朱古力醬本應好滋味；可惜湯圓皮有點韌，感覺也油了一點，不及荃灣友記甜品的金沙湯丸出色。　(2) 洋薏米杏仁奶酪-最有驚喜的一款甜品!整杯杏仁味很香，同時又帶有牛奶的香軟細滑口感，還有稔稔的洋薏米增加口感，美味又有特色，讚!　(3) 薄荷碎朱古力摩絲-摩絲不夠滑，平庸的一味。　雖然水準不是特別好，但勝在價錢平環境好，可以輕鬆傾偈。不是說反話，我真的覺得這是個幾好的下半場。

14/7星期六一行四人來吃lunch, 全店幾乎座無虛席; 點了食物後才發現窗口位有人走, 因為有小朋友想望街景, 就硬著頭皮問服務員可否轉位, 幸好, 服務員沒有因此而黑面。我們點的全是紅螞蟻推介; 香煎雞扒酸菜米線: 個人不嗜辣已指明要少酸菜, 但仍有點辣, 喜歡辣的朋友應該會喜歡。紫菜魚卷米線: 尚可, 起碼不覺有魚腥味。金牌雜錦焗飯: 最貴又最不好吃的一道菜, 只是很普通的焗飯而且; 請不要隨便拿<<金牌>>來作招徠啊!!除了結帳時等了很久都沒有人應之外(人手好像有點不足), 整體服務水準算不錯。

隔一排無...呢幾日熱都死, 呢度坐得舒服, 又趕得切叫下午茶餐, 平少少! 今次我叫黑椒雞扒米粉(清湯底), 凍奶茶, $2x, 雞粉浸在湯內, 成碗都好油, 雞扒幾硬身, 凍奶茶既茶味唔濃! 老公叫焗鱈魚鰻魚飯, 加西瓜汁, $4x, 飯就細細, 兩塊魚肉仔都幾香, 西瓜汁好稀, 下午茶餐份量及味道可能都無得計! 最後叫個二人份薑汁疏芙里, $40, 遠遠望到都覺得幾高身幾有份量, 將匙一切已下墜了不少, 又無薑味, 唉...好差好差! 甜品真唔掂!

行到咁上下就去左red ant落腳食dinner~~有得坐卡位~幾好~幾好~我鐘意坐卡位多過坐係落地玻璃個d 位~~涼d同好坐d ar ma~~: p同埋d waiter/waitress 會serve 得好d,玻璃位因地理問題~~成日睇唔到你叫佢\~~因為waiter 的勤力~~飲左好多茶~讚~朋友叫左個雞扒面,我就叫左個焗芥末牛肉飯~再叫個魷魚so 大家share食~~o~~乜個芥蒂係等於白汁咁解架@_@lll早知跟朋友一齊叫個面食算la~~都係傾下計咁~吹下水~之後9點幾就散lu~因為朋友明天仲要一早返工~~用左member card有10% off都係個句~野食不過不失~食環境有得吹水~

早幾日工作關係要黎荃灣公司附近最大既商場就係呢度我都無諗過想食乜下由同事帶黎呢度1unch同事全部叫左焗飯我無乜胃口要左煙鴨胸髮絲麵清雞湯底($29)鴨胸應該係現成貨份量唔少唔會太鹹幾好髮絲麵粗幼不一有d似湯天使麵既口感可以啦同事話佢個焗海鮮飯好足料但相對淡口左d服務不錯環境亦幾舒服全日唔收加一幾抵

今晚又黎食過下午茶餐, 我要左個肉碎豆腐麵加熱柑桔檸檬, 呢期鍾意食豆腐麵, 但原來係玉子豆腐加髮絲麵, 唔太鍾意食, 個玉子豆腐又唔係滑, 怪怪地, 老公叫左個白汁吞拿魚燴長通粉, 個汁唔太"結", 味道夠, 係吞拿魚唔多! 例牌唔收加一! 黎呢度食野最好係個落地玻璃既環境!

