紅葉茶屋 (T.O.P This is Our Place) (已結業)

為咗要有足夠時間去紅葉茶屋食晚餐，一直留意時間和催自己快啲走~因為通常等食物需要啲時間，不過值得等的。老公想試咗好耐，佢話雖然好似好唔抵，但又好想食，咁個個口味唔同嘅~咪試下囉~都ok，大塊，偏薄。由於對我黎講無咩特別，今次無同佢爭~碗飯係凹嘅?(無就角度影出黎)有人食咗啖?鯖魚好食，唔會太乾身，都唔算太油，飯都好食，如果唔係無咗1/3...淨係上面兩個餐梗係唔夠，本來就想食甜品，可以試兩樣普通咗啲，紅豆蓉和厥餅好食，玉子就算加咗糖漿再混埋其他料一齊食都略嫌寡咗啲。老公話如果佢細粒啲可能好啲。我諗係個比例同埋其他配料夾唔夾嘅問題?窩夫好好食喎綠茶雪糕，紅豆蓉和碟上嘅醬都好夾~兩粒白玉增加唔同口感，好食

我都話咗會再黎架啦～😂😂知道咁早唔會好多人，不過原來六點幾已經陸續多，應該係6：30後開始排隊今次一坐低，個侍應就畀定兩杯水我哋，咁醒目嘅?未放枱上已聞到紫菜香~呢個明太子忌廉烏冬真係好好食~我飲完一口再一口忌廉湯，唔捨得停...最後老公飲到一滴不剩我鍾意每一匙都裝哂咁多樣唔同嘅嘢~因為通常餐廳咁樣配搭，一定有佢嘅理由~真係搭得好夾~又香又滑又好味~個南瓜前菜真係好似甜薯，我成日一路食一路諗佢點解可以整到咁嘅效果?照燒三文魚定食又係一絕外面薄薄脆口，然後好快食到juicy嘅三文魚~估唔到個醬汁加埋沙律醬有咁奇妙嘅效果好好食喔喔～送飯一流~唔會嫌飯多~沙律汁係柚子~好清新~可以去油膩感~食完個忌廉烏冬同飲咗啲忌廉湯後再食個沙律菜會好舒服~抹茶雲石蛋糕本身都好好食~加埋燕麥和酸酸甜甜嘅士多啤梨醬汁~口感豐富~我同老公笑話個醬汁同燕麥應該係舖係蛋糕面，不過而家分開咗放咁...老公講笑話可能係跌哂落黎好滿足嘅一餐

懷著雀躍的心情再來~本來驚排龍，急急趕黎，可能因為早，原來無咩人，食食下先越來越多人，早到早揀位首先黎錯咗，借咗黎影相好在我一望就留意到唔係火炙~侍應收返~有人念念不忘個黑蒜油拉麵又食過~差啲食咗佢一半終於黎啦～好好食唔覺唔覺原來已經飲哂啲茶添...最後啖飯無咩茶...😅😅上次試黑糖，今次試朱古力，都係咁好味~不過飲到底有點苦苦哋，係咪因為我一開始呃朱古力和忌廉食，唔夠溝落啲抹茶度呢?原來飲咗杯嘢，個肚真係會無位放甜品，唯有下次先試雲石蛋糕...I will be back!!!

同男朋友去完T.O.P呢個新商場就去左呢間🇯🇵餐廳食飯☺️一望個餐牌，揀唔落手，因為睇圖都覺得好好食呀！最後揀左餐牌推介嘅生薑豚肉定食，d燒汁同豚肉好夾，加埋生薑食，味道一流，食到停唔到口。唯獨個胡椒湯好重胡椒味，飲到一半覺得好辣，食得辣嘅朋友可以嚟挑戰下。男朋友叫左個溫泉蛋卡邦尼烏冬，聞落好大陣芝士味，本身以為好滯，但佢食完話啱啱好，好味道

旺角新蒲點TOP雖然啲鋪頭未開晒不過勝在冷氣夠涼外面街人多車多又迫一於行入去搵嘢食地庫有foodcourt 但好似唔係幾好坐向上行見到呢間黎自日本鎌倉既紅葉茶屋裝修都好似日本餐廳賣相唔錯由於今日係星期日所以等位都等咗大概半個鐘我哋分別叫咗海鮮四色茶漬飯伴碟有南瓜蓉同餣菜海鮮四色有吞拿魚、三文魚、鮮蝦同三文魚子茶湯非常夠味而且茶壺夠保暖影相出嚟仲好靚配埋山葵一齊食好味不過略嫌吞拿魚唔太新鮮可能雪得太耐黑麻油豚骨湯拉麵伴碟同前面一樣豚骨湯好夠味豚肉唔會太硬拉麵亦算爽口彈牙生薑燒豚肉定食生薑on side豚肉份量都算多但飯太少飲埋味噌湯都唔夠飽同埋如果隔離啲沙律有沙律醬會更好甜品揀咗抹茶提拉米蘇唔知係咪雪得唔夠耐提拉米蘇係呈液體狀不過食落味道很好值得推介

