紅葉茶屋 (T.O.P This is Our Place) (已結業)

同朋友行街咁岩經過，見到平民價錢嘅日本料理，餐廳內環境舒適，所以決定入去一試。我地叫左個牛肉壽喜燒定食及鹽燒鯖魚定食, 食物一般,不過不失咁啦~反而佢個配菜南瓜沙律幾好食, 而個湯同定食唔係好夾, 蔬菜湯勁重胡椒味同埋小辣。係餐牌上見到七彩玉白玉好靚, 朋友都好鐘意食丸子類嘅食物, 所以叫左一份試, 等左差唔多10分鐘終於見到侍應為我地送上七彩白玉一試便知中伏了, 可一不可再 蒟蒻唔知點解會入口即融, 白玉完全無口感又無味, 好似煮左好耐咁。

見個商場新開就諗住去搵間野試下🙈開下齋...第一次黎見到咁多日本餐館當然要搵間入去試下見到呢間有我最喜歡既烏冬就入左去🤘🏾🤘🏾坐底左見到有幾個湯底都好似幾好味🤩不過啲好味既湯底一係有牛一係就係拉麵一心諗住問下有無得轉烏冬點之無唯由三選一😶咁岩選左個芝士雞肉忌廉番茄湯烏冬🤭一心諗住有番茄湯應該好難吾好食😳不過可惜一黎到見到結塌塌咁😨原來吾係湯係漿仲要食每一啖都勁濃芝士味原來係無蕃茄湯既果味就知中咗伏😵仲要係勁大嘅伏食每啖都勁嗅🤮諗住吾好浪費食左佢但真係太濃陣味又一(Pat pat)咁🤢食左三啖就成碗食吾落🥴—————————————————諗住叫第二碗比多次機會佢就叫左碗蜆肉湯烏冬十分鐘又到左見佢今次個湯清清地應該冇乜嘢點知個湯同本身(面試)湯冇分別🤑真係omg仲要無蜆肉味🤢再試下啲蜆肉點知10隻有八隻都係有沙🤮真係心裡頂左一聲😓—————————————————不過無可否認個烏冬係好好食而且好彈牙，好堅硬呢個係唯一好食既一點😯

呢間裝修簡單， 光光猛猛嘅日本料理， 門外餐牌睇落去啲價錢都幾抵但係就唔知道質素如何，但都可以一試。去到餐牌一般定食都係幾十蚊，非常抵，晚餐都係呢個價錢我哋叫咗牛肉定食同埋豚肉定食 定食包麵豉湯同埋前菜，份量都算幾多! 牛肉定食都唔錯，都幾多牛肉，不過味道其實同吉野家差唔多 不過配菜都有啲豆腐同菜算係咁豚肉定食都ok，但係都唔算有咩任何特別。食物質素普普通通， 算係唔錯呢個價錢嚟講我覺得已經幾好! 如果想喺旺角平食，都不失為一個好選擇

今日去左新商場TOP入面揀左間野食，系系旺中旁邊商場。2點左右黎到，等1至2張枱。溫泉蛋卡邦尼烏冬$74，好足料，聞落個味怪怪地，好似好creamy 味道唔夠濃。特盛黑麻油拉麵$84味精湯拉麵，湯底咸左少少，但係溏心蛋好食，拉麵🍜軟硬適中，唔會好林，或者好硬。炸雞🍗$49有4夠炸雞🍗雞肉都嫩既，炸粉有少少厚。凍牛奶抹茶🍵$34好濃厚既抹茶味。凍柚子茶 $24☹️無套餐（野食連飲品），無下午茶。🙂環境好舒服

聖誕去完旅行返到香港一到星期五梗係要約朋友食飯啦之前經過見到呢間好多人排隊所以就決定做朋友黎試一試因為依家不設訂位所以未夠七點鐘我哋就已經嚟到但係都已經坐左七成滿嘅人今次我哋叫咗牛肉壽喜燒定食燒鯖魚定食每個定食仲包左一個湯同兩款小食小食包括係野菜同埋甜甜嘅南瓜🎃湯係蔬菜湯而唔係麵豉湯不過味道就淡左啲而且飲得出係胡椒粉味朋友話壽喜燒味道其實唔錯不過牛肉就稍為韌左少少因為去聖誕旅行嘅時候食得比較多所以諗住揀啲清淡少少嘅食物鯖魚就最好不過啦而且魚皮燒得幾脆卜卜而且一條骨都冇相當之唔錯本來諗住減肥食少啲但最後見到佢哋嘅甜品好吸引就忍唔住每人叫咗一個抹茶🍵芭菲其實兩個大致上係相同不過一個表面林左朱古力另一個自己諗淋上焦糖抹茶雪糕嘅抹茶味雖然唔夠濃但係都有淡淡的抹茶味道朱古力味嘅入面仲有兩粒軟心朱古力咬落去有啲煙韌，但入口即溶再加上甜甜嘅紅豆蓉中層有脆脆粟米片，銅鑼燒最底層有抹茶啫喱朋友嗰個仲有mochi本來定食嘅份量對男仔來講可能有啲少對女仔來講就啱啱好但係再加上甜品之後真係食得非常滿足我哋減肥計劃又要失敗啦🙈🙈PS.想試嘅朋友記得早啲去因為好多人排隊靈芝+1服務費