去完旅行返黎約左daddy食晚飯，地點：都係荃灣，因為要由佢ma．因為daddy的推薦，所以就去左紅螞蟻，一入到去就覺得佢個環境好好，我哋仲坐咗喺落地玻璃嗰一排櫈，本來個感覺好舒服咖．．．但係呢，嗰度既服務真係十分差勁囉!1. 上菜:個waitress會捧住碟餸企喺客人側邊，粒聲唔出,等＜＜客人幫佢哋執＞＞好枱上面既嘢，佢哋先上枱．2. 加完水之後，佢哋唔會將客人嘅杯放返喺枱面，佢哋會直接俾返客人，＜＜叫客人自己放返上枱＞＞．3. 成日掛住傾計，叫極都無人應，最後係要自己出去叫人咖囉．！客觀啲，我覺得佢哋嘢食都幾好咖，但係雖然唔收service charge 啫，但係，都唔好要客人服務返佢哋呀ma！我覺得好過份囉．．．

今日黎食左個下午茶餐, 咖哩牛筋腩髮絲麵+ 熱檸水, 無乜咖哩味, 牛筋太腍, 腩仔三兩舊, 髮絲麵係佢地自製, 都幾煙"un", 但唔太特別! 老公叫左個馬來特式豬爽肉炒飯+ 凍奶茶, 我試左幾啖, 個炒飯用老抽炒, 頗黑, 爽肉切了粒狀, 唔爽, 硬硬地, 仲有兩塊蝦片伴碟, 腍哂! 兩個都好普普通通, 但勝在佢地方坐得好舒服, 一塊大大落地玻璃傾下計真係唔錯!

寫這篇食評時，想起阿菲《開到荼蘼》：每隻螞蟻　都有眼睛鼻子　它美不美麗...　實在每間餐廳，基本設備都差不多，但這間新開的紅螞蟻確特別美麗。落地玻璃旁，有近似海港城rice paper的藤沙發+cusion；我與龍則坐高一級，有玻璃圍欄的型格黑沙發，面對水間燈及古型電話，環境氣氛一流!　兩個人，在美景下享受了以下食物：　蒜香豬仔骨($25)-肉不多，勝在燒得幾香，點上特色醬汁幾惹味。　扒大蝦鮮蕃茄汁燴天使麵($68)-是晚大家想食麵，叫了西式中式麵各一。如圖，天使麵酸酸的幾開胃，質感又不錯，大蝦亦算新鮮；不過兩者總差一點味道，始終紅螞蟻不是擅長西菜吧!　燴天使麵雙拼湯麵($40)-要了酥炸豬大腸及自製招牌褔州丸，豬腸很香，平日不吃的我都食了幾件，褔州丸就普通。最喜歡湯底夠鮮味，因此整體比天使麵好，不過份量太大，大家食剩不少。　香芒糯米糍卷($20)-芒果幾甜，糯米糍卷非常煙韌彈口，大家都很喜歡。美好的夜應有一個甜美的句號，這個甜品做到了!　價錢不貴還不收加一，加上店員服務態度良好，如此環境實在超值。美好的一晚，多謝龍~

年廿九同同事出去食lunch,同事話當係團年wor...<br />叫左個tea set...炸菜枝竹肉絲炆米...好大碟...都係廿幾蚊...超抵食...而且仲好好味...正!!!

今晚早返, 可以同老公係度食個下午茶餐- 鮮冬菇加牛"月展"清湯底米線, 呢個係雙併, 清清地, 不過, 牛"月展"唔腍, 差過上次! 另加左杯熱柑桔, 一般水準! 老公叫左個午餐- 鵝肝肉醬焗飯, 飯係炒底既蛋飯, 熱辣辣食左兩啖, 食唔到有鵝肝味! 仲有杯西瓜汁! 整體平均既, 野食唔會話好好味, 不過, 傾下計, 望住街景, 唔收加一, 都幾岩情侶談情!