紅螞蟻 (已結業)

昨天早上颱風 - 鸚鵡來臨時, 風勢實在不大, 荃灣廣場還有些食店包括紅螞蟻, 大家樂, 味千, 連元氣也照常營業, 可想而知, 香港人實在拚搏! 多了一天假期, 我們也想看看"風"景, 於是選擇了這隻螞蟻!打風的日子仍有午市套餐, 我叫了鮮茄汁焗吞拿魚長通粉 + 檸水, $40, 份量唔多, 不過, 細細份, 熱辣辣, 酸微微, 又幾啱口味! 老公叫了蜜汁焗銀鱈魚雞片飯 + 奶茶, $48, 銀鱈魚嫩滑, 但雞片乾乾的! 人不多, 二人靜靜地渡過一個狂風暴雨的中午! PS 侍應不多, 但仍好有禮貌, 仲唔收加一!

是次與同事都點了「野菌三文魚茶漬飯」，份量都幾多，有很多菇，兩大塊三文魚扒 ~ 但可惜的是個湯比較咸，唔敢飲咁多 ~~~ 那兒的環境本身是不錯，但被編到在餐廳出面的座位，有位似坐在街道上的感覺。因為「街外」只有數張細枱，所以比較難叫侍應。

昨天，打完波就去搵食，間間食店都要等位，所以搵左一間較快有位的。其實以前幫趁過呢間野，最好味就係湯麵，(唔係麵條，只係個椰辣海鮮湯底)ORDER左豬軟骨紫菜魚卷河粉，要椰辣海鮮湯底，但佢落漏左紫菜魚卷，只得豬軟骨，失望。(味道不錯，頗大碗，但豬軟骨唔夠滑)點了一杯青檸優格乳酪飲品，好FRESH，好味！服務方面，除左落漏單外，仲見到有位WAITER執檯時將飯粒抹左落SOFA到，我覺得佢係知道嘅，但都冇清理，之後有客人亦都坐落去，扣分！

呢度既粉麵幾油....所以自己都好少黎, 係同老公...佢鍾意個樓底高, 人少, 坐得舒服, 今日又再食下午茶餐! 放棄了粉麵, 選來的是茄汁吞拿魚燴螺絲粉 + 檸水, $30, 味道合格, 不過, 吞拿魚無整散...一舊舊! 老公叫了午餐 - 焗肉醬意粉 + 奶茶, $38, 黎到有啲嚇驚, 焗到好黑, 芝士味濃, 但都幾"漏"! 下次會繼續同老公幫襯, 但只為環境!

朝早狂做機....消耗幾百 Calories! 下午做野時忍口無食零食....希望減番幾磅先有得再刷過! 今晚老公想坐得舒服, 附近一定係紅螞蟻既落地玻璃景! 今次我叫咗腐竹鮮冬菇酸菜米粉, $36, 侍應提醒有少少辣, 黎到一食....初初都無乜野....食多幾啖...見到辣椒仔...發覺大事不妙, 愈食愈辣, 由於體質唔好, 唔食得太辣, 俾老公試下....佢都話好辣, 結果要放棄! 浪費! 浪費! 老公叫咗蜜汁原條鰻魚焗飯, $58, 上桌時個樣幾吸引, 老公夾咗件大大既鰻魚同少少炒飯俾我, 鰻魚真係好肥美, Good! 可惜....炒飯有啲乾, 配白飯仲好食!

同個朋友食飯, 個位都算ok , 個日星期5 , 不過都唔太full 印象中causeway bay個間都ok o既, 其他區就真的麻麻不過朋友choose , 無計佢得一個set dinner , 唔吸引散叫:牛魔王焗飯大蝦炒天使麵2個都唔太好食, 又細份個牛魔王中d 牛仔骨真的得骨law , 個3件牛腩得肥膏個angle hair 就好淡..服務都ok , 都無趕我地走, 由9 pm 坐到10:45pm

每月總有一次想靜靜地食野...下午茶餐...老公例牌不變, 咖哩牛腩併美國豬大腸河粉椰香辣湯底, 熱奶茶, $29, 我就簡單啲叫咗蒜香豬仔骨米清湯底, 熱檸水, $26, 我相信比較兩碗既卡路里, 佢既係我既double 都唔止, 但我相信佢既會好食好多, 豬仔骨係油炸, 都幾硬, 咬了幾口便無心機食, 齋食米粉, 佢就食得津津有味!

見二月coupon係$20,嚟食個下午茶.香芧豬扒椰汁海鮮湯髮絲麵及香燒雞扒酸辣湯米線,凍熱奶茶.奶茶唔駛講,好好飲,有茶味有奶味.香芧豬扒份量少咗,湯底又冇咁香,又冇乜味,差咗.香燒雞扒酸辣湯米線,雞肉唔(鞋),湯底又冇咁酸辣.點解啲食物會淡口哂,唔通我啲味覺有問題???