午後到了旺角取貨，取貨後想吃個輕便的下午茶，找了數個選擇，最後挑了紅葉茶屋。雖然位處旺角，但是這裡平日不算太多人，坐下談天非常合適。選這裡是為了試它的抹茶Tiramisu($49)。Tiramisu 以木盒盛起，表面有一層綠綠的抹茶粉。最特別的是它的芝士層是流心的，液態的芝士每一木匙也有濃厚的芝士味，很滑溜。吃到最底層還有抹茶蛋糕，有抹茶的清澀味。作為甜品下午茶，感覺性價比一般，不過要找地方於鬧市中坐坐，這裡很不錯。

「紅葉茶屋」是一間和式茶館，同時供應一系列和式美食。餐廳內部設計簡約，在牆上擺放了少量裝飾品以提升和式風味。 午市的定食有十餘款，定價由 $74 至 $94 不等，咖啡茶需額外付費追加。 小編要了一份「香辣燒牛肉定食」，前菜以兩個小杯盛載，賣相小巧。菠菜杯內含芥末，初嚐予人新鮮感。豆干 (?) 杯豆香出眾，比預期可口。 主食「香辣燒牛肉」以少量沙律菜相伴，油量略高。牛肉用上肥牛薄片的款式，牛味一如預期穩打穩扎，並以適度辣汁豐富味道。 追加 $8 要了一杯「意大利泡沬咖啡」，奶泡薄身不夠細滑，評價一般。平日在西餐廳喝咖啡，多伴以曲奇小蛋糕等小點。今次相伴的是數粒「小石頭」，細味下確認是朱古力，造型幾可亂真。 整體而言，「紅葉茶屋」的用餐環境悠閒舒適，定食飯餐賣相不俗，水準合格。作為一間茶屋，各式茶品顯然是餐廳的招牌貨，倘若在定食當中能加入此選項，感覺定必更美滿。

旺角有個新商場叫T.O.P. 位置係喺旺中附近，之前行過幾次經過一間叫做紅葉茶屋嘅日本餐廳今日終於有機會試吓。睇睇個Menu有好多唔同類型嘅定食吉列蠔呀吉列豬扒牛肉啊炸雞啊燒魚定食等等。除咗定食之外仲有烏冬啊刺身茶漬飯。今次我試咗一個吉列豬扒定食呢個定食除咗吉列豬扒之外仲配左少少沙律一個湯仲有兩份小食。豬排啱啱炸好個皮好鬆脆味道都唔錯碗菜湯幾好飲，至於小食就普普通通。我哋仲叫咗個海鮮四色茶漬飯，魚生個樣個樣睇落幾新鮮，下次一定要試吓加$8仲有一杯鮮奶咖啡我覺得呢間餐廳價錢幾合理食物質素有返咁上下值得一試！

從前的旺角中心第二期，最近重新裝修，打造成一座年輕人商場，彌敦道700 T.O.P 今日相約好友在旺角午膳，中午繁忙時段，想找一個地方閒聊，這裡確是一個好選擇。中午一點幾到來，唔算太多食客，朋友早到，也找到卡位坐下，感覺舒服。午市時段，飲品優惠。定食是不包括飲品，套餐加:+$8 熱咖啡或熱柚子，+$10 冰咖啡或冰柚子。那誘人的綠茶系列照餐牌減$10 甜品相片賣相，十分吸引。打開餐牌，定食多選擇。楓葉標誌是招牌產品，也有拉麵、烏冬餐，還有無肉餐單，照顧周到。甜品多選擇。豚肉生薑燒定食$79~看見這是楓葉🍁標誌餐點，決定試試，餐湯太鹹，前菜更鹹。主菜帶點點的生菜，去除油膩的感覺，豚肉帶有陣陣生薑味很吸引，另外碟的右下角還附上點點生薑，㕑師很細心，整體嘅味道確實唔錯，奈何太鹹，將鹹度删減半就更理想。吉列豬排丼$74~這個也是食店的招牌菜，筆者和朋友都覺得味道是可以的，但鹹度應減少。葱是分開上。另外包括兩個前菜。那個小小的豆品前菜，豆味很香，但唯獨是過鹹。牛奶抹茶$19~跟餐價一端上檯面，賣相相當吸引，旁邊伴著楓葉碟仔上的石仔很趣緻，原來是朱古力，那三粒石仔朱古力很精巧，唔算太甜，筆者大