話咗會再黎~今次帶埋兩個朋友黎食~又係好多嘢想試~先黎老公個餐，好似係黑蒜油拉麵...佢上次已經話好想試埋~未到一週就畀佢食到😂😂跟住到我個餐~燒花魚~好淋啊～好好食~我果然係鍾情於魚燒魚送飯好啱~~唔係好捨得同老公交換咁多，所以無咩點試佢個餐😅呢個好好飲~又滑又綿嘅忌廉上面有啲甜甜嘅黑糖~下面滲出香濃嘅抹茶~個配搭兩個又喺度又想爭又想讓...😂😂(上面兩個餐嘅相去咗下面，搬唔到上去，幸好呢張相成功放到)

網上睇到間新開餐廳嘅介紹，心郁郁想黎試下~見佢推介個豚肉飯講到咁好食就試下先~真係幾特別~尤其醬汁方面~平時喺其他餐廳我無咩興趣食豚肉飯，不過呢間就幾唔錯~值得再食~兩小杯小食都唔錯，可以點綴下~個湯清清地幾好飲，個人比較怕太濃味嘅湯，佢清得黎又唔似一啲茶餐廳咁似洗菜水...港式和日式的分別?😅下面呢個餐就不過不失，啲牛都ok，正常好食。個甜品話係同日本個食譜一樣，梗係要試下啦～同印象中喺日本抹茶館食嘅都幾似，嗰陣最深印象係咁稀嘅?想食多幾啖，不過要同老公share~好想試埋其他嘢食~會再黎~

有幾個服務員態度勁差！！問多兩句就唔耐煩！！個樣仲要黑口黑面！語氣好唔友善，好似唔愁冇客咁。跟住講到食物質素，見新開咪打算試試，點知一黎飲品 杯冰雜果紅茶簡直不知所謂，完全冇味d冰又鬼死咁大粒，拎開哂啲冰杯野得返一半都冇😤好似飲緊一杯色素酸嘅凍水咁。

去左呢間最近喺T.O.P開既新店終於趁無咩人可以坐低食野了試左個鰻魚滑蛋丼+蕃茄芝麻沙律沙律幾新鮮，可惜我唔食紫洋蔥鰻魚滑蛋幾好味我食晒成碗😳味道唔差既我鐘意個前菜多啲南瓜蓉甜甜地啲菜又幾開胃個湯好多胡椒粉味有啲辣但唔係好鹹😑呢餐真係好貴😥仲要無套餐想試佢地飲品都叫唔起食完野都無人即時收返啲碟喺呢間餐廳工作既侍應都幾悠閒埋單都要揮手叫佢2次至見到囉😒食完回家途中喺巴士上肚痛好在我忍到落車

旺中一期改裝後，聽聞引入咗啲過江龍食肆🐉，今日打算嚟吃雞 🍗，點知原來間 popeye's喺 food court,但個 food court地方好細，見到條人龍，即時打退堂鼓🥁之後諗住上返去行吓個商場就閃。點知啲舖頭好多都未開，但有幾間食肆開咗，最後揀咗依間。可能好多人都只知地庫food court有嘢食，唔知樓上都有，所以晚飯時間都唔洗等位👏我哋點咗兩飯🍜一飲品🍵🐷生薑燒豚肉定食: 其實都幾抵食，$79加10%有兩個前菜🥗湯🥣主菜🥡飯🍚個主菜仲要好多肉，個湯又熱辣辣，但個豚肉過淋，應該乸得重手咗🤨🐮牛肉壽喜定食: 等嘅時間比較長，但上枱時非常熱🍜除咗有前菜同湯，仲跟一碗蛋🥚但唔係溫泉蛋，蛋黃，蛋白都係液態，蛋白呈白色唔係透明，味道不過不失，牛肉有啲un🍵雪糕白玉抹茶: 抹茶味幾香，其他味道唔記得 😅我真好彩，入坐冇耐見出面開始要等位😊眼見得3，4個侍應，帶位，落單，送餐，執枱，收錢一腳踢🤯，如果滿座，都幾難叫到佢哋，不過佢哋都好勸快，好似細個玩嗰啲餐廳遊戲咁，喺間餐廳行嚟行去🤭而且keep住有笑容👍論食物普普通通啦，服務就唔錯，價錢可接受