荃灣店大把位，唔使等，坐得又唔迫...正~叫咗個2人套餐\，份量剛剛好~因為朋友話呢度甜品ok，咁就再加2個甜品試試先~又真係幾好喎~~2人套餐\:1.煙三文魚雜菜沙律-用芒果汁，好fresh2.金牌雜錦飯-好唔掂,同menu張相完全唔同3.南瓜白菌菠菜鮮蟹肉焗千層麵-好味4.飲品2杯甜品:1.香芒糯米糍卷(加$15) -皮簿好味,芒果小小酸2.焗紫糯米焦糖布甸(加$15) -不太甜,好味

初三赤口，還有好多食肆未開，唯有再嚟紅螞蟻．見套餐餐牌轉咗，又要一個二人套餐．今次小食要上湯腿蓉浸娃娃菜，有六棵開邊上，金華火腿蓉煮，好味．一個鰻魚豬軟骨焗飯，三片鰻魚好好味，豬軟骨亦好腍好入味，飯有少少焦，但影響不大．一個淡咖哩田螺天使麵，有成十粒田螺，淡淡咖哩味，天使麵好滑唔爛pat，好食！餐茶其中一杯加＄１０飲桂圓杞子百合茶，好多料，仲有蓮子添，好濃好好飲，我覺得加＄１０好抵飲．

因為有張$50 coupon,但要食滿$200,所以要咗一個二人餐$145,加一個馬來巴拉醬炒茶心$30,再加$30要個甜品拼盆.二人餐冇揀小食,要咗餐湯,佢又唔似羅宋湯,應該係什菜湯,超級鹹,我飲唔落.一個香檳芥末汁焗牛肉片飯,望落個樣好乾身,但食落又唔會太乾,牛肉又唔韌.一個花枝片海蝦天使麵,啲蝦係鮮蝦,花枝片幾爽,天使麵就淡咗啲.另外,個炒菜心就冇乜特別,又唔係馬拉盞,又唔辣又唔剩,冇乜味.至於個拼盆,三款都好食.最後,兩杯熱餐飲因一早上枱,所以好快凍哂.

天寒地凍...已接近兩點...夫婦二人想暖暖地食個晏, 星期天唔想迫, 呢度係最好既選擇! 坐位由窗邊, 卡位, 到今日坐既第三排獨立梳化位都係好舒服!午餐學老公叫了牛展清湯米, 加茶走少甜, $30, 牛展太薄, 唔夠腍, 茶走最後沒有少甜, 於是老公轉了杯普通奶茶給我(跟老公食野永遠有個好處, 唔好既野會同我換)!老公唔係太食得辣, 但卻叫了個咖哩牛筋腩+牛展椰香海鮮辣湯底河粉, $33! 我飲了一啖湯底...幾濃幾香椰味...應該唔太辣掛....見佢食得好滿意!同之前既感覺一樣, 環境一流, 食物一般!

平安夜６時半，荃灣街頭未必人頭湧湧，但食肆門外已經出現人龍！本來想到隔壁的ＯＬＩＩＶＡ，但只是訂位已經ＦＵＬＬ　ＢＯＯＫＩＮＧ，不再接受ＷＡＬＫ　ＩＮ客，朋友去問的時候被職業的傲慢態度氣倒！大時大節，食肆生意好當是這樣的啦！但這種服務態度絕對不應該鼓勵！最後到了紅螞蟻，其實之前致電查詢說，只接受六時半之前的訂坐，不過ＷＡＬＫ　ＩＮ都有位。平安夜只有聖誕套餐和部分小食供應，沒有ＦＵＬＬ　ＭＥＮＵ。本來想就這道菜評論食物質素，但想想這是聖誕特別ＭＥＮＵ，評了好像也無甚意思，不如評論其他方面及整體食品質素好了。環境：這裡的環境好得很，在落地玻璃旁拍照，朋友笑說出來的效果好像在中環的ＣＡＦＥ拍照一樣，哈哈！吸引我一再光顧的主要原因，是那盞豪華的吊燈與環境，嘻！服務：老實說，這裡的服務強差人意，無論是否特別日子。侍應們笑容欠奉實在可以原諒，但他們將食物放在客人碟上的行為真的令人側目！不過獨有一位短髮妹妹很好，不停為我們添水，而且態度良好，還樂於為我們拍照，謝謝！味道：食物質素方面，主菜算是不過不失，甜品卻是叫人喜出望外，尤其是紅豆綠茶布甸味道很好！不知平日有否在ＭＥＮＵ出現的呢？大家不妨一試！抵

見上次食個tea幾好,今日難得叫到媽咪出街,就同佢嚟食tea,今次我要咖哩牛筋腩椰香海鮮辣湯髮絲麵,介紹媽咪食香芧豬扒椰香海鮮辣湯髮絲麵.上次離遠已聞到碗椰香味,同埋啲湯好香好好飲,但今次碗麵送到上枱都聞唔到椰香味,兼且好喊,完全飲唔落個湯,但媽咪好比面我,飲咗好多.(媽咪!唔好飲呀!).

見有張$20coupon聽日到期,嚟食晚餐.叫二人餐.冇揀小食,要兩客羅宋湯,金牌雜錦焗飯,煎三文魚番茄湯扁意粉,餐飲.羅宋湯OK,但相信冇落肉煲,因好清,同唔夠辣.煎三文魚番茄湯扁意粉,超OK,尤其煎三文魚,勁好味.金牌雜錦焗飯,明明餐牌幅圖係雜錦海鮮,但上枱時係豆豉雞,呢個都唔係問題,食第一啖仲要係少少飯已覺超喊,一舊餸都冇食佢,就同經理講好喊,可否換其他款,佢好唔好意思咁攞入厨房再出嚟問我地想改乜,我地今次要香淡咖哩田螺天使麵.到經理攞碟天使麵嚟時,仲同我解釋厨房可能落多咗調味料.(我都冇要佢解釋)香淡咖哩田螺天使麵好好多,田螺又好爽,好食.總括嚟講都OK呀!不過個餐$145,有$20coupon,加一後再九折,點解會收$127呢?諗咗好耐都唔明!!!