相信好多人都知道旺中隔離開左個新商場叫做T.O.P This is our place上次係呢度食過地牢既大力水手炸雞今次就講下呢間日式輕食 紅葉🍁茶屋吉列豬扒滑蛋丼 $74淨係望望個雞蛋🐣都覺得好吸引下面放左一塊切好既厚切吉豬兩樣加埋飯食，十分好送飯🤣真係三兩下就食哂成碗飯跟餐既係蘿蔔清湯，中和返主食既重口味食完一啲膩既感覺都無👍🏻👍🏻配埋日式配菜同湯，感覺十分完滿仲有呢個牛肉鍋都好正🤩🤩下次係旺角，諗唔到食咩，就再食佢😍好味指數：

旺角番新商廈T.O.P. This is the place 有好多食肆，日式、西式、馬拉式....各式其適。我們選擇了位於3樓的一間日式茶寮，喜歡那裏有簡單明淨嘅格局。午市套餐選擇非常多，有各式各樣嘅定食，壽喜燒、烏冬、拉麵......而且價錢唔算貴，每人$100都有找。每款套餐賣相都唔錯，除了主菜外，還有少少配菜跟埋，齋望已能令你食慾大增，食落味道都算唔錯，上菜速度亦很快。咁嘅價錢，咁嘅環境，咁嘅味道，值得再嚟光顧。

約了好朋友吃午餐，難得見面，希望找一間地點方便，又坐得舒舒服服的地方，可以輕鬆一下，傾下計！決定左去TOP This is Our Place，因為就是地鐵站旁邊！一路坐escalator上去，第一間見到的就係紅葉茶屋！而裝修係我們好like的日式style，仲有舒服的沙發卡位，就入去試下啦！一打開menu就見到夾住教人享用茶漬飯的方法！一飯二食，幾適合我們咩都想試下的性格！午餐的大方向就已經決定左啦！再仔細睇下，其實都有不少選擇的！上枱好靚呀！配合埋個環境，真係好悠閒，好relax，好適合我們慢慢傾！我叫左火炙刺身三文魚茶漬飯！魚生都尚算新鮮，茶漬飯就係比較清淡的口味！好朋友叫左海鮮四色茶漬飯！午餐叫飲品可減$10，我們叫左黑蜜牛奶拌茶同培煎茶！幾好飲喎！賣相都靚靚！飲品都幾多選擇的！

痴住旺中嘅新商場top入面都開咗幾多新食店最後揀咗呢間紅葉茶館因為貪佢唔使點等位 (星期六晚七點幾唔使等位喎 雖然都驚伏架喇不過見唔係太貴就試下啦)而且夠光猛 望落又好似好闊落下唔使等位真好仲有梳化位坐☺️叫咗牛肉壽喜燒定食同燒三文魚定食Sukiyaki 個湯底幾好不過d牛肉就鞋咗d 好似煮耐咗同無乜味反而d配菜 菇同豆腐同洋蔥就入晒味三文魚好大舊 無over-cooked 唔鞋同無煎到乾晒身兼有魚味同埋個醬好惹味跟set 有湯同前菜三文魚set仲有個小小的沙律想講嘅係以上嘅味道全部都似曾相識同另一間抹茶館係一樣架喎其實🤔Anyway 坐得幾舒服 起碼無人趕不過份量較少男仔未必夠食唔想等位嘅話都可以試下

其實紅葉茶屋已經食過好幾次，每次約咗人係旺角又諗唔到食咩就會食茶屋，貪佢食物質素有保証又坐得舒服，價錢唔貴，食完仲可以行下個新商場。今次早去到，唔洗點等就有得入去，仲有得坐沙發位。今次叫咗兩個定食。一個係牛肉壽喜燒定食, 叧一個係鹽燒鯖魚定食。牛肉壽喜燒定食不錯，而個鹽燒鯖魚定食值得一讃, 因為本身自己驚食有骨既魚，但都食到呢個，仲要條魚燒得好香。上次係茶屋食, 朋友叫咗個烏冬, 結果一般般，所以如果想係呢度食main course，會推介食佢地既定食。 

呢日朋友約我食呢間旺角新商場入面既日式餐廳地點都幾易搵因為佢就喺正電梯口我地約星期六既兩點鐘都唔洗點等位餐牌選擇都多有日式拉麵、定食、鍋物仲有意粉呢類洋食添我就嗌左個卡邦尼烏冬朋友就叫左個牛肉壽喜燒卡邦尼烏冬既份量就細左d食完都冇咩飽肚感雖然本身卡邦尼已經偏「漏」但都係好似食左陣風咁...至於朋友叫既壽喜燒有d失望佢唔係連埋個爐一齊上一直以為佢係好似和民d鍋物咁可以滾住食味道方面都只可以用不過不失黎形容食到一半想叫店員加水但可能我地坐喺餐廳最後既位置啦基本上d店員完全冇行過過黎好就好在唔多人食所以都幾啱傾偈既