今日特意嚟到旺角新開嘅商場 - T.O.P 覓食！搵到哩間價錢相宜嘅 日本餐廳！所有定食已配送餐湯 & 兩款前菜。估唔到前菜都有驚喜！特別鐘意 南瓜茸 個款！味道清新又甜甜地好好味！⭐️生薑燒豚肉定食 （$79）豚肉炒得好juicy、入味配埋薑茸，送飯真係一流！⭐️牛肉壽喜燒定食 （$89）壽喜燒非常足料！牛肉同配料份量剛好。牛肉煮得好入味又唔un，配埋甜甜地嘅湯底，Yummy⭐️鐮倉紅葉茶屋抹茶提拉米蘇（$49）好好味！超Creamy 又滑！中間夾層嘅Cream Cheese，奶味非常濃郁！配上面層嘅抹茶粉 & 底層嘅海棉蛋糕一齊食，每啖都有清香的抹茶味 ，所以一啲都唔覺得漏！仲好夾！極度推介

今日才發現旺角這新商場T.O.P(不要說我out😂)，我們走到那SML Expo的展覽打卡才發現這新building。打卡前先找間餐廳吃飽，時間不多沒有多想，見到這間就進去覓食。時間緊迫快速的點了一個照燒雞定食和滑蛋豬扒丼。照燒雞定食一上枱有surprise! 賣相比我想像中的好。好吸引！有兩個小小的前菜也有一碗湯，主菜看著也很吸引。份量不少，雞件可口嫩滑，配上照燒汁很惹味！難得的配上很多蔬菜，也是好吃的，不錯不錯。一個前菜是甜甜的南瓜另一個是sauced蔬菜。兩個都很好吃一下子被我吃光。反而湯太重胡椒味，不是我喜歡的湯不過我朋友就說還可以。滑蛋豬扒丼這是朋友點的。賣相也很吸引！蛋夠香夠滑，豬扒大大件夠嫩滑不錯！前菜和湯都一樣的。可能沒有抱著任何期望來吃，平均每個set$8x，覺得這質素對得住它的價錢😂 上菜很快，worth to try! 這間餐廳有很多綠茶甜品，今次時間不夠，下次再來試！

我們下午去了紅葉—一間日本料理餐廳。不算多人排隊，一入去就有座位。餐廳內部裝修跟足日本的模樣，簡潔精緻。我們看了餐牌，點了兩個定食，分別點了煎三文魚扒及牛肉壽喜燒。前菜有南瓜和雜菜，食落都幾fresh👍🏻煎三文魚都幾肥美，中意食魚的朋友食得津津有味。牛肉壽喜燒的湯偏甜，用來撈飯一起吃不錯。不過，我最喜歡都是甜品：抺茶tiramisu及雪糕芭菲，外表精緻，食落啖啖抺茶香在口中，中意抺茶的朋友必食推薦。是一次開心的體驗。

.温泉蛋卡邦尼烏冬 ($74)旺角最近開左個新商場叫T.O.P好多餐廳都未開 呢間係其中一間開左嘅~佢個卡邦尼醬汁好creamy (多到近乎似湯😂😂)上面仲灑左啲芝士粉 微微食到黑椒味 食哂都認真幾漏烏冬應該喺裡面輕輕輕煮過 索左卡邦尼醬嘅味$74加埋一唔叫抵食 不過唔怕肥唔怕漏嘅朋友就去試下啦😂

近日聽倒旺角開左一個新商場-T.O.P.所以就同男朋友出去行下街😆點知...好多商店同餐廳都未開業😧仲諗住可以搵倒好野食😢但幸好再上多幾層之後就遇上驚喜😂比一間裝潢設計風格好清新的餐廳吸引住好合適情侶同閨蜜喔睇睇門口擺放既餐牌，有好多款式都好吸引特別係甜品🍮所以我地就入左呢間餐廳食晚餐叫住兩個定食先食完主菜再揀甜品1. 海鮮四式茶漬飯 （$99）職員好貼心，主動在送餐時提供教學讓客人可以有教學參考2. 鰻魚滑蛋丼 （$74）我地都好鐘意食呢兩款定食中的前菜👆🏻好好食🙈男朋友唔鐘意食南瓜🎃都吃光光（我問佢地解唔食南瓜都食晒既佢答我...因為呢隻日本南瓜甜甜地佢地整得好食）嗯....係唔係日本南瓜我就唔太清楚了但的確甜甜地好開胃食飽飽終於到揀甜品既時候啦甜品款式太多了...但我地又飽飽地...所以揀左一款甜品🍮開心share自選特製芭菲（$54）軟雪糕，雪糕，醬汁，兩款配料都係自選喔（但我太失職了....唔記得影一影有什麼配料選擇）總括來說，呢間餐廳食物味道100分環境舒服😌好合適傾計談心甜品🍮款式多多又精緻讚！